โยฮัน 6
6
เยซู หวุย ปยา ธิน เมี่ยน
(เป๊ย หมั่ง มัดทาย 14:13-21; มาโค 6:30-44; ลูกา 9:10-17)
1ฆะฮ้า เยซู เจี๋ย วั้ว หง่าน หฒิ กาลิลี ค้อย-ตอน (แอ๋ง ม่าย กั้น นอม บั๋ว เห่ว ทิเบเลี้ยด.) 2เมี่ยน ธั้ม เญย กัน เจี๊ยน นิ่น มี่ง เหว่ย หฒุ นิ่น บัว ปวัด นิ่น โหฒว เจี๋ย บัวะ ฮ่อง เญย สี่ หฒ่อ หลง ปุ๊ด-แป่ง เมี่ยน. 3เยซู ฯฒฯ ฝาว บง-ไอ๊ มี่ง เหธา นิ่น เญย ไซ-ก๋อ บัว เฒว์ย เจี๊ยน วั้ว. 4วั้ว หฒั่น อ๊า ลั่ม เต๋ย เถา ยิวไท เมี่ยน เจี๋ย เสีย แหม่ง ฒิบ อ๊ะ.
5เยซู เธา เฮมียน หมั่ง, ปวัด เมี่ยน ธั้ม เญย ต้าย นิ่น วั้ว ฯฒฯ หน่าย ก๋า ฟีลิบ, “บัว อ๋อย หฒุ มี่ง หาย ม์าย กะน้าย เก๋า ปุน น้าย เต๋ย หฒวัง เมี่ยน หญั่น?” 6เยซู ขูง ฮนั้ง น้าย นอ หน่าย เหว่ย เสย ฟีลิบ. นิ่น กั้น อ๋อย ฮนั้ง หาย นอ โหฒว นิ่น ฒู้ง ฮิ้ว หมี่ อ๊ะ.
7ฟีลิบ เตา, “หล่ง หญี่ แป๊ะ ฮนอย เญย กง-ฒิ่น#6:7 กีก หว่า ก๊อง 200 เดนาลีอัด. วั้ว หฒั่น เหยียด ฮนอย เญย กง-ฒิ่น เซ เหยียด นอม เดนาลีอัด. ม์าย หญั่น เญย กะน้าย ฒู้ง ไม้ เก๋า เหยียด เต้า ตุ๊ ติ๊ เตียน.”
8ม่าย เต้า เยซู เญย ไซ-ก๋อ, ต้ง ซีโมน ปีเต เญย โย์ว, อันดาลู, ก๊อง, 9“เยียม น้าย ม่าย เต้า ตอน ม่าย ปยา นอม หล่ง เบย้า บาลี โหฒว ต้าย เญย ฌั้ว เหธา อี เต้า เบย์า. มป่า เมี่ยน ด่ง หน่าย ธั้ม ฮนั้ง หาย นอ ไฮ่ ปุน ตุ๊ ฆอย?”
10เยซู ก๊อง, “บั๋ว หฒวัง เมี่ยน เฒว์ย เหฌี่ย ม่าะ!” วั้ว เต๋ย ต๋อง เมี้ย ธั้ม เญย. หฒวัง เมี่ยน ฯฒฯ เฒว์ย เหฌี่ย. ตาน มจั่ง ตอน ม่าย เล่ย ไม้ โก ปยา ธิน เต้า. 11เยซู ฯฒฯ เฒาะ วั้ว เต๋ย ฌั้ว ต้าย เต๋า เก๋า, แล์ง ฒี่ง ลิ์ว ทิน-ฮู่ง, ฯฒฯ ปุน ฆอย เฒว์ย เจี๊ยน วั้ว เต๋ย หฒวัง เมี่ยน หญั่น. เบย์า หย่า ฟี่ ฮนั้ง เญย ปุน ฆอย, หฒิว เก๊าะ-เมี่ยน อ๋อย ธั้ม ไฟ โหฒะ.
12หฒวัง เมี่ยน ฯฒฯ หญั่น เป๊ว เหฑ่ง. เยซู บั๋ว นิ่น เญย ไซ-ก๋อ บัว, “มี่ง เซียว หญั่น เหฒ่ง วั้ว เต๋ย ต้าย, ไม้ ตู๋ง กวั่ง เหยียด อ๋า.” 13ต้ง วั้ว เต๋ย ปยา นอม ฌั้ว หฒวัง เมี่ยน หญั่น เป๊ว เหฑ่ง, มป่า ไซ-ก๋อ บัว แอ๋ง เซียว เหฒ่ง วั้ว เต๋ย ตั๊บ ปวั๊ง เหฒียบ เหญ่ย นอม ดาน.
14หฒวัง เมี่ยน ปวัด เยซู โหฒว น้าย หญู่ง บัวะ ฮ่อง เญย สี่, นิ่น บัว ก๊อง, “น้าย เซ อ๋อย ต้าย เถา ป้าม เกน วั้ว เต้า โต่ว หว่า เมี่ยน อ๊ะ.”#6:14 เป๊ย หมั่ง โยฮัน 1:21. 15เยซู ฮิ้ว ตุ๊ เมี่ยน อ๋อย ต้าย เฒาะ นิ่น, อ๊าบ นิ่น โหฒว ฮู่ง, นิ่น กั้น ฯฒฯ ซิ้ม ฆอย แอ๋ง ฝาว วั้ว เจี๋ย บง หมี่ อ๊ะ.
เยซู ยั่ง ววม-หมิ่น
(เป๊ย หมั่ง มัดทาย 14:22-33; มาโค 6:45-52)
16ลู่ง ม์าน-หฮมวัง เต๋ย, เยซู เญย ไซ-ก๋อ บัว เหฌี่ย เถา ค้อย-เฮลน, 17เปียะ ฑั้ง หูง เจี๊ยน มี่ง วั้ว หง่าน หฒิ ค้อย, คาเปนาอุม มู้ง. วั้ว หฒั่น, ฒู้ง หฮมวัง อ๊ะ. เยซู หย่า ไม้ แก้ง เถา นิ่น บัว วั้ว. 18วั้ว หฒั่น ป์อง กอง ต้ม หฑยาว ป่วน ค้อย เจี์ย หล่าง. 19ไซ-ก๋อ บัว แฑง ฑั้ง มี่ง ปยา จุ๊ กีโล เญย ต๋อง, ปวัด เยซู ยั่ง ววม-หมิ่น ต้าย นิด ฟัด นิ่น บัว เญย ฑั้ง, แฮะ นิ่น บัว กั้ม เหฑีย ไห่. 20เยซู บั๋ว นิ่น บัว, “ไม้ ตู๋ง กั้ม เหฑีย. เซ ต้ง เยีย อ๊ะ.” 21ไซ-ก๋อ บัว ฯฒฯ อะเฮน้ย ฒิบ นิ่น เปียะ ฑั้ง. ฑั้ง เลี่ยม เฒ่ย เถา นิ่น บัว อ๋อย มี่ง วั้ว นอม ต๋อง หมี่ อ๊ะ.
หฒวัง เมี่ยน ล์อ เยซู
22ตะเหญ่ย ฮนอย หธ่อ เยียม วั้ว หง่าน หฒิ ค้อย วั้ว เต๋ย หฒวัง เมี่ยน ฮิ้ว ตุ๊ เยียม วั้ว ขูง ม่าย ดุ โผว ฑั้ง ฮนั้ง. เยซู หย่า ไม้ เฒ์ย เหธา นิ่น เญย ไซ-ก๋อ เปียะ วั้ว โผว ฑั้ง, ขูง ไซ-ก๋อ บัว กั้น มี่ง ฮนั้ง. 23ม่าย เต๋ย ฑั้ง เยียม ทิเบเลี้ยด มู้ง ต้าย ตี้ง เจี๊ยน วั้ว ค้อย-เฮลน, นิด เฒี้ยว เฒาะ ฌั้ว แล์ง ฒี่ง ลิ์ว ทิน-ฮู่ง ฯฒฯ ปุน หฒวัง เมี่ยน หญั่น วั้ว นอม ต๋อง. 24หฒวัง เมี่ยน ปวัด เยซู เหธา ไซ-ก๋อ บัว ไม้ เยียม หน่าย, นิ่น บัว ฯฒฯ เปียะ วั้ว เต๋ย ฑั้ง มี่ง คาเปนาอุม มู้ง ล์อ เยซู.
เยซู โหฒว ยู์ง แหม่ง เญย หญั่น ฮบ
25หฒวัง เมี่ยน ล์อ ปวัด เยซู เยียม วั้ว หง่าน หฒิ ค้อย นิ่น บัว หน่าย, “ฟิน-แซง อ้า! เฒี่ยง หาย ต้าย เถา น้าย?”
26เยซู เตา, “เยีย ก๊อง เฒียน บั๋ว เม่ย บัว, เม่ย บัว ล์อ เยีย ไม้ เฒ์ย หลาย ปวัด เยีย โหฒว บัวะ ฮ่อง เญย จั๋ง-โห่, เซ เหว่ย หฒุ เม่ย บัว ตุ๊ ฌั้ว หญั่น เป๊ว. 27เม่ย บัว ไม้ ตู๋ง ธ้วด ชะ ล์อ ไฮ่ หว่าย เญย หญั่น ฮบ. อ๋อย หฒุ ล์อ ปุน เมี่ยน ตุ๊ เหยียด ลิ์ว เญย แหม่ง วั้ว หญู่ง หญั่น ฮบ. เยีย, ป้าม เมี่ยน เญย ตอน, อ๋อย ปุน น้าย หญู่ง หญั่น ฮบ เม่ย บัว, เหว่ย หฒุ เยีย เญย เตีย, ทิน-ฮู่ง, จิว หัด ม์า ปุน เยีย, ฮนั้ง เบ๊าะ เจี๊ยน เหยียน นอ, ปุน ธีง เยีย หอบ เหฑ่ง นิ่น เญย เฮญี้ยว.”
28นิ่น บัว ฯฒฯ หน่าย เยซู, “เยีย บัว อ๋อย หฒุ โหฒว หาย หญู่ง หธีง ฝุน ทิน-ฮู่ง เญย กง?”
29เยซู เตา, “ทิน-ฮู่ง อ๋อย เม่ย บัว โหฒว เญย กง เซ อ๋อย หฒุ เสียน นิ่น พ้าย ต้าย วั้ว เต้า.”
30นิ่น บัว ฯฒฯ บั๋ว เยซู, “วั้ว หญู่ง เม่ย อ๋อย โหฒว หาย หญู่ง บัวะ ฮ่อง เญย จั๋ง-โห่ ปุน เยีย บัว ปวัด ฯฒฯ ไฮ่ เสียน เม่ย? เม่ย อ๋อย ฮนั้ง หาย นอ โหฒว? 31เยีย บัว เญย อง-ถาย เยียม เต่ย-ปูง-ฮวาง ตุ๊ หญั่น มานา ฮนั้ง กีง-โซว เฟี้ย เจี๊ยน ก๊อง, ‘นิ่น ปุน เยียม ลู่ง ต้าย เญย หญั่น ฮบ นิ่น บัว หญั่น.’”#ธ้วด อียิบ 16:4,15; เนหะมี 9:15; สีง ฑูง 78:24
32เยซู บั๋ว นิ่น บัว, “เยีย ก๊อง เฒียน บั๋ว เม่ย บัว, เซ ไม้ เฒ์ย โมเซ ปุน เยียม ลู่ง ต้าย วั้ว หญู่ง เฒียน หญั่น ฮบ. เซ เยีย เญย เตีย เฒาะ เยียม ลู่ง เญย เฒียน หญั่น ฮบ จิว ปุน เม่ย บัว. 33เหว่ย หฒุ ทิน-ฮู่ง เญย หญั่น ฮบ เซ ต้ง เยียม ทิน-ต้อง เหฌี่ย ต้าย ปุน ป้าม เมี่ยน ตุ๊ เฒี่ยง เจี๊ยน วั้ว เต้า.”
34นิ่น บัว ก๊อง, “ฟิน-แซง อ้า! โท้ หฒั่นๆ ปุน น้าย หญู่ง หญั่น ฮบ เยีย บัว ม่าะ!”
35เยซู บั๋ว นิ่น บัว, “เยีย กั้น เซ ยู์ง แหม่ง เญย หญั่น ฮบ. หาย เต้า ต้าย ล์อ เยีย, วั้ว เต้า เหยียด ลิ์ว ไม้ หง่อ. หาย เต้า เสียน เยีย, วั้ว เต้า เหยียด ลิ์ว ไม้ ฆ้าด. 36มป่า ฮนั้ง เยีย บั๋ว เจี๋ย เม่ย บัว นอ, เม่ย บัว ปวัด เจี๋ย เยีย หย่า ไม้ เสียน. 37ตะฟ่าน เยีย เญย เตีย เหธย ปุน เยีย เญย เมี่ยน เหยียด ฒู้ง อ๋อย ต้าย ล์อ เยีย. หาย เต้า ต้าย ล์อ เยีย, เยีย เหยียด ลิ์ว ไม้ กวั่ง. 38เหว่ย หฒุ เยีย เยียม ทิน-ต้อง เหฌี่ย ต้าย มป่า ไม้ เฒ์ย เซว่ย เยีย กั้น เญย เอ๋ย โหฒว. เยีย ต้าย โหฒว เอย พ้าย เยีย ต้าย วั้ว เต้า เญย เอ๋ย ฮนั้ง. 39พ้าย เยีย ต้าย วั้ว เต้า เญย เอ๋ย เซ ฮนั้ง น้าย. ต้ง นิ่น เหธย ปุน เยีย วั้ว เต๋ย เมี่ยน, นิ่น ไม้ อ๋อย เยีย ปุน ล่าย หฒิด เหยียด เต้า. เถา ฆะฮ้า ลาย วั้ว ฮนอย, อ๋อย เยีย ปุน นิ่น บัว เหยียด ฒู้ง นั่ง ต้าย. 40เหว่ย หฒุ เยีย เญย เตีย เญย เอ๋ย เซ ฮนั้ง น้าย. หาย เต้า ปวัด นิ่น เญย ตอน, หย่า เสียน เขา นิ่น เญย ตอน, วั้ว เต้า ฯฒฯ ตุ๊ เหยียด ลิ์ว เญย แหม่ง. เถา ฆะฮ้า ลาย วั้ว ฮนอย เยีย หย่า อ๋อย ปุน นิ่น นั่ง ต้าย.”
41ยิวไท เมี่ยน ฯฒฯ งบ เยซู เหว่ย หฒุ นิ่น ก๊อง, “เยีย เซ เยียม ทิน-ต้อง เหฌี่ย ต้าย เญย หญั่น ฮบ.” 42นิ่น บัว ก๊อง, “น้าย เต้า เซ โยเซ้บ เญย ตอน, เยซู, ไม้ เฒ์ย? นิ่น เญย เตี๋ย หม่า บัว ฮิ้ว ตุ๊ เญย. นิ่น ฮนั้ง หาย นอ ไฮ่ ก๊อง นิ่น เยียม ทิน-ต้อง เหฌี่ย ต้าย?”
43เยซู เตา นิ่น บัว, “เม่ย บัว ไม้ ตู๋ง งี่ หงูง งบ เญย ม่าะ! 44ไม้ ม่าย หาย เต้า ไฮ่ ต้าย ล์อ เยีย ธ้วด ลิ์ว หฒั่ง เตี๋ย, ต้ง พ้าย เยีย ต้าย วั้ว เต้า, หยัวะ นิ่น ต้าย. หาย เต้า ต้าย ล์อ เยีย, เถา ฆะฮ้า ลาย วั้ว ฮนอย เยีย ฯฒฯ ปุน นิ่น นั่ง ต้าย. 45โต่ว หว่า เมี่ยน เญย โซว เฟี้ย เจี๊ยน ก๊อง, ‘ทิน-ฮู่ง กั้น อ๋อย หฌาว นิ่น บัว เหยียด ฒู้ง.’#อิสะยา 54:13 หาย เต้า ไฮ์ หฒั่ง เตี๋ย เญย หว่า หย่า โหะ ฮิ้ว เญย, นิ่น บัว เหยียด ฒู้ง อ๋อย ต้าย ล์อ เยีย. 46น้าย ไม้ เฒ์ย ก๊อง ม่าย หาย เต้า ตุ๊ ปวัด เจี๋ย หฒั่ง เตี๋ย. ขูง เยียม ทิน-ฮู่ง ต้าย วั้ว เต้า ตุ๊ ปวัด เจี๋ย หฒั่ง เตี๋ย ฮนั้ง. 47เยีย ก๊อง เฒียน บั๋ว เม่ย บัว, หาย เต้า เสียน เยีย, วั้ว เต้า ม่าย เหยียด ลิ์ว เญย แหม่ง. 48เยีย โหฒว ยู์ง แหม่ง เญย หญั่น ฮบ. 49เม่ย บัว เญย อง-ถาย-แงะ เยียม เต่ย-ปูง-ฮวาง หญั่น มานา มป่า นิ่น บัว ไต่ หมี่ อ๊ะ. 50หาย เต้า หญั่น เยียม ทิน-ต้อง เหฌี่ย ต้าย เญย หญั่น ฮบ ไม้ หฒุ ไต่. 51เยีย โหฒว เฒี่ยง เจี๊ยน เญย หญั่น ฮบ เยียม ทิน-ต้อง เหฌี่ย ต้าย. หาย เต้า หญั่น น้าย หญู่ง หญั่น ฮบ, วั้ว เต้า ตุ๊ เหยียด ลิ์ว เฒี่ยง เจี๊ยน. เยีย ปุน เญย หญั่น ฮบ เซ ต้ง เยีย กั้น เญย อ๊อ เหว่ย ปุน ป้าม เมี่ยน ตุ๊ เฒี่ยง เจี๊ยน.”
52ยิวไท เมี่ยน ไฮ์ น้าย เต๋ย หว่า ฯฒฯ แฑง เจี์ย จ๋า ต้าย ก๊อง, “น้าย ล่าน เมี่ยน ฮนั้ง หาย นอ ไฮ่ ปุน นิ่น เญย อ๊อ บัว หญั่น?”
53เยซู บั๋ว นิ่น บัว, “เยีย ก๊อง เฒียน บั๋ว เม่ย บัว, สี ก๊อง เม่ย บัว ไม้ หญั่น ป้าม เมี่ยน เญย ตอน เญย อ๊อ, หย่า ไม้ ฮบ นิ่น เญย ฑย้าม, เยียม เม่ย บัว กะญั์ว ไม้ ม่าย เฒี่ยง แหม่ง อ๊ะ. 54หาย เต้า หญั่น เยีย เญย อ๊อ, ฮบ เยีย เญย ฑย้าม, วั้ว เต้า ม่าย เหยียด ลิ์ว เญย แหม่ง. ฆะฮ้า ลาย วั้ว ฮนอย เยีย หย่า อ๋อย ปุน นิ่น นั่ง ต้าย. 55เหว่ย หฒุ เยีย เญย อ๊อ เหธา เยีย เญย ฑย้าม เซ เฒียน หญั่น ฮบ. 56หาย เต้า หญั่น เยีย เญย อ๊อ หย่า ฮบ เยีย เญย ฑย้าม, วั้ว เต้า เหธา เยีย จวั่ง แหม่ง เฒี่ยง. เยีย หย่า เหธา วั้ว เต้า จวั่ง แหม่ง เฒี่ยง. 57เฒี่ยง เจี๊ยน เญย หฒั่ง เตี๋ย พ้าย เยีย ต้าย, เยีย หย่า เหว่ย นิ่น ตุ๊ เฒี่ยง เจี๊ยน. ฮนั้ง หน่าย, หาย เต้า หญั่น เยีย เญย อ๊อ, วั้ว เต้า หย่า เหว่ย เยีย ตุ๊ เฒี่ยง เจี๊ยน. 58น้าย เซ เยียม ทิน-ต้อง เหฌี่ย ต้าย เญย หญั่น ฮบ. เซ ไม้ ฮนั้ง บัว เญย อง-ถาย หญั่น เญย มานา. หญั่น ลิ์ว หธ่อ ไฮ่ ไต่ เญย. มป่า หาย เต้า หญั่น เยียม ทิน-ต้อง เหฌี่ย ต้าย เญย หญั่น ฮบ ฯฒฯ ตุ๊ เหยียด ลิ์ว เฒี่ยง เจี๊ยน.” 59เยซู ก๊อง น้าย เต๋ย หว่า วั้ว หฒั่น นิ่น เยียม คาเปนาอุม มู้ง เญย หวุ่ย ต้อง หฌาว เมี่ยน.
เมี่ยน ธั้ม เญย ถุย โป่ว
60เยซู เญย ไซ-ก๋อ ธั้ม เญย ไฮ์ ลิ์ว น้าย เต๋ย หว่า ฯฒฯ ก๊อง, “น้าย เต๋ย หฌาว เญย หว่า หฒะเก้ง อะ ตุ๊ ไห่. หาย เต้า ไฮ่ หมวัง ตุ๊ แล่?”
61เยซู ฮิ้ว ตุ๊ นิ่น เญย ไซ-ก๋อ ฮนั้ง น้าย นอ งบ น้าย เต๋ย หว่า ฯฒฯ ก๊อง บั๋ว นิ่น บัว, “หลาย เยีย ก๊อง น้าย เต๋ย หว่า เม่ย บัว ไฮ์ อ๋อย ถุย โป่ว ไฟ? 62วั้ว หญู่ง สี ก๊อง เม่ย บัว ปวัด เยีย, ป้าม เมี่ยน เญย ตอน, ฝาว เถา ฒิ่น ด่าง เยียม เญย ต๋อง, เม่ย บัว ฮนั้ง หาย นอ? 63เซ สีง ลี่ง ปุน เมี่ยน ม่าย เฒี่ยง แหม่ง. ป้าม เมี่ยน ไม้ ไฮ่ ปุน เมี่ยน ม่าย เฒี่ยง แหม่ง. เยีย ก๊อง เญย หว่า ไฮ่ ปุน เม่ย บัว ตุ๊ สีง ลี่ง. สีง ลี่ง หย่า ปุน เม่ย บัว ตุ๊ เฒี่ยง แหม่ง. 64มป่า เม่ย บัว ม่าย เต๋ย ไม้ เสียน.” เหว่ย หฒุ เยซู เยียม กอน มต้าย ฮิ้ว ตุ๊ วั้ว เต๋ย เมี่ยน หาย เต้า ไม้ เสียน นิ่น, หาย เต้า อ๋อย หม่าย นิ่น. 65นิ่น ฯฒฯ ก๊อง, “เหว่ย น้าย เยีย ก๊อง เจี๋ย บั๋ว เม่ย บัว เญย, ธ้วด ลิ์ว หฒั่ง เตี๋ย ปุน ต้าย วั้ว เต๋ย, ไม้ ม่าย หาย เต้า ไฮ่ ต้าย ล์อ เยีย.”
66เยียม หน่าย ต้าย เยซู เญย ไซ-ก๋อ ธั้ม เญย ถุย โป่ว, ไม้ กัน เยซู อ๊ะ.
67เยซู ฯฒฯ หน่าย ก๋า วั้ว เต๋ย เหฒียบ เหญ่ย เต้า ไซ-ก๋อ, “เม่ย บัว หย่า อ๋อย กวั่ง เยีย ไฟ?”
68ซีโมน ปีเต เตา, “เฒี้ยว อ้า! เยีย บัว อ๋อย หฒุ มี่ง กัน หาย เต้า? เซ ต้ง เม่ย กั้น เญย หว่า ไฮ่ ปุน เมี่ยน ตุ๊ เหยียด ลิ์ว เญย แหม่ง.#มัดทาย 16:16; มาโค 8:29; ลูกา 9:20 69เยีย บัว เสียน หย่า ฮิ้ว ตุ๊ เม่ย โหฒว ทิน-ฮู่ง เญย ธีง-เหฑ่ง เมี่ยน.”
70เยซู เตา, “เยีย กิ๊น เม่ย บัว เหฒียบ เหญ่ย เต้า ไม้ เฒ์ย? มป่า เม่ย บัว ม่าย เต้า โหฒว เฮยี่ย ไกว๊ เมี้ยน.” 71เยซู ฮนั้ง น้าย นอ ก๊อง เซ ก๊อง หฒุ ซีโมน อิสะคาลิโอด เญย ตอน, ยูดาด. ไม้ กุ๊น นิ่น โหฒว วั้ว เต๋ย เหฒียบ เหญ่ย เต้า ไซ-ก๋อ เญย เหยียด เต้า, ฆะฮ้า นิ่น หม่าย เยซู.
Currently Selected:
โยฮัน 6: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
