Genesis 35
35
Binindisionan na Dios si Jacob diad Betel
1Inkuan na Dios ed kinen Jacob, “Lakan tampol ed Betel tan manayam kad man. Manggawa kad may altar a para siak a Dios a pinmayawar ed sika nen ibabatikan moy agim ya Esau.”
2Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis. 3Onekal itayo la dia tan onla itayo ed Betel, a dimay panggawaan koy altar a para Dios a tinmulong ed siak nen wala ak ed kairapan tan inoolup to ak ed inerman a nilak.” 4Inter da sirin ed kinen Jacob iray amin a walad sikaran diriyos na arum a bansa, pati saray ikaw ya akabitin ed saray layag da. Inkotkot to ra yan amin ed silong na kiew a robli ya asingger ed Sikem.
5Nen onsisiput si Jacob tan saray anak ton lalaki, sinmabiy baleg a takot ed saray totood kaliber-liber iran baley, kanyan ag da ra inosilan. 6Linmay Jacob tan amin a totoo to diad Luz, a tatawagey Betel natan, diad dalin na Canaan. 7Nanggawad man na altar tan inngaran to man a pasen na Betel, ta dimay pinayawaran na Dios ed sikato nen ibabatikan toy agi to. 8Inatey si Debora a nankomponid kinen Rebeca nen ogaw ni, tan imponpon dad silong na kiew a robli a walad abalaten na Betel. Kanyan saman a kiew atawag na “Robli na Ermen.”
9Nen pinmawil si Jacob a nanlapud Mesopotamia, pinmayawar lamet ed sikato so Dios tan binindisionan to. 10Inkuan na Dios ed sikato, “Jacob so ngaran mo, balet manlapud natan Israel la.” Kanyan Israel so inngaran na Dios ed sikato. 11Insan inkuan na Dios ed sikato, “Siak so Dios a Makapanyarin-amin. Nawalaan kay amayamay ya anak. Manlapud sika ray bansa tan arari. 12Iter kod sikay dalin ya inter kod kindi Abraham tan Isaac, tan iter ko met ed saray kabyangay boleg mo no andi ka lad bilay.” 13Insan tinaynan lay Dios si Jacob. 14Diman ed samay pasen ya akitongtongay Dios ed sikato, angipaalagey si Jacob na baton pakanudnunotan tan insaklang tod Dios diad impangikalbo toy alak tan larak na oliba. 15Inngaran to na Betel iman a pasen.
Say Impatey nen Raquel
16Tinaynan nen Jacob tan say pamilya to so Betel, et nen asingger la ra ed Efrata, sinmabiy panaon a pananak nen Raquel, et nanairapan ed pampapasakit to. 17Nen mapalaloy pampapasakit to, inkuan na manamyanak ed sikato, “Ag ka natatakot, Raquel; sakey a laki lamet so anak mo.” 18Balet ompapatey si Raquel. Nen kuan lan naoyus so bilay to, inngaran to na Benoni#35:18 BENONI: “Anak na kaermenan ko” so kabaliksan to yan ngaran diad salitay Hebreo. may ogaw, balet inngaran nen ama to na Benjamin.#35:18 BENJAMIN: “Anak a magmaliw a mapalar” so kabaliksan to yan ngaran diad salitay Hebreo.
19Nen inatey si Raquel, imponpon dad gilig na dalan a mamaarap ed Efrata, a tatawagen natan na Betlehem. 20Angyan diman si Jacob na baton pakanudnunotan; anggad natan sikato niy tanda na lobuk nen Raquel. 21Intuloy nen Jacob so impankurang to, tan nankampo ed biek a dapag na tori ed Eder.
Saray Lalakin Anak nen Jacob
(1 Awa. 2:1-2)
22Nen manaayam si Jacob ed saman a pasen, inakdulan nen Ruben si Bilha, sakey ed saray asawan inamung nen ama to. Nadngelan nen Jacob, et mapalaloy pasnuk to.#35:22 Diad sakey a dagdaan a patalus et mapalaloy pasnuk to; anggapo ra yan salita diad salitay Hebreo.
Labinduan amin iray lalakin anak nen Jacob. 23Sikara yay anak tod kinen Lea: Ruben (say pangulowan ya anak nen Jacob), Simeon, Levi, Juda, Isacar, tan Zabulon; 24diad kinen Raquel: Jose tan Benjamin; 25diad kinen Bilha ya aripen nen Raquel: Dan tan Neftali; 26diad kinen Zilpa ya aripen nen Lea: Gad tan Aser. Nianak ira yan amin ed Mesopotamia.
Say Impatey nen Isaac
27Binmisitay Jacob ed kinen ama ton Isaac diad Namre, ya asingger ed Hebron, tan nanayaman nen Abraham tan Isaac. 28Nambilay si Isaac na sanlasus tan walomploy taon, 29kanyan mataktakken la nen inatey. Imponpon na saray anak to a di Esau tan Jacob.
Currently Selected:
Genesis 35: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Genesis 35
35
Binindisionan na Dios si Jacob diad Betel
1Inkuan na Dios ed kinen Jacob, “Lakan tampol ed Betel tan manayam kad man. Manggawa kad may altar a para siak a Dios a pinmayawar ed sika nen ibabatikan moy agim ya Esau.”
2Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis. 3Onekal itayo la dia tan onla itayo ed Betel, a dimay panggawaan koy altar a para Dios a tinmulong ed siak nen wala ak ed kairapan tan inoolup to ak ed inerman a nilak.” 4Inter da sirin ed kinen Jacob iray amin a walad sikaran diriyos na arum a bansa, pati saray ikaw ya akabitin ed saray layag da. Inkotkot to ra yan amin ed silong na kiew a robli ya asingger ed Sikem.
5Nen onsisiput si Jacob tan saray anak ton lalaki, sinmabiy baleg a takot ed saray totood kaliber-liber iran baley, kanyan ag da ra inosilan. 6Linmay Jacob tan amin a totoo to diad Luz, a tatawagey Betel natan, diad dalin na Canaan. 7Nanggawad man na altar tan inngaran to man a pasen na Betel, ta dimay pinayawaran na Dios ed sikato nen ibabatikan toy agi to. 8Inatey si Debora a nankomponid kinen Rebeca nen ogaw ni, tan imponpon dad silong na kiew a robli a walad abalaten na Betel. Kanyan saman a kiew atawag na “Robli na Ermen.”
9Nen pinmawil si Jacob a nanlapud Mesopotamia, pinmayawar lamet ed sikato so Dios tan binindisionan to. 10Inkuan na Dios ed sikato, “Jacob so ngaran mo, balet manlapud natan Israel la.” Kanyan Israel so inngaran na Dios ed sikato. 11Insan inkuan na Dios ed sikato, “Siak so Dios a Makapanyarin-amin. Nawalaan kay amayamay ya anak. Manlapud sika ray bansa tan arari. 12Iter kod sikay dalin ya inter kod kindi Abraham tan Isaac, tan iter ko met ed saray kabyangay boleg mo no andi ka lad bilay.” 13Insan tinaynan lay Dios si Jacob. 14Diman ed samay pasen ya akitongtongay Dios ed sikato, angipaalagey si Jacob na baton pakanudnunotan tan insaklang tod Dios diad impangikalbo toy alak tan larak na oliba. 15Inngaran to na Betel iman a pasen.
Say Impatey nen Raquel
16Tinaynan nen Jacob tan say pamilya to so Betel, et nen asingger la ra ed Efrata, sinmabiy panaon a pananak nen Raquel, et nanairapan ed pampapasakit to. 17Nen mapalaloy pampapasakit to, inkuan na manamyanak ed sikato, “Ag ka natatakot, Raquel; sakey a laki lamet so anak mo.” 18Balet ompapatey si Raquel. Nen kuan lan naoyus so bilay to, inngaran to na Benoni#35:18 BENONI: “Anak na kaermenan ko” so kabaliksan to yan ngaran diad salitay Hebreo. may ogaw, balet inngaran nen ama to na Benjamin.#35:18 BENJAMIN: “Anak a magmaliw a mapalar” so kabaliksan to yan ngaran diad salitay Hebreo.
19Nen inatey si Raquel, imponpon dad gilig na dalan a mamaarap ed Efrata, a tatawagen natan na Betlehem. 20Angyan diman si Jacob na baton pakanudnunotan; anggad natan sikato niy tanda na lobuk nen Raquel. 21Intuloy nen Jacob so impankurang to, tan nankampo ed biek a dapag na tori ed Eder.
Saray Lalakin Anak nen Jacob
(1 Awa. 2:1-2)
22Nen manaayam si Jacob ed saman a pasen, inakdulan nen Ruben si Bilha, sakey ed saray asawan inamung nen ama to. Nadngelan nen Jacob, et mapalaloy pasnuk to.#35:22 Diad sakey a dagdaan a patalus et mapalaloy pasnuk to; anggapo ra yan salita diad salitay Hebreo.
Labinduan amin iray lalakin anak nen Jacob. 23Sikara yay anak tod kinen Lea: Ruben (say pangulowan ya anak nen Jacob), Simeon, Levi, Juda, Isacar, tan Zabulon; 24diad kinen Raquel: Jose tan Benjamin; 25diad kinen Bilha ya aripen nen Raquel: Dan tan Neftali; 26diad kinen Zilpa ya aripen nen Lea: Gad tan Aser. Nianak ira yan amin ed Mesopotamia.
Say Impatey nen Isaac
27Binmisitay Jacob ed kinen ama ton Isaac diad Namre, ya asingger ed Hebron, tan nanayaman nen Abraham tan Isaac. 28Nambilay si Isaac na sanlasus tan walomploy taon, 29kanyan mataktakken la nen inatey. Imponpon na saray anak to a di Esau tan Jacob.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983