APOCALIPSIS 7
7
1At pagkatapos nito ay nakita ko ang apat na anghel na nakatayo sa apat na sulok ng lupa, #Dan. 7:2. na pinipigil ang apat na hangin ng lupa, upang huwag humihip ang hangin sa lupa, o sa dagat man, o sa anomang punong kahoy.
2At nakita ko ang ibang anghel na umaakyat mula sa sikatan ng araw, na taglay ang tatak #Awit 42:2. ng Dios na buhay: at siya'y sumigaw ng tinig na malakas sa apat na anghel na pinagkaloobang maipahamak ang lupa at ang dagat,
3Na nagsasabi, #Apoc. 6:6; 9:4. Huwag ninyong ipahamak ang lupa, kahit ang dagat, kahit ang mga punong kahoy, hanggang sa aming matatakan sa kanilang mga noo ang mga alipin ng ating Dios.
4At narinig ko ang bilang #Apoc. 9:16. ng mga natatakan, na #Apoc. 14:1. isang daan at apat na pu't apat na libo, na natatakan, sa bawa't angkan ng mga anak ni Israel:
5Sa angkan ni Juda ay labingdalawang libo ang tinatakan;
Sa angkan ni Ruben ay labingdalawang libo;
Sa angkan ni Gad ay labingdalawang libo;
6Sa angkan ni Aser ay labingdalawang libo;
Sa angkan ni Neftali ay labingdalawang libo;
Sa angkan ni Manases ay labingdalawang libo;
7Sa angkan ni Simeon ay labingdalawang libo;
Sa angkan ni Levi ay labingdalawang libo;
Sa angkan ni Isacar ay labingdalawang libo;
8Sa angkan ni Zabulon ay labingdalawang libo;
Sa angkan ni Jose ay labingdalawang libo;
Sa angkan ni Benjamin ay labingdalawang libo ang tinatakan.
9Pagkatapos ng mga bagay na ito ay tumingin ako, at narito, ang isang lubhang karamihan na di mabilang ng sinoman, #Apoc. 5:9. na mula sa bawa't bansa at lahat ng mga angkan at mga bayan at mga wika, na nakatayo sa harapan ng luklukan at sa harapan ng Cordero, na #Apoc. 3:4. nangadaramtan ng mapuputing damit, at may mga #Lev. 23:40. palma sa kanilang mga kamay;
10At nagsisigawan ng tinig na malakas, na nangagsasabi,
#
Apoc. 19:1. Ang pagliligtas ay sumaaming Dios #Apoc. 5:13. na nakaupo sa luklukan, at sa Cordero.
11At ang lahat ng mga anghel ay nangakatayo sa palibot ng luklukan, at ng matatanda at ng apat na nilalang na buhay; at sila'y nangagpatirapa sa harapan ng luklukan, at nangagsisamba sa Dios,
12Na nangagsasabi,
#
Apoc. 5:12, 14. Siya nawa: Pagpapala at kaluwalhatian, at karunungan, at pagpapasalamat, at karangalan, at kapangyarihan, at kalakasan, nawa ang sumaaming Dios magpakailan kailan man. Siya nawa.
13At sumagot ang isa sa matatanda na, nagsasabi sa akin, Ang mga ito na nangadaramtan ng mapuputing damit, ay sino-sino at saan nagsipanggaling?
14At sinabi ko sa kaniya, Panginoon ko, Ikaw ang nakakaalam. At sinabi niya sa akin, Ang mga ito'y ang nanggaling sa malaking kapighatian, at #Is. 1:18; Zac. 3:3, 5; Heb. 9:14; 1 Juan 1:7; Apoc. 1:5. nangaghugas ng kanilang mga damit, at pinaputi sa dugo ng Cordero.
15Kaya't sila'y nasa harapan ng luklukan ng Dios; at nangaglilingkod sa kaniya araw at gabi sa kaniyang templo: at siyang nakaupo sa luklukan, ay #Apoc. 21:3. lulukuban sila ng kaniyang tabernakulo.
16Sila'y hindi na magugutom pa, #Is. 49:10. ni mauuhaw pa man; ni hindi na sila tatamaan ng araw, o ng anomang init:
17Sapagka't ang Cordero na nasa gitna ng luklukan #Awit 23:1; Juan 10:11, 14. ay siyang magiging pastor nila, at sila'y papatnugutan sa mga bukal ng tubig ng buhay: at #Is. 25:8; Apoc. 21:4. papahirin ng Dios ang bawa't luha ng kanilang mga mata.
Currently Selected:
APOCALIPSIS 7: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
