Yohana Gima mako kwoŋ kitawo me
Gima mako kwoŋ kitawo me
Kitawo ma Wac maber mapa Yesu Kristo paka Yohana ondiko luwo kwoŋ Yesu paka Wac pa Were ma cil gi cil, Wac olokere Dhano, aka obedo gi wan (1:14). Paka kitawo won waco, To me ondiki aka ŋey wiyey ni Yesu obedo Kristo, Wod Were, aka ni yeyo gime winyal limo kwo makirum i nyingi go! (20:31).
Rumacen ma gima yawo ma nyutho ni Wac pa Were ma cil gi cil obedo Yesu, adec marapena ma Wac Manyen Maber luwo kwoŋ gir'aura kweth ma nyutho ni Yesu obedo Jaboth m'ocik, Wod pa Were. Gima luwo obedo ndiko ma tito gim'onyuthere gi gir'aura kweth. Adec me ma kitawo luwo kwoŋ nger ma joman joyey'iye Yesu to jolokere jofonjirok pere, kucel joman jopiemo gi go to jokwero yeyo. Siro 13—17 luwo i thutho kwoŋbedo iy'acel pa Yesu gi jofonjirok pere wor m'omak'iye go, gi wac pere ma yiko jo gi miyo jo meni i ndelo ma luwo ndelo m'ogur'iye go. Sirin macowe luwo kwoŋ mako Yesu gi temo go, guro go gi cerino pere, kodi menyirok pere ri jofonjirok pere rumacen ma cerino.
Kigana ma mako kwoŋ dhako m'omak i cot (8:1-11) okethi i gima cale g'ama[]. Me kwoŋbedo ndiko mathoth gi ndiko m'owir macon joweyo woko, kucel man joketho kaman.
Yohana luwo tektek kwoŋ kwo ma cil gi cil luwo kwoŋ Kristo, mic ma cako pama aka bino ri jono ma joyeyo Yesu paka royo, adieri kodi kwo. Gima nenere swa i kitawo pa Yohana obedo oro cal ma gigipiny ma kisi ndelo ma nyutho gigipiny ma cuny, paka pi, mugat, lero, jakwath rombo, kodi yath vini g'olemo mere.
Can ma gima nitie i kitawo me
Gima yawo 1:1-18
Yohana Jakibatisa gi jofonjirok pa Yesu marapena 1:19-51
Tic pa Yesu i dier lwak 2:1—12:50
Ndelo macowe i iye kodi cegin gi Yerusalem 13:1—19:42
Cerino gi menyirok pa Rwoth 20:1-31
Gima cego: Menyirok man i Galili 21:1-25
Currently Selected:
Yohana Gima mako kwoŋ kitawo me: DHOPE
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.