LUCAS 12
12
No asino ti rebbeng a cabuteng.
1Ket idi nga naguurnong ti linacsa a tattao iti casta nga agdadarisonda, rinugianna a kinuna cadagidi adalanna, umuna: #Mat. 16:6, 12. Mar. 8:15.Agaluadcayo iti levadura dagiti Fariseo, ta isu ti #Mat. 23:28.panaginsisingpet.
2Ngem awan ti naabbungan #Mat. 10:25-33. Mar. 4:22. Luc. 8:17.a dinto maipatac; ken nailemmeng a dinto maammoan:
3Gapuna nga, amin a sinaoyo iti sipnget, mangngegto iti lawag; ket ti sinaoyo nga inyarasaas cadagiti silid a makinuneg, maiwarragawagto cadagiti tuctoc ti balay.
4Ket cunac cadacayo, #Juan 15:13-15.gagayyemco: dicay pagbutngan dagiti mamapatay ti bagi, ket iti calpasanna, awan ti sabali a mabalinda nga aramiden.
5Ngem ibagacto cadacayo, no asino ti pagbutnganyo. Pagbutnganyo day diay adda pannacabalinna a mangitappuac iti infierno, iti calpasan ti panangpapatayna; pudno a cunac cadacayo: Pagbutnganyo daydiay.
6Saan a malaco aya ti #Mat. 10:29.lima a bil-lit tuleng iti maysa a centavo? Ket uray maysa cadacuada awan ti malipatan iti imatang ti Dios.
7Ngem uray pay dagiti booc ti oloyo addada amin a nabilang. Dicay agbuteng: napatpategcayo ngem cadagiti adu a bil-lit tuleng.
8Ket cunac cadacayo nga isu-amin a mangipaduyacyac caniac iti sangoanan dagiti tao, ti Anac ti tao ipaduyacyacnanto met iti sangoanan #Mat. 25:31.dagiti angel ti Dios;
9Ngem ti mangilibac caniac iti sangoanan dagiti tao mailibacto met iti sangoanan dagiti angel ti Dios.
10Ket isu-amin nga #Mat. 12:31.agsao iti maicaniwas iti Anac ti tao, mapacawanto; ngem ti agtabbaaw iti Espiritu Santo, saanto a mapacawan.
11Ket inton isaclangdacayo #Mat. 10:19. Luc. 21:14.cadagiti sinagoga ken cadagiti panguloen ken cadagiti agturay, dicay pacadanagan no casano wenno anianto ti isungbatyo wenno ti saoenyonto:
12Ta ti Espiritu Santo isuronacayto iti dayta met la nga horas no ania ti rebbengyo a saoen.
Pangngarig iti nabacnang a nacuneng.
13Ket kinuna kencuana ti maysa cadagiti adu a tao: Mannursuro, ibagam ken cabsatco nga ibingayannac ti tawid.
14Ngem isu kinunana kencuana: Tao, asino ti mangicabil caniac a mangocom wenno mamagbingay cadacayo?
15Ket kinunana cadacuada: #1 Tim. 6:6-11.Kitaenyo ket agaluadcayo iti amin nga agum; ta ti biag ti tao saan nga adda iti caadu dagiti gameng a cupcupicupanna.
16Ket isu sinaritana cadacuada ti maysa a pangngarig, a kinunana: Ti talon ti maysa a tao a nabacnang nagbunga ti adu:
17Ket pacpakinacmenna a cuncuna: Anianto ti aramidec, ta awan ti pangidulinac cadagiti apitco?
18Ket kinunana: Aramidecto daytoy: racrakecto dagiti camaligco, ket bangonecto ida a dacdackel; ket idulinconto idiay dagiti amin nga apitco ken gamgamengco.
19Ket cunacto iti cararuac: #Ecle. 11:9. 1 Cor. 15:32. Sant. 5:5.Cararua, adu dagiti gameng nga indulinmo a maisagana iti adu a taoen; aginanaca, manganca, uminumca, agragsacca.
20Ngem kinuna kencuana ti Dios: Nacuneng! #Sal. 52:7. Jer. 17:11. Sant. 4:14.ita a rabii masublian a dawaten kenca ti cararuam: ket #Sal. 39:6.dagiti adda nga insaganam asinonto ti agtagicua cadacuada?
21Castoy ti #Mat. 6:19, 20.agurnong ti gamgameng a maisagana kencuana, ket #Luc. 6:24. 1 Tim. 6:18, 19. Sant. 2:5.saan a nabacnang iti Dios.
Panagagawa iti biag.
22Ket kinunana cadagiti adalanna: Gapuna cunac cadacayo: #Mat. 6:25-33.dicay agagawa iti maipaay iti biagyo, no anianto ti canenyo; wenno iti bagiyo, no anianto ti icawesyo.
23Ta ti biag nangnangrona ngem ti canen, ket ti bagi nangnangrona ngem ti pagananay.
24Panunutenyo dagiti wac, a dida agmula ket dida met agani ket awan ti pagidulinanda wenno agamangda, ket ti Dios taraonanna ida Anianto ketdin cadacayo a napatpategcayo nga adayu ngem dagiti tumatayab!
25Ket asino cadacayo ti, nupay agagawa mabalinna a nayonan iti kinatayagna ti sangcasico?
26No dicay ngarud mabalinan ti basbassit, apayapay agawaanyo ti maipapan cadagiti sabali?
27Kitaenyo dagiti lirio, no casano ti idadackelda: saanda nga agtrabajo ket saanda met a mambi, ngem cunac cadacayo nga uray ni Salomon agraman ti isu-amin a dayagna saan a nacawesan a cas ti maysa cadacuada,
28No castoy ngarug ti panangawes ti Dios iti root, nga ita adda iti talon, ket inton bigat maibel-leng iti horno, dinto adadda pay cadacayo bassitan ti pammati?
29Ket dicay agagagawa ti canenyonto wenno ti inumenyonto; ket dicay met agdanag.
30Ta isu-amin dagitoy a banag agagawaan dagiti nacion ti lubong; ngem ni Amayo ammona a masapulyo dagitoy.
31Ngem sapulenyo a nangnangrona ti pagarian ti Dios, ket isu-amin dagitoy a banbanag-mainayonto cadacayo.
32Dicay agbuteng, #Isa. 40:11. Zac. 13:7. Juan 21:15, 17.bassit nga ipastoran, ta nagayatan ni Amayo nga ited cadacayo #Mat. 25:34.ti pagarian.
33Ilacoyo dagiti cucuayo, #Luc. 11:41.ket mangtedcayo ti limos; agaramidcayo ti supsupotyo a di agdaan, maysa a #Mat. 6:20, 21. bil. 21.gameng a saan nga mapucaw cadagiti langlangit, isu a di maasitgan ti mannanacaw ken di met dadaelen ti sanga.
34Ta no adino ti yan ti gamengyo, addanto met idiay ti pusoyo.
Pangngarig ti adipen a nasalucag.
35Baricsanyo dagiti siketyo #Mat. 25:7, 8.ket sigagangat coma dagiti silawyo;
36Ket dacayo coma ti cas cadagiti tao nga agururay iti apoda no caano ti panagsublinanto manipud iti pagbobodaan; tapno inton umay ket umawag, dagus nga ilucatandanto.
37Nagasat #Mat. 24:46.dagidiay adipen nga inton umay ti apoda, masaracannanto ida nga #Mat. 24:42.agpuypuyat: pudno a cunac cadacayo, nga baricsannanto #Juan 13:4.ket aramidennanto ida a #Luc. 22:27.sumango iti panganan, ket umayto ket agservinto cadacuada.
38Ket no umayto iti #Ex. 14:24.maicadua a paset ti panagpuyat wenno iti maicatlo ket masaracanna ida a casta, nagasat dagidiay nga adipen.
39Ngem ammoenyo daytoy, #Mat. 24:43-51.a no naammoan coma ti ama ti sangacabbalayan no ania nga horas ti iyaay ti mannanacaw, nagpuyat coma ket dina coma binaybay-an nga inabutanda ti balayna.
40Addacay met coma a sisasagana; #Mar. 13:33. Luc. 21:34, 36.ta iti horas a dicay ipappapan, ti Anac ti tao umay.
41Ket kinuna ni Pedro kencuana: Apo, cunam daytoy a pangngarig a maipaay cadacami, wenno cadagiti isu-amin met?
42Ket kinuna ti Apo: Asino ngarud ti #Luc. 16:1.mayordomo a mapagtalcan ken manakem, nga insaad ni apona nga agaywan cadagiti tao ti balayna, tapno inton pannacaipaayna itedna cadacuada ti pannacabagida a taraon?
43Nagasat daydiay adipen nga inton umay ni apona, masaracannanto a casta ti araramidenna.
44Kinapudnona a cunac cadacayo, nga isu isaadnanto nga agaywan cadagiti isu-amin a sanicuana.
45Ngem no dayta nga adipen #Mat. 24:51.cunaennanto iti pusona: Ni apoc agbayag nga umay, ket rugiannanto a cabilen dagiti tagabu a lallaki ken babbai, ket mangan ken uminum ken agbartec;
46Umayto ti apo dayta nga adipen iti aldaw a dina ipagpagarup, ken iti horas a dina ammo, ket saplitennanto, ket ikeddengnanto ti #Mat. 24:51.pannacabagina a maicanunong cadagiti saan a mapagtalcan.
47Ket dayta adipen a nacaawat ti pakinakem ni apona, ket saan a nagsagana ket saanna met nga inaramid cas iti pakinakemna, masaplitto iti adu.
48Ket ti saan a nacaammo, ket nagaramid cadagiti banbanag a maicari iti dusa mabaotto iti bassit: #Mat. 25:15, 29.ta iti uray siasino a nacaitedan ti adu, adaddanto ti masingir kencuana, ket daydiay a nacaicumitan iti adu, adadunto met ti madawat kencuana.
Ni Jesus iserrecna ti apuy ken ti susic iti daga.
49Immayac mangibacal ti #Mat. 3:11.apuy iti daga: ket ania pay ti cayatco, no adda a sigagangaten?
50Ngem adda maysa a #Mat. 20:22. Mar. 10:38.pammautizarco a pacabautizarac ket #Mar. 10:32. Juan 12:27.ania ket ti #Fili. 1:23.panagtooccon agingga iti di matungpal!
51Ipapanyo #Mat. 10:34, 35.nga, immayac a mangted ti talna ditoy daga? Saan, cunac cadacayo; ngem panaglalasin ketdi;
52Ta manipud ita aglalasindanto dagiti lima iti maysa a balay: tal-lo maibusor cadagiti dua; ket dua maibusor cadagiti tal-lo.
53Aglalasindanto, ti ama bumusor iti anac a lalaki ket #Mik. 7:6.ti anac a lalaki bumusor iti ama; ti ina bumusor iti anacna a babai, ket ti anac a babai bumusor iti inana; ti catugangan a babai bumusor iti manugangna a babai ket ti manugang a babai bumusor iti catuganganna a babai.
Dagiti pagilasinan cadagiti aldaw.
54Ket cuncunana met cadagiti adu a tao: #Mat. 16:2, 3.No makitayo ti maysa nga ulep a tumpoar iti laud, dagus a cunaenyo: Umay ti tudo ket casta ti maaramid.
55Ket no agangin ti abagat, cunayo: Addanto pudot; ket casta ti maaramid.
56Managinsisingpet! Ammoyo nga ilasin ti langa ti langit ken daga; ngem casano dayta ket dicay ammo nga ilasin daytoy nga aldaw?
57Ket apayapay dicay agipato uray cadacay met laeng ti nalinteg?
58Ta #Mat. 5:25, 26.cas no mapanca iti agturay agraman ti caringgormo, agawaam ti mabalinmo iti dalan, tapno macalapsotca kencuana: tapno dinaca uluden iti sangoanan ti Ocom ket ti ocom iyawatnaca iti polis, ket ti polis ipisocnaca iti pagbaludan.
59Cunac kenca a dicanto rummuar sadiay agingga iti dica mabayadan ti camaudianan a #Mar. 12:42.maravilis.
Currently Selected:
LUCAS 12: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
