LUCAS 20

Ti pammautizar ni Juan.

1Ket naaramid iti #Mat. 21:23-27. Mar. 11:27-33.maysa cadagidi nga aldaw, nga idi manursuro iti umili idiay Templo ken icascasabana ti naimbag a damag, kinel-laat dagiti panguloen dagiti papadi ken dagiti escriba agraman dagiti lallacay;

2Ket nagsaoda kencuana a kinunada: Ibagam cadacami: Ania ti akinpannacabalin ti pangaramidmo cadagitoy a banag? wenno siasino ti nangted kenca itoy a pannacabalin?

3Ket simmungbat ket kinunana cadacuada. Siac intuudec met cadacayo ti maysa a banag; ket sungbatandac:

4Ti pammautizar ni Juan naggapu iti langit, wenno cadagiti tao?

5Ket pinacpakinakemda a cuncunada: No cunaentayto: Iti langit; cunananto: Apayapay ngarud a dicay namati kencuana?

6Ngem no cunaentayto: Cadagiti tao; amin dagiti umili uburendatayto #Luc. 7:29.ta napnecda a ni Juan maysa a mammadto.

7Ket simmungbatda a dida ammo no adino.

8Ket ni Jesus kinunana cadacuada: Uray siac diac met ibaga cadacayo no ania a pannacabalin ti pangaramidco cadagitoy a banag.

Pangngarig cadagidi agtaltalon a dakes.

9Ket rinugianna a sinao cadagiti umili daytoy a pangngarig: Maysa a tao #Mat. 21:33-46. Mar. 12:1-12.nagmula ti maysa a cauvasan ket impaabangna cadagiti agtaltalon, ket napan iti sabali a daga iti nabayag.

10Ket idi tiempona, nangibaon ti maysa nga adipen cadagidi agtaltalon, tapno itedda kencuana ti abang ti cauvasan; ngem dagidi agtaltalon kinabilda ken pinagawidda nga ongaong.

11Ket nangibaon manen iti sabali nga adipen; ngem daytoy kinabilda met ket nagsasaoanda iti nacababain unay ket pinagawidda nga onga-ong.

12Ket nangibaon manen ti maicatlo; ket sinugatda met ken pinagtalawda.

13Ket ti apo ti cauvasan kinunana: Ania ti aramidecto? ibaonconto ti anacco nga ayayatec: nalabit padayawandanto no makitada.

14Ngem dagiti agtaltalon, idi nakitada, nagsasaoda, a kinunada: Daytoy isu ti agtawid; papatayentayo, tapno ti tawid cucuatayto.

15Ket isu induronda iti ruar ti cauvasan, ket pinatayda. Anianto ngarud ti aramiden ti apo ti cauvasan cadacuada?

16Umayto ket pucawennanto dagitoy nga agtaltalon, ket itednanto ti cauvasanna cadagiti sabali. Ket idi nangngegda, kinunada: Uray caanoman saan coma a casta.

17Ngem isu kinitana ida, ket kinunana: Ania ngarud daytoy adda a naisurat: #Sal. 118:22, 23.Ti bato nga imbel-leng dagiti agcabcabite, isu ti naaramid a bato a pasuli?

18Isuamin a matnag iti dayta a bato maburacto; ngem iti siasinoman a pagtinnagannanto, marumrumecto.

Ti maipapan iti buis.

19Ket #Luc. 19:47.agawaan dagiti escriba ken dagiti panguloen dagiti papadi a tiliwen iti daydi nga horas; ngem kinabutengda dagiti umili: ta naawatda nga insaona daytoy a pangngarig a maibusor cadacuada.

20Ket isu sinisiimda, ket #Mar. 12:13-27.nangibaonda cadagiti agsisiim nga aginlalaing tapno matiliwda cadagiti saona ket tapno mayawatda iti pagturayan ken pannacabalin ti #Mat. 27:2. Luc. 3:1.gobernador.

21Ket inintuudda kencuana a kinunada: Mannursuro, ammomi nga agsaoca ken manursuroca a nalinteg, ket awan ti panagbutengmo iti tao no di ket isurom a sipupudno ti dalan ti Dios:

22Maipalubos cadacami ti panagbayad ti buis ken Cesar, wenno saan?

23Ngem isu, nadlawna ti sicapda, ket kinunana cadacuada:

24Ipakitaandac #Mat. 18:28.ti maysa a denario. Asino ti akinladawan ken naisurat kencuana? Ket kinunada: Ni Cesar.

25Ket kinunana cadacuada: Itedyo ngarud ken Cesar ti cucua ni Cesar, ket iti Dios ti cucua ti Dios.

26Ket saanda a nabalin a tiniliw cadagiti saona iti sangoanan dagiti umili: ket nagsiddaawanda ti sungbatna ket nagulimecda.

Dagiti Saduceo ken ti panagungar.

27Ket dimteng dagiti dadduma a Saduceo, nga saan a mamati ti panagungar, ket inintuudda kencuana,

28A cuncuna: Mannursuro, ni Moises imbatiannacami ti surat #Deut. 25:5.a no ti cabsat a lalaki nga adda asawana matay, ngem awan putotna, ti cabsat daydi asawaenna coma ti balo, ket iputotanna ti sumuno ken cabsatna.

29Ngarud adda pitoda nga agcacabsat: ket ti inauna nangala ti asawa a babai, ket natay nga awanan putot:

30Ket inasawa ti maicadua ket natay met nga awanan putot.

31Ket inasawa manen ti maicatlo, ket casta a nagsasaganad dagidi pito, ket natayda nga awanan putot.

32Ket iti calpasanna natay met di babai.

33Ngarud inton panagungar, asinonto cadacuada ti akinasawa? Ta pitoda a nangasawa kencuana.

34Ket ni Jesus kinunana cadacuada: Dagiti annac daytoy a lubong mangasawada ken mayasawada:

35Ngem dagiti #Luc. 21:36. D. Ara. 5:41. 2 Tes. 1:5.maipatonto a maicari iti lubong nga umayto ken ti panagungar dagiti natay, saanda a mangasawa ket dida met mayasawa:

36Ta didanto matayen: ta capadpada ida dagiti angel, ket annac ida ti Dios, ta annac ida ti panagungar.

37Ngem, dayta panagungar dagiti natay, ni Moises #Ex. 3:6.imparangarangna idi iti denna ti Zarza, idi inawaganna ti Apo, ti Dios ni Abraham, ken Dios ni Isaac, ken Dios ni Jacob.

38Ta isu saan a Dios dagiti natay, no di ket dagiti sibibiag: ta agbiagda #Rom. 6:10, 11. Gal. 2:19.amin a maipaay kencuana.

39Ket simmungbat kencuana dagiti dadduma cadagiti escriba, ket kinunada: Mannursuro, naimbag ti panagsaom.

40 # Mat. 22:42, 46. Mar. 12:34. Dida ngarud naitureden ti nagintuud kencuana ti uray ania.

Ti Cristo anac aya ni David.

41 # Mat. 22:41-45. Mar. 12:35-37. Ket isu kinunana cadacuada: Casano ti panagcunada a ti Cristo anac ni David?

42Ta ni David met laeng cunana iti libro dagiti Salmos: Ti Apo #Sal. 110:1.kinunana iti Apoc: Agtugawca iti macanawanco,

43Agingga iti panangaramidco cadagiti cabusormo a pagbatayan dagiti sacam,

44Ngarud ni David naganenna ti Apo: Ket casano ngarud nga isu ti Anacna?

Ni Jesus babalawenna dagiti escriba.

45Ket idi #Mat. 23:5-7, 14. Mar. 12:38-40.a dengdenggen ti isu amin dagiti umili, kinunana cadagiti adalanna:

46Agaluadcayo cadagiti escriba, nga gustoda ti magna a sicacawes iti nagayad, ken ayatenda ti maluglugayan cadagiti plaza ken dagiti natan-oc a tugaw cadagiti sinagoga, ken dagiti cangronaan a lugar cadagiti ramrambac;

47Isuda a mangalun-on cadagiti balbalay dagiti babbai a balo, ket pagpambarda dagiti atiddag a lualo; dagitoy awatendanto ti dacdackel a pannacadusa.

Currently Selected:

LUCAS 20: TB1973

Highlight

Copy