Buraambi 1
1
1 #
Luk 1.1-4
Uwe Lukoosi Tefilo, ise naamala khaale khukhuronela mu bwitsufu bibiindu bibiwaamba khwiibyo byoosi byeesi Yezu akhola lundi aleekela, 2khukhwoolesa khu shifukhu khweesi aniinisibwilakho mwikulu. Ne nga ashiili khuniinisibwa ta, awa bilakilo byeewe isi baarume abe beesi amala khurobola, khubirira mu Mwoyo Umukhosefu. 3Lwanyuma lwe khuufwa khweewe, eyokesana isi Baarume beewe, nga abawa bubonelo bukali bubwokesanisila ilala buri niye ali umulamu. Ababonekhela mu bifukhu kamakhumi kane, nga ababoolela kamakhuuwa kamalayi ke Buyiinga bwa Wele. 4#Luk 24.49Aryo shifukhu shitweela nga ashiili ni nabo, wabalakila ari, “Mukharura mu Yerusalemu ta, ne ni mulindilile shiwaanwa sheesi Paapa abalomela, sheesi mubeele mumbulila ise nga inganikhakho. 5#Mat 3.11; Mrk 1.8; Luk 3.16; Yoh 1.33Lwekhuba Yohana abatisa ni kameetsi, ne nanywe mu bifukhu bikyeekhe bibiitsa, mulibatisibwa n'Umwoyo Umukhosefu.”
Yezu ayilibwa mwikulu
(Mrk 16.19-20; Luk 24.50-53)
6Baryo baarume ni baabusana atweela ni Yezu, bamureeba bari, “Umukasya, mu bifukhu bino ari wutsya khukobosela ba Isiraeli Buyiinga?”
7Yezu wabelamo ari, “Sishili isi inywe khumanya bifukhu, namwe inyaanga isi Paapa ara mu bunyala bweewe ta. 8#Mat 28.19; Mrk 16.15; Luk 24.47,48Ne mulifuna kamaani, Umwoyo Umukhosefu n'alimala khukhwiikha khwiinywe, ni nanywe muliiba bajulisi baase mu Yerusalemu, ni mu Yuda mwoosi, ni mu Samariya, ni khukhwoolesa isi shiibala shakama.” 9#Mrk 16.19; Luk 24.50,51Aryo Yezu n'amala khukanikha bino, wayilibwa mu ngaaki nga boosi babona, ni lifuumbi lyamubisa, balekha khumubona lundi ta.
10Ne ni baaba nga bashofwaasa mwikulu nga Yezu atsya, bona abonekhawo khangu akho basaani babili, nga bakwaarire tsingubo tsiwaanga, beetsa beema ambi ni nabo. Baryo basaani bano baloma baleekelwa bari: 11“Basaani be Galilaaya, shiina shibemisile ano nga mulolele mu ngaaki? Yezu mweene uyu ubarusiwilekho wayilibwa mwikulu, alikobola aryo musaambo nyeneyo, nga ni mumuboone nga atsya mwikulu.”
Khurobola umuundu uwiila mu shifwo sha Yuda
(Mat 27.3-10)
12Lwanyuma baarume bakobolayo i Yerusalemu, nga baama khu lukiingi lulaangiwa lwe kimisaala Kimizeyituni, luluuli ambi ni Yerusalemu, nga lukyeendo ambi luli i kilomita nga ndweela. 13#Mat 10.2-4; Mrk 3.16-19; Luk 6.14-16Ne ni benjila mu Yerusalemu, baniina mu shiseenge she khu ngaaki abe mweesi bamenya. Mu baarume bababawo mwabamo; Petero, Yohana, Yakobo, ni Andereya, Filipo ni Tomasi, Batolomayo ni Matayo, Yakobo umwaana wa Alufayo ni Simoni uwaba Zelote, ni Yuda umwaana wa Yakobo. 14Bano boosi betubaasila atweela mu khuloomba akhali khukoosa ta, atweela ni bakhasi babaandi, ni Mariya maayi wa Yezu, ni babandaaye ba Yezu.
15Mu bifukhu ibyo, Petero wiima akari mu be buulebe, mu lituuli lilyaba lyoola babaandu shitoondo shitweela ni kamakhumi kabili (120), waloma ari: 16“Be buulebe, bafukiilisi bashaase, bibyaronebwa bikhosefu byakhila byoolelesebwa, byeesi Umwoyo Umukhosefu alomela khaale khubirira mu Daudi, nga arumbula ibyo bibiwaamba khu Yuda, uwaranjilila babaandu babawamba Yezu. 17Yuda mweeneyo abalibwila atweela ni nafwe, lundi wakabananila atweela ni nafwe mu mulimo kuno. 18#Mat 27.3-8Yuda yuno akula kumukuunda ni tsinusu tse bubwonaki bweewe, mu bweenemwo mweesi akwa mafumala, warundukha ni kamala keewe koosi kaweela ibulafu. 19Babaandu boosi be mu Yerusalemu bawulila shilomo shino, baryo kila balaanga kumukuunda ukwo mu lulimi lwe waabwe bari, ‘Akeludama,’ kamakhulu kaasho ndi, ‘Kumukuunda kweesi kamafuki katsutsukhamo.’
20 #
Zab 69.25
Zab 109.8
“Lwekhuba mu burone bwe Zabuli sharonebwa shiri,
‘Khayo intsu yeewe ilekhebwe busa,
ilekhe khubawo umuundu ukibamo ta.’
Lundi sharonebwa shiri,
‘Khayo ibewo umuundu ukuundi uyila bukhulu bweewe.’
21 #
Mat 3.16; Mrk 1.9; Luk 3.21
Mrk 16.19; Luk 24.51 “Nashiryo shikhwakhila ifwe khurobolayo umuundu ubeelatsakile ni nafwe mu bifukhu byoosi khukhwaama nga Umukasya Yezu n'akyendaatsaka ni nafwe, 22khukhwamila ilala khu bifukhu byeesi Yohana abatisatsakila, khukhwoolesa khu shifukhu khweesi Yezu akhurusibwakho waniinisibwa mu ngaaki. Umuundu uyo akha waba mutweela khwiifwe nga umujulisi we bye khulamukha khwa Yezu.”
23Baryo bareera kamasina ke babaandu babili: Yozefu uwalaangiwa Balusaba (lundi uwamanyikhana nga Yusito), ni Matatiya. 24Lwanyuma baloomba bari, “Umukasya, iwe wamanya kumwoyo kwa buli mutweela, n'ukhwokese khu babili bano, naanu yeesi uroboole 25khuyila shiifwo shino she bubwakaanisi bwe burume bweesi Yuda alekha, watsya esi abe akhila khuuba.” 26Baryo bakhupa khakokha khukhalawo naanu khu baandu babili uyila shiifwo isho. Khakokha khaakwa khu Matiya, aryo niye wabaliwila atweela ni baarume liikhumi na mutweela.
Currently Selected:
Buraambi 1: LCE
Highlight
Share
Copy
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
