EXODO 3

Ang nagniningas na puno.

1Inalagaan nga ni Moises ang kawan ni Jethro na kaniyang biyanan, na saserdote sa Madian: at kaniyang pinatnubayan ang kawan sa likuran ng ilang, at napasa #Ex. 4:27; 18:5; 24:13; Blg. 10:33; 1 Hari 19:8.bundok ng Dios, sa Horeb.

2 # Deut. 33:16; Is. 63:9; Gawa 7:30, 31. At ang anghel ng Panginoon ay napakita sa kaniya, sa isang ningas ng apoy na mula sa gitna ng isang mababang punong kahoy; at siya'y nagmasid, at, narito, ang kahoy ay nagniningas sa apoy, at ang kahoy ay hindi natutupok.

3At sinabi ni Moises, Ako'y liliko ngayon, at titingnan ko itong dakilang panoorin, kung bakit ang kahoy ay hindi natutupok.

4At nang makita ng Panginoon na panonoorin niya, ay tinawag siya ng Dios mula sa gitna ng mababang punong kahoy, at sinabi, Moises, Moises. At kaniyang sinabi, Narito ako.

5At sinabi, Huwag kang lumapit dito, #Jos. 5:15. hubarin mo ang iyong panyapak sa iyong mga paa, sapagka't ang dakong iyong kinatatayuan ay banal na lupa.

6Bukod dito ay sinabi, #Ex. 4:5; Gen. 28:13; Mat. 22:32; Mar. 12:26; Luc. 20:37.Ako ang Dios ng iyong ama ang Dios ni Abraham, ang Dios ni Isaac, at ang Dios ni Jacob. At si Moises nga ay nagtakip ng kaniyang mukha; #1 Hari 19:13; Is. 6:1, 5.sapagka't siya'y natakot na tumingin sa Dios.

Sinugo ng Dios si Moises upang iligtas ang Israel.

7At sinabi ng Panginoon, #Ex. 2:23, 24, 25; Neh. 9:9; Awit 106:44.Akin ngang nakita ang kadalamhatian ng aking bayan na nasa Egipto, at aking dininig ang kanilang daing dahil sa mga tagapagpaatag sa kanila; sapagka't talastas ko ang kanilang kapanglawan.

8At ako'y bumaba upang #Ex. 6:6.iligtas sila sa kamay ng mga Egipcio at upang sila'y isampa sa isang mabuting #Deut. 8:7, 9.lupain at malawak, mula sa lupaing yaon, sa isang lupaing #tal. 17; Ex. 13:5; Jer. 11:5; Ezek. 20:6. binubukalan ng gatas at pulot #Gen. 15:18, 21.sa dako ng Cananeo, at ng Hetheo, at ng Amorrheo, at ng Pherezeo, at ng Heveo at ng Jebuseo.

9 # Ex. 2:23. At ngayon narito, ang daing ng mga anak ni Israel ay umabot sa akin; saka aking nakita ang kapighatian na ipinipighati sa kanila ng mga Egipcio.

10Halika nga ngayon, at ikaw ay aking susuguin kay Faraon, upang iyong ilabas sa Egipto ang aking bayan na mga anak ni Israel.

11At sinabi ni Moises sa Dios, #Jer. 1:6.Sino ako, upang pumaroon kay Faraon, at upang ilabas sa Egipto ang mga anak ni Israel?

12At kaniyang sinabi, #Deut. 31:23; Jos. 1:5. Tunay na ako'y sasaiyo; at ito'y magiging tanda sa iyo, na ikaw ay aking sinugo: pagka iyong nailabas na sa Egipto ang bayan ay #Ex. 19:3.maglilingkod kayo sa Dios sa bundok na ito.

13At sinabi ni Moises sa Dios, Narito, pagdating ko sa mga anak ni Israel, at sasabihin ko sa kanila, Sinugo ako sa inyo ng Dios ng inyong mga magulang; at sasabihin nila sa akin: Ano ang kaniyang pangalan? anong sasabihin ko sa kanila?

14At sinabi ng Dios kay Moises, AKO YAONG AKO NGA; at kaniyang sinabi, Ganito ang sasabihin mo sa mga anak ni Israel, #Ex. 6:2, 3; Juan 8:58; Heb. 13:8; Apoc. 1:4; 4:8.Sinugo ako sa inyo ni AKO NGA.

15At sinabi pa ng Dios kay Moises, Ganito ang sasabihin mo sa mga anak ni Israel, Sinugo ako sa inyo ng Panginoon, ng #tal. 6.Dios ng inyong mga magulang, ng Dios ni Abraham, ng Dios ni Isaac, at ng Dios ni Jacob: #Awit 135:13; Os. 12:5.ito ang aking pangalan magpakailan man, at ito ang aking pinakaalaala sa lahat ng mga lahi.

16Yumaon ka #Ex. 4:29.at tipunin mo ang mga matanda sa Israel, at sabihin mo sa kanila, Ang Panginoon, ang Dios ng inyong mga magulang, ang Dios ni Abraham, ni Isaac, at ni Jacob; ay napakita sa akin, na nagsasabi, #Gen. 50:24; Ex. 4:31; Luc. 1:68.tunay na kayo'y aking dinalaw, at aking nakita ang ginagawa sa inyo sa Egipto.

17At aking sinabi, Aking aalisin kayo sa kapighatian sa Egipto at dadalhin ko kayo, sa lupain ng Cananeo, at ng Hetheo, at ng Amorrheo, at ng Pherezeo, at ng Heveo, at ng Jebuseo, sa isang lupaing binubukalan ng gatas at pulot.

18 # Ex. 4:31. At kanilang didinggin ang iyong tinig: #Ex. 5:1, 3.at ikaw ay paroroon, ikaw at ang mga matanda sa Israel, sa hari sa Egipto, at inyong sasabihin sa kaniya, Ang Panginoon, ang Dios ng mga Hebreo, #Blg. 23:3, 4, 15, 16.ay nakipagtagpo sa amin: at ngayo'y pahintulutan mo kami na maglakbay, na tatlong araw sa ilang, upang kami ay makapaghain sa Panginoon naming Dios.

19At talastas ko, na hindi kayo pababayaang yumaon ng hari sa Egipto, kung hindi sa pamamagitan ng isang makapangyarihang kamay.

20 # Ex. 7:13. At aking iuunat ang aking kamay, at sasaktan ko ang Egipto ng aking buong kababalaghan na aking gagawin sa gitna niyaon #Ex. 12:31.at pagkatapos niyaon ay pahihintulutan niya kayong yumaon.

21 # Ex. 11:3; 12:36. At pagkakalooban ko ang bayang ito ng biyaya sa paningin ng mga Egipcio: ay mangyayari, na pagyaon ninyo, ay hindi kayo yayaong walang dala:

22Kundi bawa't babae ay hihingi sa kaniyang kapuwa, at sa tumatahan sa kaniyang bahay, ng mga hiyas na pilak, at mga hiyas na ginto at mga damit: at inyong ipagsusuot sa inyong mga anak na lalake at babae; at inyong sasamsaman ang mga Egipcio.

Currently Selected:

EXODO 3: ABTAG

Highlight

Copy