Genesis 36
36
Ang mga Kaliwat ni Esau
(1 Cron. 1:34-37)
1Amo ini ang mga kaliwat ni Esau nga ginatawag man Edom. 2Si#Gen. 26:34. Esau nagpangasawa sing mga babayi nga Canaanhon nga amo ang masunod: si Ada nga anak ni Elon nga Hethanon: si Oholibama nga anak ni Ana nga anak nga lalaki#36:2 Ang iban nga dumaan nga mga pagbadbadanak nga lalaki; sa Hebreoanak nga babayi; ukonapo nga babayi. ni Zibeon nga Hevhanon: 3kag#Gen. 28:9. si Basemat nga anak ni Ismael kag utod nga babayi ni Nebayot. 4Si Ada nagbata kay Elifaz: si Basemat nagbata kay Reuel: 5kag si Oholibama nagbata kay Jeus, kay Jalam, kag kay Core. Amo ini ang mga anak nga lalaki ni Esau sa Canaan.
6Dayon gindala ni Esau ang iya mga asawa, mga anak nga lalaki kag mga anak nga babayi, kag ang tanan nga mga katapo sang iya panimalay, kag ang tanan niya nga mga kasapatan kag mga pagkabutang nga iya natipon sa duta sang Canaan, kag nagpahilayo sia sa iya utod nga si Jacob pakadto sa iban nga duta. 7Naghalin sia tungod kay madamo na gid ang ila mga kasapatan kag indi na sila makaigo sa duta sa bagay nga indi na sila makaestar sing tingob. 8Gani si Esau nag-estar sa kabakuloran sang Edom.
9Amo ini ang mga kaliwat ni Esau nga amay sang mga Edomnon sa mga kabakuloran sang Edom. 10-13Ang asawa ni Esau nga si Ada nagbata sing lalaki nga amo si Elifaz. Si Elifaz may lima ka mga anak nga lalaki nga amo sanday Teman, Omar, Zefo, Gatam kag Kenaz. Kag sa isa pa gid ka asawa ni Elifaz nga amo si Timna, may anak sia nga lalaki nga amo si Amalek.
Ang asawa ni Esau nga si Basemat nagbata sing isa ka lalaki nga amo si Reuel. Si Reuel may apat ka mga anak nga lalaki nga amo sanday Nahat, Zera, Sama, kag Miza.
14Ang asawa ni Esau nga si Oholibama, ang anak ni Ana nga anak nga lalaki#36:14 ANAK NGA LALAKI: (Tan-awa ang 36:2). ni Zibeon nagbata sing tatlo ka lalaki nga amo sanday Jeus, Jalam kag Core.
15Amo ini ang mga tribo nga mga kaliwat ni Esau. Ang panganay nga anak ni Esau nga si Elifaz amo ang amay sang masunod nga mga tribo: ang mga tribo ni Teman, ni Omar, ni Zefo, ni Kenaz, 16ni Core, ni Gatam, kag ni Amalek. Ini sila tanan mga kaliwat sang asawa ni Esau nga si Ada.
17Ang anak ni Esau nga si Reuel amo ang amay sang masunod nga mga tribo: ang mga tribo ni Nahat, ni Zera, ni Sama kag ni Miza. Ini sila tanan mga kaliwat sang asawa ni Esau nga si Basemat.
18Ang masunod nga mga tribo kaliwat ni Esau sa iya asawa nga si Oholibama nga anak ni Ana: ang mga tribo ni Jeus, ni Jalam, kag ni Core. 19Ini tanan nga mga tribo mga kaliwat ni Esau.
Ang mga Kaliwat ni Seir
(1 Cron. 1:38-42)
20-21Ang tumandok nga mga pumoluyo sang duta sang Edom nabahinbahin sa mga tribo, nga ang ila mga katigulangan mga kaliwat ni Seir nga Horhanon, nga amo ang masunod: si Lotan, si Sobal, si Zibeon, si Ana, si Dison, si Ezer, kag si Disan.
22Si Lotan amo ang amay sang mga kabarangayan ni Hori kag ni Heman. Si Lotan may utod nga babayi nga si Timna.
23Si Sobal amo ang amay sang mga kabarangayan ni Alvan, ni Manahat, ni Ebal, ni Sefo, kag ni Onam.
24Si Zibeon may duha ka mga anak nga lalaki nga amo si Aya kag si Ana. Si Ana amo ang nakasapo sang tuboran sang mainit nga tubig sa desierto sang nagaatipan sia sang mga asno sang iya amay. 25-26Si Ana amo ang amay ni Dison nga amo ang ginhalinan sang mga kabarangayan ni Hemdan, ni Esban, ni Itran, kag ni Keran. Si Ana may anak man nga babayi nga si Oholibama.
27Si Ezer amo ang ginhalinan sang mga kabarangayan ni Bilhan, ni Zaavan, kag ni Akan.
28Si Disan amo ang ginhalinan sang mga kabarangayan ni Uz kag ni Aran.
29-30Amo ini ang mga tribo nga Horhanon sa duta sang Edom: ang mga tribo ni Lotan, ni Sobal, ni Zibeon, ni Ana, ni Dison, ni Ezer, kag ni Disan.
Ang mga Hari sang Edom
(1 Cron. 1:43-54)
31-39Sa wala pa sing mga hari ang Israel, amo ini ang mga hari nga naggahom sa duta sang Edom sa sini nga palaagisod:
Si Bela nga anak ni Beor nga taga-Dinhaba
Si Jobab nga anak ni Zera nga taga-Bozra
Si Husam nga taga-Teman
Si Hadad nga anak ni Bedad nga taga-Avit, ginlutos niya ang mga Midianhon sa inaway sa duta sang Moab
Si Samla nga taga-Masreka
Si Shaul nga taga-Rehobot sa ubay sang Suba sang Eufrates
Si Baal-hanan nga anak ni Acbor
Si Hadad nga taga-Pau, ang iya asawa si Mehetabel nga anak ni Matred kag apo ni Mezahab
40-43Si Esau amo ang ginhalinan sang mga tribo nga Edomnon nga amo ang masunod: ang mga tribo ni Timna, ni Alva, ni Jetet, ni Oholibama, ni Ela, ni Pinon, ni Kenaz, ni Teman, ni Mibzar, ni Magdiel kag ni Iram. Ang lugar nga gin-estaran sini nga mga tribo nahibaluan paagi sa ngalan sang tagsa ka tribo.
Currently Selected:
Genesis 36: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
