DEUTERONOMIO 1
1
Inalaalang muli ni Moises ang pagalis mula sa Horeb.
1Ito ang mga salita na sinalita ni Moises sa buong Israel sa dako roon ng Jordan sa ilang, sa Araba na katapat ng Suph, sa pagitan ng Paran, at ng Thopel, at ng Laban, at ng Haseroth, at ng Di-zahab.
2Labing isang araw na lakbayin mula sa Horeb kung dadaan ng bundok ng Seir #Blg. 13:26; Deut. 9:23.hanggang sa Cades-barnea.
3At nangyari nang #Blg. 33:38.ikaapat na pung taon, nang ikalabing isang buwan, nang unang araw ng buwan, na nagsalita si Moises sa mga anak ni Israel, tungkol sa lahat na ibinigay sa kaniyang utos ng Panginoon sa kanila;
4 #
Blg. 21:24, 26. Pagkatapos na kaniyang masaktan si Sehon na hari ng mga Amorrheo, na tumatahan sa Hesbon, at si Og na hari sa Basan, na tumatahan sa Astarot #Blg. 21:33. sa Edrei:
5Sa dako roon ng Jordan, sa lupain ng Moab, pinasimulan ni Moises na ipinahayag ang kautusang ito, na sinasabi,
6Ang Panginoon nating Dios ay nagsalita sa atin sa Horeb, na nagsasabi, #Ex. 19:1; Blg. 10:11.Kayo'y nakatahan ng malaón sa bundok na ito:
7Pumihit kayo, at kayo'y maglakbay, at kayo'y pumaroon sa lupaing maburol ng mga Amorrheo, at sa lahat ng mga dakong malapit, sa Araba, sa lupaing maburol, at sa mababang lupain, at sa Timugan, at sa baybayin ng dagat, sa lupain ng mga Cananeo at sa Lebano, hanggang sa malaking ilog, na ilog Eufrates.
8Narito, aking inilagay ang lupain sa harap ninyo: inyong pasukin at ariin ang lupain na isinumpa ng Panginoon sa inyong mga magulang, #Gen. 12:7; 15:18; 17:7, 8; 26:4; 28:13.kay Abraham, kay Isaac, at kay Jacob, na ibibigay sa kanila at sa kanilang binhi pagkamatay nila.
Humirang ng mga katulong.
9At #Ex. 18:18; Blg. 11:14.ako'y nagsalita sa inyo nang panahong yaon na sinasabi, Hindi ko madadalang magisa kayo:
10Pinarami kayo ng Panginoon ninyong Dios, at, narito, #Gen. 15:5.kayo sa araw na ito ay gaya ng mga bituin sa langit sa karamihan.
11 #
2 Sam. 24:3. Kayo nawa'y dagdagan ng Panginoon, ng Dios ng inyong mga magulang, ng makalibo pa sa dami ninyo ngayon, at kayo nawa'y pagpalain, na gaya ng ipinangako niya sa inyo!
12 #
1 Hari 3:8, 9. Paanong madadala kong magisa ang inyong ligalig, at ang inyong pasan, at ang inyong pagkakaalitan?
13 #
Ex. 18:21; Blg. 11:16, 17. Kumuha kayo sa inyo ng mga lalaking pantas, at nakakaalam, at kilala, ayon sa inyong mga lipi, at sila'y aking gagawing pangulo sa inyo.
14At kayo'y sumagot sa akin at nagsabi, Ang bagay na iyong sinalita ay mabuting gawin namin.
15Sa gayo'y kinuha ko sa inyo ang mga pangulo ng inyong mga lipi, na mga taong pantas, at kilala, #Ex. 18:25. at akin silang ginawang pangulo sa inyo, na mga punong kawal ng libolibo, at mga punong kawal ng mga daandaan, at mga punong kawal ng mga limangpu-limangpu, at mga punong kawal ng mga sangpusangpu, at #Blg. 11:16.mga pinuno ayon sa inyong mga lipi.
16At aking pinagbilinan ang inyong mga hukom nang panahong yaon na sinasabi, Inyong dinggin ang mga usap ng inyong mga kapatid, at inyong hatulan ng matuwid ang tao at ang kaniyang kapatid, at ang taga ibang lupa na kasama niya.
17 #
Lev. 19:15; Deut. 16:19; 1 Sam. 16:7; Sant. 2:1, 9. Huwag kayong magtatangi ng tao sa kahatulan; inyong didinggin ang maliliit, na gaya ng malaki: huwag kayong matatakot sa mukha ng tao; sapagka't ang #2 Cron. 19:6. kahatulan ay sa Dios: at ang usap na napakahirap sa inyo, #Ex. 18:22, 26.ay inyong dadalhin sa akin, at aking didinggin.
18At aking iniutos sa inyo nang panahong yaon ang lahat ng mga bagay na inyong dapat gagawin.
Ang pagpapadala ng mga tiktik.
19At tayo ay naglakbay mula sa Horeb #Blg. 10:12; Deut. 8:15.at ating tinahak yaong buong malawak at kakilakilabot na ilang na inyong nakita, sa daang patungo sa lupaing maburol ng mga Amorrheo, na gaya ng iniutos ng Panginoon nating Dios sa atin, #tal. 2; Deut. 2:14.at tayo'y dumating sa Cades-barnea.
20At aking sinabi sa inyo, Inyong narating ang lupaing maburol ng mga Amorrheo na ibinibigay sa atin ng Panginoon nating Dios.
21Narito, inilalagay ng Panginoon ninyong Dios ang lupain sa harap mo: sampahin mo, ariin mo, na gaya ng sinalita sa iyo ng Panginoon, ng Dios ng iyong mga magulang; #Deut. 31:8; Jos. 1:9.huwag kang matakot, ni manglupaypay.
22At kayo'y lumapit sa akin, bawa't isa sa inyo, at nagsabi, Tayo'y magsugo ng mga lalake sa unahan natin, upang kanilang kilalanin ang lupain para sa atin, at magbigay alam sa atin ng daang ating marapat sampahan, at ng mga bayang ating daratnin.
23At ang bagay na yaon ay inakala kong magaling: at #Blg. 13:2.ako'y kumuha ng labing dalawang lalake sa inyo, na isang lalake sa bawa't lipi.
24At #Blg. 13:21-26.sila'y pumihit at sumampa sa bundok, at dumating hanggang sa libis ng Escol, at kanilang tiniktikan.
25At sila'y nagbitbit ng bunga ng lupain sa kanilang mga kamay, at kanilang ipinanaog sa atin, at sila'y nagdala ng kasagutan at nagsabi, #Blg. 13:27.Mabuting lupain ang ibinibigay sa atin ng Panginoon nating Dios.
Hindi nanampalataya ang kapisanan.
26Gayon ma'y hindi kayo umakyat, kundi #tal. 43; Jos. 1:18; Awit 107:11.nanghimagsik kayo laban sa utos ng Panginoon ninyong Dios.
27 #
Blg. 14:1, 4; Awit 106:25. At kayo'y dumaing sa inyong mga tolda, at inyong sinabi, #Deut. 9:28.Sapagka't kinapootan tayo ng Panginoon, ay inilabas tayo sa lupain ng Egipto, upang tayo'y ibigay sa kamay ng mga Amorrheo, upang tayo'y lipulin.
28Saan tayo sasampa? pinapanglupaypay ng ating mga kapatid ang ating puso, na sinasabi, #Blg. 13:28, 33; Deut. 9:1, 2.Ang mga tao ay malalaki at matataas kay sa atin; ang mga bayan ay malalaki at nakukutaan ng hanggang sa himpapawid; at bukod dito'y aming nakita roon ang #Blg. 13:22, 28.mga anak ng mga Anaceo.
29Nang magkagayo'y sinabi ko sa inyo, Huwag kayong mangilabot ni matakot sa kanila.
30 #
Ex. 14:14, 25; Neh. 4:20. Ang Panginoon ninyong Dios, na nangunguna sa inyo, ay kaniyang ipakikipaglaban kayo, ayon sa lahat ng kaniyang ginawa sa Egipto dahil sa inyo sa harap ng inyong mga mata;
31At sa ilang, na inyong kinakitaan kung paanong dinala #Ex. 19:4; Deut. 32:11, 12; Is. 46:3, 4; 63:9; Os. 11:3; Gawa 13:18.ka ng Panginoon ninyong Dios, na gaya ng pagdadala ng tao sa kaniyang anak, sa buong daang inyong nilakaran hanggang sa dumating kayo sa dakong ito.
32Gayon ma'y sa bagay na ito, #Awit 106:24; Jud. 5.ay hindi kayo sumampalataya sa Panginoon ninyong Dios,
33 #
Ex. 13:21. Na nagpauna sa inyo sa daan, #Blg. 10:33.upang ihanap kayo ng dakong mapagtatayuan ng inyong mga tolda, na nasa apoy pagka gabi, upang ituro sa inyo kung saang daan kayo dadaan, at nasa ulap pagka araw.
34At narinig ng Panginoon ang tinig ng inyong mga salita, at nag-init, at sumumpa, na nagsasabi,
35 #
Blg. 14:22, 23; Awit 95:11. Tunay na hindi makikita ng isa man nitong mga taong masamang lahi ang mabuting lupain na aking isinumpang ibigay sa inyong mga magulang,
36 #
Blg. 14:24, 30; Jos. 14:9. Liban si Caleb na anak ni Jephone; at siya ang makakakita; at sa kaniya ko ibibigay ang lupain na kaniyang tinuntungan, at sa kaniyang mga anak: #Blg. 14:24.sapagka't siya'y lubos na sumunod sa Panginoon.
37 #
Blg. 20:12; Deut. 4:21; Awit 106:32. Ang Panginoon ay nagalit din sa akin, dahil sa inyo, na nagsasabi, Ikaw man ay hindi papasok doon:
38 #
Blg. 13:16. Si Josue na anak ni Nun, #Ex. 24:13; 1 Sam. 16:22.na nakatayo sa harap mo, ay siyang papasok doon: #Blg. 27:18, 19; Deut. 31:7, 23. palakasin mo ang kaniyang loob; sapagka't kaniyang ipamamana sa Israel.
39Bukod dito'y #Blg. 14:3, 31.ang inyong mga bata, na inyong sinasabing magiging bihag, at ang inyong mga anak #Is. 7:16.na sa araw na ito ay hindi nakakaalam ng mabuti o ng masama, ay sila ang papasok doon, at sa kanila'y aking ibibigay, at kanilang aariin.
40 #
Blg. 14:25; Deut. 2:1. Nguni't tungkol sa inyo, ay bumalik kayo, at maglakbay kayo sa ilang sa daang patungo sa Dagat na Mapula.
Ang pagkatalo sa Horma.
41Nang magkagayo'y sumagot kayo at sinabi ninyo sa akin, #Blg. 14:40.Kami ay nagkasala laban sa Panginoon, kami ay sasampa at lalaban, ayon sa buong iniutos sa amin ng Panginoon naming Dios. At nagsipagsakbat bawa't isa sa inyo ng kanikaniyang sandata na pangdigma, at kayo'y nagmadaling sumampa sa bundok.
42At sinabi sa akin ng Panginoon, Sabihin mo sa kanila, #Blg. 14:42.Huwag kayong sumampa, ni lumaban; sapagka't ako'y wala sa inyo; baka kayo'y masugatan sa harap ng inyong mga kaaway.
43Gayon sinalita ko sa inyo, at hindi ninyo dininig; kundi kayo'y nanghimagsik laban sa utos ng Panginoon, at naghambog #Blg. 14:44, 45.at umakyat sa bundok.
44At ang mga Amorrheo na tumatahan sa bundok na yaon, ay nagsilabas na laban sa inyo, at kayo'y hinabol, #Awit 118:12.na gaya ng ginagawa ng mga pukyutan, at kayo'y tinalo sa Seir, hanggang sa Horma.
45At kayo'y bumalik at umiyak sa harap ng Panginoon; nguni't hindi dininig ng Panginoon ang inyong tinig, ni pinakinggan kayo.
46 #
Blg. 20:1, 22. Sa gayon, ay natira kayong malaon sa Cades, ayon sa mga araw na inyong itinira roon.
Currently Selected:
DEUTERONOMIO 1: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982