II MGA HARI 17
17
Si Oseas ay naghari sa Israel. Ang Israel ay nabihag ng Asiria.
1Nang ikalabing dalawang taon ni Achaz na hari sa Juda ay nagpasimula si Oseas na anak ni Ela na maghari sa Samaria sa Israel, at nagharing siyam na taon.
2At gumawa siya ng masama sa paningin ng Panginoon, bagaman hindi gaya ng mga hari sa Israel na mga una sa kaniya.
3Laban sa kaniya ay umahon si #2 Hari 18:9-12; Os. 10:14.Salmanasar na hari sa Asiria; at si Oseas ay naging kaniyang lingkod, at dinalhan siya ng mga kaloob.
4At ang hari sa Asiria ay nakasumpong kay Oseas ng pagbabanta; sapagka't siya'y nagsugo ng mga sugo kay So na hari sa Egipto, at hindi naghandog ng kaloob sa hari sa Asiria, na gaya ng kaniyang ginagawa taontaon; kaya't kinulong siya ng hari sa Asiria, at ipinangaw siya sa bilangguan.
5 #
2 Hari 18:9. Nang magkagayon ay umahon ang hari sa Asiria sa buong lupain, at umahon sa Samaria, at kinulong na tatlong taon.
6 #
2 Hari 18:10. Nang ikasiyam na taon ni Oseas, sinakop ng hari sa Asiria ang Samaria, at #Lev. 26:32, 33; Deut. 28:36, 64; 29:27, 28. dinala ang Israel sa Asiria, at inilagay sila sa Hala, at sa Habor, sa ilog ng #2 Hari 19:12. Gozan, at sa mga bayan ng mga #Is. 13:17; 21:2; Dan. 5:28, 31. Medo.
Sa panahon ng pagkakabihag.
7At nagkagayon, sapagka't ang mga anak ni Israel ay nangagkasala laban sa Panginoon nilang Dios, na siyang nagahon sa kanila mula sa lupain ng Egipto, mula sa kamay ni Faraon na hari sa Egipto, at sila'y natakot sa ibang mga dios.
8 #
2 Hari 16:3. At lumakad sa mga palatuntunan ng mga bansa, na pinalayas ng Panginoon sa harap ng mga anak ni Israel, at ng mga hari ng Israel, na kanilang ginawa.
9At ang mga anak ni Israel ay #2 Hari 18:8. nagsigawa ng mga lihim na bagay na hindi matuwid sa Panginoon nilang Dios, at sila'y nagsipagtayo sa kanila ng mga mataas na dako sa lahat nilang bayan mula sa moog ng mga bantay hanggang sa bayang nakukutaan.
10 #
1 Hari 14:23. At sila'y nangagsipaglagay ng mga haligi na pinakaalaala at mga #Ex. 34:13.Asera sa bawa't mataas na burol, at sa ilalim ng lahat na sariwang punong kahoy;
11At doo'y nagsunog sila ng kamangyan sa lahat na mataas na dako, gaya ng ginawa ng mga bansa na pinalayas ng Panginoon sa harap nila; at nagsigawa ng masasamang bagay upang mungkahiin ang Panginoon sa galit;
12At sila'y nagsipaglingkod sa mga diosdiosan, #Ex. 20:4.na siyang sa kanila ay sinabi ng Panginoon, #Deut. 4:19.Huwag ninyong gagawin ang bagay na ito.
13 #
Neh. 9:30. Gayon ma'y tumutol ang Panginoon sa Israel, at sa Juda, sa pamamagitan ng bawa't propeta, at ng #2 Sam. 24:11.bawa't tagakita, na sinasabi, Iwan ninyo ang inyong masasamang lakad, at ingatan ninyo ang aking mga utos, at ang aking mga palatuntunan, ayon sa buong kautusan na aking iniutos sa inyong mga magulang, at aking ipinadala sa inyo, #tal. 23.sa pamamagitan ng aking mga lingkod na mga propeta.
14Gayon ma'y hindi nila dininig, kundi kanilang pinatigas ang kanilang ulo, na gaya ng ulo ng kanilang mga magulang, na hindi nagsisampalataya sa Panginoon nilang Dios.
15At kanilang itinakuwil ang kaniyang mga palatuntunan, at ang kaniyang tipan na kaniyang itinipan sa kanilang mga magulang, at ang kaniyang mga patotoo na kaniyang ipinatotoo sa kanila; at sila'y nagsisunod sa #Deut. 32:21.walang kabuluhan, at #Rom. 1:21.naging walang kabuluhan, at nagsisunod sa mga bansa na nangasa palibot nila, ayon sa ibinilin ng Panginoon na huwag silang magsigawa ng gaya ng mga yaon.
16At kanilang iniwan ang lahat na utos ng Panginoon nilang Dios, at nagsigawa ng mga #1 Hari 12:28. larawang binubo, sa makatuwid baga'y ng dalawang guya, at nagsigawa ng isang #1 Hari 14:15, 23; 15:13; 16:33. Asera, at #2 Hari 21:3; 23:5.sinamba ang buong natatanaw sa langit, at #1 Hari 16:31; 22:53; 2 Hari 11:18. nagsipaglingkod kay Baal.
17 #
2 Hari 16:3. At kanilang pinaraan ang kanilang mga anak na lalake at babae sa apoy, at nagsihilig sa #Deut. 18:10.panghuhula at mga #Lev. 19:26.panggagaway, at nangapabili upang magsigawa ng masama sa paningin ng Panginoon, upang mungkahiin siya sa galit.
18Kaya't ang Panginoon ay totoong nagalit sa Israel, at inalis sila sa kaniyang paningin: walang naiwan kundi ang lipi ni Juda #1 Hari 11:13, 32.lamang.
19Hindi rin naman iningatan ng Juda ang mga utos ng Panginoon nilang Dios, kundi nagsilakad sa mga palatuntunan ng Israel na kanilang ginawa.
20At itinakuwil ng Panginoon ang buong binhi ng Israel, at pinighati sila at ibinigay sila sa kamay ng mga mananamsam hanggang sa kaniyang pinalayas sila sa kaniyang paningin.
21Sapagka't kaniyang #1 Hari 11:11, 31. inihiwalay ang Israel sa sangbahayan ni David, at kanilang #1 Hari 12:20, 28.ginawang hari si Jeroboam na anak ni Nabat: at pinahiwalay ni Jeroboam ang Israel sa pagsunod sa Panginoon #1 Hari 14:16.at pinapagkasala sila ng malaking kasalanan.
22At ang mga anak ni Israel ay nagsilakad sa lahat ng kasalanan ni Jeroboam na kaniyang ginawa; hindi nila hiniwalayan;
23Hanggang sa inihiwalay ng Panginoon ang Israel sa kaniyang paningin, #1 Hari 9:7.gaya ng kaniyang sinalita sa pamamagitan ng lahat niyang lingkod na mga propeta. #tal. 6.Gayon dinala ang Israel sa Asiria na mula sa kanilang sariling lupain, hanggang sa araw na ito.
Mga dayuhan ay dinadala sa Samaria.
24 #
Ezra 4:2, 9, 10. At ang hari sa Asiria ay nagdala ng mga tao na mula sa Babilonia, at sa Cutha, at sa Ava, at sa #1 Hari 8:65.Hamath at sa #tal. 31; 2 Hari 18:34; 19:13.Sepharvaim, at inilagay sila sa mga bayan ng Samaria na kahalili ng mga anak ni Israel: at kanilang inari ang Samaria, at nagsitahan sa mga bayan niyaon.
25At nagkagayon, sa pasimula ng kanilang pagtahan doon, na hindi sila nangatakot sa Panginoon: kaya't ang Panginoon ay nagsugo ng mga leon sa gitna nila, na pinatay ang ilan sa kanila.
26Kaya't kanilang sinalita sa hari sa Asiria, na sinasabi, Ang mga bansa na iyong dinala at inilagay sa mga bayan ng Samaria, hindi nakaaalam ng paraan ng Dios sa lupain; kaya't siya'y nagsugo ng mga leon sa gitna nila, at, narito, pinatay sila, sapagka't hindi sila nakakaalam ng paraan ng Dios sa lupain.
27Nang magkagayo'y nagutos ang hari sa Asiria, na nagsasabi, Dalhin ninyo roon ang isa sa mga saserdote na inyong dinala mula roon; at inyong payaunin at patahanin doon, at turuan niya sila ng paraan ng Dios sa lupain.
28Sa gayo'y isa sa mga saserdote na kanilang dinala mula sa Samaria ay naparoon at tumahan sa #1 Hari 12:29.Beth-el, at tinuruan sila kung paanong sila'y marapat na matakot sa Panginoon.
29Gayon ma'y bawa't bansa ay gumawa ng mga dios sa kanikaniyang sarili, at ipinaglalagay sa #1 Hari 12:31; 13:32.mga bahay sa mga mataas na dako na ginawa ng mga Samaritano, na bawa't bansa ay sa kanilang mga bayan na kanilang tinatahanan.
30 # tal. 24. At itinayo ng mga lalake sa Babilonia ang Succoth-benoth, at itinayo ng mga lalake sa Cutha ang Nergal, at itinayo ng mga lalake sa Hamath ang Asima,
31At itinayo ng mga Avveo ang Nibhaz at ang Tharthac, at sinunog ng mga Sepharvita ang kanilang mga anak sa apoy sa #2 Hari 19:37.Adrammelech at sa Anammelech, na mga dios ng Sefarvaim.
32Sa gayo'y nangatakot sila sa Panginoon, at #1 Hari 12:31.nagsipaghalal sila sa gitna nila ng mga saserdote sa mga mataas na dako, na siyang naghahain para sa kanila sa mga bahay, na nangasa mga mataas na dako.
33Sila'y nangatakot sa Panginoon, #Zef. 1:5.at nagsipaglingkod sa kanilang sariling mga dios, ayon sa paraan ng mga bansa na kinadalhang bihag nila.
34Hanggang sa araw na ito ay ginagawa nila ang ayon sa mga dating paraan: sila'y hindi nangatatakot sa Panginoon, o nagsisigawa man ng ayon sa kanilang mga palatuntunan, o ayon sa kanilang mga ayos, o ayon sa kautusan, o ayon sa utos na iniutos ng Panginoon sa mga anak ni Jacob, #Gen. 32:28; 1 Hari 18:31.na kaniyang pinanganlang Israel,
35Na siyang pinakipagtipanan ng Panginoon, at pinagbilinan na sinasabi, #Huk. 6:10.Kayo'y huwag mangatatakot sa ibang mga dios, o nagsisiyukod man sa kanila, o magsisipaglingkod man sa kanila, o magsisipaghain man sa kanila:
36Kundi ang Panginoon, na nagahon sa inyo mula sa lupain ng Egipto na may dakilang kapangyarihan at may unat na kamay, siya ninyong katatakutan, at sa kaniya kayo magsisiyukod, at sa kaniya kayo magsisipaghain.
37At ang mga palatuntunan, at ang mga ayos, at ang kautusan, at ang utos na kaniyang sinulat para sa inyo ay inyong isasagawa magpakailan man; at kayo'y huwag mangatatakot sa ibang mga dios:
38At ang tipan na aking ipinakipagtipan sa inyo, huwag ninyong kalilimutan; ni #Deut. 4:23. mangatatakot man kayo sa ibang mga dios:
39Nguni't sa Panginoon ninyong Dios ay mangatatakot kayo; at kaniyang ililigtas kayo sa kamay ng lahat ninyong mga kaaway.
40Gayon ma'y hindi nila dininig, kundi kanilang ginawa ang ayon sa kanilang dating paraan.
41 # tal. 32, 33. Sa gayo'y ang mga bansang ito ay nangatakot sa Panginoon, at nagsipaglingkod sa kanilang mga larawang inanyuan; ang kanilang mga anak ay gayon din, at ang mga anak ng kanilang mga anak, kung ano ang ginawa ng kanilang mga magulang ay gayon ang ginawa nila hanggang sa araw na ito.
Currently Selected:
II MGA HARI 17: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982