Лука 10
10
ЯПШӀЭНЭРЭШЪХЬ
Игъогу рыкӀорэ нэбгырэ тӀокӀищырэ пшӀырэ Тхьэм фэлэжьэнхэу Исус зэрэдигъэкӀыгъэхэр
1Ащ нэужым нэбгырэ тӀокӀищырэ пшӀырэ ыгъэнафи, тыдрэ къали тыдрэ чӀыпӀи ежь зыдэкӀон фаем ыпэ рапшӀэ тӀурытӀоу Зиусхьаным ыгъэкӀуагъэх. 2Моущтэу ариӀуагъ: – Лэжьыгъэр бэ, ау лэжьакӀохэр макӀэх. Арышъ, лэжьыгъэр зием шъуелъэӀу, лэжьыгъэр къахыжьыным пае лэжьакӀохэр къыгъэкӀонхэу. 3ШъукӀу! Шъынэхэм шъуафэдэу тыгъужъхэм шъуахэсэгъахьэ. 4Ахъщалъи, Ӏалъмэкъи, цуакъи зыдэшъумышт. Гъогум зыми шӀуфэс щешъумых.
5– ХьакӀэу унэ горэм шъузихьэкӀэ, ыпэ рапшӀэу, «Гупсэф шъогъот апщи» шъуӀуи, шӀуфэс яшъух. 6А гупсэфыр зифэшъошэ цӀыф а унэм исмэ, Тхьэм гупсэф ащ къыритыщт. Имысмэ, гупсэфыр шъо къышъуфэкӀожьыщт. 7Нэгуихыгъэу къызщышъупэгъокӀыгъэхэ унэм шъукъини, къышъуатырэри шъушхы, къышъуфырагъахъорэми шъуешъу, сыда пӀомэ, лэжьакӀом илэжьапкӀэ ыгъотыныр ифэшъуаш. Бысымыр шъухъожьэу, зы унэм шъуикӀыжьэу, нэмыкӀ цӀыфым иунэ шъуимыхь.
8– Къалэ горэм шъудахьэу шъузырагъэблагъэкӀэ, ащ къыщышъуатырэр шъушхы. 9Сымаджэхэр ащ щыжъугъэхъужьых, моущтэуи яшъуӀу: «Тхьэм и Тетыгъошхо къышъуфэблэгъагъ». 10Ау къалэ горэм шъудахьэу, шъущырамыгъэблагъэмэ, иурамхэм шъуатехьи, моущтэу шъуӀо: 11«Шъуикъалэ исапэу тэ тлъакъохэм ателъыр атетэутхыпкӀыкӀы, ауми зэжъугъашӀэ Тхьэм и Тетыгъошхо къызэрэблэгъагъэр». 12Сэ шъосэӀо, ахърэт мафэм а къалэм къинэу ыщэчыщтым нахьи, къалэу Содом#10:12 Содом – Хы ЛӀагъэм иӀушъо Ӏутыгъ. Къалэу Содом дэсхэм ябзэджагъэ пае, Тхьэм ар машӀокӀэ ыгъэкӀодыгъагъ. Еплъ Пегъымбар Мусэ апэрэ тхылъэу ытхыгъэм (УблапӀэм) 19:24-28. къинэу ыщэчыщтыр нахь мэкӀэщт.
Гъогу мыгъо утеуцуагъ, Хоразин къал!
Гъогу мыгъо утеуцугъ, Бет-Сайдэ къал!
(Маттэ 11:20-24)
13– Гъогу мыгъо утеуцуагъ, къалэу Хоразин! Гъогу мыгъо утеуцуагъ, къалэу Бет-Сайдэ! Сыда пӀомэ, шъуадэжь щысшӀэгъэ Ӏофышхо гъэшӀэгъонхэр къалэхэу Тиррэ Сидонрэ ащысшӀэгъагъэхэмэ, бэшӀагъэу шъыгъоныгъэ щыгъын ащыгъэу, анэгухэр яжьэкӀэ цӀэлагъэхэу япсэкӀодшӀагъэхэм афыкӀэгъожьыщтыгъэх. 14Ау ахърэт мафэм шъо къинэу шъущэчыщтым нахьи, Тиррэ Сидонрэ къинэу ащэчыщтыр нахь мэкӀэщт. 15О Капернаум, уашъом зыпӀэтынэу узыщэгугъужьа? Хьау, джэхьнэмым икуупӀэ нэсыфэ упхырызыщт нахь. #10:15 О Капернаум,… упхырызыщт нахь – еплъ Пегъымбар Ешайа тхылъэу ытхыгъэм 14:13,15.
16– Шъо къышъодэӀурэр, сэри къысэдэӀу. Шъо шъузымыдэрэм сэри сидэрэп, сэ сызымыдэрэми сыкъэзгъэкӀуагъэри ыдэрэп.
Исус игъогу рыкӀорэ нэбгырэ тӀокӀищырэ пшӀырэм къызэрагъэзэжьыгъэр
17Исус игъогу рыкӀорэ нэбгырэ тӀокӀищырэ пшӀырэмэ гушӀуагъокӀэ къагъэзэжьи, аӀуагъ: – Зиусхьан, о пцӀэ къызытӀокӀэ, джынапцӀэхэри тӀэмычӀэ илъ мэхъух.
18– Шъыпкъэ, пчыкӀэм фэдэу шэйтаныр уашъом къефэхэу слъэгъугъэ, – ариӀуагъ Исус. 19– Блэхэми скорпионхэми шъуатеуцонэуи, пыим ыкӀуачӀэ зэкӀэ шъутекӀонэуи тетыгъо шъостыгъ; зыми иягъэ къышъокӀыщтэп. 20Ау джынапцӀэхэр шъуӀэмычӀэ зэрилъхэм пае, шъумыгушӀу, шъуцӀэхэр уашъом итхылъ зэритхэм пае, шъугушӀо нахь.
Исус зэрэгушӀуагъэр
(Маттэ 11:25-27; 13:16-17)
21А сыхьатым Тхьэм ы Псэ ЛъапӀэ инэу къыгъэгушӀоу Исус къыӀуагъ: – Ся Т, уашъоми чӀылъэми я Зиусхьан, мы Ӏофхэр цӀыф акъылышӀу зиӀэхэмрэ зэхэшӀыкӀ зиӀэхэмрэ ашӀоуушъэфыгъэу, сабыйхэм зэрябгъэшӀагъэмкӀэ щытхъу пфэсэшӀы. Ары, ся Т, о ар аущтэу пшӀоигъуагъ.
22ЕтӀанэ Исус игъогу рыкӀохэрэм зафигъази, къыӀуагъ: – Ся Тэ щыӀэ пстэури къысӀэкӀилъхьагъ. Къо лъапӀэр зыфэдэр Ты лъапӀэм нэмыкӀ зыми ышӀэрэп. Ты лъапӀэр зыфэдэри Къо лъапӀэмрэ Къо лъапӀэм ар зэхаригъэшӀыкӀынэу къыхихырэ цӀыфхэмрэ анэмыкӀ зыми ышӀэрэп.
23Исусрэ игъогу рыкӀохэрэмрэ язакъоу къызэнэжьхэм, Исус ахэмэ зафигъази, ариӀуагъ: – Шъо шъунэхэм алъэгъурэр зылъэгъурэ нэхэр гъогу мафэ теуцуагъэх! 24Сыда пӀомэ, сэ шъосэӀо, пегъымбар Ӏаджыми пачъыхьэ Ӏаджыми шъо шъулъэгъурэр алъэгъумэ ашӀоигъуагъ, ау алъэгъугъэп, шъо зэхэшъухырэри зэхахымэ ашӀоигъуагъ, ау зэхахыгъэп.
Самарие хэкум щыщэу гукӀэгъу зыхэлъ цӀыфыр
25Тэурат егъэджэкӀо пащэ горэ къэтэджи, Исус ыгъэунэфыным пае, къыӀуагъ: – Дин гъэсакӀу, мыкӀодыжьын щыӀэныгъэ ӀахьышӀоу згъотыным пае, сыда сшӀэщтыр?
26– Тэурат хабзэм сыда итыр? – риӀожьыгъ Исус. – Сыдэущтэу уеджэра?
27– «ЗэкӀэ о угурэ упсэрэкӀи, зэкӀэ пкӀуачӀэкӀи, зэкӀэ уизэхэшӀыкӀыкӀи Зиусхьанэу уи Тхьэ шӀу лъэгъу, о пшъхьи шӀу зэрэплъэгъурэм фэдэу, уигъунэгъуи шӀу лъэгъу#10:27 ЗэкӀэ о угурэ упсэрэкӀи… шӀу лъэгъу – еплъ Пегъымбар Мусэ ятфэнэрэ тхылъэу ытхыгъэм 6:5; ящэнэрэ тхылъэу ытхыгъэм 19:18.», – къыӀожьыгъ адрэм.
28– Шъыпкъэр къэпӀуагъ, – риӀуагъ Исус а лӀым. – А къэпӀуагъэр гъэцакӀи, мыкӀодыжьын щыӀэныгъэ бгъотыщт.
29Ау Тэурат егъэджэкӀо пащэм зигъэхыенэу фэягъэти, Исус риӀуагъ: – Хэта адэ сэ сигъунэгъур?
30– ЛӀы горэ Ерусалим дэкӀи, Ерихон къалэмкӀэ#10:30 Ерихон къалэр – Ерусалим итемыр тыгъэ къокӀыпӀэ лъэныкъомкӀэ, километрэ 24-кӀэ пэчыжьэу, Иордан псыхъом итыгъэ къохьэпӀэ лъэныкъомкӀэ ит. ехызэ, хъункӀакӀомэ аӀэкӀэфагъ, – къыӀожьыгъ Исус. – ХъункӀакӀомэ ар ахъункӀыгъ, ищыгъынхэри щахыгъ, Ӏаеу еохи, ыпсэ пыт къодыеу къагъани, хэхьажьыгъэх. 31А сыхьат дэдэм дин пащэ горэ а гъогумкӀэ ехынэу хъугъэ. А лӀыр зелъэгъум, гъогум иадрабгъумкӀэ блэкӀыгъ. 32Ащ фэдэу Лэуй лӀакъом#10:32 Лэуй лӀакъом – а лӀакъом щыщ пстэури дин пащэхэу, Тхьэм иунэшхо щылажьэщтыгъэх. Еплъ Пегъымбар Мусэ яплӀэнэрэ тхылъэу ытхыгъэм 3:1-13. щыщэу дин пащэ горэ а чӀыпӀэм нэси, а лӀыр зелъэгъум, гъогум иадрабгъукӀэ блэкӀыгъ. 33Ау Самарие хэкум щыщэу лӀы горэ а гъогум рыкӀозэ, а лӀым дэжь къэсыгъ. Ар зелъэгъум, ыгу егъуи, 34бгъодэхьагъ, иуӀагъэхэм дагъэрэ сэнэпсырэкӀэ яӀази, ыпхыгъэх. ЕтӀани а лӀыр къыӀэти, ежь зытесыгъэ щыдым тырилъхьи, хьакӀэщым нигъэси, ащи щылъыплъагъ. 35ЯтӀонэрэ мафэм динаритӀу ыджыбэ къырихи, хьакӀэщыр зием рити, къыӀуагъ: «О мы лӀым лъыплъи, сыд фэдиз нахьыбэу тебгъэкӀуадэми, къызызгъэзэжькӀэ, остыжьыщт».
36– Джы о зэрэпшӀошӀырэмкӀэ, мы нэбгырищым ащыщэу хъункӀакӀохэм аӀэкӀэфэгъэ лӀым игъунэгъу фэдэу хэта нахьышӀоу дэзекӀуагъэр? – къыпигъэхъожьыгъ Исус.
37– ЛӀэу гукӀэгъу фэзышӀыгъэр ары, – къыӀуагъ Тэурат егъэджэкӀо пащэм. – Ори кӀуи, ащ фэдэ шӀэ, – риӀуагъ Исус.
Мерэмрэ Мартэрэ
38ЕтӀанэ Исусрэ игъогу рыкӀохэрэмрэ ягъогу хагъэкӀыхэзэ, къуаджэ горэм зыдахьэхэм, Мартэ зыцӀэ бзылъфыгъэм иунэ Исус ригъэблэгъагъ. 39А бзылъфыгъэм Мерэм ыцӀэу шыпхъу иӀагъ. А шыпхъур Зиусхьаным игущыӀэхэм ядэӀоу, ылъакъохэм адэжь щысыгъ. 40Ау ыхьэкӀэнхэм пае иӀофхэр Мартэ шӀобаӀо хъугъэ. Арыти, ар Исус къыбгъодахьи, къыриӀуагъ: – Зиусхьан, Ӏофхэр зэкӀэ сизакъоу сшӀэнхэу сшыпхъу сыкъызэригъанэрэр пшӀоемыкӀуба? Ар къыздэӀэпыӀэнэу еӀу!
41– Ей, Март, Март, – риӀожьыгъ Зиусхьаным, – о Ӏоф бащэмэ зябгъэгъэгумэкӀызэ зыогъалӀэ. 42Ау зы ныӀэп уищыкӀагъэр. Мерэм Ӏахь нахьышӀур къыхихыгъ, а ӀахьышӀури ащ Ӏахыжьыщтэп.
Currently Selected:
Лука 10: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Лука 10
10
ЯПШӀЭНЭРЭШЪХЬ
Игъогу рыкӀорэ нэбгырэ тӀокӀищырэ пшӀырэ Тхьэм фэлэжьэнхэу Исус зэрэдигъэкӀыгъэхэр
1Ащ нэужым нэбгырэ тӀокӀищырэ пшӀырэ ыгъэнафи, тыдрэ къали тыдрэ чӀыпӀи ежь зыдэкӀон фаем ыпэ рапшӀэ тӀурытӀоу Зиусхьаным ыгъэкӀуагъэх. 2Моущтэу ариӀуагъ: – Лэжьыгъэр бэ, ау лэжьакӀохэр макӀэх. Арышъ, лэжьыгъэр зием шъуелъэӀу, лэжьыгъэр къахыжьыным пае лэжьакӀохэр къыгъэкӀонхэу. 3ШъукӀу! Шъынэхэм шъуафэдэу тыгъужъхэм шъуахэсэгъахьэ. 4Ахъщалъи, Ӏалъмэкъи, цуакъи зыдэшъумышт. Гъогум зыми шӀуфэс щешъумых.
5– ХьакӀэу унэ горэм шъузихьэкӀэ, ыпэ рапшӀэу, «Гупсэф шъогъот апщи» шъуӀуи, шӀуфэс яшъух. 6А гупсэфыр зифэшъошэ цӀыф а унэм исмэ, Тхьэм гупсэф ащ къыритыщт. Имысмэ, гупсэфыр шъо къышъуфэкӀожьыщт. 7Нэгуихыгъэу къызщышъупэгъокӀыгъэхэ унэм шъукъини, къышъуатырэри шъушхы, къышъуфырагъахъорэми шъуешъу, сыда пӀомэ, лэжьакӀом илэжьапкӀэ ыгъотыныр ифэшъуаш. Бысымыр шъухъожьэу, зы унэм шъуикӀыжьэу, нэмыкӀ цӀыфым иунэ шъуимыхь.
8– Къалэ горэм шъудахьэу шъузырагъэблагъэкӀэ, ащ къыщышъуатырэр шъушхы. 9Сымаджэхэр ащ щыжъугъэхъужьых, моущтэуи яшъуӀу: «Тхьэм и Тетыгъошхо къышъуфэблэгъагъ». 10Ау къалэ горэм шъудахьэу, шъущырамыгъэблагъэмэ, иурамхэм шъуатехьи, моущтэу шъуӀо: 11«Шъуикъалэ исапэу тэ тлъакъохэм ателъыр атетэутхыпкӀыкӀы, ауми зэжъугъашӀэ Тхьэм и Тетыгъошхо къызэрэблэгъагъэр». 12Сэ шъосэӀо, ахърэт мафэм а къалэм къинэу ыщэчыщтым нахьи, къалэу Содом#10:12 Содом – Хы ЛӀагъэм иӀушъо Ӏутыгъ. Къалэу Содом дэсхэм ябзэджагъэ пае, Тхьэм ар машӀокӀэ ыгъэкӀодыгъагъ. Еплъ Пегъымбар Мусэ апэрэ тхылъэу ытхыгъэм (УблапӀэм) 19:24-28. къинэу ыщэчыщтыр нахь мэкӀэщт.
Гъогу мыгъо утеуцуагъ, Хоразин къал!
Гъогу мыгъо утеуцугъ, Бет-Сайдэ къал!
(Маттэ 11:20-24)
13– Гъогу мыгъо утеуцуагъ, къалэу Хоразин! Гъогу мыгъо утеуцуагъ, къалэу Бет-Сайдэ! Сыда пӀомэ, шъуадэжь щысшӀэгъэ Ӏофышхо гъэшӀэгъонхэр къалэхэу Тиррэ Сидонрэ ащысшӀэгъагъэхэмэ, бэшӀагъэу шъыгъоныгъэ щыгъын ащыгъэу, анэгухэр яжьэкӀэ цӀэлагъэхэу япсэкӀодшӀагъэхэм афыкӀэгъожьыщтыгъэх. 14Ау ахърэт мафэм шъо къинэу шъущэчыщтым нахьи, Тиррэ Сидонрэ къинэу ащэчыщтыр нахь мэкӀэщт. 15О Капернаум, уашъом зыпӀэтынэу узыщэгугъужьа? Хьау, джэхьнэмым икуупӀэ нэсыфэ упхырызыщт нахь. #10:15 О Капернаум,… упхырызыщт нахь – еплъ Пегъымбар Ешайа тхылъэу ытхыгъэм 14:13,15.
16– Шъо къышъодэӀурэр, сэри къысэдэӀу. Шъо шъузымыдэрэм сэри сидэрэп, сэ сызымыдэрэми сыкъэзгъэкӀуагъэри ыдэрэп.
Исус игъогу рыкӀорэ нэбгырэ тӀокӀищырэ пшӀырэм къызэрагъэзэжьыгъэр
17Исус игъогу рыкӀорэ нэбгырэ тӀокӀищырэ пшӀырэмэ гушӀуагъокӀэ къагъэзэжьи, аӀуагъ: – Зиусхьан, о пцӀэ къызытӀокӀэ, джынапцӀэхэри тӀэмычӀэ илъ мэхъух.
18– Шъыпкъэ, пчыкӀэм фэдэу шэйтаныр уашъом къефэхэу слъэгъугъэ, – ариӀуагъ Исус. 19– Блэхэми скорпионхэми шъуатеуцонэуи, пыим ыкӀуачӀэ зэкӀэ шъутекӀонэуи тетыгъо шъостыгъ; зыми иягъэ къышъокӀыщтэп. 20Ау джынапцӀэхэр шъуӀэмычӀэ зэрилъхэм пае, шъумыгушӀу, шъуцӀэхэр уашъом итхылъ зэритхэм пае, шъугушӀо нахь.
Исус зэрэгушӀуагъэр
(Маттэ 11:25-27; 13:16-17)
21А сыхьатым Тхьэм ы Псэ ЛъапӀэ инэу къыгъэгушӀоу Исус къыӀуагъ: – Ся Т, уашъоми чӀылъэми я Зиусхьан, мы Ӏофхэр цӀыф акъылышӀу зиӀэхэмрэ зэхэшӀыкӀ зиӀэхэмрэ ашӀоуушъэфыгъэу, сабыйхэм зэрябгъэшӀагъэмкӀэ щытхъу пфэсэшӀы. Ары, ся Т, о ар аущтэу пшӀоигъуагъ.
22ЕтӀанэ Исус игъогу рыкӀохэрэм зафигъази, къыӀуагъ: – Ся Тэ щыӀэ пстэури къысӀэкӀилъхьагъ. Къо лъапӀэр зыфэдэр Ты лъапӀэм нэмыкӀ зыми ышӀэрэп. Ты лъапӀэр зыфэдэри Къо лъапӀэмрэ Къо лъапӀэм ар зэхаригъэшӀыкӀынэу къыхихырэ цӀыфхэмрэ анэмыкӀ зыми ышӀэрэп.
23Исусрэ игъогу рыкӀохэрэмрэ язакъоу къызэнэжьхэм, Исус ахэмэ зафигъази, ариӀуагъ: – Шъо шъунэхэм алъэгъурэр зылъэгъурэ нэхэр гъогу мафэ теуцуагъэх! 24Сыда пӀомэ, сэ шъосэӀо, пегъымбар Ӏаджыми пачъыхьэ Ӏаджыми шъо шъулъэгъурэр алъэгъумэ ашӀоигъуагъ, ау алъэгъугъэп, шъо зэхэшъухырэри зэхахымэ ашӀоигъуагъ, ау зэхахыгъэп.
Самарие хэкум щыщэу гукӀэгъу зыхэлъ цӀыфыр
25Тэурат егъэджэкӀо пащэ горэ къэтэджи, Исус ыгъэунэфыным пае, къыӀуагъ: – Дин гъэсакӀу, мыкӀодыжьын щыӀэныгъэ ӀахьышӀоу згъотыным пае, сыда сшӀэщтыр?
26– Тэурат хабзэм сыда итыр? – риӀожьыгъ Исус. – Сыдэущтэу уеджэра?
27– «ЗэкӀэ о угурэ упсэрэкӀи, зэкӀэ пкӀуачӀэкӀи, зэкӀэ уизэхэшӀыкӀыкӀи Зиусхьанэу уи Тхьэ шӀу лъэгъу, о пшъхьи шӀу зэрэплъэгъурэм фэдэу, уигъунэгъуи шӀу лъэгъу#10:27 ЗэкӀэ о угурэ упсэрэкӀи… шӀу лъэгъу – еплъ Пегъымбар Мусэ ятфэнэрэ тхылъэу ытхыгъэм 6:5; ящэнэрэ тхылъэу ытхыгъэм 19:18.», – къыӀожьыгъ адрэм.
28– Шъыпкъэр къэпӀуагъ, – риӀуагъ Исус а лӀым. – А къэпӀуагъэр гъэцакӀи, мыкӀодыжьын щыӀэныгъэ бгъотыщт.
29Ау Тэурат егъэджэкӀо пащэм зигъэхыенэу фэягъэти, Исус риӀуагъ: – Хэта адэ сэ сигъунэгъур?
30– ЛӀы горэ Ерусалим дэкӀи, Ерихон къалэмкӀэ#10:30 Ерихон къалэр – Ерусалим итемыр тыгъэ къокӀыпӀэ лъэныкъомкӀэ, километрэ 24-кӀэ пэчыжьэу, Иордан псыхъом итыгъэ къохьэпӀэ лъэныкъомкӀэ ит. ехызэ, хъункӀакӀомэ аӀэкӀэфагъ, – къыӀожьыгъ Исус. – ХъункӀакӀомэ ар ахъункӀыгъ, ищыгъынхэри щахыгъ, Ӏаеу еохи, ыпсэ пыт къодыеу къагъани, хэхьажьыгъэх. 31А сыхьат дэдэм дин пащэ горэ а гъогумкӀэ ехынэу хъугъэ. А лӀыр зелъэгъум, гъогум иадрабгъумкӀэ блэкӀыгъ. 32Ащ фэдэу Лэуй лӀакъом#10:32 Лэуй лӀакъом – а лӀакъом щыщ пстэури дин пащэхэу, Тхьэм иунэшхо щылажьэщтыгъэх. Еплъ Пегъымбар Мусэ яплӀэнэрэ тхылъэу ытхыгъэм 3:1-13. щыщэу дин пащэ горэ а чӀыпӀэм нэси, а лӀыр зелъэгъум, гъогум иадрабгъукӀэ блэкӀыгъ. 33Ау Самарие хэкум щыщэу лӀы горэ а гъогум рыкӀозэ, а лӀым дэжь къэсыгъ. Ар зелъэгъум, ыгу егъуи, 34бгъодэхьагъ, иуӀагъэхэм дагъэрэ сэнэпсырэкӀэ яӀази, ыпхыгъэх. ЕтӀани а лӀыр къыӀэти, ежь зытесыгъэ щыдым тырилъхьи, хьакӀэщым нигъэси, ащи щылъыплъагъ. 35ЯтӀонэрэ мафэм динаритӀу ыджыбэ къырихи, хьакӀэщыр зием рити, къыӀуагъ: «О мы лӀым лъыплъи, сыд фэдиз нахьыбэу тебгъэкӀуадэми, къызызгъэзэжькӀэ, остыжьыщт».
36– Джы о зэрэпшӀошӀырэмкӀэ, мы нэбгырищым ащыщэу хъункӀакӀохэм аӀэкӀэфэгъэ лӀым игъунэгъу фэдэу хэта нахьышӀоу дэзекӀуагъэр? – къыпигъэхъожьыгъ Исус.
37– ЛӀэу гукӀэгъу фэзышӀыгъэр ары, – къыӀуагъ Тэурат егъэджэкӀо пащэм. – Ори кӀуи, ащ фэдэ шӀэ, – риӀуагъ Исус.
Мерэмрэ Мартэрэ
38ЕтӀанэ Исусрэ игъогу рыкӀохэрэмрэ ягъогу хагъэкӀыхэзэ, къуаджэ горэм зыдахьэхэм, Мартэ зыцӀэ бзылъфыгъэм иунэ Исус ригъэблэгъагъ. 39А бзылъфыгъэм Мерэм ыцӀэу шыпхъу иӀагъ. А шыпхъур Зиусхьаным игущыӀэхэм ядэӀоу, ылъакъохэм адэжь щысыгъ. 40Ау ыхьэкӀэнхэм пае иӀофхэр Мартэ шӀобаӀо хъугъэ. Арыти, ар Исус къыбгъодахьи, къыриӀуагъ: – Зиусхьан, Ӏофхэр зэкӀэ сизакъоу сшӀэнхэу сшыпхъу сыкъызэригъанэрэр пшӀоемыкӀуба? Ар къыздэӀэпыӀэнэу еӀу!
41– Ей, Март, Март, – риӀожьыгъ Зиусхьаным, – о Ӏоф бащэмэ зябгъэгъэгумэкӀызэ зыогъалӀэ. 42Ау зы ныӀэп уищыкӀагъэр. Мерэм Ӏахь нахьышӀур къыхихыгъ, а ӀахьышӀури ащ Ӏахыжьыщтэп.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм