Genesis 6
6
Ang Kalautan sang Katawhan
1Sang#Job 1:6; 2:1. magdamo na ang mga tawo sa bug-os nga kalibutan, kag may nagkalatawo nga mga babayi, 2nakita sang langitnon nga mga tinuga#6:2 langitnon nga mga tinuga: ukonmga anak nga lalaki sang mga dios; ukonmga anak nga lalaki sang Dios. nga ining mga babayi matahom, gani ginpangasawa nila ang ila mga naluyagan. 3Karon ang Ginoo nagsiling, “Indi ako magpahanugot nga ang mga tawo magkabuhi sing walay katapusan, kay sila mamalatyon. Sugod karon magakabuhi sila sing indi magsobra sa 120 ka tuig.” 4Sa#Num. 13:33; Sir. 16:7; Bar. 3:26. sadtong mga adlaw, kag bisan sang ulihi, may mga higante sa duta nga mga anak sang tawhanon nga mga babayi kag sang langitnon nga mga tinuga. Sila ang kinilala nga mga baganihan kag bantog nga mga tawo sadto nga panag-on.
5Sang#Mat. 24:37; Luc. 17:26; 1 Ped. 3:20. makita sang Ginoo nga ang mga tawo tama gid kalaut sa bug-os nga duta, kag ang ila mga panghunahuna tama gid kahigko sa tanan nga tion, 6nagkasubo sia nga gintuga niya ang mga tawo kag ginpaestar sa duta. Daku gid ang iya kasubo, 7gani nagsiling sia, “Laglagon ko ang tanan nga mga tawo nga akon gintuga sa duta. Laglagon ko man ang tanan nga mga kasapatan kag ang tanan nga mga kapispisan, tungod kay nagakasubo ako nga ginhimo ko sila.” 8Pero ang Ginoo nahamuot kay Noe.
Si Noe
9-10Amo#Sir. 44:17-18; 2 Ped. 2:5. ini ang kasaysayan sang kabuhi ni Noe. May tatlo sia ka mga anak nga lalaki nga amo sanday Sem, Ham, kag Jafet. Si Noe amo gid lang ang matarong kag wala sing kasawayan nga tawo sang iya panag-on. Nagkabuhi sia sa paghiambit sa Dios. 11Pero ang iban nga mga tawo malaut gid sa panulok sang Dios kag ang ila kalaut naglapta bisan diin. 12Gintan-aw sang Dios ang kalibutan kag nakita niya nga malaut ini, kay ang mga tawo nagakabuhi sa kalautan.
13Ang Dios nagsiling kay Noe, “Nagpamat-od ako nga laglagon ko ang tanan nga katawhan. Laglagon ko sila sing bug-os tungod kay ang kalibutan napun-an sang ila malain nga mga binuhatan. 14Maghimo ka sing arka kag gamiton mo ang maayo nga mga kahoy. Maghimo ka sing mga hulot sa arka kag butangan mo ini sang aspalto sa sulod kag sa gwa. 15Himua nga ang kalabaon sang arka 450 ka tapak, ang kasangkaron setentay singko ka tapak, kag ang kataason kwarentay singko ka tapak. 16Butangan mo sing atop#6:16 atop: ukonbintana. ang arka, kag butangan mo sing antad nga desi-otso ka pulgada ang dingding kag ang atop.#6:16 atop: ukonbintana. Himua nga ang arka may tatlo ka panalgan, kag butangan mo sing pwertahan sa kilid. 17Magapadala ako sing anaw sa paglaglag sang tanan nga nagakabuhi sa duta. Ang tanan sa duta mapatay, 18pero magahimo ako sing kasugtanan sa imo. Magsulod ka sa arka upod ang imo asawa, ang imo mga kaanakan kag ang ila mga asawa. 19-20Magdala ka sa arka sang isa ka pares sang tagsa ka sari sang sapat, kag sang tagsa ka sari sang pispis, agod mabuhi sila. 21Dala ka sang tanan nga sari sang kalan-on kag tipunon mo ini agod manginkalan-on para sa imo kag para sa ila.” 22Ginhimo #Heb. 11:7. ni Noe ini tanan suno sa ginsugo sang Dios sa iya.
Currently Selected:
Genesis 6: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
