Cakirok 23

Sara tho, aka Abraham nyewo kayik

1Sara obedo ma oro 127. 2Go otho i Hebron, i piny Kanan, aka Abraham okidho to ywako go.

3Abraham oay kama delkwoŋ cege oyido nitie iye, aka okidho bongi Johiti to waco rijo ni, 4#Ebu 11:9,13; Tim 7:16 “An ajapath ma bedo i dier win, tana win an lowo moro, ŋey anyal yiko dhako paran.”

5Johiti jodwoko Abraham ni, 6“Winji wan jadwoŋ, waŋeyo nike ibedo jatel madwoŋ yik dhako perin i kaliel maŋon loyo ma wanitie gine. Ongoye kwoŋ wan ŋata nyalo cerin kaliel, kosa yiko jatho perin.”

7Kenyo Abraham oay to kule piny ruwaŋ jo 8aka owaco ni, “K'inen wiyeyan yiko dhako paran ka, mondo kway ran win Efron wod pa Zohar 9wotana an ŋungu ma Makipela, manitie cegin gi kew ndelo pere. Weyi go wotana an i welo ma gikululu, ka ruwaŋ win, ŋey wobedi aparan paka kayik.”

10Onyo Efron won oyido obedo i dier Johiti i karomo, aka odwoko Abraham munyo ji jowinjo ni, 11“Winji jadwoŋ, amiyin ndelo kiri gi ŋungu ma nitie iye; ruwaŋ ji paran won amiyin ŋey inyal yiko dhako perin.”

12Kenyo Abraham okule piny ruwaŋ Johiti 13aka owaco ri Efron munyo kisi nyatoro je winjo ni, “Akwayin, mondo winjan ye; alanyewo ndelo gipi. Riameno jol cul paran, aka ayiki dhako paran kenyo.”

14Efron odwoko Abraham ni, 15“Jadwoŋ, adec lowo ma romo nyaka feza miya aŋwen bende ginaŋo i dier an kodin! Yik dhako perin i iye.” 16Abraham oyere gi Efron, aka opima ri Efron feza m'oyido go otieko waco munyo kisi nyatoro je winjo kodi rapim ma jomitan oyido jo oro.

17Ameno apaka ndelo pa Efron m'oyido nitie i Makipela, yuwok ceŋ ma Mamire, kodi ŋungu m'oyido nitie iye, kiri gi yen olokere 18lim pa Abraham ruwaŋ Johiti, kodi ruwaŋ ji ma jokidho i waŋkac ma tindi je 19Rumacen ma gime Abraham oyiko cege i ŋungu ma ndelo ma Makipela yuwok ceŋ ma Mamire i piny Kanan. 20Ameno ndelo m'oyido obedo apa Johiti, gi ŋungu m'oyido nitie iye olokere lim pa Abraham paka kayik.

Currently Selected:

Cakirok 23: DHOCDC

Highlight

Copy