Genesis 29
29
Say Insabi nen Jacob ed Abung nen Laban
1Intuloy nen Jacob so akar to tan amaarap ed dalin a bandad Bokig. 2Kabebekta anengneng toy sakey a bobun ed alog a walay taloran simpok na karniron mandokdokul ed abay to. Diay inoman da tan walay baleg a batod sangab to. 3Kapag mantitipon irad may karniro, ekalen na saray pastol imay bato, painomen da ra, insan da ipawil imay bato ed pasen to.
4Tinepet nen Jacob ed saray pumapastol, “Kakaaro, taga iner kayo?”
“Taga kami Haran,” ebat da.
5Tinepet to, “Kabat yoy Laban ya anak nen Nacor?”
“On,” ebat da.
6“Maksil ni?” tepet to.
“On,” ebat da, “Nengneng mo, nia lay Raquel ya anak to, a kaiba to ray karniro nen ama to.”
7Inkuanen Jacob, “Atagey niy agew tan aliwa nin oras na panangisempet na karniro, akin et ag yo ra painomen, insan yo ra ipawil ya ipastol?”
8Inmebat ira, “Ag mi tan nagawaan ya anggad wadya la ran amin so karniro tan nakal lay bato; insan mi la rad satan painomen.”
9Legan nen Jacob a mitotongtong ed sikara, sinmabiy Raquel a kaiba to ray karniro nen ama to. 10Nen anengneng nen Jacob si Raquel a kaiba to ray karniro nen pangamaen ton Laban, inmasingger ed samay bobun, inekal to may bato, tan pinainom to ra. 11Insan to inanguban si Raquel, tan manakis ed liket to. 12Inkuantod sikato, “Kanayon ak nen amam; anak ak nen Rebeca.”
Batik si Raquel ta imbaga tod kinen ama to so insabi nen Jacob. 13Nen nadngel nen Laban so balitan nipaakar ed kinen kaanakan ton Jacob, binatik ton inabet, nilakap to tan inanguban to, insan to intagar ed abung to. Nen imbaga nen Jacob so amin ya agawa, 14inkuanen Laban, “On, andi-duaruwa a sikay dilin laman tan pokel ko.” Nanayam dimay Jacob na sakey bulan.
Nanlingkur si Jacob lapud si Raquel tan si Lea
15Inkuanen Laban ed kinen Jacob, “Anggaman kaanakan ta ka, tumangan ta kad pankikimey mo. Pigaray labay mon iyupak ed sika?” 16Walay duaran bibiin anak nen Laban: Lea so pangulowan, tan Raquel so yogtan. 17Balibali#29:17 Balibali; odino Makapoy. ray mata nen Lea, balet maung ya impanlaman tan maganggana si Raquel.
18Walay panibeg nen Jacob ed kinen Raquel, kanyan inkuanto, “Manlingkur ak ed sikayo a pitoy taon, no paasawa yod siak si Raquel.”
19Inmebat si Laban, “Labay ta ka nin mangasawad sikato nen say arum; sigi, manayam ka dia.” 20Nanlingkur sirin a pitoy taon si Jacob pian naasawa toy Raquel, balet singa pigpigaran agew imay pitoy taon, lapud panangaro tod kinen Raquel.
21Insan inkuanen Jacob ed kinen Laban, “Sinmabi lay panaon a pangasawak ed anak ko.” 22Kanyan namponsiay Laban tan inimbitaan toy amin a totoo. 23Balet diad saman a labi si Lea, aliwan si Raquel, so inter nen Laban, tan sikatoy inakdulan sirin nen Jacob. (24Inter nen Laban si aripen ton Zilpa ed kinen Lea, pian walay katulong to.) 25Diad kabwasan labat so impakaamta nen Jacob a si Lea manayay kaakdul to. Linmad kinen Laban tan inkuanto, “Akin et ginawa yo yad siak? Si Raquel so nansagputan ko. Akin et pinalikdo yo ak?”
26Inmebat si Laban, “Aliwan kaogaliyan dia ya ononay yogtan a miasawa nen say pangulowan. 27Manalagar ka na sakey simba. Asumpal lad satan so ponsia, insan iter kod sikay Raquel, no manlingkur ka nid siak na pitoy taon.”
28Inmabubon si Jacob, tan kalabas na sakey simba, inter nen Laban ed sikato si Raquel. (29Inter nen Laban si aripen ton Bilha ed kinen Raquel, pian walay katulong to.) 30Inakdulan met sirin nen Jacob si Raquel, tan inaro to ni nen si Lea. Insan nanlingkur ni na pitoy taon ed kinen Laban.
Saray Anak nen Jacob
31Nen anengneng na Katawan ya ag inaro nen Jacob si Lea, inabuloyan ton makapananak; si Raquel, balet, ag mananak ta lepes. 32Nanlokun si Lea tan nananak na sakey a laki. Inkuanto, “Anengneng na Katawan so segsegang ko; natan aroen ak la nen asawak”; kanyan inngaran to na Ruben#29:32 RUBEN: Say tanul na sayan ngaran kapara toy Hebreon salita a kabaliksan toy “nengneng mo, sakey a lakin anak” tan “anengneng toy gunigon ko.” imay ogaw. 33Nanlokun lamet tan nananak na sakey nin laki. Inkuanto, “Inter met na Katawan yan anak ko, ta arengel ton ag ak inaroy asawak”; kanyan inngaran to na Simeon.#29:33 SIMEON: Say tanul na sayan ngaran kapara toy Hebreon salita a kabaliksan toy “dengel.” 34Nanlokun a pitlo tan nananak na sakey nin laki. Inkuanto, “Natan magmaliw a lalon maasingger so asawak, ta inyanakan koy taloran lalaki”; kanyan inngaran to na Levi.#29:34 LEVI: Say tanul na sayan ngaran kapara toy Hebreon salita a kabaliksan toy “maasingger.” 35Nanlokun a pipat tan nananak na sakey a laki. Inkuanto, “Natan idayew koy Katawan”; kanyan inngaran to na Juda.#29:35 JUDA: Say tanul na sayan ngaran kapara toy Hebreon salita a kabaliksan toy “dayew.” Nanlapud saman, tinmonda lan mananak.
Currently Selected:
Genesis 29: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Genesis 29
29
Say Insabi nen Jacob ed Abung nen Laban
1Intuloy nen Jacob so akar to tan amaarap ed dalin a bandad Bokig. 2Kabebekta anengneng toy sakey a bobun ed alog a walay taloran simpok na karniron mandokdokul ed abay to. Diay inoman da tan walay baleg a batod sangab to. 3Kapag mantitipon irad may karniro, ekalen na saray pastol imay bato, painomen da ra, insan da ipawil imay bato ed pasen to.
4Tinepet nen Jacob ed saray pumapastol, “Kakaaro, taga iner kayo?”
“Taga kami Haran,” ebat da.
5Tinepet to, “Kabat yoy Laban ya anak nen Nacor?”
“On,” ebat da.
6“Maksil ni?” tepet to.
“On,” ebat da, “Nengneng mo, nia lay Raquel ya anak to, a kaiba to ray karniro nen ama to.”
7Inkuanen Jacob, “Atagey niy agew tan aliwa nin oras na panangisempet na karniro, akin et ag yo ra painomen, insan yo ra ipawil ya ipastol?”
8Inmebat ira, “Ag mi tan nagawaan ya anggad wadya la ran amin so karniro tan nakal lay bato; insan mi la rad satan painomen.”
9Legan nen Jacob a mitotongtong ed sikara, sinmabiy Raquel a kaiba to ray karniro nen ama to. 10Nen anengneng nen Jacob si Raquel a kaiba to ray karniro nen pangamaen ton Laban, inmasingger ed samay bobun, inekal to may bato, tan pinainom to ra. 11Insan to inanguban si Raquel, tan manakis ed liket to. 12Inkuantod sikato, “Kanayon ak nen amam; anak ak nen Rebeca.”
Batik si Raquel ta imbaga tod kinen ama to so insabi nen Jacob. 13Nen nadngel nen Laban so balitan nipaakar ed kinen kaanakan ton Jacob, binatik ton inabet, nilakap to tan inanguban to, insan to intagar ed abung to. Nen imbaga nen Jacob so amin ya agawa, 14inkuanen Laban, “On, andi-duaruwa a sikay dilin laman tan pokel ko.” Nanayam dimay Jacob na sakey bulan.
Nanlingkur si Jacob lapud si Raquel tan si Lea
15Inkuanen Laban ed kinen Jacob, “Anggaman kaanakan ta ka, tumangan ta kad pankikimey mo. Pigaray labay mon iyupak ed sika?” 16Walay duaran bibiin anak nen Laban: Lea so pangulowan, tan Raquel so yogtan. 17Balibali#29:17 Balibali; odino Makapoy. ray mata nen Lea, balet maung ya impanlaman tan maganggana si Raquel.
18Walay panibeg nen Jacob ed kinen Raquel, kanyan inkuanto, “Manlingkur ak ed sikayo a pitoy taon, no paasawa yod siak si Raquel.”
19Inmebat si Laban, “Labay ta ka nin mangasawad sikato nen say arum; sigi, manayam ka dia.” 20Nanlingkur sirin a pitoy taon si Jacob pian naasawa toy Raquel, balet singa pigpigaran agew imay pitoy taon, lapud panangaro tod kinen Raquel.
21Insan inkuanen Jacob ed kinen Laban, “Sinmabi lay panaon a pangasawak ed anak ko.” 22Kanyan namponsiay Laban tan inimbitaan toy amin a totoo. 23Balet diad saman a labi si Lea, aliwan si Raquel, so inter nen Laban, tan sikatoy inakdulan sirin nen Jacob. (24Inter nen Laban si aripen ton Zilpa ed kinen Lea, pian walay katulong to.) 25Diad kabwasan labat so impakaamta nen Jacob a si Lea manayay kaakdul to. Linmad kinen Laban tan inkuanto, “Akin et ginawa yo yad siak? Si Raquel so nansagputan ko. Akin et pinalikdo yo ak?”
26Inmebat si Laban, “Aliwan kaogaliyan dia ya ononay yogtan a miasawa nen say pangulowan. 27Manalagar ka na sakey simba. Asumpal lad satan so ponsia, insan iter kod sikay Raquel, no manlingkur ka nid siak na pitoy taon.”
28Inmabubon si Jacob, tan kalabas na sakey simba, inter nen Laban ed sikato si Raquel. (29Inter nen Laban si aripen ton Bilha ed kinen Raquel, pian walay katulong to.) 30Inakdulan met sirin nen Jacob si Raquel, tan inaro to ni nen si Lea. Insan nanlingkur ni na pitoy taon ed kinen Laban.
Saray Anak nen Jacob
31Nen anengneng na Katawan ya ag inaro nen Jacob si Lea, inabuloyan ton makapananak; si Raquel, balet, ag mananak ta lepes. 32Nanlokun si Lea tan nananak na sakey a laki. Inkuanto, “Anengneng na Katawan so segsegang ko; natan aroen ak la nen asawak”; kanyan inngaran to na Ruben#29:32 RUBEN: Say tanul na sayan ngaran kapara toy Hebreon salita a kabaliksan toy “nengneng mo, sakey a lakin anak” tan “anengneng toy gunigon ko.” imay ogaw. 33Nanlokun lamet tan nananak na sakey nin laki. Inkuanto, “Inter met na Katawan yan anak ko, ta arengel ton ag ak inaroy asawak”; kanyan inngaran to na Simeon.#29:33 SIMEON: Say tanul na sayan ngaran kapara toy Hebreon salita a kabaliksan toy “dengel.” 34Nanlokun a pitlo tan nananak na sakey nin laki. Inkuanto, “Natan magmaliw a lalon maasingger so asawak, ta inyanakan koy taloran lalaki”; kanyan inngaran to na Levi.#29:34 LEVI: Say tanul na sayan ngaran kapara toy Hebreon salita a kabaliksan toy “maasingger.” 35Nanlokun a pipat tan nananak na sakey a laki. Inkuanto, “Natan idayew koy Katawan”; kanyan inngaran to na Juda.#29:35 JUDA: Say tanul na sayan ngaran kapara toy Hebreon salita a kabaliksan toy “dayew.” Nanlapud saman, tinmonda lan mananak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983