ANG MGA GAWA 12
12
1Nang panahon ngang yaon ay iniunat ni Herodes ang kaniyang mga kamay upang pahirapan ang ilan sa iglesia.
2At pinatay niya sa tabak si #Mat. 4:21; 10:2. Santiago na kapatid ni Juan.
3At #Gawa 24:27; 25:9. nang makita niya na ito'y ikinatutuwa ng mga Judio, ay kaniya namang ipinagpatuloy na hulihin si Pedro. At noo'y mga araw ng mga tinapay na walang lebadura.
4At nang siya'y mahuli na niya, ay kaniyang inilagay siya sa bilangguan at siya'y ibinigay sa apat na #Juan 19:23. tigaapat na kawal upang siya'y bantayan; na inaakalang siya'y iharap sa bayan pagkatapos #Mar. 14:1. ng Paskua.
5Kaya nga't si Pedro ay iningatan sa bilangguan: datapuwa't #2 Cor. 1:11; Ef. 6:18. ang iglesia ay maningas na dumalangin sa Dios patungkol sa kaniya.
6At nang siya'y malapit nang ilabas ni Herodes, nang gabi ring yaon ay natutulog si Pedro sa gitna ng dalawang kawal, na nagagapos ng dalawang tanikala: at ang mga bantay sa harap ng pintuan ay nangagbabantay ng bilangguan.
7At narito, tumayo sa tabi niya #Gawa 5:19; 8:26; 27:23. ang isang anghel ng Panginoon, at lumiwanag ang isang ilaw sa silid na kulungan: at tinapik si Pedro sa tagiliran, at siya'y ginising, na sinasabi, Magbangon kang madali. At nangalaglag ang kaniyang mga tanikala sa kaniyang mga kamay.
8At sinabi sa kaniya ng anghel, Magbigkis ka, at itali mo ang iyong mga pangyapak. At gayon ang ginawa niya. At sinabi niya sa kaniya. Isuot mo sa iyo ang damit mo, at sumunod ka sa akin.
9At siya'y lumabas, at sumunod; at hindi niya nalalaman kung tunay ang ginawa ng anghel kundi ang isip niya'y nakakita siya ng isang pangitain.
10At nang kanilang maraanan na ang una at ang pangalawang bantay, ay nagsirating sila sa pintuang-bakal na patungo sa bayan; #Gawa 5:19; 16:26. na kusang nabuksan sa kanila: at sila'y nagsilabas, at nangagpatuloy sa isang lansangan; at pagdaka'y humiwalay sa kaniya ang anghel.
11At nang si Pedro ay pagsaulian ng isip, ay kaniyang sinabi, Ngayo'y nalalaman kong sa katotohanan ay sinugo ng Panginoon ang kaniyang anghel at iniligtas ako sa kamay ni Herodes at sa buong pagasa ng bayan ng mga #tal. 3. Judio.
12At nang siya'y makapagnilay na, ay naparoon siya sa bahay ni Maria na ina ni #tal. 25; Gawa 13:5, 13; 15:37. Juan na may pamagat na #Col. 4:10; 2 Tim. 4:11; Flm. 24; 1 Ped. 5:13. Marcos; na kinaroroonan ng maraming nangagkakatipon #tal. 5. at nagsisipanalangin.
13At nang siya'y tumuktok sa pintuang-daan, ay lumabas upang sumagot, ang isang dalagang nagngangalang Rode.
14At nang makilala niya ang tinig ni Pedro, sa tuwa'y hindi niya binuksan ang pintuan, kundi nagtakbo sa loob, ipinagbigay-alam na nakatayo si Pedro sa harap ng pintuan.
15At kanilang sinabi sa kaniya, Nauulol ka. Datapuwa't buong tiwala niyang pinatunayan na gayon nga. At kanilang sinabi, na #Mat. 18:10. yao'y kaniyang anghel.
16Datapuwa't nanatili si Pedro nang pagtuktok: at nang kanilang buksan, ay nakita nila siya, at sila'y nangamangha.
17Datapuwa't siya, nang mahudyatan sila ng kaniyang kamay na sila'y tumahimik, ay isinaysay sa kanila kung paanong inilabas siya ng Panginoon sa bilangguan. At sinabi niya, Ipagbigay-alam ninyo ang mga bagay na ito kay #Gawa 15:13; 21:18; Gal. 1:19; Sant. 1:1. Santiago, at sa mga kapatid. At siya'y umalis, at napasa ibang dako.
18Nang maguumaga na ay hindi kakaunti ang kaguluhang nangyari sa mga kawal, tungkol sa kung anong nangyari kay Pedro.
19At nang siya'y maipahanap na ni Herodes, at hindi siya nasumpungan, ay siniyasat niya ang mga bantay, at ipinagutos na sila'y patayin. At siya buhat sa Judea ay lumusong sa Cesarea, at doon tumira.
20At galit na galit nga si Herodes sa mga taga Tiro at taga Sidon: at sila'y nangagkaisang pumaroon sa kaniya, at, nang makaibigan na nila si Blasto na katiwala ng hari, ay kanilang ipinamanhik ang pagkakasundo, sapagka't ang lupain nila'y pinakakain ng lupain ng hari.
21At isang takdang araw ay nagsuot si Herodes ng damit-hari, at naupo sa #Mat. 27:19. luklukan, at sa kanila'y tumalumpati.
22At ang bayan ay sumigaw, Tinig ng dios, at hindi ng tao.
23At pagdaka'y sinaktan siya ng isang anghel ng Panginoon, sapagka't hindi niya ibinigay ang kaluwalhatian sa Dios: at siya'y kinain ng mga uod, at nalagot ang hininga.
24Datapuwa't lumago #Gawa 6:7. ang salita ng Dios at dumami.
25At nagbalik na galing sa Jerusalem si Bernabe at si Saulo, #Gawa 11:29, 30. nang maganap na nila ang kanilang ministerio, na kanilang isinama si #tal. 12. Juan na may pamagat na Marcos.
Currently Selected:
ANG MGA GAWA 12: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
