MGA TAGA ROMA 13
13
1Ang bawa't #Tit. 3:1; 1 Ped. 2:13. kaluluwa ay pasakop sa matataas #Juan 19:11. na kapangyarihan: sapagka't walang kapangyarihan na hindi mula sa Dios; at ang mga kapangyarihang yao'y hinirang ng Dios.
2Kaya nga't ang sumasalangsang sa kapangyarihan, ay sa utos ng Dios sumasalangsang: at ang mga nagsisalangsang ay magsisitanggap ng kahatulan sa kanilang sarili.
3Sapagka't ang mga pinuno ay hindi kilabot sa gawang mabuti, kundi sa masama. At ibig mo bagang mawalaan ng takot sa may kapangyarihan? #1 Ped. 2:14. gawin mo ang mabuti, at magkakamit ka ng kapurihan sa kaniya:
4Sapagka't siya'y ministro ng Dios sa ikagagaling mo. Datapuwa't kung ginagawa mo ang masama, ay matakot ka; sapagka't hindi walang kabuluhan ang pagdadala niya ng tabak: sapagka't siya'y ministro ng Dios, tagapaghiganti sa ikagagalit sa gumagawa ng masama.
5Kaya nga't dapat na kayo'y pasakop, hindi lamang dahil sa kagalitan, kundi naman dahil sa budhi.
6Sapagka't dahil dito ay nagsisipagbayad naman kayo #Luc. 20:22. ng buwis; sapagka't sila'y mga tagapangasiwa ng paglilingkod sa Dios, na nagsisipamahalang walang patid sa bagay na ito.
7Ibigay ninyo sa lahat ang sa kanila'y nararapat: #Mat. 22:21; Luc. 20:25. buwis sa dapat buwisan; #Mat. 17:25. ambag sa dapat ambagan; takot sa dapat katakutan; puri sa dapat papurihan.
8Huwag kayong magkautang ng ano pa man sa kanino man, maliban na sa mangagibigan kayo: #tal. 10; Juan 13:34; Col. 3:14; 1 Tim. 1:5. sapagka't ang umiibig sa kaniyang kapuwa'y nakaganap na ng kautusan.
9Sapagka't ito, #Ex. 20:13-17. Huwag kang mangangalunya, Huwag kang papatay, Huwag kang magnanakaw, Huwag kang mananakim, at kung mayroon pang ibang utos, ay nauuwi sa salitang ito, sa makatuwid baga'y #Lev. 19:18; Mat. 19:19; 22:39; Gal. 5:14; Sant. 2:8. Ibigin mo ang iyong kapuwa na gaya ng sa iyong sarili.
10Ang pagibig ay hindi gumagawa ng masama sa kaniyang kapuwa: #Mat. 22:40. ang pagibig nga ay siyang katuparan ng kautusan.
11At ito, yamang nakikilala ang panahon, na ngayo'y kapanahunan nang #1 Cor. 15:34; Ef. 5:14; 1 Tes. 5:6. magsigising kayo sa pagkakatulog: sapagka't ngayon ay lalong malapit na sa atin ang kaligtasan kay sa nang tayo'y magsisampalataya nang una.
12 #
Juan 9:4. Ang gabi ay totoong malalim, at ang araw ay malapit na: #Ef. 5:11. iwaksi nga natin ang mga gawa ng kadiliman, at #2 Cor. 6:7; Ef. 5:11, 13; 1 Tes. 5:5, 8. ating isakbat ang mga sandata ng kaliwanagan.
13Magsilakad tayong mahinhin, gaya ng sa araw; huwag sa katakawan at paglalasing, huwag sa #1 Cor. 6:9. kalibugan at sa kahalayan, huwag sa mga pagkakaalit at pagkakainggitan.
14Kundi bagkus isakbat ninyo #Gal. 3:27. ang Panginoong Jesucristo, at huwag ninyong paglaanan ang laman, upang masunod ang mga kahalayan noon.
Currently Selected:
MGA TAGA ROMA 13: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982