MATEO 18
18
1Nang oras na #Mar. 9:33-37; Luc. 9:46-48. yaon ay nagsilapit ang mga alagad kay Jesus, na nangagsasabi, Sino nga baga ang pinakadakila sa kaharian ng langit?
2At pinalapit niya sa kaniya ang isang maliit na bata, at inilagay sa gitna nila,
3At sinabi, Katotohanang sinasabi ko sa inyo, Malibang #Luc. 22:32. kayo'y magsipanumbalik, at #Mat. 19:14; Mar. 10:15; Luc. 18:16. maging tulad sa maliliit na bata, sa anomang paraan ay hindi kayo magsisipasok sa kaharian ng langit.
4Sinoman ngang magpakababa na gaya ng maliit na batang ito, ay siyang pinakadakila sa kaharian ng langit.
5At #Mat. 10:40. sinomang tumanggap sa isa sa ganitong maliit na bata sa aking pangalan ay ako ang tinanggap:
6Datapuwa't #Mar. 9:42; Luc. 17:2. sinomang magbigay ng ikatitisod sa isa sa maliliit na ito na nagsisisampalataya sa akin, ay may pakikinabangin pa siya kung bitinan ang kaniyang leeg ng isang malaking batong gilingan, at siya'y ilubog sa kalaliman ng dagat.
7Sa aba ng sanglibutan dahil sa mga kadahilanan ng pagkatisod! sapagka't kinakailangang dumating ang mga kadahilanan; datapuwa't sa aba ng taong yaong panggalingan ng kadahilanan!
8At #Mat. 5:30; Mar. 9:43-47. kung ang kamay mo o ang paa mo ay makapagpapatisod #Mat. 5:29. sa iyo, ay putulin mo, at iyong itapon: mabuti pa sa iyo ang pumasok sa buhay na pingkaw o pilay, kay sa may dalawang kamay o dalawang paa na ibulid ka sa apoy na walang hanggan.
9At kung ang mata mo ang makapagpapatisod #Mat. 5:29. sa iyo, ay dukitin mo, at iyong itapon: mabuti pa sa iyo ang pumasok sa buhay na iisa ang mata, kay sa may dalawang mata na ibulid ka sa apoy ng impierno.
10Ingatan ninyo na huwag ninyong pawalang halaga ang isa sa maliliit na #tal. 2, 6, 14; Mat. 10:42. ito: sapagka't sinasabi ko sa inyo, na ang #Awit 34:7; 91:11; Gawa 12:15. kanilang mga anghel sa langit ay nangakakakitang palagi ng #Luc. 1:19. mukha ng aking Ama na nasa langit.#18:10 Sa mga ibang kasulatan ay nakalagay ang talatang ito: 11 Sapagka't ang Anak ng tao ay naparito upang iligtas ang nawala.#Luc. 15:4-7. #Mat. 9:13; Luc. 9:56; 19:10; Juan 3:17.
12Ano ang akala ninyo? #Mat. 10:6. kung ang isang tao ay may isang daang tupa, at maligaw ang isa sa mga yaon, hindi baga iiwan niya ang siyam na pu't siyam, at pasasa kabundukan, at hahanapin ang naligaw?
13At kung mangyaring masumpungan niya, ay katotohanang sinasabi ko sa inyo, na magagalak ng higit dahil dito kay sa siyam na pu't siyam na hindi nangaligaw.
14Gayon din na hindi nga kalooban ng inyong Amang nasa langit, na ang isa sa maliliit na ito ay mapahamak.
15At #Luc. 17:3. kung magkasala laban sa iyo ang kapatid mo, pumaroon ka, at ipakilala mo sa kaniya ang kaniyang kasalanan na ikaw at siyang magisa: kung ikaw ay pakinggan niya, ay #1 Cor. 9:19-22. nagwagi ka sa iyong kapatid.
16Datapuwa't kung hindi ka niya pakinggan, ay magsama ka pa ng isa o dalawa, upang #Deut. 19:15. sa bibig ng dalawang saksi o tatlo ay mapagtibay ang bawa't salita.
17At kung ayaw niyang pakinggan sila, ay sabihin mo sa #Mat. 16:18; 1 Cor. 5:4, 5; 6:1-6. iglesia: at kung ayaw rin niyang pakinggan ang iglesia, ay #Rom. 16:17; 1 Cor. 5:9; 2 Tes. 3:6, 14; 2 Juan 10. ipalagay mo siyang tulad sa Gentil at #Mat. 5:46, 47; 9:10, 11. maniningil ng buwis.
18Katotohanang sinasabi ko sa inyo, na #Mat. 16:19. ang lahat ng mga bagay na inyong talian sa lupa ay tatalian sa langit: at ang lahat ng mga bagay na inyong kalagan sa lupa ay kakalagan sa langit.
19Muling sinasabi ko sa inyo, na kung pagkasunduan ng dalawa sa inyo sa lupa ang nauukol sa anomang bagay na kanilang hihingin, ay gagawin #Mat. 7:7; 1 Juan 5:14. sa kanila ng aking Ama na nasa langit.
20Sapagka't kung saan nagkakatipon ang dalawa o tatlo sa aking pangalan, ay naroroon ako sa gitna nila.
21Nang magkagayo'y lumapit si Pedro at sinabi sa kaniya, Panginoon, #tal. 15. makailang magkakasala ang aking kapatid laban sa akin na siya'y aking patatawarin? #Luc. 17:4. hanggang sa makapito?
22Sinabi sa kaniya ni Jesus, Hindi ko sinasabi sa iyo, Hanggang sa makapito; #Mat. 6:14. kundi, Hanggang sa makapitongpung pito.
23Kaya't ang kaharian ng langit ay tulad sa isang hari, na nagibig na makipagusap sa kaniyang mga alipin.
24At nang siya'y magpasimulang makipaghusay, ay iniharap sa kaniya ang isa sa kaniya'y may utang na sangpung libong talento.
25Datapuwa't palibhasa'y wala siyang sukat ibayad, ipinagutos #Lev. 25:39. ng kaniyang panginoon na siya'y ipagbili, at ang kaniyang asawa't #Neh. 5:5. mga anak, at ang lahat niyang tinatangkilik, at nang makabayad.
26Dahil dito ang alipin ay nagpatirapa at sumamba sa kaniya, na nagsasabi, Panginoon, pagtiisan mo ako, at pagbabayaran ko sa iyong lahat.
27At sa habag ng panginoon sa aliping yaon, ay pinawalan siya, at ipinatawad sa kaniya ang utang.
28Datapuwa't lumabas ang aliping yaon, at nasumpungan ang isa sa mga kapuwa niya alipin, na sa kaniya'y may utang na isang daang #Mat. 20:2; 22:19. denario: at kaniyang hinawakan siya, at sinakal niya, na sinasabi, Bayaran mo ang utang mo.
29Kaya't nagpatirapa ang kaniyang kapuwa alipin at namanhik sa kaniya, na nagsasabi, Pagtiisan mo ako, at ikaw ay pagbabayaran ko.
30At siya'y ayaw: at yumaon at siya'y ipinabilanggo hanggang sa magbayad siya ng utang.
31Nang makita nga ng kaniyang mga kapuwa alipin ang nangyari, ay nangamanglaw silang lubha, at nagsiparoon at isinaysay sa kanilang panginoon ang lahat ng nangyari.
32Nang magkagayo'y pinalapit siya ng kaniyang panginoon, at sa kaniya'y sinabi, Ikaw na aliping masama, ipinatawad ko sa iyo ang lahat ng utang na yaon, sapagka't ipinamanhik mo sa akin:
33Hindi baga dapat na ikaw naman ay mahabag sa iyong kapuwa alipin, na gaya ko namang nahabag sa iyo?
34At nagalit ang kaniyang panginoon, at ibinigay siya sa mga tagapagpahirap, hanggang sa siya'y magbayad ng lahat ng utang.
35Gayon din naman ang gagawin #Mar. 11:26; Sant. 2:13. sa inyo ng aking Ama na nasa kalangitan, kung hindi ninyo patatawarin sa inyong mga puso, ng bawa't isa ang kaniyang kapatid.
Currently Selected:
MATEO 18: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
