Gwøg 1
1
1 #
Lk 1.1-4
Yïn ɑ Thyøpiløs,
Kì yij wɑ̈nyø men-ɑ ɑ́kwøng yi yɑn ki gwedø, møg-ɑ ɑ́kømmi yi yɑn bɑ møg-ɑ ɑ́gwøg yi Yëso geki møg-ɑ ɑ́pwönyi yi en bënn, 2cɑg kì tyeli mɑl gïti cyɑ̈ng-ɑ ɑ́kïdhii mɑl. De kì bøli kenyɑni, tyëngwöödø møg-ɑ ɑ́yieny yi en rumø cegø yi en kì ri Wëykwërø. 3Kì bɑng kɑ ɑ́thøwe, ree nyi nyudhe’ gïn, e onëënø, kì ri ngïjjì mø ngenyø, o kì yethi cyɑ̈ng pyɑ̈r ɑ́ngwen ɑ́bëëd e nyii cwöbø kì bøli gen, e kømm-ɑ kwøbbi Pödhi Jwøk. 4#Lk 24.49 O kɑ̈ng-ɑ ɑ́bëëde ki gïn, gï ɑ́cege kinni, “Wu ko dhwödh kì Yerusɑlem, de yïd wun møg-ɑ ɑ́kwøb yi Wïy kinni ómuuje; o møgɑni ɑ́lïngi yi wun kì yïɑ. 5#Mt 3.11; Mk 1.8; Lk 3.16; Jn 1.33 Ji ɑ́jwɑ̈ɑ̈g yi Jøn kɑ pï kidyër, de kì bɑng cyɑ̈ng mø nøg, ji ójwɑ̈ɑ̈g yi wun kɑ Wëykwërø.”
Kïdhi Yëso Mɑl
(Mk 16.19-20; Lk 24.50-53)
6Kɑ kì bɑng kɑ ɑ́cugi gen, ɑpyëj ge gøn kinni, “Wuö, men bɑ bøli keny-ɑ ódöggí lɑwø tyëng Isrɑil?”
7Kɑ gï köbbe kinni, “Kɑ̈gi piny, kí bøli keny-ɑ gwøøg jɑmmì bënn ying-ɑ cingi Wïy, ge pɑ dwɑddi kinni o ge bëëd ge ngɑ̈nyi yi wun. 8#Mt 28.19; Mk 16.15; Lk 24.47-48 De wu óyïddi ki tegø keny-ɑ óbëën Wëykwërø kömi wun; o wu óbëëd wu bɑ cwɑ̈ggɑ kì Yerusɑlem, kí Yeudiyɑ̀ bëne, kí Sɑmɑriyɑ̀ gïti wɑ̈thi tùngi piny.” 9#Mk 16.19; Lk 24.50-51 Kɑ ɑ́rume kwøbi møgɑni, ge nudd ge nenn-ɑ yïe, ɑtïngii mɑl, kɑ gëng yi pøølø.
10Ge ɑ́nudd ge nenn-ɑ mɑl, kun-ɑ ɑ́kedhe; ɑcwöb jøg ɑ́ryew mø ri gen di ógudh mø tɑr ge ócungø kì buti gen, 11kɑ ge köbbi yi jøgɑni ryeet kinni, “Wun ɑ jø Gɑlelì, wude ɑ nudd wu nenn-ɑ mɑl? Yëso, en ɑ ngɑn-ɑ ɑ́kɑ̈l kì kelli wun, e kïdh-ɑ mɑl, ódwöög ni kɑ ɑ́lidhii yi wun, e kedh-ɑ mɑl.”
Ngɑn-ɑ Ácïb Kej Yeudɑ̀
(Mt 27.3-10)
12Codhe, ɑdøøg gen Yerusɑlem, ge kɑ̈ɑ̈l-ɑ wïj Kïti Dhetun. Kïnɑni cyɑ̈gi ki Yerusɑlem ki kïlomïtïr ɑ́kyel. 13#Mt 10.2-4; Mk 3.16-19; Lk 6.14-16 Keny-ɑ ɑ́wɑ̈dhi gen kɑɑl, ɑpödhi gen ød mɑl keny-ɑ nyi bëëd yi gen; jøgɑni bɑ Pïtør kí Jøn, kí Yɑgob kí Andrø, kí Pïlïp kí Tömɑs, kí Bɑrthølømɑøs, kí Mɑthyëw, kí Yɑgob wɑ̈d Alpɑ̀, kí Sɑymøn Lunø, kí Yeudɑ̀ wɑ̈d Yɑgob. 14Ge ɑ́bëëd ge kwɑjj-ɑ Jwøk kì kej ɑ́kyel, geki tyëng-ɑ mɑ̈nn, kí Meerì meyi Yëso geki nyiimï Yëso yɑɑg-ɑ cwøw.
15Yethi cyɑ̈nggɑni ɑ ɑ́löggi Pïtør kì bøli nyiimëëg, e kwɑnni gen wɑ̈dh-ɑ ri miyø kí pyɑ̈r ɑ́ryew. Kɑ okööbø kinni, 16“Nyiimïɑ, møg-ɑ ying yij wɑ̈nyi kwërø ɑ́bëëd gɑ møg pɑ̈dhi kɑ̈jji gen ceth; gen ɑ møg-ɑ ɑ́mɑ̈ɑ̈g ki kwøbø yi Wëykwërø ki dhøg Debïd, e kømm-ɑ Yeudɑ̀, ngɑn-ɑ ɑ́pej tyëng-ɑ ɑ́mɑg Yëso. 17Ábëëd ɑ́ dhɑnhø ɑ́kyel kì kellee, kɑ thödhi ki keje kì ri gwøg men.”
18 #
Mt 27.3-8
(Ngyënyy-ɑ ɑ́køøg Yeudɑ̀ kipe gïnrɑj men-ɑ ɑ́gwøge, ge ɑ́ngëëw ki pwödhø kì keny-ɑ́ yije ɑ́pɑ̈dhe kɑ othøø, kɑ yije ópyëdø, kɑ cïnne røy-ɑ piny. 19Kɑ kwøbbɑni lïngi yi ji-ɑ bëëdø kì Yerusɑlem bënn, kɑ pwönhɑni cɑg ɑ́ Akeldɑmɑ̀ ki dhø gen; ɑ wɑngi “Pwödhi Remø.”)
20 #
Wör 69.25; 109.8 “Wɑ̈nyi Wör okööbø kinni,
‘Wiy gøle döng e lïïwø,
o bongii dhɑnhø me bëëdø kì yije.’
Bɑ ɑgwed thyew kinni,
‘Wiy gwøge kwɑny yi ngɑn megø.’
21“Wɑ ceg-ɑ kɑ̈bbø ki nget ɑ́kyel me bï kömee, kì kelli tyëng-ɑ ɑ́cyɑ̈dhi ki wɑ keny-ɑ ɑ́nud Wë Yëso kì kellee, 22#Mt 3.16; Mk 1.9; 16.19; Lk 3.21; 24.51 cɑg kì ri keny-ɑ ɑ́jwɑ̈ɑ̈g ji yi Jøn, gïti kɑ ɑ́kïdhii mɑl. O ngɑnɑni ókɑ̈lle kwøbbi dhwönhi Wë kì yij thøø kyeel ki wɑ.” 23Akɑ̈ɑ̈l gen jøg ɑ́ryew. Jɑl ɑ́kyel bɑ Yosep ɑ cwøl ɑ́ Bɑrsɑbɑ̀, ɑ dhømmi ɑ́ Yostøs, o jɑl-ɑ kyeelø bɑ Mɑtiyɑs. 24Akwɑ̈jji gen kinni, “Wuö, pëthi ji bënn ngɑ̈nyi yi yïn, nyudhí wøn ngɑn-ɑ ɑ́yieny yi yïn kì kelli jøg ryeet, 25ɑ́ men-ɑ ógöögø jɑlwöödø kì kej Yeudɑ̀, ngɑn-ɑ ɑ́kedhi keny-ɑ bɑ keje.” 26Kɑ ge olëngø ki wél, kɑ wél pɑ̈dhi kɑ Mɑtiyɑs, ɑ rëbe ki tyëngwöödø gɑ pyɑ̈rø wïdɑ́kyel.
Currently Selected:
Gwøg 1: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
