Genesis 25
25
Saray Arum a Kabyangay Boleg nen Abraham
(1 Awa. 1:32-33)
1Angasaway Abraham na sananey a bii a manngaray Ketura. 2Saray anak tod sayan bii et di Zimran, Jocsan, Medan, Madian, Isbak, tan Suah. 3Si Jocsan so ama ra di Seba tan Dedan, tan si Dedan so sengeg da ray Asurim, Letusim tan Leumim. 4Saray lalakin anak nen Madian sikara di Efa, Efer, Hanoc, Abida, tan Eldaa. Si Ketura so sengeg da ra yan amin a totoo.
5Impatawir nen Abraham ed kinen Isaac iray amin a kayamanan to; 6balet legan ton mabilay, iniitdan toy rigalo ray anak tod saray arum ya asawa to. Insan imbaki to ra yan anak to ed dalin a bandad bokig, pian niarawi rad kinen anak ton Isaac.
Say Impatey tan Inkipompon nen Abraham
7-8Masiken lan tuloy si Abraham nen inatey; sanlasus tan pitomplo tan lima so taon to. 9Di Isaac tan Ismael ya anak to imponpon dad ongib na Macpela, diad alog a walad bokig na Mamre tan kayaryan nen saman nen Efron ya anak nen Zobar a Heteo. 10Saya may alog a sinaliw nen Abraham ed saray Heteo; nipompon irad man di Abraham tan Sara ya asawa to. 11Kapatey nen Abraham, binindisionan na Dios si Isaac a manaayam ed saman a panaon diad Beer-lahai-roi.#25:11 BEER-LAHAI-ROI: Nengneng yoy 24:62.
Saray Kabyangay Boleg nen Ismael
(1 Awa. 1:28-31)
12Sikara ra yay kabyangay boleg nen Ismael a lakin anak nen Abraham ed kinen Agar, samay Egipsia ya aripen nen Sara. 13Nia ray kangaranan na lalakin anak nen Ismael, manlapud sankapangulowanan ya anggad sankayogtanan: Nebayot, Kedar, Abdeel, Mibsam, 14Misma, Duma, Massa, 15Hadad, Tema, Jetur, Nafis, tan Kedema. 16Sikara ra yay ilalak nen Ismael. Sikaray sengeg na labinduan tribu, tan inngaran dad kangaranan da ray bario tan saray arum a pasen a nanaayaman da. 17Nen inatey si Ismael, mantaoy sanlasus tan talomplo tan pito. 18Saray kabyangay boleg nen Ismael nanayam irad pasen a nanleetay Havila tan Sur, diad bokig na Egipto tan mamaarap ed Asiria. Nanayam iran akabiig ed saray arum a kabyangay boleg nen Abraham.
Say Inkianak nen Esau tan si Jacob
19Sikato yay impanbilay nen Isaac ya anak nen Abraham. 20Mantaoy apataplo si Isaac nen asawaen toy Rebeca ya agi nen Laban tan anak nen Betuel, sakey ya Arameo a taga Mesopotamia. 21Ag mananak si Rebeca, ta lepes, kanyan impikasi nen Isaac. Inebatan na Katawan so pikakasi to, et nanlokun si Rebeca. 22Lasun so lokun to, tan kasakbayan a nananak manlalaban la ran duad dalem na eges to. Inkuanto, “Akin et onyay nagagawad siak?” Tinepet to sirin ed Katawan no akin et onmay agawad sikato.
23Inkuan na Katawan ed sikato,
“Duaran bansa so logan na eges mo;
Mananak kay duaran bansan manlaban.
Mabiskeg niy sakey ed sikaran dua;
Manlingkur so pangulowan ed yogtan.”
24Nen sinmabiy agew a pananak nen Rebeca, nananak na lasun a lalaki. 25Say onaan balangaan tan mabagoy laman to, kanyan ningaran na Esau.#25:25 ESAU: Sayan ngaran et niiter a say totokuyen to Seir, say dalin a diad arapen a panaon nanayaman na saray kabyangay boleg nen Esau; Seir: say tanul na ngaran a Seir et kapara toy Hebreon salita a kabaliksan toy “mabago.” 26Say kumadwa inanak ya akapeket ed mokur nen Esau, kanyan ningaran na Jacob.#25:26 JACOB: Say tanul na sayan ngaran kapara toy Hebreon salita a kabaliksan toy “mokur.” Mantaoy anemaplo si Isaac nen nianak ira.
Inlako nen Esau iray Kanepegan ton Pangulowan
27Binmaleg ira may ogogaw. Nagmaliw a marunong ya umaanup si Esau tan maliket ya ompaway-paway ed kalawakan; mareen balet si Jacob tan maliket a manayam ed abung. 28Si Esau so inararo nen Isaac, ta labalabay ton siraen iray ayep a nanaanup nen Esau; si Jacob balet so inararo nen Rebeca.
29Aminsan ya agew a manlalambung si Jacob na ambalangan bokel na agayep, nitan lay Esau a nanlapud anupan. Narasan, kanyan 30inkuantod kinen Jacob, “Narnarasan ak; itdan mo ak pa tay ambalangan ilalambung mo.” (Kanyan angaranan met na Edom#25:30 EDOM: Say tanul na sayan ngaran kapara toy Hebreon salita a kabaliksan toy “ambalanga.” si Esau.)
31Inmebat si Jacob, “Iter kon amin ed sika, no iter mod siak iray kanepegan na inkapangulowan mo.”
32Inkuanen Esau, “On. Ompapatey ak lad eras; anto niy kakanaan na saray kanepegan ko?”
33Inmebat si Jacob, “Sambaan mo ni ya iter mon talagad siak so kanepegan mo.”
Nansamba si Esau tan inter tod kinen Jacob iray kanepegan to. 34Initdan nen Jacob na tinapay tan samay agayep ya inlambung to. Angan tan inminom si Esau, insan inmalagey tan linma la. Ag kinawanan nen Esau sirin iray kanepegan na inkapangulowan to.
Currently Selected:
Genesis 25: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Genesis 25
25
Saray Arum a Kabyangay Boleg nen Abraham
(1 Awa. 1:32-33)
1Angasaway Abraham na sananey a bii a manngaray Ketura. 2Saray anak tod sayan bii et di Zimran, Jocsan, Medan, Madian, Isbak, tan Suah. 3Si Jocsan so ama ra di Seba tan Dedan, tan si Dedan so sengeg da ray Asurim, Letusim tan Leumim. 4Saray lalakin anak nen Madian sikara di Efa, Efer, Hanoc, Abida, tan Eldaa. Si Ketura so sengeg da ra yan amin a totoo.
5Impatawir nen Abraham ed kinen Isaac iray amin a kayamanan to; 6balet legan ton mabilay, iniitdan toy rigalo ray anak tod saray arum ya asawa to. Insan imbaki to ra yan anak to ed dalin a bandad bokig, pian niarawi rad kinen anak ton Isaac.
Say Impatey tan Inkipompon nen Abraham
7-8Masiken lan tuloy si Abraham nen inatey; sanlasus tan pitomplo tan lima so taon to. 9Di Isaac tan Ismael ya anak to imponpon dad ongib na Macpela, diad alog a walad bokig na Mamre tan kayaryan nen saman nen Efron ya anak nen Zobar a Heteo. 10Saya may alog a sinaliw nen Abraham ed saray Heteo; nipompon irad man di Abraham tan Sara ya asawa to. 11Kapatey nen Abraham, binindisionan na Dios si Isaac a manaayam ed saman a panaon diad Beer-lahai-roi.#25:11 BEER-LAHAI-ROI: Nengneng yoy 24:62.
Saray Kabyangay Boleg nen Ismael
(1 Awa. 1:28-31)
12Sikara ra yay kabyangay boleg nen Ismael a lakin anak nen Abraham ed kinen Agar, samay Egipsia ya aripen nen Sara. 13Nia ray kangaranan na lalakin anak nen Ismael, manlapud sankapangulowanan ya anggad sankayogtanan: Nebayot, Kedar, Abdeel, Mibsam, 14Misma, Duma, Massa, 15Hadad, Tema, Jetur, Nafis, tan Kedema. 16Sikara ra yay ilalak nen Ismael. Sikaray sengeg na labinduan tribu, tan inngaran dad kangaranan da ray bario tan saray arum a pasen a nanaayaman da. 17Nen inatey si Ismael, mantaoy sanlasus tan talomplo tan pito. 18Saray kabyangay boleg nen Ismael nanayam irad pasen a nanleetay Havila tan Sur, diad bokig na Egipto tan mamaarap ed Asiria. Nanayam iran akabiig ed saray arum a kabyangay boleg nen Abraham.
Say Inkianak nen Esau tan si Jacob
19Sikato yay impanbilay nen Isaac ya anak nen Abraham. 20Mantaoy apataplo si Isaac nen asawaen toy Rebeca ya agi nen Laban tan anak nen Betuel, sakey ya Arameo a taga Mesopotamia. 21Ag mananak si Rebeca, ta lepes, kanyan impikasi nen Isaac. Inebatan na Katawan so pikakasi to, et nanlokun si Rebeca. 22Lasun so lokun to, tan kasakbayan a nananak manlalaban la ran duad dalem na eges to. Inkuanto, “Akin et onyay nagagawad siak?” Tinepet to sirin ed Katawan no akin et onmay agawad sikato.
23Inkuan na Katawan ed sikato,
“Duaran bansa so logan na eges mo;
Mananak kay duaran bansan manlaban.
Mabiskeg niy sakey ed sikaran dua;
Manlingkur so pangulowan ed yogtan.”
24Nen sinmabiy agew a pananak nen Rebeca, nananak na lasun a lalaki. 25Say onaan balangaan tan mabagoy laman to, kanyan ningaran na Esau.#25:25 ESAU: Sayan ngaran et niiter a say totokuyen to Seir, say dalin a diad arapen a panaon nanayaman na saray kabyangay boleg nen Esau; Seir: say tanul na ngaran a Seir et kapara toy Hebreon salita a kabaliksan toy “mabago.” 26Say kumadwa inanak ya akapeket ed mokur nen Esau, kanyan ningaran na Jacob.#25:26 JACOB: Say tanul na sayan ngaran kapara toy Hebreon salita a kabaliksan toy “mokur.” Mantaoy anemaplo si Isaac nen nianak ira.
Inlako nen Esau iray Kanepegan ton Pangulowan
27Binmaleg ira may ogogaw. Nagmaliw a marunong ya umaanup si Esau tan maliket ya ompaway-paway ed kalawakan; mareen balet si Jacob tan maliket a manayam ed abung. 28Si Esau so inararo nen Isaac, ta labalabay ton siraen iray ayep a nanaanup nen Esau; si Jacob balet so inararo nen Rebeca.
29Aminsan ya agew a manlalambung si Jacob na ambalangan bokel na agayep, nitan lay Esau a nanlapud anupan. Narasan, kanyan 30inkuantod kinen Jacob, “Narnarasan ak; itdan mo ak pa tay ambalangan ilalambung mo.” (Kanyan angaranan met na Edom#25:30 EDOM: Say tanul na sayan ngaran kapara toy Hebreon salita a kabaliksan toy “ambalanga.” si Esau.)
31Inmebat si Jacob, “Iter kon amin ed sika, no iter mod siak iray kanepegan na inkapangulowan mo.”
32Inkuanen Esau, “On. Ompapatey ak lad eras; anto niy kakanaan na saray kanepegan ko?”
33Inmebat si Jacob, “Sambaan mo ni ya iter mon talagad siak so kanepegan mo.”
Nansamba si Esau tan inter tod kinen Jacob iray kanepegan to. 34Initdan nen Jacob na tinapay tan samay agayep ya inlambung to. Angan tan inminom si Esau, insan inmalagey tan linma la. Ag kinawanan nen Esau sirin iray kanepegan na inkapangulowan to.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983