Genesis 24
24
Say Asawa nen Isaac
1Masikesiken lay Abraham, tan binindisionay Katawan ed amin a ginagawa to. 2Inkuantod sankatakkenan ya aripen to a makaoley ed amin a kayaryan to, “Iyan moy limam ed nanleetan na saray ulpok#24:2 IYAN…ULPOK: Sikato yay polaing a say samba et ag balut naoman. tan mansamba ka. 3Labay kon isambam, diad ngaray Katawan, say Dios na tawen tan dalin, ya ag ka mampipili na asawaey anak ko ed saray totoo diad Canaan a panaayaman ko. 4Nakaukolan ya onla kad bansan nianakan ko, ta iyalaan moy Isaac ya anak ko na asawaen to diad saray kakanayon ko.”
5Balet tinepet to may aripen, “No bilang ta ag milad siak dia so biin naalmok, antoy gawaen ko? Itagar ko kasiy anak mo ed dalin a nanlapwan mo?”
6Inmebat si Abraham, “Aleg! Ag mon balut papaonlaen diman so anak ko. 7Say Katawan a Dios na tawen pinaekal to ak ed abung di amak tan diad dalin da ray kakanayon ko, tan sinambaan tod siak ya iter to yan dalin ed saray kabyangay boleg ko. Mangibaki na anghil to ya ononan onla nen say sika, pian makala kad man na asawaen na anak ko. 8No say bii et ag milad sika, ag mo la totooren yan sipan mo. Balet, anggan antoy nagawa, ag mo papaonlaen diman so anak ko.” 9Kanyan inyan na samay aripen so lima to ed nanleetan na saray ulpo nen Abraham ya amo to, tan sinambaan to a sumpalen to may pagagawa nen Abraham.
10Samay aripen, a makaoley ed kayaryan nen Abraham, angala na samploran kamilyo nen amo to, pinano toy beneg da na mabmabli ran rigalo, insan linmad siudad a nanayaman nen Nacor diad baybay na Mesopotamia. 11Kasabi tod abay na bobun a walad paway na siudad, pinatalimukor to ra may kamilyo. Ngarem lad saman tan sikatoy oras ya ipapaway da ray bibii ya onasul. 12Nampikasi may aripen, “Katawan a Dios nen amok ya Abraham, maung komun so pansumpalan to yan akar ko natan, tan toor mo pay sipan mod amok. 13Wadya ak ed abay na bobun, a diay asulan na saray mamarikit ed siudad. 14Ikuankod sakey ed sikara, ‘Iyepas mo pay boyug mo, ta miinom ak.’ No ikuanto, ‘Inom ka, tan painomen ko met iray kamilyom,’ sikato komuy pinilim a para aripen mon si Isaac. No onyay nagawa, naamtaan kon tinoor mo so sipan mod kinen amok.”
15Kasakbayan ton asumpal so pikakasi to, sinmabiy Rebeca a sankasakbat toy boyug. Anak ya nen Betuel a lakin anak nen Milca ya asawa nen Nacor a lakin agi nen Abraham. 16Magangganan talaga si Rebeca, tan sakey nin birhin. Linmasur ed bobun, kinargaan toy boyug to, insan la sinmigep. 17Binatik na samay aripen tan inkuanto, “Nayariy miinom ed boyug mo?”
18“Nayari,” inkuanto may marikit, insan to inepas so boyug a sankasakbat to tan binembenan to leleg ya oniinom imay aripen. 19Kasumpal ton inminom, inkuanto may marikit, “Iyalaan ko met na danum iray kamilyom, tan painomen ko ra ya anggad kapenek da.” 20Ginanatan ton inkalbo may keran danum ed atotung, insan binmatik ed bobun a mangala niy danum, anggad apainom ton amin iray kamilyo. 21Mamambantay imay aripen tan ag oneseesel, ta labay ton amtaen no kasin say Katawan et inyabuloy to a maung so pansumpalan na sayan akar to odino andi.
22Kasumpal ya inminom ira may kamilyo, angipaway imay aripen na mabmablin singsing a balituk tan inyan tod eleng na samay marikit, insan to sinolungay duaran balituk a pulsiras iray taklay to. 23Inkuanto, “Ibagam pad siak no siopay amam. Wala kasiy napipundoan ko tan saray kakaibak ed abung yo ed sayan labi?”
24Inmebat, “Say amak si Betuel a lakin anak nen Nacor tan Milca. 25Dakel ed sikami ray dayami tan arum a nakan na ayep, tan walay pasen a napanayaman mo.”
26Tinmalimukor imay aripen tan inggalang toy Katawan. 27Inkuanto, “Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.”
28Batik imay marikit ed abung nen ina to tan imbaga toy amin ya agawa. 29Walay lakin agi nen Rebeca a manngaray Laban. Batik ed paway ya onlad samay bobun a kawalaan to may aripen, lapud 30anengneng to may singsing a para eleng tan saramay pulsiras ed saray taklay na agi to, tan nadngel toy agi ton angibaga na saray sinalita na samay aripen. Nila to may aripen a manalalagey ed abay na saray kamilyo to diad gilig na bobun. 31Inkuanto, “Mila kad siak ed abung mi. Sakey kan too a binindisionay Katawan. Akin et manalalagey ka dia? Walay kuartod abung mi ya akaparaan ed sika, tan walay pasen met na saray kamilyom.”
32Akilad abung sirin imay aripen, inyepas nen Laban so karga na saramay kamilyo, insan to ra initdan na dayami tan arum a kakanen na ayep. Angala met na danum a panoras na saray sali to may aripen nen Abraham tan saray kakaiba to. 33Nen parongoen da la ran mangan, inkuanto may aripen, “Ag ak mangan no ag ko ni nibaga ed sikayo so pegdat ko.”
“Ibagam sirin,” ebat nen Laban.
34“Siak so aripen nen Abraham,” inkuanton inggapo. 35“Binindisionan a maung na Katawan so amok tan ginawa ton mayaman. Initdan toy amayamay a karniro, kanding, baka, pilak, balituk, lalaki tan bibiin aripen, kamilyo, tan asno. 36Si Sara, anggaman ya akolaw la et nananak ed kinen amok na sakey a laki. Inter nen amok ya amin iray kayaryan to ed sayan anak. 37Impansamba ak nen amok a tooren koy ganggan to. Inkuanto, ‘Ag ka mampipili na asawaey anak ko ed saray mamarikit diad Canaan a panaayaman ko. 38Ingen, lakad saray totoo nen amak, diad saray kakanayon ko, tan ipilian mo may anak ko na asawaen to.’ 39Tinepet ko balet, ‘No bilang ag mila so biin naalmok, antoy gawaen ko?’ 40Inmebat, ‘Say Katawan a lawas totoluken ko et mangibakiy anghil to a kaibam tan mangiter ed sikay maung a pansumpalan. Niyalaan moy anak ko na asawaen to diad saray dilin totook, diad pamilya na amak. 41Saksakey so pakaliktaran mod sambam: no onla kad saray kakanayon ko et ag da ka awaten, alokpus ka lad sambam.’
42“Nen sinmabi ak ed bobun diad sayan agew, impikasik, ‘Katawan a Dios nen amok ya Abraham, iyabuloy mo pan maung so pansumpalan na sayan gagawaen ko. 43Wadya ak natan ed abay na bobun. No walay biin onla dian onasul, kerewen kon piinomen to ak ed boyug to. 44No piinomen to ak tan painomen to ni ray kamilyok, sikato komuy pinilim ya asawaey anak na amok.’ 45Kasakbayan ya asumpal koy maolimek a pampipikasik, nitan lay Rebeca a sankasakbat toy boyug, tan linman inmasul ed bobun. Inkuankod sikato, ‘Nayariy miinom?’ 46Inyepas ton tampol so boyug to tan inkuanto, ‘Inom ka, tan painomen ko met iray kamilyom.’ Inminom ak sirin, tan pinainom to ray kamilyo. 47Nen tinepet kod sikato no siopay ama to, inebat ton say ama to et si Betuel ya anak nen Nacor tan Milca. Inyan kod satan so singsing ed eleng to tan saray pulsiras ed saray taklay to. 48Tinmalimukor ak tan inggalang koy Katawan. Indayew koy Katawan a Dios na amok ya Abraham ya angiwanwan ed siak a tampol ed kanayon na amok, a walay biin anak ton nalmok a para anak na amok. 49Natan, no maliket kayon manumpal na kanepegan yo tan gawaen yod kinen amok so manepeg, ibaga yo; no andi, ibaga yo met, pian amtak so gawaen ko.”
50Inmebat si Laban tan si Betuel, “Nanlapud Katawan yan bengatla, kanyan aliwan sikamiy nepeg ya onebat na ‘on’ odino ‘andi.’ 51Niay Rebeca, itagar mo no ompawil ka. Paasawam ed satay anak na amom, onung na imbagay Katawan.” 52Nen nadngel ya na samay aripen nen Abraham, dinmakmomo tan inggalang toy Katawan. 53Insan impaway to ray awit ton alahas a balituk tan pilak tan saray kawes, tan inter to rad kinen Rebeca. Initdan to met so lakin agi nen Rebeca tan say ina to na mabmabli ran rigalo.
54Angan tan inminom imay aripen nen Abraham tan saramay kakaiba to, tan pinalabas day labid man. Kabangon dad kabwasan, inkuanto may aripen, “Abuloyan yo ak lan onsempet ed amok.”
55Balet inkuan na samay agi nen Rebeca tan si ina to, “Panayam yo ni diay Rebeca na sakey a simba o samploran agew, insan ki la onla.”
56Inmebat, “Ag yo ak la popokpokan. Lapud Katawan, maung so nansumpalan to yan akar ko; abuloyan yo ak lan onsempet ed amok.”
57Inkuanda, “Tawagen tayoy Rebeca, ta tepetan tayo no antoy kuantod saya.” 58Tinawag da sirin tan tinepet da, “Labay mo lay milad sayan too?”
“On,” ebat to.
59Kanyan impila ray Rebeca tan say abayag lan aripen na pamilya to ed samay aripen nen Abraham tan saray kakaiba to. 60Insan da inter ed Rebeca so bindision da diad panamegley na sarayan balikas,
“Sika, agi, magmaliw ka komun ya ina
na libo-libon totoo.
Taloen komun na saray kabyangay boleg mo
iray siudad na kalaban da.”
61Sinmapat ed kamilyo si Rebeca tan saray bibiin kakaiba to, insan la ra sinmiput a tomtombuken da may aripen nen Abraham.
62Legan na inyakar na samay aripen ed saray kakanayon nen Abraham, akasabiy Isaac ed kalawakan na Beer-lahai-roi,#24:62 BEER-LAHAI-ROI: Say kabaliksan na sayan pasen “Say Bobun na Samay Mabilay a makanenengneng ed Siak.” tan diman nanayam ed bandad abalaten na Canaan. 63Aminsan ya onngangarem la pinmaway ya ompasyar ed kaalogan, et anengneng to ray onsasabin kamilyo. 64Nen anengneng nen Rebeca si Isaac, inmepas ed kamilyo to, 65tan tinepet tod samay aripen nen Abraham, “Siopa may tood alog a mamapaarap dia?”
“Sikato tay amok,” ebat to. Kanyan inala nen Rebeca so pandung to tan sinakbungan toy lupa to.
66Samay aripen insalaysay tod kinen Isaac iray amin a ginagawa to. 67Inyakar nen Isaac si Rebeca ed loob na tuldan nanayaman nen Sara ya ina to, tan inasawa to. Inaro nen Isaac si Rebeca, kanyan aligliwa si Isaac ed impatey nen ina to.
Currently Selected:
Genesis 24: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Genesis 24
24
Say Asawa nen Isaac
1Masikesiken lay Abraham, tan binindisionay Katawan ed amin a ginagawa to. 2Inkuantod sankatakkenan ya aripen to a makaoley ed amin a kayaryan to, “Iyan moy limam ed nanleetan na saray ulpok#24:2 IYAN…ULPOK: Sikato yay polaing a say samba et ag balut naoman. tan mansamba ka. 3Labay kon isambam, diad ngaray Katawan, say Dios na tawen tan dalin, ya ag ka mampipili na asawaey anak ko ed saray totoo diad Canaan a panaayaman ko. 4Nakaukolan ya onla kad bansan nianakan ko, ta iyalaan moy Isaac ya anak ko na asawaen to diad saray kakanayon ko.”
5Balet tinepet to may aripen, “No bilang ta ag milad siak dia so biin naalmok, antoy gawaen ko? Itagar ko kasiy anak mo ed dalin a nanlapwan mo?”
6Inmebat si Abraham, “Aleg! Ag mon balut papaonlaen diman so anak ko. 7Say Katawan a Dios na tawen pinaekal to ak ed abung di amak tan diad dalin da ray kakanayon ko, tan sinambaan tod siak ya iter to yan dalin ed saray kabyangay boleg ko. Mangibaki na anghil to ya ononan onla nen say sika, pian makala kad man na asawaen na anak ko. 8No say bii et ag milad sika, ag mo la totooren yan sipan mo. Balet, anggan antoy nagawa, ag mo papaonlaen diman so anak ko.” 9Kanyan inyan na samay aripen so lima to ed nanleetan na saray ulpo nen Abraham ya amo to, tan sinambaan to a sumpalen to may pagagawa nen Abraham.
10Samay aripen, a makaoley ed kayaryan nen Abraham, angala na samploran kamilyo nen amo to, pinano toy beneg da na mabmabli ran rigalo, insan linmad siudad a nanayaman nen Nacor diad baybay na Mesopotamia. 11Kasabi tod abay na bobun a walad paway na siudad, pinatalimukor to ra may kamilyo. Ngarem lad saman tan sikatoy oras ya ipapaway da ray bibii ya onasul. 12Nampikasi may aripen, “Katawan a Dios nen amok ya Abraham, maung komun so pansumpalan to yan akar ko natan, tan toor mo pay sipan mod amok. 13Wadya ak ed abay na bobun, a diay asulan na saray mamarikit ed siudad. 14Ikuankod sakey ed sikara, ‘Iyepas mo pay boyug mo, ta miinom ak.’ No ikuanto, ‘Inom ka, tan painomen ko met iray kamilyom,’ sikato komuy pinilim a para aripen mon si Isaac. No onyay nagawa, naamtaan kon tinoor mo so sipan mod kinen amok.”
15Kasakbayan ton asumpal so pikakasi to, sinmabiy Rebeca a sankasakbat toy boyug. Anak ya nen Betuel a lakin anak nen Milca ya asawa nen Nacor a lakin agi nen Abraham. 16Magangganan talaga si Rebeca, tan sakey nin birhin. Linmasur ed bobun, kinargaan toy boyug to, insan la sinmigep. 17Binatik na samay aripen tan inkuanto, “Nayariy miinom ed boyug mo?”
18“Nayari,” inkuanto may marikit, insan to inepas so boyug a sankasakbat to tan binembenan to leleg ya oniinom imay aripen. 19Kasumpal ton inminom, inkuanto may marikit, “Iyalaan ko met na danum iray kamilyom, tan painomen ko ra ya anggad kapenek da.” 20Ginanatan ton inkalbo may keran danum ed atotung, insan binmatik ed bobun a mangala niy danum, anggad apainom ton amin iray kamilyo. 21Mamambantay imay aripen tan ag oneseesel, ta labay ton amtaen no kasin say Katawan et inyabuloy to a maung so pansumpalan na sayan akar to odino andi.
22Kasumpal ya inminom ira may kamilyo, angipaway imay aripen na mabmablin singsing a balituk tan inyan tod eleng na samay marikit, insan to sinolungay duaran balituk a pulsiras iray taklay to. 23Inkuanto, “Ibagam pad siak no siopay amam. Wala kasiy napipundoan ko tan saray kakaibak ed abung yo ed sayan labi?”
24Inmebat, “Say amak si Betuel a lakin anak nen Nacor tan Milca. 25Dakel ed sikami ray dayami tan arum a nakan na ayep, tan walay pasen a napanayaman mo.”
26Tinmalimukor imay aripen tan inggalang toy Katawan. 27Inkuanto, “Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.”
28Batik imay marikit ed abung nen ina to tan imbaga toy amin ya agawa. 29Walay lakin agi nen Rebeca a manngaray Laban. Batik ed paway ya onlad samay bobun a kawalaan to may aripen, lapud 30anengneng to may singsing a para eleng tan saramay pulsiras ed saray taklay na agi to, tan nadngel toy agi ton angibaga na saray sinalita na samay aripen. Nila to may aripen a manalalagey ed abay na saray kamilyo to diad gilig na bobun. 31Inkuanto, “Mila kad siak ed abung mi. Sakey kan too a binindisionay Katawan. Akin et manalalagey ka dia? Walay kuartod abung mi ya akaparaan ed sika, tan walay pasen met na saray kamilyom.”
32Akilad abung sirin imay aripen, inyepas nen Laban so karga na saramay kamilyo, insan to ra initdan na dayami tan arum a kakanen na ayep. Angala met na danum a panoras na saray sali to may aripen nen Abraham tan saray kakaiba to. 33Nen parongoen da la ran mangan, inkuanto may aripen, “Ag ak mangan no ag ko ni nibaga ed sikayo so pegdat ko.”
“Ibagam sirin,” ebat nen Laban.
34“Siak so aripen nen Abraham,” inkuanton inggapo. 35“Binindisionan a maung na Katawan so amok tan ginawa ton mayaman. Initdan toy amayamay a karniro, kanding, baka, pilak, balituk, lalaki tan bibiin aripen, kamilyo, tan asno. 36Si Sara, anggaman ya akolaw la et nananak ed kinen amok na sakey a laki. Inter nen amok ya amin iray kayaryan to ed sayan anak. 37Impansamba ak nen amok a tooren koy ganggan to. Inkuanto, ‘Ag ka mampipili na asawaey anak ko ed saray mamarikit diad Canaan a panaayaman ko. 38Ingen, lakad saray totoo nen amak, diad saray kakanayon ko, tan ipilian mo may anak ko na asawaen to.’ 39Tinepet ko balet, ‘No bilang ag mila so biin naalmok, antoy gawaen ko?’ 40Inmebat, ‘Say Katawan a lawas totoluken ko et mangibakiy anghil to a kaibam tan mangiter ed sikay maung a pansumpalan. Niyalaan moy anak ko na asawaen to diad saray dilin totook, diad pamilya na amak. 41Saksakey so pakaliktaran mod sambam: no onla kad saray kakanayon ko et ag da ka awaten, alokpus ka lad sambam.’
42“Nen sinmabi ak ed bobun diad sayan agew, impikasik, ‘Katawan a Dios nen amok ya Abraham, iyabuloy mo pan maung so pansumpalan na sayan gagawaen ko. 43Wadya ak natan ed abay na bobun. No walay biin onla dian onasul, kerewen kon piinomen to ak ed boyug to. 44No piinomen to ak tan painomen to ni ray kamilyok, sikato komuy pinilim ya asawaey anak na amok.’ 45Kasakbayan ya asumpal koy maolimek a pampipikasik, nitan lay Rebeca a sankasakbat toy boyug, tan linman inmasul ed bobun. Inkuankod sikato, ‘Nayariy miinom?’ 46Inyepas ton tampol so boyug to tan inkuanto, ‘Inom ka, tan painomen ko met iray kamilyom.’ Inminom ak sirin, tan pinainom to ray kamilyo. 47Nen tinepet kod sikato no siopay ama to, inebat ton say ama to et si Betuel ya anak nen Nacor tan Milca. Inyan kod satan so singsing ed eleng to tan saray pulsiras ed saray taklay to. 48Tinmalimukor ak tan inggalang koy Katawan. Indayew koy Katawan a Dios na amok ya Abraham ya angiwanwan ed siak a tampol ed kanayon na amok, a walay biin anak ton nalmok a para anak na amok. 49Natan, no maliket kayon manumpal na kanepegan yo tan gawaen yod kinen amok so manepeg, ibaga yo; no andi, ibaga yo met, pian amtak so gawaen ko.”
50Inmebat si Laban tan si Betuel, “Nanlapud Katawan yan bengatla, kanyan aliwan sikamiy nepeg ya onebat na ‘on’ odino ‘andi.’ 51Niay Rebeca, itagar mo no ompawil ka. Paasawam ed satay anak na amom, onung na imbagay Katawan.” 52Nen nadngel ya na samay aripen nen Abraham, dinmakmomo tan inggalang toy Katawan. 53Insan impaway to ray awit ton alahas a balituk tan pilak tan saray kawes, tan inter to rad kinen Rebeca. Initdan to met so lakin agi nen Rebeca tan say ina to na mabmabli ran rigalo.
54Angan tan inminom imay aripen nen Abraham tan saramay kakaiba to, tan pinalabas day labid man. Kabangon dad kabwasan, inkuanto may aripen, “Abuloyan yo ak lan onsempet ed amok.”
55Balet inkuan na samay agi nen Rebeca tan si ina to, “Panayam yo ni diay Rebeca na sakey a simba o samploran agew, insan ki la onla.”
56Inmebat, “Ag yo ak la popokpokan. Lapud Katawan, maung so nansumpalan to yan akar ko; abuloyan yo ak lan onsempet ed amok.”
57Inkuanda, “Tawagen tayoy Rebeca, ta tepetan tayo no antoy kuantod saya.” 58Tinawag da sirin tan tinepet da, “Labay mo lay milad sayan too?”
“On,” ebat to.
59Kanyan impila ray Rebeca tan say abayag lan aripen na pamilya to ed samay aripen nen Abraham tan saray kakaiba to. 60Insan da inter ed Rebeca so bindision da diad panamegley na sarayan balikas,
“Sika, agi, magmaliw ka komun ya ina
na libo-libon totoo.
Taloen komun na saray kabyangay boleg mo
iray siudad na kalaban da.”
61Sinmapat ed kamilyo si Rebeca tan saray bibiin kakaiba to, insan la ra sinmiput a tomtombuken da may aripen nen Abraham.
62Legan na inyakar na samay aripen ed saray kakanayon nen Abraham, akasabiy Isaac ed kalawakan na Beer-lahai-roi,#24:62 BEER-LAHAI-ROI: Say kabaliksan na sayan pasen “Say Bobun na Samay Mabilay a makanenengneng ed Siak.” tan diman nanayam ed bandad abalaten na Canaan. 63Aminsan ya onngangarem la pinmaway ya ompasyar ed kaalogan, et anengneng to ray onsasabin kamilyo. 64Nen anengneng nen Rebeca si Isaac, inmepas ed kamilyo to, 65tan tinepet tod samay aripen nen Abraham, “Siopa may tood alog a mamapaarap dia?”
“Sikato tay amok,” ebat to. Kanyan inala nen Rebeca so pandung to tan sinakbungan toy lupa to.
66Samay aripen insalaysay tod kinen Isaac iray amin a ginagawa to. 67Inyakar nen Isaac si Rebeca ed loob na tuldan nanayaman nen Sara ya ina to, tan inasawa to. Inaro nen Isaac si Rebeca, kanyan aligliwa si Isaac ed impatey nen ina to.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983