Buraambi 1

1 # Luka 1.1-4 Uwe Lukoosi Tefilo, ise naamala khaale khuukhuronela mu bwitsufu bibiindu bibiwaamba khwiibyo byoosi byeesi Yesu aakhola luundi waaleekela, 2khukhwoolesa khu shifukhu khweesi aaniinisibwilakho mwikulu. Ne nga ashiili khuniinisibwa ta, aawa biilakilo byeewe isi baarume abe beesi aamala khuurobola, khuubirira mu Mwoyo Umukhosefu. 3Lwanyuma lwe khuufwa khweewe, eyokesana isi Baarume beewe, nga abawa bubonelo bukali bubwokesanisila ilala buri niye ali umulamu. Aababonekhela mu bifukhu kamakhumi kane, nga ababoolela kamakhuuwa kamalayi ke Buyiinga bwa Wele. 4#Luka 24.49Aryo shifukhu shitweela nga ashiili ni nabo, waabalakila ari, “Mukharura mu Yerusalemu ta, ne ni muliindilile shiwaanwa sheesi Paapa aabalomela, sheesi mubeele mumbulila ise nga inganikhakho. 5#Mat 3.11; Mako 1.8; Luka 3.16; Yok 1.33Lwekhuuba Yokana aabatisa ni kameetsi, ne nanywe mu bifukhu bikyeekhe bibiitsa, mulibatisibwa n'Umwoyo Umukhosefu.”

Yesu ayilibwa mwikulu

(Mako 16.19-20; Luka 24.50-53)

6Baryo baarume ni baabuusana atweela ni Yesu, bamureeba bari, “Umukasya, mu bifukhu bino ari wutsya khukobosela ba Isiraeli Buyiinga?”

7Yesu wabeelamo ari, “Sishili isi inywe khumanya bifukhu, namwe inyaanga isi Paapa ara mu bunyala bweewe ta. 8#Mat 28.19; Mako 16.15; Luka 24.47,48Ne mulifuna kamaani, Umwoyo Umukhosefu n'alimala khukhwiikha khwiinywe, ni nanywe muliiba bajulisi baase mu Yerusalemu, ni mu Yuda mwoosi, ni mu Samariya, ni khukhwoolesa isi shiibala shakama.” 9#Mako 16.19; Luka 24.50,51Aryo Yesu n'amala khuukanikha bino, waayilibwa mu ngaaki nga boosi babona, ni lifuumbi lyaamubisa, baalekha khumubona luundi ta.

10Ne ni baaba nga bashofwaasa mwikulu nga Yesu atsya, bona abonekhawo khaangu akho basaani babili, nga bakwaarire tsingubo tsiwaanga, beetsa beema aambi ni nabo. Baryo basaani bano baaloma baleekelwa bari: 11“Basaani be Galilaaya, shiina shibeemisile ano nga mulolele mu ngaaki? Yesu mweene uyu ubarusiwilekho waayilibwa mwikulu, alikobola aryo musaambo nyeneyo, nga ni mumuboone nga atsya mwikulu.”

Khuurobola umuundu uwiila mu shifwo sha Yuda

(Matayo 27.3-10)

12Lwanyuma baarume baakobolayo i Yerusalemu, nga baama khu lukiingi lulaangiwa lwe kimisaala Kimizeyituni, luluuli aambi ni Yerusalemu, nga lukyeendo aambi luli i kilomita nga ndweela. 13#Mat 10.2-4; Mako 3.16-19; Luka 6.14-16Ne ni benjila mu Yerusalemu, baniina mu shiseenge she khu ngaaki abe mweesi bamenya. Mu baarume babaabawo mwabamo; Petero, Yokana, Yakobo, ni Andereya, Filipo ni Tomasi, Batolomayo ni Matayo, Yakobo umwaana wa Alufayo ni Simoni uwaba Zelote, ni Yuda umwaana wa Yakobo. 14Bano boosi betubaasila atweela mu khuloomba akhali khukoosa ta, atweela ni bakhasi babaandi, ni Malyamu maayi wa Yesu, ni babandaaye ba Yesu.

15Mu bifukhu ibyo, Petero wiima akari mu be buulebe, mu lituuli lilyaba lyoola babaandu shitoondo shitweela ni kamakhumi kabili (120), waaloma ari: 16“Bebuulebe, bafukiilisi bashaase, bibyaronebwa bikhosefu byaakhila byoolelesebwa, byeesi Umwoyo Umukhosefu aalomela khaale khuubirira mu Dawudi, nga arumbula ibyo bibiwaamba khu Yuda, uwaranjilila babaandu babaawaamba Yesu. 17Yuda mweeneyo aabalibwila atweela ni nafwe, luundi waakabananila atweela ni nafwe mu mulimo kuno. 18#Mat 27.3-8Yuda yuno aakula kumukuunda ni tsinusu tse bubwoonaki bweewe, mu bweenemwo mweesi aakwa mafumala, waarundukha ni kamala keewe koosi kaaweela ibulafu. 19Babaandu boosi be mu Yerusalemu baawulila shilomo shino, baryo kila balaanga kumukuunda ukwo mu lulimi lwe waabwe bari, ‘Akeludama,’ kamakhulu kaasho ndi, ‘Kumukuunda kweesi kamafuki kaatsutsukhamo.’

20 # Zab 69.25; Zab 109.8 “Lwekhuuba mu burone bwe Zabuli sharonebwa shiri,

‘Khayo intsu yeewe ilekhebwe busa,

ilekhe khubawo umuundu ukibamo ta.’

Luundi sharonebwa shiri,

‘Khayo ibewo umuundu ukuundi uyila bukhulu bweewe.’

21 # Mat 3.16; Mako 1.9; Luka 3.21; Mako 16.19; Luka 24.51 “Nashiryo shikhwakhila ifwe khurobolayo umuundu ubeelatsakile ni nafwe mu bifukhu byoosi khukhwaama nga Umukasya Yesu n'akyendaatsaka ni nafwe, 22khukhwamila ilala khu bifukhu byeesi Yokana abatisatsakila, khukhwoolesa khu shifukhu khweesi Yesu akhurusibwakho waniinisibwa mu ngaaki. Umuundu uyo aakha waba mutweela khwiifwe nga umujulisi we bye khulamukha khwa Yesu.”

23Baryo baareera kamasina ke babaandu babili: Yusufu uwalaangiwa Balusaba (luundi uwamanyikhana nga Yusito), ni Matiya. 24Lwanyuma baloomba bari, “Umukasya, iwe waamanya kumwoyo kwa buli mutweela, n'ukhwokese khu babili bano, naanu yeesi uroboole 25khuuyila shiifwo shino she bubwakaanisi bwe buurume bweesi Yuda aalekha, waatsya esi abe akhila khuuba.” 26Baryo baakhupa khaakokha khuukhalawo naanu khu baandu babili uyila shiifwo isho. Khaakokha khaakwa khu Matiya, aryo niye waabaliwila atweela ni baarume liikhumi na mutweela.

Currently Selected:

Buraambi 1: LPE

Highlight

Copy