Хьунухь 34
34
Шехемдин агьалийрихъ галаз акьунар
1Якьубаз Лияди хайи руш Дина а чкадин рушарин патав фена. 2И уьлкведин регьбер тир гьиви Гьамуран хва Шехема, ам акурла, кьуна, адакай вичинди авуна. 3Адаз Якьубан руш Дина гзаф кӀан хьана, адахъ галаз кӀевиз вердиш хьана, адаз хуш келимаяр ийиз хьана, 4ва вичин буба Гьамуравай тӀалабна: «И руш заз паб яз къачу».
5Якьубаз вичин рушавай намус къакъуднавайди малум хьана. А вахтунда адан рухвайри чуьлда малар хуьзвай; Якьуба абур хкведалди за затӀни авунач. 6Шехеман буба Гьамур адахъ галаз суьгьбет авун патал Якьубан кьилив атана. 7И чӀавуз Якьубан рухваяр, и вакъиадикай хабар хьана, кӀвализ хтана. Абур хъилени ажугъди кьунвай, Якьубан рушал гуж гъалиб авун – им Исраил патал намусдик хкӀурун я эхир: икӀ виже къведач!
8Гьамура абуруз лагьана: «Зи хва Шехем ви рушан эсердик акатнава. Ам адаз пабвиле це. 9Куьн чахъ галаз мукьва жеда, чаз куь рушар гуда, ва чи рушар квез пабвиле къачуда. 10Чахъ галаз санал уьмуьр твах, чи уьлкве куь вилик ква – квевай ина бине кутаз жеда, санай физ-хквез ийиз жеда, чилин иесивал ийиз жеда».
11Шехема вичи лагьайтӀа, Динадин бубадихъ ва стхайрихъ элкъвена ихьтин келимаяр авуна: «Ви вилерай заз майил ая, за квез вуч кӀандатӀани, гьам гуда. 12Лап виридалайни чӀехиди тир рехъ къачу ва лап багьа савкьватар тайинара – за куьне вуч лагьайтӀани гьам гуда, анжах и руш заз пабвиле це».
13Шехема абурун вах Динадивай намус къакъуднава лугьуз, Якьубан рухвайри Шехемаз ва адан буба Гьамураз амалдарвилелди жаваб гана. 14«Чавай икӀ ийиз жедач, – лагьана абуру. – Вах суьннет тавунвай итимдиз гун чун патал беябурвал я. 15Чун анжах са шартӀунал рази я: квекай чун хьтинбур хьайитӀа, ва куь вири итимар суьннет авуртӀа. 16Анжах и чӀавуз чна чи рушар квез пабвиле гуда ва куь рушар чаз пабвиле къачуда, анжах и чӀавуз чун квехъ галаз уьмуьр тухун патал бине кутуна акъвазда ва квехъ галаз са халкь жеда. 17Амма куьне и чи гафариз яб тагайтӀа, ва куьн суьннет тавуртӀа, чун чи вахни къахчуна хъфида».
18Гьамурни Шехем и шартӀарал рази хьана. 19Шехема вичиз гьасятда суьннет авуна – адаз Якьубан руш гьакьван кӀевиз кӀан хьанвай. Шехемни вичин бубадин сихилда виридалайни гьуьрмет авай кас тир.
20Ингье шегьердин варарин патав атана, Гьамурани Шехема шегьерэгьлийриз лагьанай: 21«И инсанар ислягьвилихъ желбнавайбур я. Абур чи чилел бине кутуна ацукьрай ва манийвал авачиз сейр авурай. Абур патал чилер гзаф ава. Чна абурун рушар чаз пабвиле къачуда, ва абуруз папар яз чи рушар гуда. 22Амма абуру чахъ галаз санал уьмуьр тухунал ва чахъ галаз са халкь хьунал анжах са шартӀуналди рази я: чи вири итимар, гьабур хьиз, суьннет авунваз хьайитӀа. 23Абурун нехирар, абурун девлет, абурун мал-къара, чна абурун шартӀ кьабулайтӀа, вири чибур жеда ва абуру чахъ галаз санал уьмуьр тухуда!»
24Шегьерэгьлияр Гьамурахъни Шехемахъ галаз рази хьана, ва шегьердин вири эркекри чпиз суьннет авуна. 25Пуд лагьай юкъуз, абур гьеле начагъ яз къатканвайла, Якьубан рухваяр, Динадин стхаяр тир Шимунани Левиди турар къачуна, са манийвални авачиз шегьердиз гьахьна ва сад амай кьван анин вири эркекар яна кьена. 26Гьамурни Шехемни яна кьена, Шехеман кӀвале авай Динани къахчуна хъфена.
27Ахпа, халкь тергай чкадал хтана, Якьубан вири рухвайри виче абурун вахан намус къакъудай шегьер тарашна. 28Абуру лапагар, малар, ламар вилик кутуна гьална, шегьерда ва чуьлда жагъай вуч аватӀани къахчуна, 29шегьерэгьлийрин вири девлет чпиз кьуна, абурун папарни аялар кьуна хутахна ва абурун кӀвалера вуч аватӀани тарашна.
30Якьуба Шимуназни Левидиз лагьана: «Куьне зи кьилел бала гъана! Куьне закай чкадин агьалийриз, къенанвийриз ва перизийриз, гзаф такӀан кас авуна. Чахъ инсанар са тӀимил ава, абуру лагьайтӀа сад хьана, зун яна рекьида, ва вири чи тухум терг жеда!»
31Амма Шимунани Левиди жаваб гана: «Чи вахав къагьбедив хьиз эгечӀун дуьз тирни?»
Currently Selected:
Хьунухь 34: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Хьунухь 34
34
Шехемдин агьалийрихъ галаз акьунар
1Якьубаз Лияди хайи руш Дина а чкадин рушарин патав фена. 2И уьлкведин регьбер тир гьиви Гьамуран хва Шехема, ам акурла, кьуна, адакай вичинди авуна. 3Адаз Якьубан руш Дина гзаф кӀан хьана, адахъ галаз кӀевиз вердиш хьана, адаз хуш келимаяр ийиз хьана, 4ва вичин буба Гьамуравай тӀалабна: «И руш заз паб яз къачу».
5Якьубаз вичин рушавай намус къакъуднавайди малум хьана. А вахтунда адан рухвайри чуьлда малар хуьзвай; Якьуба абур хкведалди за затӀни авунач. 6Шехеман буба Гьамур адахъ галаз суьгьбет авун патал Якьубан кьилив атана. 7И чӀавуз Якьубан рухваяр, и вакъиадикай хабар хьана, кӀвализ хтана. Абур хъилени ажугъди кьунвай, Якьубан рушал гуж гъалиб авун – им Исраил патал намусдик хкӀурун я эхир: икӀ виже къведач!
8Гьамура абуруз лагьана: «Зи хва Шехем ви рушан эсердик акатнава. Ам адаз пабвиле це. 9Куьн чахъ галаз мукьва жеда, чаз куь рушар гуда, ва чи рушар квез пабвиле къачуда. 10Чахъ галаз санал уьмуьр твах, чи уьлкве куь вилик ква – квевай ина бине кутаз жеда, санай физ-хквез ийиз жеда, чилин иесивал ийиз жеда».
11Шехема вичи лагьайтӀа, Динадин бубадихъ ва стхайрихъ элкъвена ихьтин келимаяр авуна: «Ви вилерай заз майил ая, за квез вуч кӀандатӀани, гьам гуда. 12Лап виридалайни чӀехиди тир рехъ къачу ва лап багьа савкьватар тайинара – за куьне вуч лагьайтӀани гьам гуда, анжах и руш заз пабвиле це».
13Шехема абурун вах Динадивай намус къакъуднава лугьуз, Якьубан рухвайри Шехемаз ва адан буба Гьамураз амалдарвилелди жаваб гана. 14«Чавай икӀ ийиз жедач, – лагьана абуру. – Вах суьннет тавунвай итимдиз гун чун патал беябурвал я. 15Чун анжах са шартӀунал рази я: квекай чун хьтинбур хьайитӀа, ва куь вири итимар суьннет авуртӀа. 16Анжах и чӀавуз чна чи рушар квез пабвиле гуда ва куь рушар чаз пабвиле къачуда, анжах и чӀавуз чун квехъ галаз уьмуьр тухун патал бине кутуна акъвазда ва квехъ галаз са халкь жеда. 17Амма куьне и чи гафариз яб тагайтӀа, ва куьн суьннет тавуртӀа, чун чи вахни къахчуна хъфида».
18Гьамурни Шехем и шартӀарал рази хьана. 19Шехема вичиз гьасятда суьннет авуна – адаз Якьубан руш гьакьван кӀевиз кӀан хьанвай. Шехемни вичин бубадин сихилда виридалайни гьуьрмет авай кас тир.
20Ингье шегьердин варарин патав атана, Гьамурани Шехема шегьерэгьлийриз лагьанай: 21«И инсанар ислягьвилихъ желбнавайбур я. Абур чи чилел бине кутуна ацукьрай ва манийвал авачиз сейр авурай. Абур патал чилер гзаф ава. Чна абурун рушар чаз пабвиле къачуда, ва абуруз папар яз чи рушар гуда. 22Амма абуру чахъ галаз санал уьмуьр тухунал ва чахъ галаз са халкь хьунал анжах са шартӀуналди рази я: чи вири итимар, гьабур хьиз, суьннет авунваз хьайитӀа. 23Абурун нехирар, абурун девлет, абурун мал-къара, чна абурун шартӀ кьабулайтӀа, вири чибур жеда ва абуру чахъ галаз санал уьмуьр тухуда!»
24Шегьерэгьлияр Гьамурахъни Шехемахъ галаз рази хьана, ва шегьердин вири эркекри чпиз суьннет авуна. 25Пуд лагьай юкъуз, абур гьеле начагъ яз къатканвайла, Якьубан рухваяр, Динадин стхаяр тир Шимунани Левиди турар къачуна, са манийвални авачиз шегьердиз гьахьна ва сад амай кьван анин вири эркекар яна кьена. 26Гьамурни Шехемни яна кьена, Шехеман кӀвале авай Динани къахчуна хъфена.
27Ахпа, халкь тергай чкадал хтана, Якьубан вири рухвайри виче абурун вахан намус къакъудай шегьер тарашна. 28Абуру лапагар, малар, ламар вилик кутуна гьална, шегьерда ва чуьлда жагъай вуч аватӀани къахчуна, 29шегьерэгьлийрин вири девлет чпиз кьуна, абурун папарни аялар кьуна хутахна ва абурун кӀвалера вуч аватӀани тарашна.
30Якьуба Шимуназни Левидиз лагьана: «Куьне зи кьилел бала гъана! Куьне закай чкадин агьалийриз, къенанвийриз ва перизийриз, гзаф такӀан кас авуна. Чахъ инсанар са тӀимил ава, абуру лагьайтӀа сад хьана, зун яна рекьида, ва вири чи тухум терг жеда!»
31Амма Шимунани Левиди жаваб гана: «Чи вахав къагьбедив хьиз эгечӀун дуьз тирни?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024