Genesis 22
22
Ingganggan na Katawan si Abraham ya Ibagat toy Isaac
1Ag abayag, sinubok na Dios si Abraham; tinawag to, “Abraham!” “Wadya ak,” ebat nen Abraham.
2“Alam so anak mo,” inkuan na Dios, “say bogbogtung ya anak mon si Isaac ya inararom a tuloy, tan lakad dalin na Moria. Diman mo ibagat ed siak si Isaac diad tagey na palandey ya itorok ed sika.”
3Diad kabkabwasan na ontombuk ya agew, nambelang si Abraham na kiew a para bagat, intapew tod asno to, tan intagar toy Isaac tan saray duaran aripen to. Ginapwan day amaarap ed samay pasen ya imbagay Katawan. 4Nen kumatlon agew abantag nen Abraham imay pasen. 5Insan inkuantod saramay aripen to, “Dia kayo tan sayay asno. Onla ak tan sayay ogaw ed saman a pasen, ta mangigalang kamid Dios, insan mi kayo dia pawilen.”
6Impasakbat nen Abraham ed kinen Isaac imay kiew a para bagat; sikato balet awit toy yuro tan ngalab a pamarlang da. Nen manaakar ira, 7inkuanen Isaac, “Ama!”
“Anto man, anak?” ebat to.
Tinepet nen Isaac, “Nanenengneng kon walay ngalab tan kiew, balet kawalaay kordiron ibagat?”
8Inmebat si Abraham, “Say Dios a dili so mangiter na kordiro ya ibagat.” Intuloy day panaakar da.
9Kasabi rad samay pasen ya imbagay Katawan, nanggaway Abraham na altar, tan inoksuy tod tapew to imay kiew. Binalur toy anak to, insan to inyan ed tapew na samay kiew. 10Inala to may yuro, ta pateyen to. 11Balet tinmawag a manlapud tawen so anghil na Katawan, “Abraham, Abraham!”
Inmebat, “Wadya ak.”
12“Ag mo didiwiten itay ogaw o panggawaan na antokaman,” inkuanto. “Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.”
13Linmingaw-lingaw si Abraham tan anengneng toy sakey a karniron kalakyan a say saklur to et nipanget ed abeban kiew. Inala to tan sikatoy insaklang ton bagat a popoolan, aliwa lan samay anak to. 14Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”
15Tinmawag lamet a manlapud tawen imay anghil na Katawan ed kinen Abraham, 16“Sambaan kod dilin ngaran ko—say Katawan so mansasalita—a bindisionan ta ka na amayamay a kaabigan. Lapud ginawam ya, tan ag mo insiblet ed siak so bogbogtung ya anak mo, 17isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da. 18Nabindisionan iray amin a bansad mundo a singa impamindision kod saray kabyangay boleg mo—lapud inonur moy ganggan ko.” 19Pinawil nen Abraham ira may aripen to, linma rad Beer-seba tan nanayam diman si Abraham.
Saray Kabyangay Boleg nen Nacor
20Ag abayag nadngelan nen Abraham a si Milca et walay waloran anak ton lalaki ed kinen Nacor ya agi nen Abraham: 21si Uz a sikatoy pangulowan, si Buz, si Kemuel ya ama nen Aram, 22si Kesed, si Hazo, si Pildas, si Jidlaf, tan si Betuel. 23(Si Betuel so ama nen Rebeca.) Inaanak nen Milca ra yan walon lalaki ed kinen Nacor ya agi nen Abraham. 24Si Reuma a biin inamung nen Nacor et inaanak to ra di Tebal, Gaham, Tahas, tan Maaca.
Currently Selected:
Genesis 22: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Genesis 22
22
Ingganggan na Katawan si Abraham ya Ibagat toy Isaac
1Ag abayag, sinubok na Dios si Abraham; tinawag to, “Abraham!” “Wadya ak,” ebat nen Abraham.
2“Alam so anak mo,” inkuan na Dios, “say bogbogtung ya anak mon si Isaac ya inararom a tuloy, tan lakad dalin na Moria. Diman mo ibagat ed siak si Isaac diad tagey na palandey ya itorok ed sika.”
3Diad kabkabwasan na ontombuk ya agew, nambelang si Abraham na kiew a para bagat, intapew tod asno to, tan intagar toy Isaac tan saray duaran aripen to. Ginapwan day amaarap ed samay pasen ya imbagay Katawan. 4Nen kumatlon agew abantag nen Abraham imay pasen. 5Insan inkuantod saramay aripen to, “Dia kayo tan sayay asno. Onla ak tan sayay ogaw ed saman a pasen, ta mangigalang kamid Dios, insan mi kayo dia pawilen.”
6Impasakbat nen Abraham ed kinen Isaac imay kiew a para bagat; sikato balet awit toy yuro tan ngalab a pamarlang da. Nen manaakar ira, 7inkuanen Isaac, “Ama!”
“Anto man, anak?” ebat to.
Tinepet nen Isaac, “Nanenengneng kon walay ngalab tan kiew, balet kawalaay kordiron ibagat?”
8Inmebat si Abraham, “Say Dios a dili so mangiter na kordiro ya ibagat.” Intuloy day panaakar da.
9Kasabi rad samay pasen ya imbagay Katawan, nanggaway Abraham na altar, tan inoksuy tod tapew to imay kiew. Binalur toy anak to, insan to inyan ed tapew na samay kiew. 10Inala to may yuro, ta pateyen to. 11Balet tinmawag a manlapud tawen so anghil na Katawan, “Abraham, Abraham!”
Inmebat, “Wadya ak.”
12“Ag mo didiwiten itay ogaw o panggawaan na antokaman,” inkuanto. “Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.”
13Linmingaw-lingaw si Abraham tan anengneng toy sakey a karniron kalakyan a say saklur to et nipanget ed abeban kiew. Inala to tan sikatoy insaklang ton bagat a popoolan, aliwa lan samay anak to. 14Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”
15Tinmawag lamet a manlapud tawen imay anghil na Katawan ed kinen Abraham, 16“Sambaan kod dilin ngaran ko—say Katawan so mansasalita—a bindisionan ta ka na amayamay a kaabigan. Lapud ginawam ya, tan ag mo insiblet ed siak so bogbogtung ya anak mo, 17isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da. 18Nabindisionan iray amin a bansad mundo a singa impamindision kod saray kabyangay boleg mo—lapud inonur moy ganggan ko.” 19Pinawil nen Abraham ira may aripen to, linma rad Beer-seba tan nanayam diman si Abraham.
Saray Kabyangay Boleg nen Nacor
20Ag abayag nadngelan nen Abraham a si Milca et walay waloran anak ton lalaki ed kinen Nacor ya agi nen Abraham: 21si Uz a sikatoy pangulowan, si Buz, si Kemuel ya ama nen Aram, 22si Kesed, si Hazo, si Pildas, si Jidlaf, tan si Betuel. 23(Si Betuel so ama nen Rebeca.) Inaanak nen Milca ra yan walon lalaki ed kinen Nacor ya agi nen Abraham. 24Si Reuma a biin inamung nen Nacor et inaanak to ra di Tebal, Gaham, Tahas, tan Maaca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983