LUCAS 23

Ni Jesus iti sangoanan ni Pilato ken iti saclang ni Herodes.

1Ket #Mat. 27:2. Mar. 15:1. Juan 18:28.timmacderda amin ket impanda iti sangoanan ni Pilato.

2Ket rinugianda nga impulong a cuncunada: Daytoy nasaracanmi a daddadaelenna ti ilimi ket #Mat. 22:21. Mar. 12:17. Luc. 20:20.iparitna ti mangted ti buis ken Cesar ket #Juan 18:33, 36, 37; 19:12.cuncunana nga isu ni Cristo, nga Ari.

3Ket ni Pilato inintuudna kencuana a cunana: Sica ti Ari dagiti Judio? Ket isu simmungbat ket kinunana: Casta ti cunam.

4Ket ni Pilato kinunana cadagiti turayen dagiti papadi ken cadagiti tattao: #Juan 18:38; 19:4, 6.Awan ti bassol a masaracac itoy a tao.

5Ngem ipapilitda laeng a cuncunada: Riribukenna dagiti umili, a mangisursuro iti isu-amin a Judea, ket mangrugi idiay Galilea agingga ditoy.

6Ket ni Pilato, idi a mangngegna daytoy, inintuudna no di tao taga Galilea.

7Ket apaman a naammoanna a #Luc. 3:1.casacupan ni Herodes, isu imbaonna ken Herodes nga adda met sadi Jerusalem cadagidi nga aldaw.

8Ket ni Herodes, idi makitana ni Jesus, nagragsac iti napalalo, ti nabayagen a tartarigagayanna nga makita; ta isu adu ti nangnangngegna kencuana, ket ninamnamana ti macakita ti maysa a datdatlag nga aramidenna,

9Ket nagintuudanna iti adu; ngem isu saanna a sinungbatan.

10Ket addada dagiti turayen dagiti papadi ken dagiti escriba nga ipulpulongda a napalalo.

11Ket ni Herodes agraman dagiti guardiana linaisda ket nagang-angawanda #Mat. 27:28.nga pinel-lesanda ti maysa a napateg a pagananay; ket pinaisublina ken Pilato.

12Ket naggayyemda da Pilato ken Herodes iti daydi met la nga aldaw, ta idi damo aggurangurada.

13Ket ni Pilato inurnongna dagiti turayen dagiti papadi, dagiti agtuturay ken dagiti umili.

14Ket kinunana cadacuada: Insaclangyo caniac daytoy a tao a cas la mangdaddadael cadagiti umili; ket adtoy siac sinukimatco iti sangoananyo ket awan ti basol a nasaracac kencuana cadagiti pangipulonganyo.

15Ket uray pay ni Herodes ta imbaoncayo kencuana: ket adtoy, nga awan ti inaramidna a maicari iti pannacapapatay.

16Isu wayawayaacto ngarud calpasan pannacasaplitna.

17(Ta adda #Mar. 27:15-26. Mat. 15:6-15. Juan 18:39, 49.rebbengna cadacuada a mangibbet ti maysa a balud iti tunggal rambac)

18Ngem nagickisda amin a nagmaymaysa, a kinunada: Pucawem daytoy, ket ibbatam cadacami ni Barrabas:—

19Isu a naibel-leng iti pagbaludan gapu iti maysa nga yaalsa a naaramid iti ciudad, ken gapu iti maysa a #D. Ara. 3:14.panangpapatay.

20Ket ni Pilato kinasaona manen ida a tartarigagayanna nga ibbatan ni Jesus;

21Ngem nagickisda a cuncunada: Pailansam, pailansam iti cruz.

22Ket kinunana cadacuada #bil. 4, 14.iti maicatlo a daras: Apayapay, ania aya ti dakes nga inaramid daytoy a tao? Awan ti nasaracac kencuana a pacaigapuan ti ipapatay: dusaecto laeng, ket ibbatacton.

23Ngem ipapilitda iti dacdackel a timec a dawdawatenda a mailansa coma iti cruz. Ket dagiti ickisda pumigpigsa.

24Ket ni Pilato inkeddengna a maaramid ti dawatda.

25Ket inibbatanna cadacuada daydi naipisoc iti pagbaludan gapu iti yaalsa ken panangpapatay isu a dinawatda ngem inyawatna ni Jesus iti pagayatanda.

Ni Jesus iti dalan Golgota.

26Ket idi impanda ti #Mat. 27:32. Mar. 15:21. Juan 19:17.tiniliwda ti maysa a managan Simon, a taga Cirene a naggapu iti away ket impabaclayda kencuana ti cruz, tapno isurotna ken Jesus.

27Ket simmursurot ti dackel a caadu ti umili, ken babbai, isuda a mangsangsangit ken mangdungdung-aw kencuana.

28Ngem ni Jesus, idi a timmaliaw cadacuada, kinunana: Babbai nga annac ti Jerusalem, saandac a sangitan, ngem sangitanyo ketdi ti bagiyo met laeng, ken dagiti annacyo.

29Ta #Mat. 24:19. Mar. 13:17. Luc. 21:23.adtoy nga umayda dagiti aldaw a cuncunadanto: Nagasat dagiti lupes, ken dagiti tian, a di naganac, ken dagiti barucong a di nagpasuso.

30Iti dayta #Os. 10:8.rugiandanto ti agsao cadagiti banbantay: Agtinnagcayo cadacami: ket cadagiti turod: Gaburandacami.

31Tao no iti #Sal. 1:3. Eze. 20:47.cayo a nalangto aramidenda dagitoy a banag, #1 Ped. 4:17.Ania ti aramidendanto iti nagango?

Ti panangilansa.

32Ket #Mat. 27:38. Mar. 15:27. Juan 19:13.impacuyogda met kencuana ti dua a tulisan, tapno mapapatayda.

33Ket idi macagtengda iti disso a managan ti Bangabanga, isu inlansada idiay iti cruz ken dagiti tulisan; maysa iti macanawan, ket ti sabali iti macatigid.

34Ket ni Jesus kinunana: #bil. 46.Ama, pacawanem ida, ta #Isa. 53:12. Mat. 5:44.dida ammo ti aramidenda. Ket #D. Ara. 3:17.nagbibingayanda a naggiginnasatanda dagiti pagananayna.

35Ket #Sal. 22:17.dagiti umili sitatacderda nga agbuybuya; ket #Mat. 27:41, 42. Mar. 15:31.dagiti agtuturay a naicuyog cadacuada inuyunganda, a cuncunada: Dagiti sabsabali isalacanna: isalacanna ngad coma met ti bagina, no isu ti Cristo a pinili ti Dios.

36Ket casta met dagiti soldado, rinabrabngisda met nga umasidegda ket igaygayatda kencuana ti suca.

37Ket cuncunada: no sica ti Ari dagiti Judio, isalacanmo ta bagim met laeng.

38Ket #Mat. 27:37. Mar. 15:26. Juan 19:19.adda met iti oloanna ti maysa a galad a naisurat: DAYTOY ISU TI ARI DAGITI JUDIO.

39Ket #Mat. 27:44. Mar. 15:32.maysa cadagidi tulisan nga adda a nailansa iti cruz rabrabngisenna, a cuncunana: No sica ni Cristo isalacanmo ta bagim met laeng ken dacami.

40Ngem simmungbat di maysa ket binabalawna a kinunana: Uray sica dica pay cabuteng ti Dios idinto nga addaca ngaruden iti pannacadusa?

41Ket data, kinapudnoanna, a rebbengta nga awaten ti maitutop cadagiti araramidta; ngem daytoy awan ti dakes nga inaramidna.

42Ket kinunana: Jesus, laglagipennac inton umayca iti pagariam.

43Ket kinunana kencuana. Pudno cunac kenca. Ita nga aldaw makipagiancanto caniac idiay #2 Cor. 12:4. Apoc. 2:7.Paraiso.

44Ket idin cas la horas a maicanem, nagsipnget iti rabaw ti amin a daga agingga iti horas a maicasiam.

45 # Mat. 24:29. Ket ti init nagsipnget. Ket ti #Mat. 27:51. Mar. 15:38.abbong ti Templo napigis iti tengngana.

46Ket ni Jesus immawag iti dackel a timec, ket kinunana: #Sal. 31:5. D. Ara. 7:59.Ama, cadagita imam ti pangitalcac itoy cararuac. Ket idi a nasaonan nauyusanen.

47Ket idi #Mat. 27:54. Mar. 15:39.nakita ti centurion ti naaramid, indaydayawna ti Dios, a kinunana; Kinapudnona a daytoy a tao nalinteg.

48Ket amin dagiti adu a tao a naguurnong iti daytoy a buyaen, idi nakitada daydi a naaramid, #Luc. 18:13.nagawidda a dandanugenda dagiti barucongda.

49Ket amin dagidi amammona #Sal. 38:11. Mat. 27:55. Mar. 15:40.ken dagiti babbai a simmursurot kencuana nanipud Galilea, nagtactacderda iti adayu nga agbuybuya cadagitoy a naaramid.

Ti pannacaitanem ni Jesus.

50Ket adtoy ti maysa a tao a #Mat. 27:57-61. Mar. 15:42-47. Juan 19:38-42.managan Jose, consejero, lalaki a naimbag ken nalinteg,

51(Isu dina inanamungan ti nagnunumoan ken aramidda), taga Arimatea, ili dagiti Judio, isu #Luc. 2:25-38.nga agpadpadaan met idi ti pagarian ti Dios:

52Daytoy napan ken Pilato ket dinawatna ti bagi ni Jesus.

53Ket idi imbabana binungonna iti maysa nga ules ket incabilna iti maysa a tanem a bato a kinungcungan isu #Mar. 11:2. Luc. 19:30.nga awan pay ti naitanem.

54Ket aldaw idi ti #Mat. 27:62.Panagsagana ket nganngani aglawag iti aldaw a pannaginana.

55Ket dagiti babbai #Luc. 8:2.a naicuyog kencuana a naggapu sadi Galilea, simmurotda met, ket nakitada ti tanem ken no casano ti pannacaicabil ti bagina.

56Ket nagawidda ket nagsaganada ti bangbanglo ken sapsapo; ket naginanada iti aldaw a panaginana #Ex. 20:10.cas ti bilin.

Currently Selected:

LUCAS 23: TB1973

Highlight

Copy