Luka 15

Aker ollo Olito 'to

(Mat 18:12-14)

1 # Luk 5:29-30 Nyia obo oloŋ, ofuonni nyia eddudduhak musuru iko eyyak jio Yesu itayiriere jihonyi. 2Ottoi Farisei iko ettiyanak ifahita iŋuŋunita jiojio, “Ifuotutta atulo alia eyyak buo fe oŋiyotio ikosi!” 3Tania, ette Yesu iramani jihosi etarriamai ana: 4“Alla awon obo alatai iko akioro esiha abotie (100) buo obo abotie ette ilitohina, obeŋ 'tadi inyi idiaharu huna atomuana hottoŋuan hohottoŋuan ihidiofo, ette leten ittittifiaru olobotie linyia olito 'to many onyuraniere inyi? 5Ninyia lanyurak inyi, ette inyi iloruno buo omuno. 6Ninyia lafany inyi ihaŋ, iloŋu nyia inyi mottiarak iko onyihari honyi arabotie, ette jiaran jihosi, ‘Hamunoti nyio, anyurak ni aker hoŋ linyia olito 'to!’ 7Ihuo nyia buo fe eramak ni itai, obolo adi amuno idou, te eyyani abotie ollo obusak 'to eyyata honyi agalik amuno ta abisak atomuana hottoŋuan hohottoŋuan hulle igigiloi 'to jio obeŋi eyyata jihosi ibusaniere.

Arobiya ollo Olito 'to

8“Kuyya alla awon obo aŋotte iko arobiyaa 'tomon, buo ette italitohina arobiya abotie, ihan 'tadi inyi anyio? Itawulohi adi inyi allomo, ette ifie aaji buo ihum ittifia many onyuraniere inyi? 9Ninyia lanyurak inyi arobiya lia, iloŋu nyia inyi mottiarak iko onyihari honyi arabotie, ette jiaran jihosi, ‘Hamunoti, nyio, anyurak ni arobiya loduo etalitohi ni!’ 10Ihuo nyia buo fe, eramak ni itai, omunoi adi ajilohien Hollum te eyyani abotie elle iha 'to eyyata honyi.”

Lonyi ollo Olito 'to

11Attati Yesu jiaran, “Owon nyia obo atulo iko lonyirok honyi arrihai, 12ette ollo odiha 'to jiaran jio monyonyi jiojio, ‘Baba obuanyak ani erre hoŋ.’ Buo monyosi ette ibibuanyana jihosi asaŋ honyi 'daŋ. 13Ihalu omuk oŋitek kai, itinyiaŋak lonyi ollo odiha 'to asaŋ honyi 'daŋ, ette leten jio obo afau anna alama, ette ittarrohojana agurusi honyi 'daŋ ta amanya onno orroho 'to. 14Ninyia latuhok inyi asaŋ honyi 'daŋ, attati ahure onno obolo ittuna jio afau ania ette inyi ilociaŋ. 15Attati inyi leten igiama iko obo atulo olo afau ania, linyia ifak 'to inyi itua mana honyi iyyahatiere abataha. 16Adaya nyia inyi iŋiyere abehenyita modoro hunyia oŋiye abataha, ati obeŋ nyia tulo isio inyi obo ariŋ. 17Ninyia afuonni ofioro ihou honyi, ette inyi jiaran, ‘Omukajia egiamak monyoŋ hullo oŋiye 'to aŋiyo bai many ofitoro, buo nani ahure dini ettoho! 18Adioto adi ni, ette ni leten jio monyoŋ, ette ni jiaran jihonyi, “Baba, eyyau ni ihosiere Hollum buo fe ihosiere hoi. 19Abeŋ ni enyiak isiruna irari olonyi hoi, ijiara ani ara ihuo obo egiamani hoi.” ’ 20Tania, odioto inyi ette leten jio monyonyi.

“Ninyia halama inyi, igonyuni nyia monyonyi inyi, ette imehino jihonyi, ette iŋioron, ette imosouna inyi, ette ifony inyi ta ahucio 'yaha. 21Attati lonyi honyi jiaran jihonyi, ‘Baba, eyyau ni ihosiere Hollum iko ihosiere hoi, abeŋ ni enyiak isiruna irari alonyi hoi.’ 22Ati ojio nyia monye jio egiamak honyi, ‘Oruhuniete! Iyaŋuniete aboŋo enne ilaman 'to bebe, itiyyafana inyi; itiyyafana buo fe abilata ihafialai buo amuha ihejek honyi. 23Orihuniete atawwo linyia itafiri, ocuhoto inyi, haŋiyete, buo fe hamunoti, 24nyio aye nyia lonyi hoŋ olo, ihuania inyiak inyi isu. Olitohi nyia inyi, buo ihuania arumanio inyi.’ Ania, ette isi itterio amuno.

25“Ta asaa ania, owon nyia lonyi honyi ahouti imana. Ninyia acohuno inyi many iger haŋ, itayiru nyia inyi edolo iko efufuoho. 26Ette inyi iloŋuna obo egiamani, ette ifiyo inyi jio, ‘Jai! Owon anyio diya?’ 27Itarraŋ nyia inyi ojio, ‘Attu illahoi, ania, acuk monyohoi atawwo linyia itafiri; nyio ifuotu inyi illahoi ollo oyyu.’

28“Tania, iloŋojita leto ahouti alia bebe, ette ihara ajiŋana attua haŋ. Ania, ette monyonyi ijiŋuna, ette ittana jio ijiara inyi hotojiŋai attua. 29Buo inyi ette itarraŋ monyonyi ojio, ‘Imijie, egiama ni jihoi aŋasi hunia 'daŋ buo fe abeŋ amesio efahita hoi, ati ibeŋ iyye ani isio obo ariŋ ara duadi bu elloti alla aŋot ni imunori iko mottiarak hoŋ. 30Ati noduo lacohuno lonyi hoi alia, elle ittarrohojak 'to erre hoi 'daŋ jio asomok, buo iyye itte icuhonia inyi atawwo linyia itafiri!’ 31Itarraŋ nyia monyonyi ojio, ‘Lonyi hoŋ, idulo iyye itoŋo ikoŋ, arai buo fe asaŋ hoŋ 'daŋ ahunohoi. 32Ati osiru jihohoi imunori; nyio aye nyia illahoi alia, ati ihuania inyiak inyi isu; olitohi nyia inyi, buo ihuania arumanio inyi.’ ”

Currently Selected:

Luka 15: EA2003

Highlight

Copy