Лука 11
11
ЯПШӀЫКӀУЗЭНЭРЭШЪХЬ
Тхьэм уелъэӀуным ехьылӀагъ
(Маттэ 6:9-15; 7:7-11)
1ЧӀыпӀэ горэм Исус Тхьэм щелъэӀущтыгъ. Тхьэм зелъэӀу ужым, игъогу рыкӀохэрэм ащыщ горэм къыриӀуагъ: – Зиусхьан, умэхъэкӀо Иуан игъогу рыкӀохэрэм Тхьэм узэрелъэӀун фэе шӀыкӀэр зэраригъэшӀагъэм фэдэу, ори тэгъашӀэ.
2– Тхьэм шъуелъэӀу зыхъукӀэ, моущтэу шъуӀо, – ариӀуагъ Исус. «О тя Тэ лъапӀэу уашъом щыӀэр! ПцӀэ цӀыфхэм агъэлъапӀэ орэхъу. Уи Тетыгъошхо къэрэкӀу. Узыфаер уашъом зэрэщыхъурэм фэдэу, чӀылъэми щэрэхъу.
3Хьалыгъоу тищыкӀагъэр мафэ къэси къытэт.
4Тэ типсэкӀодшӀагъэхэр къытфэгъэгъух, сыда пӀомэ, тэри хэти мыхъун къытэзышӀэрэм фэтэгъэгъу. Шэйтаным псэкӀод тигъэшӀэнэу фит умышӀы, ащи тыщыухъум».
5– Шъо шъуащыщэу зыгорэм ныбджэгъу иӀэу тӀон, – ариӀуагъ Исус. – Чэщныкъом а ныбджэгъум иунэ макӀошъ, реӀо: «Синыбджэгъу, хьалыгъуищ чӀыфэу къысэт, 6сыда пӀомэ, синыбджэгъу горэ гъогурыкӀоу къысфэкӀуагъ. Езгъэшхын зи сиӀэп».
7– Аущтэу зеӀом, унэм ис ныбджэгъум къыреӀожьы: «Сымыгъэулэу. Къэлапчъэр гъэпытагъэ, сисабыйхэри сигъусэхэу пӀэм хэлъых. Сыкъэтэджэу зыгорэ остын слъэкӀыщтэп».
8– Сэ шъосэӀо, – къыпигъэхъожьыгъ Исус, – зэриныбджэгъум пае, къэтэджэу хьалыгъур къыримытыщтми, ыуж зэримыкӀыжьырэм пае къэтэджынышъ, зыфаер зэкӀэ къыритыщт.
9– Арышъ, шъосэӀо, шъуелъэӀуи, Тхьэм къышъуитыщт; шъулъыхъуи, къэжъугъотыщт; къэлапчъэми шъутеуи, Тхьэм къышъуфыӀуихыщт; 10сыда пӀомэ, хэтми лъаӀорэм зыкӀэлъэӀурэр иӀэ хъущт, лъыхъурэми зылъыхъурэр ыгъотыщт; къэлапчъэм теорэми Тхьэм къыфыӀуихыщт. 11Ты къышъухэта, зыкъо хьалыгъу пае къелъэӀумэ, мыжъо езытыщтыр е пцэжъые пае къелъэӀумэ, блэ езытыщтыр, 12е кӀэнкӀэ пае къелъэӀумэ, скорпион езытыщтыр? 13Аущтэу шъо шъубзаджэ пэтми, шъуилъфыгъэхэм шӀу зэряшъутын шӀыкӀэр шъушӀэмэ, ащ нахьи нахьыбэу Ты лъапӀэу уашъом щыӀэм елъэӀухэрэм ежь ы Псэ ЛъапӀэ къаритыщтба?
Исусрэ джынапцӀэхэм япащэу БаӀал-Зэбулрэ
(Маттэ 12:22-30; Марк 3:20-27)
14Исус лӀы бзако горэм джынапцӀэу ыбзэ зыубытырэр хифыгъ. ДжынапцӀэр зыхэкӀыжьым, бзэкогъэ лӀыр къэгущыӀагъ. ЦӀыф купышхохэм агъэшӀэгъуагъ. 15Ау ащыщхэу заулэмэ къаӀуагъ: – БаӀал-Зэбулэу джынапцӀэхэм япащэ илъэкӀ ары джынапцӀэхэр цӀыфхэм зэрахифырэр.
16НэмыкӀхэми Исус агъэунэфыным пае, нэшэнэ гъэшӀэгъон уашъом къафыригъэхынэу фэягъэх. 17Ау ахэмэ ягухэлъхэр Исус ешӀэти, ариӀуагъ: – Сыдрэ пачъыхьагъум лъэныкъуитӀоу зигощымэ, зэхэтэкъощт, унэ гори лъэныкъуитӀоу гощыгъэ хъумэ, къызэхэощт. 18Шэйтанми лъэныкъуитӀоу зигощымэ, итетыгъо сыдэущтэу щыӀэжьын ылъэкӀына? Ар зыкӀасӀорэр БаӀал-Зэбул илъэкӀыкӀэ сэ джынапцӀэхэр цӀыфхэм ахэсэфыхэу шъоӀошъ ары. 19Адэ, БаӀал-Зэбул илъэкӀыкӀэ сэ джынапцӀэхэр цӀыфхэм ахэсэфыхэмэ, шъо шъуицӀыфхэм джынапцӀэхэр зэрахафырэр хэт илъэкӀэу хъура? Арышъ, ахэр шъо хьыкумэшӀ къышъуфэхъущтых. 20Ау сэ джынапцӀэхэр цӀыфхэм зэрахэсфырэр Тхьэм ыӀэхъуамбэшъ, Тхьэм и Тетыгъошхо къызэрэшъухэхьагъэр ары ащ къикӀырэр.
21– КӀуачӀэ зиӀэ лӀы горэм ӀашэкӀэ дэгъоу тегъэпсыхьагъэу, иунэ къыухъумэ зыхъукӀэ, имылъкукӀэ щынагъо щыӀэп. 22Ау ащ нахьи нахь кӀочӀэшхо зиӀэ лӀы горэ ащ къытебанэу къызытекӀокӀэ, Ӏашэу зыщыгугъыхэрэр къытырихынхэшъ, ахэр зэкӀэ ыгощыжьыщтых.
23– Сэ симыгъусэр къыспэуцу, сэ къыздэзымыугъоирэми ретэкъухьэ.
ДжынэпцӀэ Ӏаем къызэригъэзэжьырэр
(Маттэ 12:43-45)
24– ДжынэпцӀэ Ӏае горэ цӀыф горэм зыхэкӀыкӀэ, зыгъэпсэфыпӀэ лъыхъоу псы зэрымыт шъоф нэкӀым къыщекӀухьэ. ЗыгъэпсэфыпӀэ зимыгъотыкӀэ, «сызыхэсыгъэ цӀыфэу сэ сиунагъэм дэжь згъэзэжьыщт» еӀо. 25Ащ дэжь къегъэзэжьышъ, унэр пхъэнкӀыгъэу, зэлъыӀухыгъэу къегъотыжьы. 26Джащыгъум макӀо, джынэпцӀибл ежь нахь бзаджэхэу къыздещэхэшъ, унэм ехьэхэшъ, етӀысхьэх. ЫкӀэм ыкӀэжьым а цӀыфым иӀоф ыпэм нахьи нахь дэи мэхъу.
27А гущыӀэхэр Исус къыӀохэзэ, цӀыф купышхом хэтэу бзылъфыгъэ горэм ымакъэ Ӏэтыгъэу къыриӀуагъ: – Ныбэу узэрылъыгъэри, бгъэу узкӀэшъугъэри гъогу мафэ теуцуагъэх.
28– Шъыпкъэ, – къыӀуагъ Исус, – ау Тхьэм игущыӀэхэр зэхэзыхэу, ахэри зыгъэцакӀэрэр ащ нахьи нахь гъогу мафэ теуцуагъ.
ЦӀыф Лъэпкъым ы Къо цӀыфхэм нэшанэ зэрафэхъурэр
(Маттэ 12:38-42; Марк 8:12)
29ЦӀыфхэр нахь купышхохэу Исус дэжь къыщызэрэугъоихэ зэхъум, ащ къыӀуагъ: – Джырэ цӀыфхэр бзаджэх. Ахэр нэшэнэ гъэшӀэгъон фаех, ау пегъымбар Юныс#11:29-30 пегъэмбар Юныс – еплъ Пегъэмбар Юныс икъэбар зэрыт тхылъым (Иона) 3. инэшанэ нэмыкӀ Тхьэм ахэмэ къаритыщтэп, 30сыда пӀомэ, Юныс къалэу Нинэвие дэсыгъэ цӀыфхэм нэшанэ зэрафэхъугъэм фэдэу, ЦӀыф Лъэпкъым ы Къо джырэ цӀыфхэм нэшанэ афэхъущт. 31Ау сэ шъосэӀо, къыблэ хэгъэгум щыщэу бзылъфыгъэ пачъыхьэр#11:31 бзылъфыгъэ пачъыхьэр – еплъ Пачъыхьэхэм якъэбархэр зэрыт апэрэ тхылъым (3 Царств) 10:1-10. ахърэт мафэм къэтэджынышъ, джырэ цӀыфхэм къядэощт, къыгъэмысэщтых, сыда пӀомэ, а бзылъфыгъэ пачъыхьэр пачъыхьэ Сэлмэн иакъылышӀуагъэ едэӀунэу чӀылъэм ыкъуапэ къикӀи, къэкӀуагъ. Джы мары пачъыхьэ Сэлмэн нахьи нахь инэу зыгорэ къышъухэт. 32Къалэу Нинэвие дэсыгъэ цӀыфхэр ахърэт мафэм къэтэджынхэшъ, джырэ цӀыфхэм къядэощтых, къагъэмысэщтых, сыда пӀомэ, ахэмэ Тхьэм игущыӀэхэр Юныс аригъэӀухэу зызэхаххэм, япсэкӀодшӀагъэхэм афыкӀэгъожьыгъэх. Джы мары Юныс нахьи нахь инэу зыгорэ къышъухэт.
Пкъым иостыгъ
(Маттэ 5:15; 6:22-23)
33– Зыми остыгъэ хигъанэу, гъэбылъыпӀэ къогъу горэм къуигъэуцорэп е щэлъэ чӀэгъым чӀигъэуцорэп, унэм къихьэхэрэм инэфынэ алъэгъуным пае, тетыпӀэ лъагэм тырегъэуцо нахь. 34Пкъым иостыгъэ – нэр ары. Арышъ, о унэ псаумэ, зэкӀэ ппкъы нэфынэщт. Ау о унэ дэимэ, зэкӀэ о ппкъы шӀункӀыщт. 35Арышъ, о пхэлъ нэфынэр шӀункӀы мыхъуным фэсакъ. 36Аущтэу зэкӀэ о ппкъы шӀункӀ хэмылъэу, нэфынэ хизмэ, зэкӀэ о ппкъы нэфынэ хъущт, остыгъэ нэфынэм укъызэригъэнэфырэм фэдэу.
Исус Тэурат егъэджэкӀо пащэхэмрэ фарисейхэмрэ ямысагъэ къызэрэхигъэщыгъэр
(Маттэ 23:1-36; Марк 12:38-40; Лука 20:45-47)
37Исус а гущыӀэхэр къызеӀо ужым, фарисей горэм ар ыгъэшхэнэу иунэ ригъэблэгъагъ. Исус ащ иунэ ихьи, Ӏанэм пэтӀысхьагъ. 38Шхэным ыпэкӀэ Исус ыӀэхэр зэримытхьакӀыгъэхэр фарисеим зелъэгъум, ыгъэшӀэгъуагъ.
39– Шъо, фарисейхэм, шъуишъуалъэхэмрэ шъуилагъэхэмрэ акӀыбхэр шъогъэкъабзэх, – риӀуагъ Зиусхьаным, – ау нэйпсыягъэрэ бзэджагъэрэ нахь зи шъукӀоцӀылъэп. 40Шъо акъыл зимыӀэхэр! Тхьэу кӀыбыр къэзгъэхъугъэм кӀоцӀыри къыгъэхъугъэба? 41Ау шъо шъуишъуалъэхэмрэ шъуилагъэхэмрэ акӀоцӀ илъыр тхьамыкӀэхэм яжъугъэшх, джащыгъум шъоркӀэ зэкӀэ къабзэ хъущт.
42– Ау гъогу мыгъо шъутеуцуагъ, шъо, фарисейхэр! Хатэм къыдэкӀагъэхэм анахь пыутхэм ащыщэу зы пшӀанэр Тхьэм пае шъоты, ау зэфагъэмрэ Тхьэр шӀу зэрэшъулъэгъурэмрэ къэшъогъанэх. Ахэр ары жъугъэцэкӀэн фаехэр, адрэ Ӏофхэри къэшъумыгъанэхэу.
43– Гъогу мыгъо шъутеуцуагъ, шъо, фарисейхэр! Синэгогухэм тхьэмэтэ тӀысыпӀэхэр ащышъуубытынхэри, зэӀукӀэхэм цӀыфхэр шъуӀэхэм щяжъугъэбэунхэри шӀу шъолъэгъу.
44– Гъогу мыгъо шъутеуцуагъ, шъо, Тэурат егъэджэкӀо пащэхэри, фарисейхэри, шъо, нэпитӀу зиӀэхэр, сыда пӀомэ, хэкӀодэжьыгъэ къэхэм шъо шъуафэд. ЦӀыфхэр, гу лъамытэу, ахэмэ акӀыӀу рэкӀох.
45Тэурат егъэджэкӀо пащэхэм ащыщ горэм Исус къыриӀуагъ: – Дин гъэсакӀу, аущтэу пӀомэ, тэри укъытэхъоны.
46– Шъо, Тэурат егъэджэкӀо пащэхэри, гъогу мыгъо шъутеуцуагъ, – къыӀожьыгъ Исус, – сыда пӀомэ, хьылъэ щэчыгъуаехэр цӀыфхэм атешъолъхьэх, ау ахэмэ шъуадэӀэпыӀэнэу зы Ӏэхъуамби жъугъэхъыерэп.
47– Гъогу мыгъо шъутеуцуагъ! Пегъымбархэу шъо шъуятэжъхэм аукӀыгъагъэхэм апае къэунэхэр шъогъэуцухэшъ, 48шъуятэжъхэм ашӀэгъагъэхэм шъори зэрадежъугъаштэрэр къэшъоушыхьаты; сыда пӀомэ, шъуятэжъхэр арыба пегъымбархэр зыукӀыгъагъэхэр, шъорыба къэунэхэр афэзгъэуцухэрэр? 49Ащ пае Тхьэм иакъылышӀуагъэкӀэ къыӀуагъ: «Пегъымбархэри апостолхэри ахэмэ афэзгъэкӀощтых. Ахэмэ ащыщэу зы купыр къаукӀыщт, зы купыми къин рагъэщэчыщт». 50,51Арышъ, шъосэӀо, пегъымбар Хьавэл ылъ щегъэжьагъэу пегъымбар Зэчрей ылъ къыхиубытэу, зэкӀэ пегъымбархэм ялъыуасэ джырэ цӀыфхэм Тхьэм аригъэпщыныжьыщт. Пегъымбар Зэчрей ары къурмэншӀыпӀэмрэ Тхьэм иунэшхорэ азыфагу щагъэкӀодыгъагъэр. Шъыпкъэр шъосэӀо, ахэмэ зэкӀэ ялъыуасэ джырэ цӀыфхэм Тхьэм аригъэпщыныжьыщт.
52– Гъогу мыгъо шъутеуцуагъ, Тэурат егъэджэкӀо пащэхэр, сыда пӀомэ, шӀэныгъэм иӀункӀыбзэ шъо шъуштагъэ. Ау шӀэныгъэм иунэ шъуихьагъэп, ихьанхэу фэягъэхэри ихьанхэу фит шъушӀыгъэхэп.
53,54Ащ дэжьым Исус зыӀокӀыжьым, Тэурат егъэджэкӀо пащэхэмрэ фарисейхэмрэ ежь хагъэукъоным фаехэу, Ӏоф горэм хаубытэным ешакӀохэу, ӀофыбэхэмкӀэ еупчӀыхэзэ, рагъэзэу аублагъ.
Currently Selected:
Лука 11: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Лука 11
11
ЯПШӀЫКӀУЗЭНЭРЭШЪХЬ
Тхьэм уелъэӀуным ехьылӀагъ
(Маттэ 6:9-15; 7:7-11)
1ЧӀыпӀэ горэм Исус Тхьэм щелъэӀущтыгъ. Тхьэм зелъэӀу ужым, игъогу рыкӀохэрэм ащыщ горэм къыриӀуагъ: – Зиусхьан, умэхъэкӀо Иуан игъогу рыкӀохэрэм Тхьэм узэрелъэӀун фэе шӀыкӀэр зэраригъэшӀагъэм фэдэу, ори тэгъашӀэ.
2– Тхьэм шъуелъэӀу зыхъукӀэ, моущтэу шъуӀо, – ариӀуагъ Исус. «О тя Тэ лъапӀэу уашъом щыӀэр! ПцӀэ цӀыфхэм агъэлъапӀэ орэхъу. Уи Тетыгъошхо къэрэкӀу. Узыфаер уашъом зэрэщыхъурэм фэдэу, чӀылъэми щэрэхъу.
3Хьалыгъоу тищыкӀагъэр мафэ къэси къытэт.
4Тэ типсэкӀодшӀагъэхэр къытфэгъэгъух, сыда пӀомэ, тэри хэти мыхъун къытэзышӀэрэм фэтэгъэгъу. Шэйтаным псэкӀод тигъэшӀэнэу фит умышӀы, ащи тыщыухъум».
5– Шъо шъуащыщэу зыгорэм ныбджэгъу иӀэу тӀон, – ариӀуагъ Исус. – Чэщныкъом а ныбджэгъум иунэ макӀошъ, реӀо: «Синыбджэгъу, хьалыгъуищ чӀыфэу къысэт, 6сыда пӀомэ, синыбджэгъу горэ гъогурыкӀоу къысфэкӀуагъ. Езгъэшхын зи сиӀэп».
7– Аущтэу зеӀом, унэм ис ныбджэгъум къыреӀожьы: «Сымыгъэулэу. Къэлапчъэр гъэпытагъэ, сисабыйхэри сигъусэхэу пӀэм хэлъых. Сыкъэтэджэу зыгорэ остын слъэкӀыщтэп».
8– Сэ шъосэӀо, – къыпигъэхъожьыгъ Исус, – зэриныбджэгъум пае, къэтэджэу хьалыгъур къыримытыщтми, ыуж зэримыкӀыжьырэм пае къэтэджынышъ, зыфаер зэкӀэ къыритыщт.
9– Арышъ, шъосэӀо, шъуелъэӀуи, Тхьэм къышъуитыщт; шъулъыхъуи, къэжъугъотыщт; къэлапчъэми шъутеуи, Тхьэм къышъуфыӀуихыщт; 10сыда пӀомэ, хэтми лъаӀорэм зыкӀэлъэӀурэр иӀэ хъущт, лъыхъурэми зылъыхъурэр ыгъотыщт; къэлапчъэм теорэми Тхьэм къыфыӀуихыщт. 11Ты къышъухэта, зыкъо хьалыгъу пае къелъэӀумэ, мыжъо езытыщтыр е пцэжъые пае къелъэӀумэ, блэ езытыщтыр, 12е кӀэнкӀэ пае къелъэӀумэ, скорпион езытыщтыр? 13Аущтэу шъо шъубзаджэ пэтми, шъуилъфыгъэхэм шӀу зэряшъутын шӀыкӀэр шъушӀэмэ, ащ нахьи нахьыбэу Ты лъапӀэу уашъом щыӀэм елъэӀухэрэм ежь ы Псэ ЛъапӀэ къаритыщтба?
Исусрэ джынапцӀэхэм япащэу БаӀал-Зэбулрэ
(Маттэ 12:22-30; Марк 3:20-27)
14Исус лӀы бзако горэм джынапцӀэу ыбзэ зыубытырэр хифыгъ. ДжынапцӀэр зыхэкӀыжьым, бзэкогъэ лӀыр къэгущыӀагъ. ЦӀыф купышхохэм агъэшӀэгъуагъ. 15Ау ащыщхэу заулэмэ къаӀуагъ: – БаӀал-Зэбулэу джынапцӀэхэм япащэ илъэкӀ ары джынапцӀэхэр цӀыфхэм зэрахифырэр.
16НэмыкӀхэми Исус агъэунэфыным пае, нэшэнэ гъэшӀэгъон уашъом къафыригъэхынэу фэягъэх. 17Ау ахэмэ ягухэлъхэр Исус ешӀэти, ариӀуагъ: – Сыдрэ пачъыхьагъум лъэныкъуитӀоу зигощымэ, зэхэтэкъощт, унэ гори лъэныкъуитӀоу гощыгъэ хъумэ, къызэхэощт. 18Шэйтанми лъэныкъуитӀоу зигощымэ, итетыгъо сыдэущтэу щыӀэжьын ылъэкӀына? Ар зыкӀасӀорэр БаӀал-Зэбул илъэкӀыкӀэ сэ джынапцӀэхэр цӀыфхэм ахэсэфыхэу шъоӀошъ ары. 19Адэ, БаӀал-Зэбул илъэкӀыкӀэ сэ джынапцӀэхэр цӀыфхэм ахэсэфыхэмэ, шъо шъуицӀыфхэм джынапцӀэхэр зэрахафырэр хэт илъэкӀэу хъура? Арышъ, ахэр шъо хьыкумэшӀ къышъуфэхъущтых. 20Ау сэ джынапцӀэхэр цӀыфхэм зэрахэсфырэр Тхьэм ыӀэхъуамбэшъ, Тхьэм и Тетыгъошхо къызэрэшъухэхьагъэр ары ащ къикӀырэр.
21– КӀуачӀэ зиӀэ лӀы горэм ӀашэкӀэ дэгъоу тегъэпсыхьагъэу, иунэ къыухъумэ зыхъукӀэ, имылъкукӀэ щынагъо щыӀэп. 22Ау ащ нахьи нахь кӀочӀэшхо зиӀэ лӀы горэ ащ къытебанэу къызытекӀокӀэ, Ӏашэу зыщыгугъыхэрэр къытырихынхэшъ, ахэр зэкӀэ ыгощыжьыщтых.
23– Сэ симыгъусэр къыспэуцу, сэ къыздэзымыугъоирэми ретэкъухьэ.
ДжынэпцӀэ Ӏаем къызэригъэзэжьырэр
(Маттэ 12:43-45)
24– ДжынэпцӀэ Ӏае горэ цӀыф горэм зыхэкӀыкӀэ, зыгъэпсэфыпӀэ лъыхъоу псы зэрымыт шъоф нэкӀым къыщекӀухьэ. ЗыгъэпсэфыпӀэ зимыгъотыкӀэ, «сызыхэсыгъэ цӀыфэу сэ сиунагъэм дэжь згъэзэжьыщт» еӀо. 25Ащ дэжь къегъэзэжьышъ, унэр пхъэнкӀыгъэу, зэлъыӀухыгъэу къегъотыжьы. 26Джащыгъум макӀо, джынэпцӀибл ежь нахь бзаджэхэу къыздещэхэшъ, унэм ехьэхэшъ, етӀысхьэх. ЫкӀэм ыкӀэжьым а цӀыфым иӀоф ыпэм нахьи нахь дэи мэхъу.
27А гущыӀэхэр Исус къыӀохэзэ, цӀыф купышхом хэтэу бзылъфыгъэ горэм ымакъэ Ӏэтыгъэу къыриӀуагъ: – Ныбэу узэрылъыгъэри, бгъэу узкӀэшъугъэри гъогу мафэ теуцуагъэх.
28– Шъыпкъэ, – къыӀуагъ Исус, – ау Тхьэм игущыӀэхэр зэхэзыхэу, ахэри зыгъэцакӀэрэр ащ нахьи нахь гъогу мафэ теуцуагъ.
ЦӀыф Лъэпкъым ы Къо цӀыфхэм нэшанэ зэрафэхъурэр
(Маттэ 12:38-42; Марк 8:12)
29ЦӀыфхэр нахь купышхохэу Исус дэжь къыщызэрэугъоихэ зэхъум, ащ къыӀуагъ: – Джырэ цӀыфхэр бзаджэх. Ахэр нэшэнэ гъэшӀэгъон фаех, ау пегъымбар Юныс#11:29-30 пегъэмбар Юныс – еплъ Пегъэмбар Юныс икъэбар зэрыт тхылъым (Иона) 3. инэшанэ нэмыкӀ Тхьэм ахэмэ къаритыщтэп, 30сыда пӀомэ, Юныс къалэу Нинэвие дэсыгъэ цӀыфхэм нэшанэ зэрафэхъугъэм фэдэу, ЦӀыф Лъэпкъым ы Къо джырэ цӀыфхэм нэшанэ афэхъущт. 31Ау сэ шъосэӀо, къыблэ хэгъэгум щыщэу бзылъфыгъэ пачъыхьэр#11:31 бзылъфыгъэ пачъыхьэр – еплъ Пачъыхьэхэм якъэбархэр зэрыт апэрэ тхылъым (3 Царств) 10:1-10. ахърэт мафэм къэтэджынышъ, джырэ цӀыфхэм къядэощт, къыгъэмысэщтых, сыда пӀомэ, а бзылъфыгъэ пачъыхьэр пачъыхьэ Сэлмэн иакъылышӀуагъэ едэӀунэу чӀылъэм ыкъуапэ къикӀи, къэкӀуагъ. Джы мары пачъыхьэ Сэлмэн нахьи нахь инэу зыгорэ къышъухэт. 32Къалэу Нинэвие дэсыгъэ цӀыфхэр ахърэт мафэм къэтэджынхэшъ, джырэ цӀыфхэм къядэощтых, къагъэмысэщтых, сыда пӀомэ, ахэмэ Тхьэм игущыӀэхэр Юныс аригъэӀухэу зызэхаххэм, япсэкӀодшӀагъэхэм афыкӀэгъожьыгъэх. Джы мары Юныс нахьи нахь инэу зыгорэ къышъухэт.
Пкъым иостыгъ
(Маттэ 5:15; 6:22-23)
33– Зыми остыгъэ хигъанэу, гъэбылъыпӀэ къогъу горэм къуигъэуцорэп е щэлъэ чӀэгъым чӀигъэуцорэп, унэм къихьэхэрэм инэфынэ алъэгъуным пае, тетыпӀэ лъагэм тырегъэуцо нахь. 34Пкъым иостыгъэ – нэр ары. Арышъ, о унэ псаумэ, зэкӀэ ппкъы нэфынэщт. Ау о унэ дэимэ, зэкӀэ о ппкъы шӀункӀыщт. 35Арышъ, о пхэлъ нэфынэр шӀункӀы мыхъуным фэсакъ. 36Аущтэу зэкӀэ о ппкъы шӀункӀ хэмылъэу, нэфынэ хизмэ, зэкӀэ о ппкъы нэфынэ хъущт, остыгъэ нэфынэм укъызэригъэнэфырэм фэдэу.
Исус Тэурат егъэджэкӀо пащэхэмрэ фарисейхэмрэ ямысагъэ къызэрэхигъэщыгъэр
(Маттэ 23:1-36; Марк 12:38-40; Лука 20:45-47)
37Исус а гущыӀэхэр къызеӀо ужым, фарисей горэм ар ыгъэшхэнэу иунэ ригъэблэгъагъ. Исус ащ иунэ ихьи, Ӏанэм пэтӀысхьагъ. 38Шхэным ыпэкӀэ Исус ыӀэхэр зэримытхьакӀыгъэхэр фарисеим зелъэгъум, ыгъэшӀэгъуагъ.
39– Шъо, фарисейхэм, шъуишъуалъэхэмрэ шъуилагъэхэмрэ акӀыбхэр шъогъэкъабзэх, – риӀуагъ Зиусхьаным, – ау нэйпсыягъэрэ бзэджагъэрэ нахь зи шъукӀоцӀылъэп. 40Шъо акъыл зимыӀэхэр! Тхьэу кӀыбыр къэзгъэхъугъэм кӀоцӀыри къыгъэхъугъэба? 41Ау шъо шъуишъуалъэхэмрэ шъуилагъэхэмрэ акӀоцӀ илъыр тхьамыкӀэхэм яжъугъэшх, джащыгъум шъоркӀэ зэкӀэ къабзэ хъущт.
42– Ау гъогу мыгъо шъутеуцуагъ, шъо, фарисейхэр! Хатэм къыдэкӀагъэхэм анахь пыутхэм ащыщэу зы пшӀанэр Тхьэм пае шъоты, ау зэфагъэмрэ Тхьэр шӀу зэрэшъулъэгъурэмрэ къэшъогъанэх. Ахэр ары жъугъэцэкӀэн фаехэр, адрэ Ӏофхэри къэшъумыгъанэхэу.
43– Гъогу мыгъо шъутеуцуагъ, шъо, фарисейхэр! Синэгогухэм тхьэмэтэ тӀысыпӀэхэр ащышъуубытынхэри, зэӀукӀэхэм цӀыфхэр шъуӀэхэм щяжъугъэбэунхэри шӀу шъолъэгъу.
44– Гъогу мыгъо шъутеуцуагъ, шъо, Тэурат егъэджэкӀо пащэхэри, фарисейхэри, шъо, нэпитӀу зиӀэхэр, сыда пӀомэ, хэкӀодэжьыгъэ къэхэм шъо шъуафэд. ЦӀыфхэр, гу лъамытэу, ахэмэ акӀыӀу рэкӀох.
45Тэурат егъэджэкӀо пащэхэм ащыщ горэм Исус къыриӀуагъ: – Дин гъэсакӀу, аущтэу пӀомэ, тэри укъытэхъоны.
46– Шъо, Тэурат егъэджэкӀо пащэхэри, гъогу мыгъо шъутеуцуагъ, – къыӀожьыгъ Исус, – сыда пӀомэ, хьылъэ щэчыгъуаехэр цӀыфхэм атешъолъхьэх, ау ахэмэ шъуадэӀэпыӀэнэу зы Ӏэхъуамби жъугъэхъыерэп.
47– Гъогу мыгъо шъутеуцуагъ! Пегъымбархэу шъо шъуятэжъхэм аукӀыгъагъэхэм апае къэунэхэр шъогъэуцухэшъ, 48шъуятэжъхэм ашӀэгъагъэхэм шъори зэрадежъугъаштэрэр къэшъоушыхьаты; сыда пӀомэ, шъуятэжъхэр арыба пегъымбархэр зыукӀыгъагъэхэр, шъорыба къэунэхэр афэзгъэуцухэрэр? 49Ащ пае Тхьэм иакъылышӀуагъэкӀэ къыӀуагъ: «Пегъымбархэри апостолхэри ахэмэ афэзгъэкӀощтых. Ахэмэ ащыщэу зы купыр къаукӀыщт, зы купыми къин рагъэщэчыщт». 50,51Арышъ, шъосэӀо, пегъымбар Хьавэл ылъ щегъэжьагъэу пегъымбар Зэчрей ылъ къыхиубытэу, зэкӀэ пегъымбархэм ялъыуасэ джырэ цӀыфхэм Тхьэм аригъэпщыныжьыщт. Пегъымбар Зэчрей ары къурмэншӀыпӀэмрэ Тхьэм иунэшхорэ азыфагу щагъэкӀодыгъагъэр. Шъыпкъэр шъосэӀо, ахэмэ зэкӀэ ялъыуасэ джырэ цӀыфхэм Тхьэм аригъэпщыныжьыщт.
52– Гъогу мыгъо шъутеуцуагъ, Тэурат егъэджэкӀо пащэхэр, сыда пӀомэ, шӀэныгъэм иӀункӀыбзэ шъо шъуштагъэ. Ау шӀэныгъэм иунэ шъуихьагъэп, ихьанхэу фэягъэхэри ихьанхэу фит шъушӀыгъэхэп.
53,54Ащ дэжьым Исус зыӀокӀыжьым, Тэурат егъэджэкӀо пащэхэмрэ фарисейхэмрэ ежь хагъэукъоным фаехэу, Ӏоф горэм хаубытэным ешакӀохэу, ӀофыбэхэмкӀэ еупчӀыхэзэ, рагъэзэу аублагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм