Gwøg THYËRØ
THYËRØ
Gwøøg Tyëngwöödø tyëg-ɑ møg-ɑ ɑ́cɑg yi Wöndøj men-ɑ ɑ́gwed yi Luk. Møg-ɑ per gen teg kööb ɑ ri jøbɑng Yëso møg-ɑ ɑ́cyɑ̈dhi ki en kì tyeli mɑl, kì ri tegi Wëykwërø. “Wöndøj ɑ́pwönyi yi gen kì Yerusɑlem, kí Yeudiyɑ̀ bëne, kí Sɑmɑriyɑ̀ gïti wɑ̈thi tùngi piny.” (1.8) Bɑ wɑ́ji yïëyi Yëso ni kɑ ɑ́cɑ̈ge kì kelli Yeud gïti kɑ ɑ́gööge ɑ́ yïëyø mi kömi piny bëne. Luk dwɑdd-ɑ nyudhi tyëng-ɑ rɑng wɑ̈nye kinni tyëng-ɑ ɑ́yïëy Yëso yï gen bɑ̈r ki kwøbbi jɑɑgi Römɑ̀, o yïëyi Yëso bɑ ree ɑ cöög yi kwøbbi Jwøk kì yï Yeud.
Gwøøg tyëngwöödø ócuggø pɑ̈ngø ɑ́ bud ɑ́dɑ̈g mø døngø, ge nyodh-ɑ kër-ɑ ɑ́lɑ̈nyi piny-ɑ́ yije ɑ́pwönyi wöndøj mi Yëso geki cɑ̈gi Kɑnïsɑ̀. (1) Cɑ̈gi yïëyi Yëso kì Yerusɑlem kì bɑng kedhe mɑl. (2) Tɑyi yïëyi Yëso kì kɑ̈jj-ɑ kyeelø kì Pelistin. (3) Døngi kɑ̈jj-ɑ ɑ́tɑɑy yi yïëyø kì kömi Nɑɑm Omeli Tɑr gïti Römɑ̀.
Gïn-ɑ pere teg kì yij Wɑ̈nyi Gwøøg Tyëngwöödø bɑ gwøøg Wëykwërø ɑ ɑ́bï kömi tyëngwöödø ki tegø, kì Yerusɑlem kì bɑng cyɑ̈ng pyɑ̈r ɑ́bïj kɑ ɑ́rum Yëso ki kedhi mɑl. Kɑ Wëykwërø pëgg-ɑ be pyejji Kɑnïsɑ̀ geki pëjje kì ri møg-ɑ ógwedø bënn kì yij wɑ̈nyø men. Wöön-ɑ ɑ́muuj tyëng-ɑ ɑ́kwöngi ki yïëyø bɑ ɑlwøb kì yij wɑ̈nyø men, e nyoodh-ɑ tegi per wöönɑni kì yij bëëdi tyëng-ɑ ɑ́yïëy, kí nywɑ̈ɑ̈g Kɑnïsɑ̀.
Møg-ɑ Tyëmø
Gwiri tyëng-ɑ ókɑ̈lli wöödø 1.1-26
Møg-ɑ ɑ́ceg yi Yëso kì cyɑ̈n, kí møg-ɑ ɑ́kwøbe kinni gï ógwøge 1.1-14
Kwɑnyi kej Yeudɑ̀ 1.15-26
Töngi wöödø kì Yerusɑlem 2.1–8.3
Töngi wöödø kì Yeudiyɑ̀ geki Sɑmɑriyɑ̀ 8.4–12.25
Pwönyi Pøøl 13.1–28.31
Kyeel weel pwönyø 13.1–14.28
Buri Yerusɑlem 15.1-35
Ryeew weel pwönyø 15.36–18.22
Dɑ̈ɑ̈g weel pwönyø 18.23–21.16
Bëëdi Pøøl ɑ́ ɑmɑg kì Yerusɑlem, kí Kɑysɑriyɑ̀, kí Römɑ̀ 21.17–28.31
Currently Selected:
Gwøg THYËRØ: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.