MATEO 24
24
1At #Mar. 13:1-37; Luc. 21:5-36. lumabas si Jesus sa templo, at #Mat. 21:23. payaon sa kaniyang lakad; at nagsilapit sa kaniya ang kaniyang mga alagad upang sa kaniya'y ipamalas ang mga gusali ng templo.
2Datapuwa't siya'y sumagot at sa kanila'y sinabi, Hindi baga ninyo nangakikita ang lahat ng mga bagay na ito? katotohanang sinasabi ko sa inyo, Dito'y walang #Luc. 19:44. maiiwang isang bato sa ibabaw ng ibang bato, na hindi ibabagsak.
3At samantalang siya'y nakaupo sa bundok ng mga Olivo, ay nagsilapit sa kaniya ng bukod ang mga alagad, na nagsisipagsabi, Sabihin mo sa amin, kailan mangyayari ang mga bagay na ito? at ano ang magiging tanda ng iyong pagparito, at ng katapusan ng sanglibutan?
4At sumagot si Jesus at sinabi sa kanila, Mangagingat kayo na huwag kayong mailigaw ninoman.
5Sapagka't marami ang magsisiparito sa aking pangalan, na mangagsasabi, Ako ang Cristo; at ililigaw ang marami.
6At mangakakarinig kayo ng mga digmaan at mga alingawngaw ng mga digmaan; ingatan ninyo #2 Tes. 2:2. na huwag kayong magulumihanan: sapagka't kinakailangang ito'y mangyari datapuwa't hindi pa ang wakas.
7Sapagka't magsisitindig ang bansa laban sa bansa, at ang kaharian laban sa kaharian; at magkakagutom at lilindol sa iba't ibang dako.
8Datapuwa't ang lahat ng mga bagay na ito ay siyang pasimula ng kahirapan.
9Kung magkagayo'y ibibigay kayo #Mat. 10:17, 21; Juan 15:20; 16:2. sa kapighatian, at kayo'y papatayin: at kayo'y kapopootan ng lahat ng mga bansa dahil sa aking pangalan.
10At kung magkagayo'y maraming #Mat. 11:6. mangatitisod, at mangagkakanuluhan ang isa't isa, at mangagkakapootan ang isa't isa.
11At magsisibangon ang #Mat. 7:15; 1 Tim. 4:1. maraming bulaang propeta, at kanilang ililigaw ang marami.
12At dahil sa pagsagana ng katampalasanan, ang pagibig ng marami ay lalamig.
13Datapuwa't #Mat. 10:22. ang magtitiis hanggang sa wakas ay siyang maliligtas.
14At #Mat. 4:23; Rom. 10:18; Col. 1:6, 23. ipangangaral ang evangeliong ito ng kaharian sa buong sanglibutan sa pagpapatotoo sa lahat ng mga bansa; at kung magkagayo'y darating ang wakas.
15Kaya nga pagkakita ninyo #Gawa 6:13. ng kasuklamsuklam na paninira, na sinalita sa pamamagitan ng propeta #Dan. 9:27; 11:31; 12:11. Daniel, na natatayo sa dakong banal (unawain ng bumabasa),
16Kung magkagayo'y magsitakas sa mga bundok ang nangasa Judea:
17 #
Luc. 17:31. Ang nasa #2 Sam. 11:2. bubungan ay huwag bumaba upang maglabas ng mga bagay sa loob ng kaniyang bahay:
18At ang nasa bukid ay huwag magbalik upang kumuha ng kaniyang balabal.
19Datapuwa't sa aba ng nangagdadalang-tao at nangagpapasuso sa mga araw na yaon!
20At magsipanalangin kayo na huwag mangyari ang pagtakas ninyo sa panahong taginaw, o sa sabbath man:
21Sapagka't kung magkagayo'y magkakaroon ng malaking kapighatian, na ang gayo'y di pa nangyayari buhat sa pasimula ng sanglibutan hanggang ngayon, at ni hindi na mangyayari kailan man.
22At malibang paikliin ang mga araw na yaon, ay walang lamang makaliligtas: datapuwa't dahil sa #tal. 24, 31; Is. 65:8, 9; 15:22. mga hirang ay paiikliin ang mga araw na yaon.
23Kung magkagayon, #Luc. 17:23. kung may magsabi sa inyong sinomang tao, Narito ang Cristo, o, Nariyan; huwag ninyong paniwalaan.
24Sapagka't may magsisilitaw na mga bulaang Cristo, at #tal. 5, 11. mga bulaang propeta, at #2 Tes. 2:9, 11; Apoc. 13:13, 14; 16:14. mangagpapakita ng mga dakilang tanda at mga kababalaghan; ano pa't ililigaw, kung maaari, pati ng mga hirang.
25Narito, ipinagpauna ko nang sinabi sa inyo.
26Kaya nga kung sa inyo'y kanilang sasabihin, Narito, siya'y nasa ilang; huwag kayong magsilabas: Narito, siya'y nasa mga silid; huwag ninyong paniwalaan.
27Sapagka't #Luc. 17:24. gaya ng kidlat na kumikidlat sa silanganan, at nakikita hanggang sa kalunuran; gayon din naman ang pagparito ng Anak ng tao.
28 #
Luc. 17:37. Saan man naroon ang bangkay, ay doon mangagkakatipon ang mga uwak.
29Datapuwa't karakarakang pagkatapos ng kapighatian sa mga araw na yaon ay magdidilim #Is. 13:10; Ezek. 32:7; Apoc. 6:12, 13. ang araw, at ang buwan ay hindi magbibigay ng kaniyang liwanag, at mangalalaglag ang mga bituin mula sa langit, at magsisipangatal ang mga kapangyarihan sa mga langit:
30At kung magkagayo'y #Apoc. 1:7; Dan. 7:13. lilitaw #tal. 3. ang tanda ng Anak ng tao sa langit: at kung magkagayo'y magsisitaghoy ang lahat ng mga angkan sa lupa, at mangakikita nila ang Anak ng tao na napaparitong sumasa mga alapaap ng langit na may kapangyarihan at dakilang kaluwalhatian.
31At #Mat. 13:41. susuguin ang kaniyang mga anghel na may matinding #1 Cor. 15:52. pakakak, at kanilang titipunin ang kaniyang mga hinirang mula sa apat na hangin ng sanglibutan, mula sa isang dulo ng langit hanggang sa kabila.
32Sa puno ng igos nga ay pagaralan ninyo ang kaniyang talinghaga: pagka nananariwa ang kaniyang sanga, at sumusupling ang mga dahon, ay nalalaman ninyo na malapit na ang tagaraw;
33Gayon din naman kayo, pagka nangakita ninyo ang lahat ng mga bagay na ito, ay talastasin ninyo na siya'y malapit na, nasa mga pintuan nga.
34Katotohanang sinasabi ko sa inyo, #Mat. 16:28; 23:36; Mar. 13:30; Luc. 21:32. Hindi lilipas ang lahing ito, hanggang sa mangaganap ang lahat ng mga bagay na ito.
35 #
Mat. 5:18. Ang langit at ang lupa ay lilipas, datapuwa't ang aking mga salita ay hindi lilipas.
36Nguni't tungkol sa araw at oras na yaon #tal. 42, 43; Gawa 1:7. walang makakaalam, kahit ang mga anghel sa langit, kahit ang Anak, #Mar. 13:32. kundi ang Ama lamang.
37 #
Luc. 17:26, 27, 35, 36. At kung paano ang mga araw ni Noe, gayon din naman ang pagparito ng Anak ng tao.
38Sapagka't gaya ng mga araw #Gen. 3:4, 5; 7:7, 21. bago nagkagunaw, sila'y nagsisikain at nagsisiinom, at nangagaasawa at pinapapagaasawa, hanggang sa araw na pumasok si Noe sa daong,
39At hindi nila nalalaman hanggang sa dumating ang paggunaw, at sila'y tinangay na lahat; ay gayon din naman ang pagparito ng Anak ng tao.
40Kung magkagayo'y sasa bukid ang dalawang lalake; ang isa'y kukunin, at ang isa'y iiwan:
41Dalawang babaing nagsisigiling sa isang gilingan; ang isa'y kukunin, at ang isa'y iiwan.
42 #
Mat. 25:13; 26:38, 40, 41; 1 Tes. 5:6; Apoc. 3:2, 3; 16:15. Mangagpuyat nga kayo: #tal. 36; Mat. 25:13; Luc. 12:40. sapagka't hindi ninyo nalalaman kung anong araw paririto ang inyong Panginoon.
43Datapuwa't #Luc. 12:39-46. ito'y talastasin ninyo, na kung nalalaman ng puno ng sangbahayan kung anong panahon darating #1 Tes. 5:2; 2 Ped. 3:10. ang magnanakaw, ay siya'y magpupuyat, at hindi niya pababayaang tibagin ang kaniyang bahay.
44Kaya nga kayo'y magsihanda naman; sapagka't paririto ang Anak ng tao sa oras na hindi ninyo iniisip.
45Sino nga baga #Luc. 12:42. ang aliping tapat at matalino, na pinagkatiwalaan ng kaniyang panginoon sa kaniyang sangbahayan, upang sila'y bigyan ng pagkain sa kapanahunan?
46Mapalad yaong aliping kung dumating ang kaniyang panginoon, ay maratnan siyang gayon ang kaniyang ginagawa.
47Katotohanang sinasabi ko sa inyo, na sa kaniya'y ipagkakatiwala #Mat. 25:21, 23. ang lahat niyang pagaari.
48Datapuwa't kung ang masamang aliping yaon ay magsabi sa kaniyang puso, Magtatagal ang aking panginoon;
49At magsimulang bugbugin ang kaniyang mga kapuwa alipin, at makipagkainan at makipaginuman sa mga lasing;
50Darating ang panginoon ng aliping yaon sa araw na hindi niya hinihintay, at oras na hindi niya nalalaman,
51At siya'y babaakin, at isasama ang kaniyang bahagi #Luc. 12:46. sa mga mapagpaimbabaw: doon na nga ang pagtangis at pagngangalit ng mga ngipin.
Currently Selected:
MATEO 24: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
