ลูกา 11
11
เยซู หฌาว ไซ-ก๋อ ฮนั้ง หาย นอ เต๋า เก๋า
(เป๊ย หมั่ง มัดทาย 6:9-13; 7:7-11)
1ม่าย ฮนอย เยซู เยียม นอม ต๋อง เต๋า เก๋า. เต๋า เก๋า ลิ์ว, ม่าย เต้า นิ่น เญย ไซ-ก๋อ ก๊อง บั๋ว นิ่น, “เฒี้ยว อ่า, โท้ หฌาว เยีย บัว เต๋า เก๋า ฮนั้ง โยฮัน หฌาว นิ่น เญย ไซ-ก๋อ บัว นอ.” 2เยซู ฯฒฯ บั๋ว นิ่น บัว,
“เม่ย บัว หาย หฒั่น เต๋า เก๋า อ๋อย หฒุ ฮนั้ง น้าย นอ ก๊อง,
‘หฒั่ง เตี๋ย อ้า!
โท้ ปุน เมี่ยน ท่าย เม่ย เญย ธีง-เหฑ่ง บั๋ว.
โท้ ปุน เม่ย โหฒว เฒี้ยว กุ๊น เมี่ยน เญย ฮนอย เถา.
3เยีย บัว ฮนอยๆ เฉียม เญย หญั่น ฮบ,
โท้ ปุน เยีย บัว เหยียด ฮนอย ม่าย เก๋า เหยียด ฮนอย หญั่น.
4โท้ กวั่ง เยีย บัว โหฒว เญย ฒุ์ย,
เหว่ย หฒุ หาย เต้า ต่อง เยีย บัว,
เยีย บัว หย่า กวั่ง ปุน นิ่น บัว.
ไม้ ตู๋ง ปุน เยีย บัว ปวั้ง เสย เฮญี้ยว เญย สี่.’”
5เยซู แอ๋ง ก๊อง บั๋ว นิ่น บัว, “สี ก๊อง เม่ย บัว ม่าย เต้า ด๊าม ม์วน เปี๋ยน เสย มี่ง เถา โล์-แกง ต่อย เญย เปย๊า บั๋ว นิ่น, ‘โล์-แกง อ้า! โท้ ก๊า ปัว นอม ฌั้ว ปุน เยีย โอ่. 6เยีย ม่าย เต้า โล์-ปิ๊ว ต่อย เจี๋ย เจ๊า โคะ โหะ เถา ต้าย ฮิด เยีย วั้ว, เยีย หย่า ไม้ ม่าย หาย หญู่ง ปุน นิ่น หญั่น.’
7“เยียม เปย๊า กะญั์ว วั้ว เต้า โล์-แกง ฯฒฯ เตา, ‘ไม้ ตู๋ง ต้าย กีง-เธ้ว เยีย อ๊ะ. เยีย บัว กวน เจี๊ยน แก้ง. ฮมวั้ง ต่อย เหยียด ฒู้ง เปว๋ย เหฑ่ง. เยีย ไม้ ไฮ่ เจี์ย ซิน เฒาะ หาย หญู่ง ปุน เม่ย อ๊ะ เหลาะ.’ 8เยีย บั๋ว เม่ย บัว, ไม้ เฒ์ย หลาย ต๊า โล์-แกง อ๋อย เจี์ย ซิน เฒาะ หาย หญู่ง ปุน นิ่น, มป่า เหว่ย นิ่น โท้ ตุ๊ โญ่ว ไห่ หธีง ต้าย เจี์ย ซิน เฒาะ นิ่น เฉียม หฒุ เญย กะน้าย ปุน.
9“ฮนั้ง หน่าย เยีย บั๋ว เม่ย บัว, อ๋อย หฒุ โท้ ฯฒฯ ตุ๊. อ๋อย หฒุ ล์อ ฯฒฯ ปวัด. อ๋อย หฒุ แง้ง แก้ง, แก้ง ฯฒฯ ฆอย. 10เหว่ย หฒุ หาย เต้า โท้ ฯฒฯ ตุ๊. หาย เต้า ล์อ ฯฒฯ ปวัด. หาย เต้า แง้ง แก้ง, แก้ง ฯฒฯ ฆอย.
11“เม่ย บัว หาย เต้า โหฒว เตีย เญย เมี่ยน, ตอน โท้ เบย์า เม่ย อ๋อย ปุน นาง นิ่น ไฟ? 12ตอน โท้ เจ๋า, เม่ย อ๋อย ปุน เหฒียบ เหญ่ย ด้าง นิ่น ไฟ? 13เม่ย บัว ด่ง หน่าย หว่าย เญย เมี่ยน ฒู้ง ฮิ้ว ตุ๊ ปุน หลง เญย กะน้าย เม่ย บัว เญย ฝุเจว๊ย, เม่ย บัว เญย ทิน-ต้อง เตี๋ย หธ่อ เก้า อ๋อย เหธย สีง ลี่ง ปุน โท้ นิ่น วั้ว เต๋ย เมี่ยน.”
เยซู เหธา เมี้ยน เญย ฮู่ง
(เป๊ย หมั่ง มัดทาย 12:22-30; มาโค 3:20-27)
14เยซู หฒุ่น กะน้าย-หฮงง เมี้ยน ธ้วด เมี่ยน เญย ซิน. เมี้ยน ธ้วด มี่ง, วั้ว ล่าน เมี่ยน ฯฒฯ ไฮ่ ก๊อง หว่า อ๊ะ. หฒวัง เมี่ยน บัวะ ฮ่อง ไห่. 15มป่า ม่าย เต๋ย ก๊อง, “นิ่น หล่ง เมี้ยน เญย ฮู่ง, เบเอนเซบูน, เญย หลี่ง หฒุ่น เมี้ยน ธ้วด.”#มัดทาย 9:34; 10:25
16แอ๋ง ม่าย เต๋ย เมี่ยน อ๋อย เสย เยซู ฯฒฯ โท้ นิ่น ปุน นอม เยียม ทิน-ต้อง ต้าย เญย จั๋ง-โห่.#มัดทาย 12:38; 16:1; มาโค 8:11 17มป่า นิ่น บัว เญย เฮญี้ยว ฮนั้ง หาย นอ ฮนั้ม, เยซู ฮิ้ว เญย. นิ่น ฯฒฯ ก๊อง, “หาย นอม กั๊วะ ปุน ฆอย โหฒว เหฒีย เจ๊า, กั้น เญย กั๊วะ หฒั่ง เมี่ยน เหธา กั้น เญย กั๊วะ หฒั่ง เมี่ยน เบ๊าะ จ๋า, วั้ว นอม กั๊วะ ฯฒฯ ป่าย เหฑ่ง อ๊ะ. สี ก๊อง เหยียด เปย๊า เมี่ยน เบ๊าะ จ๋า ปุน ฆอย, จา-ตี้ง ฯฒฯ ป่าย เหฑ่ง อ๊ะ. 18ฮนั้ง หน่าย, สี ก๊อง ซาตาน เญย กั๊วะ ปุน ฆอย โหฒว เหฒีย กวั้น, น้าย กวั้น เหธา วั้ว กวั้น เบ๊าะ จ๋า, นิ่น เญย กั๊วะ ฮนั้ง หาย นอ ไฮ่ เยียม ตุ๊ ว้วน? เม่ย บัว ก๊อง เยีย หล่ง เบเอนเซบูน เมี้ยน เญย หลี่ง หฒุ่น เมี้ยน ธ้วด. 19สี ก๊อง เยีย เขา เบเอนเซบูน เมี้ยน หฒุ่น เมี้ยน ธ้วด, วั้ว หญู่ง เม่ย บัว เญย ไซ-ก๋อ เขา หาย เต้า เญย หลี่ง หฒุ่น เมี้ยน ธ้วด? เม่ย บัว เญย ไซ-ก๋อ โหฒว เญย สี่ ปุน ธีง เม่ย บัว ต่อง อ๊ะ. 20มป่า สี ก๊อง เยีย เขา ทิน-ฮู่ง เญย ชะ#11:20 ฟาน หฒะ ก๊อง ทิน-ฮู่ง เญย ปั์ว-โด๊ะ. หฒุ่น เมี้ยน ธ้วด, น้าย ปุน ธีง ทิน-ฮู่ง เยียม เม่ย บัว บุด๋ง โหฒว เฒี้ยว อ๊ะ.
21“สี ก๊อง ม่าย เต้า เมี่ยน เฮ้น เมี่ยน เบ่น ฑ่อย หวัวะ กิ่น ฒั้ว เจี๊ยน กั้น เญย เปย๊า, นิ่น เญย จา-ตี้ง ฯฒฯ แป้ง ออน อ๊ะ. 22มป่า สี ก๊อง ม่าย เต้า เก้า เฮ้น ต้าย เบ๊าะ ฮี่ง, นิ่น ฯฒฯ เฒาะ เหฑ่ง ต้ง วั้ว เต้า ปั่ง เหว่ย โก๋ว จา-ตี้ง เญย หวัวะ กิ่น. ธ้าง ตุ๊ ต้าย เญย กะน้าย หย่า ต้อ มี่ง ปุน ฆอย.
23“หาย เต้า ไม้ กัน เยีย, เซ เหธา เยีย ต๋อย-เตก. หาย เต้า ไม้ เถง เยีย เซียว ฒุ้น, วั้ว เต้า โหฒว ปุน หฑาน เหฑ่ง หมี่ อ๊ะ.#มาโค 9:40
เฮยี่ย ไกว๊ เมี้ยน หฑวน โล์-ต๋อง
(เป๊ย หมั่ง มัดทาย 12:43-45)
24“ม่าย เฮยี่ย ไกว๊ เมี้ยน เยียม เมี่ยน เญย ซิน ธ้วด ต้าย วั้ว หฒั่น, นิ่น โย่ว เจี๊ยน เต่ย-ปูง-ฮ์าน มี่ง ล์อ ต๋อง ฮิด. มี่ง เกา, ล์อ ไม้ ตุ๊ ต๋อง ฮิด. เมี้ยน ฯฒฯ ก๊อง, ‘อา, เยีย อ๋อย หฑวน เยีย เญย โล์-เปย๊า เยียม อ๊ะ.’ 25นิ่น ฯฒฯ หฑวน มี่ง ปวัด นิ่น เญย โล์-เปย๊า พ้วด ฌัง เหฑ่ง, เบ่น ซูง เญย. 26นิ่น ฯฒฯ แอ๋ง มี่ง ล์อ เสี่ย เต้า เมี้ยน เก้า เธี้ยว เจี๋ย นิ่น, ต้าย เหธา เจี๊ยน นิ่น เปียะ วั้ว ล่าน เมี่ยน เญย ซิน เยียม. วั้ว ล่าน เมี่ยน ฯฒฯ เก้า โค้ว เจี๋ย ฒิ่น ด่าง อ๊ะ.”
เฒียน เฌียน-โย่ว
27เยซู ก๊อง เจี๊ยน น้าย เต๋ย หว่า วั้ว หฒั่น, วั้ว กวั้น เมี่ยน ม่าย เต้า มเซียะ ตอน เห่ว เจี๊ยน บุย เญย ก๊อง บั๋ว เยซู, “ยู์ง เม่ย ต้าย แอ๋ง ปุน หญอ เม่ย ฮบ วั้ว เต้า ม่าย เฌียน-โย่ว อ๊ะ.”
28เยซู เตา, “ต้ง ไฮ์ ทิน-ฮู่ง เญย หว่า หย่า เอย เจี๊ยน โหฒว วั้ว เต๋ย, เก้า ม่าย เฌียน-โย่ว.”
เมี่ยน โท้ จั๋ง-โห่ หมั่ง
(เป๊ย หมั่ง มัดทาย 12:38-42)
29เมี่ยน กุ๊น โหฒว กุ๊น ธั้ม ต้าย กั๊บ ฒุ้น วั้ว หฒั่น, เยซู ก๊อง, “อี้ จ๋า ฮนอย เญย เมี่ยน เก้ง หว่าย ไห่. นิ่น บัว ขูง โท้ จั๋ง-โห่ หมั่ง มป่า ธ้วด ลิ์ว โยนา วั้ว หญู่ง จั๋ง-โห่, เยีย ไม้ ปุน หาย หญู่ง จั๋ง-โห่ นิ่น บัว หมั่ง.#มัดทาย 16:4; มาโค 8:12 30โยนา ฮนั้ง หาย นอ เป๋น จั๋ง-โห่ ปุน นินะเว เมี่ยน หมั่ง,#โยนา 3:4 เยีย, ป้าม เมี่ยน เญย ตอน, หย่า อ๋อย ฮนั้ง วั้ว นอ เป๋น จั๋ง-โห่ ปุน อี้ จ๋า ฮนอย เญย เมี่ยน หมั่ง. 31เถา ทิน-ฮู่ง เซี้ยม ฒุ์ย วั้ว ฮนอย, เยียม น่าม ปูง แหมง วั้ว เต้า ฮู่ง หม่า อ๋อย โซ้ว เจี์ย ต้าย โก๋ อี้ จ๋า เมี่ยน, เหว่ย หฒุ วั้ว เต้า ฮู่ง หม่า เยียม ลู่ง กอน ต้าย หมวัง ซาโลมอน ฮู่ง ธง-เม่ง เญย หว่า.#1 ฮู่ง โต้ว 10:1-10; 2 ฒุ่น ต่อย โต้ว 9:1-12 หมั่ง ม่าะ! เยียม น้าย ม่าย เต้า#11:31 เต้า ไฟ หญู่ง. เก้า โฮล เจี๋ย ซาโลมอน. 32เถา ทิน-ฮู่ง เซี้ยม ฒุ์ย วั้ว ฮนอย, นินะเว เมี่ยน อ๋อย โซ้ว เจี์ย ต้าย โก๋ อี้ จ๋า เมี่ยน, เหว่ย หฒุ โยนา มี่ง ฒุ่น โต์ วั้ว หฒั่น นิ่น บัว ฒู้ง ก๊อย เฮญี้ยว กวั่ง ฒุ์ย หมี่ อ๊ะ.#โยนา 3:5 หมั่ง ม่าะ! อี้ หฒั่น เยียม น้าย หธ่อ ม่าย เต้า เก้า โฮล เจี๋ย โยนา.#11:32 เป๊ย หมั่ง ลูกา 11:31.
มฒีง เป๊ย ซิน เญย ตัง
(เป๊ย หมั่ง มัดทาย 5:15; 6:22-23)
33“ไม้ ม่าย หาย เต้า เตี๊ยม เหฒียะ ตัง ต้าย ต้อ มี่ง ปี๋ง เจี๊ยน, ไฟ เฒาะ ท้ง ฆบ เจี๊ยน. ตัง มต้าย อ๋อย หฒุ ตน ตัง เญย ป้าย ปุน เปียะ เปย๊า เญย เมี่ยน หมั่ง ตุ๊ ปวัด ฌัง.#มัดทาย 5:15; มาโค 4:21; ลูกา 8:16 34เม่ย เญย มฒีง เป๊ย ซิน เญย ตัง. เม่ย เญย มฒีง ฌัง นอ, เฒี่ยง ซิน ฯฒฯ ฌัง เหฑ่ง. มป่า มฒีง ไม้ ฌัง, เม่ย เญย ซิน ฯฒฯ หฮมวัง เหฑ่ง หมี่ อ๊ะ. 35ฮนั้ง น้าย เม่ย อ๋อย หฒุ บู้ง เจี๊ยน ไม้ ตู๋ง ปุน เม่ย เญย ซิน เญย ฌัง หฮมวัง. 36สี ก๊อง เม่ย เญย ซิน ม่าย ฌัง ปวั๊ง เหฑ่ง, ไม้ ม่าย เหยียด นอม ต๋อง หฮมวัง, เหยียด ฒู้ง ฯฒฯ ฌัง, ฮนั้ง ม่าย ตัง เญย ฌัง หฒิว เจี๊ยน เม่ย นอ.”
เยซู ก๊อง ฟาลิสี เมี่ยน เหธา หฌาว เล์ย เญย ฟิน-แซง
(เป๊ย หมั่ง มัดทาย 23:1-36; มาโค 12:38-40)
37เยซู ก๊อง ป่า หว่า, ม่าย เต้า ฟาลิสี เมี่ยน เห่ว เยซู มี่ง เหธา นิ่น หญั่น หฮนาง. เยซู ฯฒฯ เปียะ เปย๊า เฒว์ย#11:37 เป๊ย หมั่ง ลูกา 7:36. เจี๊ยน หญั่น หฮนาง. 38วั้ว เต้า ฟาลิสี เมี่ยน ปวัด เยซู หญั่น หฮนาง, ไม้ เอย เจี๊ยน เล์ย หฑาว ปั์ว ด่าง, นิ่น บัวะ ฮ่อง ไห่ อ๊ะ. 39เฒี้ยว ฯฒฯ ก๊อง บั๋ว นิ่น, “เม่ย บัว ฟาลิสี เมี่ยน หฑาว หฑ่อม เยี้ยน ขูง หฑาว กะเหญี่ย เหฑ่ง ฮนั้ง. มป่า เม่ย บัว กะญั์ว ฒ่าง ปวั๊ง เม่ย บัว เม้า ต้าย เญย กะน้าย เหธา ฮยวัง เอ๊าะ. 40กะน้าย-หฮงง อ้า! ทิน-ฮู่ง เหฒย ธ้วด กะเหญี่ย แหมง หย่า ไม้ เฒ์ย แอ๋ง เหฒย ธ้วด กะญั์ว แหมง? 41อ๋อย หฒุ เฒาะ เยียม เม่ย บัว เญย หฑ่อม เยี้ยน กะญั์ว วั้ว เต๋ย กะน้าย#11:41 “เยียม เม่ย บัว เญย หฑ่อม เยี้ยน กะญั์ว วั้ว เต๋ย กะน้าย” ไฟ เม่ย บัว ม่าย เญย. ฝูง เมี่ยน จ่ม เมี่ยน, เม่ย บัว เญย เหยียด ฒู้ง ฯฒฯ ธีง-เหฑ่ง หมี่ อ๊ะ.
42“เม่ย บัว ฟาลิสี เมี่ยน อ้า! เม่ย บัว อ๋อย ปวั้ง หฒุ โค้ว อ๊ะ. เม่ย บัว ต้อ แปะ ธิด เหธา เยี่ยน ซี เหธา หญู่งๆ กะน้าย-ดาง เหฒียบ โก๊ว เญย เหยียด โก๊ว ฝ่ง ห่อ ทิน-ฮู่ง. มป่า โหฒว แป้ง ฟิม เญย เจ๊า เหธา ฮนั้ม ทิน-ฮู่ง เญย เจ๊า เม่ย บัว หละคุ ไม้ โหฒว. เม่ย บัว หอบ หฒุ โหฒว น้าย เต๋ย เจ๊า มป่า ไม้ ตู๋ง หละคุ เหฒียบ โก๊ว เญย เหยียด โก๊ว กะน้าย ฝ่ง ห่อ ทิน-ฮู่ง.#เลวี 27:30
43“เม่ย บัว ฟาลิสี เมี่ยน อ้า! เม่ย บัว อ๋อย ปวั้ง หฒุ โค้ว อ๊ะ. เม่ย บัว เยียม หวุ่ย ต้อง อ๋อย เฒว์ย หลง เจี๋ย เญย ต๋อง. เยียม เฮย-ห่อง หย่า อ๋อย เมี่ยน เฒาะ เยียะ ท่าย เม่ย บัว. 44เม่ย บัว อ๋อย หฒุ โค้ว อ๊ะ. เม่ย บัว เซ ฮนั้ง ไม้ ม่าย จั๋ง-โห่ เญย จั๋น-ไต่ โฒ้ว. เมี่ยน ธ้าย หฒุ หย่า เลี่ยม ไม้ ฮิ้ว ธ้าย หฒุ จั๋น-ไต่ โฒ้ว.”
45ม่าย เต้า หฌาว เล์ย เญย ฟิน-แซง ก๊อง, “ฟิน-แซง อ้า! เม่ย ฮนั้ง น้าย นอ ก๊อง, เม่ย เลี่ยม เยีย บัว หย่า ก๊อง โตะ นีอา.”
46เยซู เตา, “เม่ย บัว หฌาว เล์ย เญย ฟิน-แซง หย่า อ๋อย หฒุ โค้ว อ๊ะ. เม่ย บัว เฒาะ เฮนี้ย เญย, อะ ตุ๊ เหญีย เญย กะน้าย ผาน ปุน เมี่ยน เหญีย. มป่า เม่ย บัว กั้น เลี่ยม ไม้ หล่ง เหยียด นอม ปั์ว-โด๊ะ เถง นิ่น บัว โป้ว. 47เม่ย บัว เก้ง อ๋อย หฒุ โค้ว อ๊ะ. เม่ย บัว เหธย โต่ว หว่า เมี่ยน เญย โฒ้ว มป่า น้าย เต๋ย โต่ว หว่า เมี่ยน เม่ย บัว กั้น เญย อง-ถาย ไต๋ ไต่. 48ฮนั้ง หน่าย เม่ย บัว ปิ๋ว เม่ง เม่ย บัว อะเฮน้ย เม่ย บัว เญย อง-ถาย โหฒว เญย สี่, เหว่ย หฒุ นิ่น บัว ไต๋ น้าย เต๋ย โต่ว หว่า เมี่ยน, เม่ย บัว หย่า เถง เหธย โฒ้ว. 49เหว่ย น้าย ทิน-ฮู่ง หล่ง นิ่น เญย ธง-เม่ง ก๊อง, ‘เยีย อ๋อย พ้าย โต่ว หว่า เมี่ยน หย่า พ้าย กง-โฒ่ มี่ง เถา นิ่น บัว หน่าย. ม่าย เต๋ย นิ่น บัว อ๋อย ไต๋ ไต่. ม่าย เต๋ย นิ่น บัว อ๋อย โหฒว โตะ.’ 50ฮนั้ง น้าย, อี้ จ๋า เมี่ยน หฒุ ตี่ง ฒุ์ย เซ หลาย นิ่น บัว เญย อง-ถาย ไต๋ หฒวัง โต่ว หว่า เมี่ยน ปุน ฑย้าม เหลี่ยว ธ้วด, เยียม เหฒย ลู่ง เหฒย เดา เถา อี้ หฒั่น, 51ต้ง เยียม ไต๋ อาแบน วั้ว ต่อย เมี่ยน แอ๋ง เถา ไต๋ เสคาลิยา เยียม เหฒี่ย-ต้อง เหธา ธีง-เหฑ่ง เญย ต๋อง บุด๋ง.#ทิน เต่ย โต้ว 4:8; 2 ฒุ่น ต่อย โต้ว 24:20-21 เยีย บั๋ว เม่ย บัว, อี้ จ๋า เมี่ยน อ๋อย หฒุ หลาย น้าย เต๋ย เหยียด ฒู้ง หฒุ ตี่ง ฒุ์ย.
52“เม่ย บัว หฌาว เล์ย เญย ฟิน-แซง อ๋อย หฒุ โค้ว อ๊ะ, เหว่ย หฒุ เม่ย บัว เฒาะ คอย ว่วน ฒาง วั้ว นอม เปย๊า เญย ฟ้อ-เฒ่ย เซียว เจี๊ยน. เม่ย บัว กั้น ไม้ เปียะ. เมี่ยน อ๋อย เปียะ เม่ย บัว หย่า ล่าน เจี๊ยน ไม้ ปุน เปียะ.”
53เยซู เยียม วั้ว ธ้วด ต้าย, หฌาว เล์ย เญย ฟิน-แซง เหธา ฟาลิสี เมี่ยน เหธา นิ่น ต๋อย-เตก แฑง, ชะ ล์อ เจ๊า หน่าย, 54อ๋อย ดั๊ว นิ่น ก๊อง ต่อง หว่า เหว่ย หล่ง นิ่น เญย หว่า โก๋ นิ่น.
Currently Selected:
ลูกา 11: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
