Genesis 30
30
1Balet anggapoy anak nen Raquel, kanyan angimon ed kinen atsi to. Inkuantod kinen Jacob, “Itdan mo ak na anak ko; ta no andi, ompatey ak.”
2Akapasnuk si Jacob ed kinen Raquel tan inkuanto, “Dios ak sirin? Say Dios, aliwan siak, so makasengeg na ag mo pananak.”
3Inkuanen Raquel, “Niay Bilha ya aripen ko; akdulan mo pian mananak na para siak tan magmaliw ak ya ina ed panamegley to.” 4Kanyan inter toy Bilha ed kinen Jacob, insan inakdulan to. 5Nanlokun si Bilha tan nananak ed kinen Jacob na sakey a laki. 6Inkuanen Raquel, “Pinilaan ak na Dios. Dinengel toy pikakasik, tan initdan to ak na anak a laki”; kanyan inngaran to na Dan.#30:6 DAN: Say tanul na sayan ngaran kapara toy Hebreon salita a kabaliksan toy “pipilaan.” 7Nanlokun lamet si Bilha tan nananak ed kinen Jacob na kumadwan laki. 8Inkuanen Raquel, “Pinasyay impilaban kod kinen atsik, balet analo ak”; kanyan inngaran to na Neftali#30:8 NEFTALI: Sa tanul na sayan ngaran kapara toy Hebreon salita a kabaliksan toy “laban”. imay ogaw.
9Nen anengneng nen Lea ya ag la mananak, inter tod kinen Jacob si Zilpa ya aripen to. 10Insan nananak ed kinen Jacob si Zilpa na sakey a laki. 11Inkuanen Lea, “Mapalar ak”; kanyan inngaran to na Gad#30:11 GAD: “Kapalaran” so kabaliksan to yan ngaran diad salitay Hebreo. imay ogaw. 12Nananak lamet ed kinen Jacob si Zilpa na sakey a laki; 13inkuanen Lea, “Agaylay liket ko! Saray bibii tawagen da ak a maliket”; kanyan inngaran to na Aser.#30:13 ASER: “Maliket” so kabaliksan to yan ngaran diad salitay Hebreo.
14Nen panaganiy trigo, linmay Ruben ed kaalogan tan akalmo na saray tanaman a mandragora,#30:14 MANDRAGORA: Tanaman a nen saman asisia a makapalokun tan nikana a dikay bii. insan inawit to rad kinen ina ton Lea. Inkuanen Raquel ed kinen Lea, “Itdan mo ak pa na mandragoran awit nen anak mo.”
15Inmebat si Lea, “Ag ka ni napnek ed impangalam na asawak? Natan labay mo nin alaen iray mandragora na anak ko.”
Inkuanen Raquel, “No iter mod siak iray mandragora nen anak mo, sikam lay miakdul ed kinen Jacob diad sayan labi.”
16Nen sinmempet ed labi si Jacob a nanlapud kaalogan, inabet nen Lea tan inkuanto, “Miakdul kad siak ed sayan labi, ta binayaran ta ka na saray mandragora nen anak ko.” Kanyan inakdulan tod saman a labi.
17Inebatan na Dios so pikakasi nen Lea; nanlokun tan nananak ed kinen Jacob na kumaliman laki. 18Inkuanen Lea, “Tinumangan ak na Dios, ta inter kod kinen asawak so aripen ko”; kanyan inngaran to na Isacar#30:18 ISACAR: Say tanul na sayan ngaran kapara toy Hebreon salita a kabaliksan toy “nauupaan so sakey a too” tan “walay sakey a tumang.” imay ogaw. 19Nanlokun lamet tan nananak ed kinen Jacob na kumanem a laki. 20Inkuanto, “Initdan ak na Dios na marakep a rigalo. Natan akoen ak la na asawak, ta inyanakan koy anemiran lalaki”; kanyan inngaran to na Zabulon#30:20 ZABULON: Say tanul na sayan ngaran kapara toy Hebreon salita a kabaliksan toy “awat” tan “rigalo.” imay ogaw. 21Ag abayag, nananak na sakey a bii, tan inngaran to na Dina.
22Anunotan na Dios si Raquel; inebatan toy pikakasi to, kanyan inyabuloy ton makaanak. 23Nanlokun tan nananak na sakey a laki. Inkuanto, “Inekal na Dios so kababaingan ko diad impangiter tod siak na sakey ya anak a laki. 24Itdan ak ni komun na Katawan na sakey ya anak a laki”; kanyan inngaran to na Jose#30:24 JOSE: Say tanul na sayan ngaran kapara toy Hebreon salita a kabaliksan toy “mangiter ni komun na arum” tan “inala to.” imay ogaw.
Say Paknaan di Jacob tan Laban
25Kasumpal na inkianak nen Jose, inkuanen Jacob ed kinen Laban, “Bolusan yo ak pa la, pian makapawil ak lad bansa mi. 26Iter yod siak iray asawak tan saray anak ko; binayaran ko la ra diad impanlingkur kod sikayo. Kabat yo met so ontan lan kaabigan na impanlingkur kod sikayo.”
27Inkuanen Laban ed sikato. “Niay nibagak; inaral koy panagparles, et naamtaan kon binindisionan ak na Katawan lapud sika. 28Ibagam labat no pigay labay mon iyupak ed sika.”
29Inmebat si Jacob, “Kabat yo no panoy impanlingkur kod sikayo tan no panoy imbolaslas na saray ayayep yo diad impangasikasok. 30Say daiset a walad sikayo kasakbayay insabik et dinmakerakel, tan binindisionan kayoy Katawan lapud siak. Natan sinmabi lay panaon a nunoten ko lay pankaabigan na pamilyak.”
31“Antoy upa ya iter kod sika?” tepet nen Laban.
Inmebat si Jacob, “Anggapoy labay kon upa. Ituloy koy pangasikasok ed saray karniro yo no onabubon kayod sayan paknaan: 32Onla ak natan ed kawalaan na saray karniro, tan alaen koy balang andeket a kordiro#30:32 Diad sakey a dagdaan a patalus balang andeket a kordiro; diad tikston Hebreo balang kordiron batekan tan baklayan, tan balang kordiron andeket. tan balang kanding a batekan o baklayan. Saraya labat so labay kon iyupa yod siak. 33Diad panakar na panaon, mainomay yon amtaen no niluko ta kayo o andi. No nengnengen yo ray ayayep ya inyupa yod siak, tan walay nanengneng yon kanding ya aliwan baklayan o batekan tan karniron aliwan andeket, nibaga yon tinakew.”
34Inmebat si Laban, “Marakep itan! Ontan sirin so gawaen ta.” 35Balet diad saman ya agew inekal nen Laban iray kanding a kalakyan a gulisan o batekan tan saray kabatyan a baklayan tan batekan o walay ampotin batek; inekal to met iray andeket a karniro. Impaasikaso to rad saray anak ton lalaki, 36insan to ra inyarawid kinen Jacob a taloy agew no akaren so kaarawi to. Inasikaso nen Jacob ira may atilak ya ayayep nen Laban.
37Angalay Jacob na saray sanga na estoraki, almindra, tan platano, insan to inobakan iray arum a partiy sanga pian singa walay gulis dan ampoti. 38Inyan to ra yan sanga ed arap na saramay ayayep, diad pasen a paniinoman da. Inyan to rad man, ta mankakastaan ira no onla ran oninom. 39Lapud akastaan ira diad arap na saramay sanga nananak iray baklayan a binmawer, baklayan, tan batekan.
40Imbiig nen Jacob iray karniro ed saray kanding, tan impaarap to rad saray baklayan a binmawer tan andeket ya ayayep nen Laban. Diad onya, dinmakel lan dinmakel so ayayep nen Jacob tan imbiig to rad saray ayayep nen Laban.
41No mankasta ray ayayep a maung so laman da, iyan nen Jacob ira may sanga ed arap da diad paniinoman da, pian mannginew ira ed pegley na saramay sanga. 42Balet ag to iyan ira may sanga ed arap na saray ayayep a makapoy so laman. Ag abayag, kayaryan nen Laban iray makapoy so laman, tan kayaryan nen Jacob iray maung so laman. 43Lapud saya nagmaliw a mayamyaman si Jacob. Amayamay iray karniro, kanding, kamilyo tan asno to, tan aripen to.
Currently Selected:
Genesis 30: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Genesis 30
30
1Balet anggapoy anak nen Raquel, kanyan angimon ed kinen atsi to. Inkuantod kinen Jacob, “Itdan mo ak na anak ko; ta no andi, ompatey ak.”
2Akapasnuk si Jacob ed kinen Raquel tan inkuanto, “Dios ak sirin? Say Dios, aliwan siak, so makasengeg na ag mo pananak.”
3Inkuanen Raquel, “Niay Bilha ya aripen ko; akdulan mo pian mananak na para siak tan magmaliw ak ya ina ed panamegley to.” 4Kanyan inter toy Bilha ed kinen Jacob, insan inakdulan to. 5Nanlokun si Bilha tan nananak ed kinen Jacob na sakey a laki. 6Inkuanen Raquel, “Pinilaan ak na Dios. Dinengel toy pikakasik, tan initdan to ak na anak a laki”; kanyan inngaran to na Dan.#30:6 DAN: Say tanul na sayan ngaran kapara toy Hebreon salita a kabaliksan toy “pipilaan.” 7Nanlokun lamet si Bilha tan nananak ed kinen Jacob na kumadwan laki. 8Inkuanen Raquel, “Pinasyay impilaban kod kinen atsik, balet analo ak”; kanyan inngaran to na Neftali#30:8 NEFTALI: Sa tanul na sayan ngaran kapara toy Hebreon salita a kabaliksan toy “laban”. imay ogaw.
9Nen anengneng nen Lea ya ag la mananak, inter tod kinen Jacob si Zilpa ya aripen to. 10Insan nananak ed kinen Jacob si Zilpa na sakey a laki. 11Inkuanen Lea, “Mapalar ak”; kanyan inngaran to na Gad#30:11 GAD: “Kapalaran” so kabaliksan to yan ngaran diad salitay Hebreo. imay ogaw. 12Nananak lamet ed kinen Jacob si Zilpa na sakey a laki; 13inkuanen Lea, “Agaylay liket ko! Saray bibii tawagen da ak a maliket”; kanyan inngaran to na Aser.#30:13 ASER: “Maliket” so kabaliksan to yan ngaran diad salitay Hebreo.
14Nen panaganiy trigo, linmay Ruben ed kaalogan tan akalmo na saray tanaman a mandragora,#30:14 MANDRAGORA: Tanaman a nen saman asisia a makapalokun tan nikana a dikay bii. insan inawit to rad kinen ina ton Lea. Inkuanen Raquel ed kinen Lea, “Itdan mo ak pa na mandragoran awit nen anak mo.”
15Inmebat si Lea, “Ag ka ni napnek ed impangalam na asawak? Natan labay mo nin alaen iray mandragora na anak ko.”
Inkuanen Raquel, “No iter mod siak iray mandragora nen anak mo, sikam lay miakdul ed kinen Jacob diad sayan labi.”
16Nen sinmempet ed labi si Jacob a nanlapud kaalogan, inabet nen Lea tan inkuanto, “Miakdul kad siak ed sayan labi, ta binayaran ta ka na saray mandragora nen anak ko.” Kanyan inakdulan tod saman a labi.
17Inebatan na Dios so pikakasi nen Lea; nanlokun tan nananak ed kinen Jacob na kumaliman laki. 18Inkuanen Lea, “Tinumangan ak na Dios, ta inter kod kinen asawak so aripen ko”; kanyan inngaran to na Isacar#30:18 ISACAR: Say tanul na sayan ngaran kapara toy Hebreon salita a kabaliksan toy “nauupaan so sakey a too” tan “walay sakey a tumang.” imay ogaw. 19Nanlokun lamet tan nananak ed kinen Jacob na kumanem a laki. 20Inkuanto, “Initdan ak na Dios na marakep a rigalo. Natan akoen ak la na asawak, ta inyanakan koy anemiran lalaki”; kanyan inngaran to na Zabulon#30:20 ZABULON: Say tanul na sayan ngaran kapara toy Hebreon salita a kabaliksan toy “awat” tan “rigalo.” imay ogaw. 21Ag abayag, nananak na sakey a bii, tan inngaran to na Dina.
22Anunotan na Dios si Raquel; inebatan toy pikakasi to, kanyan inyabuloy ton makaanak. 23Nanlokun tan nananak na sakey a laki. Inkuanto, “Inekal na Dios so kababaingan ko diad impangiter tod siak na sakey ya anak a laki. 24Itdan ak ni komun na Katawan na sakey ya anak a laki”; kanyan inngaran to na Jose#30:24 JOSE: Say tanul na sayan ngaran kapara toy Hebreon salita a kabaliksan toy “mangiter ni komun na arum” tan “inala to.” imay ogaw.
Say Paknaan di Jacob tan Laban
25Kasumpal na inkianak nen Jose, inkuanen Jacob ed kinen Laban, “Bolusan yo ak pa la, pian makapawil ak lad bansa mi. 26Iter yod siak iray asawak tan saray anak ko; binayaran ko la ra diad impanlingkur kod sikayo. Kabat yo met so ontan lan kaabigan na impanlingkur kod sikayo.”
27Inkuanen Laban ed sikato. “Niay nibagak; inaral koy panagparles, et naamtaan kon binindisionan ak na Katawan lapud sika. 28Ibagam labat no pigay labay mon iyupak ed sika.”
29Inmebat si Jacob, “Kabat yo no panoy impanlingkur kod sikayo tan no panoy imbolaslas na saray ayayep yo diad impangasikasok. 30Say daiset a walad sikayo kasakbayay insabik et dinmakerakel, tan binindisionan kayoy Katawan lapud siak. Natan sinmabi lay panaon a nunoten ko lay pankaabigan na pamilyak.”
31“Antoy upa ya iter kod sika?” tepet nen Laban.
Inmebat si Jacob, “Anggapoy labay kon upa. Ituloy koy pangasikasok ed saray karniro yo no onabubon kayod sayan paknaan: 32Onla ak natan ed kawalaan na saray karniro, tan alaen koy balang andeket a kordiro#30:32 Diad sakey a dagdaan a patalus balang andeket a kordiro; diad tikston Hebreo balang kordiron batekan tan baklayan, tan balang kordiron andeket. tan balang kanding a batekan o baklayan. Saraya labat so labay kon iyupa yod siak. 33Diad panakar na panaon, mainomay yon amtaen no niluko ta kayo o andi. No nengnengen yo ray ayayep ya inyupa yod siak, tan walay nanengneng yon kanding ya aliwan baklayan o batekan tan karniron aliwan andeket, nibaga yon tinakew.”
34Inmebat si Laban, “Marakep itan! Ontan sirin so gawaen ta.” 35Balet diad saman ya agew inekal nen Laban iray kanding a kalakyan a gulisan o batekan tan saray kabatyan a baklayan tan batekan o walay ampotin batek; inekal to met iray andeket a karniro. Impaasikaso to rad saray anak ton lalaki, 36insan to ra inyarawid kinen Jacob a taloy agew no akaren so kaarawi to. Inasikaso nen Jacob ira may atilak ya ayayep nen Laban.
37Angalay Jacob na saray sanga na estoraki, almindra, tan platano, insan to inobakan iray arum a partiy sanga pian singa walay gulis dan ampoti. 38Inyan to ra yan sanga ed arap na saramay ayayep, diad pasen a paniinoman da. Inyan to rad man, ta mankakastaan ira no onla ran oninom. 39Lapud akastaan ira diad arap na saramay sanga nananak iray baklayan a binmawer, baklayan, tan batekan.
40Imbiig nen Jacob iray karniro ed saray kanding, tan impaarap to rad saray baklayan a binmawer tan andeket ya ayayep nen Laban. Diad onya, dinmakel lan dinmakel so ayayep nen Jacob tan imbiig to rad saray ayayep nen Laban.
41No mankasta ray ayayep a maung so laman da, iyan nen Jacob ira may sanga ed arap da diad paniinoman da, pian mannginew ira ed pegley na saramay sanga. 42Balet ag to iyan ira may sanga ed arap na saray ayayep a makapoy so laman. Ag abayag, kayaryan nen Laban iray makapoy so laman, tan kayaryan nen Jacob iray maung so laman. 43Lapud saya nagmaliw a mayamyaman si Jacob. Amayamay iray karniro, kanding, kamilyo tan asno to, tan aripen to.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983