ลูกา 12
12
ไม้ ตู๋ง โหฒว เป้ย หฒะ เฮญี้ยว ฌ้วด
(เป๊ย หมั่ง มัดทาย 10:26-27)
1น้าย เต๋ย เฒี่ยง โห่, ม่าย เหฒีย ธิน ล่าน เมี่ยน ต้าย ฒุ้น หมวัง เยซู, ล่าน หย่า ธ้าย หฒุ ล่าน. เยซู เหธา นิ่น เญย ไซ-ก๋อ บัว ก๊อง ด่าง, “อ๋อย หฒุ ไฝ ฟิม ฟาลิสี เมี่ยน เญย ปี๊ง. เอ๋ย เล์ย เซ นิ่น บัว เป้ย หฒะ เฮญี้ยว ฌ้วด.#มัดทาย 16:6; มาโค 8:15 2ไม้ ม่าย หาย หญู่ง เกม เจี๊ยน ไม้ หฒุ ธ้วด ย่าง. ไม้ ม่าย หาย หญู่ง ปี๋ง เจี๊ยน เมี่ยน ไม้ ไฮ่ ฮิ้ว.#มาโค 4:22; ลูกา 8:17 3เม่ย บัว เยียม หฮมวัง ฒง ก๊อง เญย หว่า, เมี่ยน เยียม ฌัง ฒง ไฮ่ หมวัง ตุ๊ ไฮ์. เยียม วั้ว เกน กะญั์ว ปี๋ง เจี๊ยน ก๊อง เญย หว่า-ซับ หย่า อ๋อย ม่าย เมี่ยน เยียม เปย๊า-ง่อ#12:3 นิ่น บัว เญย เปย๊า-ง่อ แป้ง เญย. ฒุ่น บั๋ว เมี่ยน.
บัว หอบ หฒุ กั้ม เหฑีย หาย เต้า
(เป๊ย หมั่ง มัดทาย 10:28-31)
4“เยีย เญย ก๋อ-โย์ว อ่า, เยีย บั๋ว เม่ย บัว, เม่ย บัว ไม้ ตู๋ง กั้ม เหฑีย ขูง ไฮ่ ไต๋ บัว เญย ซิน วั้ว เต๋ย, ฆะฮ้า ไม้ ไฮ่ โหฒว หาย หญู่ง ห่อย. 5เยีย อ๋อย ต๊น เม่ย บัว, ปุน เม่ย บัว ฮิ้ว ตุ๊ อ๋อย หฒุ กั้ม เหฑีย หาย เต้า. อ๋อย หฒุ กั้ม เหฑีย ทิน-ฮู่ง. นิ่น ไต๋ ลิ์ว เมี่ยน, หธ่อ ม่าย หลี่ง ฒอย เหฌี่ย เต่ย หญัวะ. เยีย บั๋ว เม่ย บัว, หฒะเก้ง อ๋อย หฒุ กั้ม เหฑีย ทิน-ฮู่ง. 6ปยา นอม เหนาะ เหมย หม่าย ตุ๊ อี นอม ต้ง ฒิ่น ฮนั้ง ไม้ เฒ์ย? มป่า ทิน-ฮู่ง หธ่อ ไม้ หละคุ เหยียด นอม น้าย เต๋ย เหนาะ เหมย. 7เลี่ยม เม่ย บัว เญย บะเปยย ฒู้ง ซ้าว เหฑ่ง หมี่ อ๊ะ. ฮนั้ง หน่าย ไม้ ตู๋ง กั้ม เหฑีย. เม่ย บัว ฒู้ง เก้า จ๋าย เจี๋ย เหนาะ เหมย ธั้ม.
ตอง หฒวัง เหญี่ยม เยซู
(เป๊ย หมั่ง มัดทาย 10:32-33; 12:32; 10:19-20)
8“เยีย บั๋ว เม่ย บัว, หาย เต้า ตอง หฒวัง เหญี่ยม เยีย, เยีย ป้าม เมี่ยน เญย ตอน, ฯฒฯ เยียม ทิน-ฮู่ง เญย ฟิน-เมี่ยน เญย หฑะเฮมียน เหญี่ยม วั้ว เต้า. 9มป่า หาย เต้า ไม้ ตอง หฒวัง เหญี่ยม เยีย, เยีย, ป้าม เมี่ยน เญย ตอน, เยียม ทิน-ฮู่ง เญย ฟิน-เมี่ยน เญย หฑะเฮมียน ไม้ เหญี่ยม วั้ว เต้า อ๊ะ.
10“หาย เต้า ก๊อง โตะ เยีย, ป้าม เมี่ยน เญย ตอน, ทิน-ฮู่ง ไฮ่ กวั่ง วั้ว เต้า เญย ฒุ์ย. มป่า หาย เต้า ก๊อง โตะ สีง ลี่ง, ทิน-ฮู่ง ไม้ กวั่ง วั้ว เต้า เญย ฒุ์ย.#มัดทาย 12:32; มาโค 3:29
11“นิ่น บัว ต้อ เม่ย บัว มี่ง เถา หวุ่ย ต้อง, ไฟ เจียน-โฟ้ว, ไฟ ม่าย หลี่ง เญย เมี่ยน, เม่ย บัว ไม้ ตู๋ง เฑ่า อ๋อย หฒุ ฮนั้ง หาย นอ เตา, ฮนั้ง หาย นอ ก๊อง.#มัดทาย 10:19-20; มาโค 13:11; ลูกา 21:14-15 12เถา วั้ว นอม เฒี่ยง โห่ สีง ลี่ง อ๋อย หฌาว เม่ย บัว ฮิ้ว ตุ๊ ฮนั้ง หาย นอ ก๊อง.”
ปุ๊ด-ฒ่อย เมี่ยน หฮงง เญย
13เยียม วั้ว กวั้น เมี่ยน ม่าย ล่าน เมี่ยน ก๊อง บั๋ว เยซู, “ฟิน-แซง อ่า, โท้ บั๋ว เยีย เญย ก๋อ เฒาะ เยีย เญย เตีย พ้าย ปุน เยีย เญย ป่วน จา-ตี้ง ปุน เยีย โอ่.”
14เยซู เตา นิ่น, “โย์ว อ้า! หาย เต้า ออน เยีย โหฒว ปุน-ฒอง เมี่ยน, เฒาะ เม่ย บัว เญย จา-ตี้ง กะน้าย ปุน ฆอย?” 15เยซู ก๊อง บั๋ว หฒวัง เมี่ยน, “อ๋อย หฒุ ไฝ ฟิม. ไม้ ตู๋ง โหฒว เฮญี้ยว โฮล เม้า หาย หญู่ง. ไม้ กุ๊น ด่ง หาย ปุ๊ด ฒ่อย, เฒียน แหม่ง ไม้ เฒ์ย เยียม น้าย เต๋ย กะน้าย.”
16เยซู ฯฒฯ ก๊อง น้าย ติ้ว หว่า-เป๊ย บั๋ว นิ่น บัว. “ม่าย เต้า ปุ๊ด-ฒ่อย เมี่ยน ม่าย ลี่ง เต่ย หลง ไห่, หฒวัง ตุ๊ กะน้าย ธั้ม. 17น้าย เต้า ปุ๊ด-ฒ่อย เมี่ยน ฮนั้ม ต้าย, ‘อ๋อย หฒุ ฮนั้ง หาย นอ โหฒว มเปย? เยีย เซียว ต้าย เญย กะน้าย เยีย ไม้ ม่าย ต๋อง ตั๊บ ตุ๊ เหฌี่ย.’ 18นิ่น แอ๋ง ฮนั้ม ธ้วด, ‘อา, เยีย อ๋อย หฒุ แธะ ฆอย เยีย เญย โล์-ลั์ม, แอ๋ง กั้น โหฒว เก้า โฮล, ฯฒฯ เฒาะ เยีย เญย ล่าง หฒิ เหธา เหยียด ฒู้ง เซียว ต้าย เญย กะน้าย ตั๊บ เจี๊ยน.’ 19นิ่น แอ๋ง ฮนั้ม ต้าย, ‘อา, เยีย แหม่ง หลง ไห่ อ๊ะ. หญู่งๆ หลง เญย กะน้าย เยีย ม่าย เก๋า หญั่น เก๋า ฮบ เหฒีย หฮญัง. เยีย ขูง เปว๋ย เจี๊ยน หญั่น, เปว๋ย เจี๊ยน ฮบ, เฌียน-โย่ว อะหฑย่าว ฮนั้ง.’
20“มป่า ทิน-ฮู่ง ก๊อง บั๋ว นิ่น, ‘กะน้าย-หฮงง อ้า! อี้ ม์วน เม่ย อ๋อย หฒุ ไต่ อ๊ะ. เม่ย เซียว ต้าย เลี่ยว เม่ย กั้น หล่ง เญย กะน้าย, น้าย หฑุ่น อ๋อย เป๋น หาย เต้า เญย?’”
21เยซู แอ๋ง ก๊อง เซ้ด เมว์ย หว่า, “หาย เต้า ขูง อ๋อย เซียว เจี๊ยน กะน้าย ธั้ม เลี่ยว นิ่น กั้น หล่ง, เซ ฮนั้ง วั้ว เต้า ปุ๊ด ฒ่อย เญย เมี่ยน หฮงง เมี่ยน นอ. เอย ทิน-ฮู่ง หมั่ง, นิ่น เซ เมี่ยน จ่ม เมี่ยน.”
ไม้ ตู๋ง ขวน เฮญี้ยว เสย หฒั่ง เญย เจ๊า
(เป๊ย หมั่ง มัดทาย 6:25-34)
22เยซู แอ๋ง บั๋ว นิ่น เญย ไซ-ก๋อ, “ฮนั้ง หน่าย เยีย บั๋ว เม่ย บัว, ไม้ ตู๋ง เหว่ย ยู์ง แหม่ง เญย หญั่น ฮบ ขวน เฮญี้ยว. หย่า ไม้ ตู๋ง เหว่ย ซิน หฒั่ง เญย ลุย-โหว ขวน เฮญี้ยว. 23แหม่ง เก้า จ๋าย เจี๋ย หญั่น ฮบ. ซิน หย่า เก้า จ๋าย เจี๋ย ลุย-โหว. 24ฮนั้ม หมั่ง ก๋า, เหนาะ อา! นิ่น บัว ไม้ หฒวัง หย่า ไม้ เซียว. นิ่น บัว ไม้ ม่าย บาด หย่า ไม้ ม่าย ลั์ม. มป่า ทิน-ฮู่ง หวุย นิ่น บัว. เม่ย บัว ฒู้ง เก้า จ๋าย เจี๋ย เหนาะ. 25เม่ย บัว หาย เต้า หลาย ขวน เฮญี้ยว ไฮ่ เป๊าะ ตุ๊ แหม่ง ด๊าว เต๋ย?#12:25 ไฟ “ไฮ่ ปุน ซิน เก้า ฮลัง เต๋ย?” 26ด่ง น้าย ไฝ เญย สี่ เม่ย บัว ฒู้ง ไม้ ไฮ่ โหฒว, เม่ย บัว หธ่อ ขวน เฮญี้ยว ตะเหญ่ย หญู่ง โหฒว หาย หญู่ง?”
27ฮนั้ม หมั่ง ก๋า, แปะ เหาะ เปี้ยง ฮนั้ง หาย นอ เฒี่ยง! เปี้ยง ไม้ โหฒว กง หย่า ไม้ แปง สุย ดั๊ด เดีย, มป่า เยีย บั๋ว เม่ย บัว, เลี่ยม ซาโลมอน ฮู่ง ด่ง หน่าย ปุ๊ด ฒ่อย หย่า ไม้ ม่าย ฒอง-ฒุ ด่ง เหยียด ต๊อ น้าย เต๋ย เปี้ยง เหฑว่ย.#1 ฮู่ง โต้ว 10:4-7; 2 ฒุ่น ต่อย โต้ว 9:3-6 28หล่ม เญย เมี้ย อี้ ฮนอย เฒี่ยง, ฌัง ฮนอย โคว ฆาย หฒุ โต์ว ปั๊ว, มป่า ทิน-ฮู่ง ฒอง เมี้ย เหฑว่ย. ฮนั้ง หน่าย, ทิน-ฮู่ง ฒู้ง เก้า อ๋อย ฒอง เม่ย บัว. เม่ย บัว เสียน ตุ๊ เฮย ไห่ เว่ะ!
29“เม่ย บัว ไม้ ตู๋ง หฒั่นๆ เฑ่า เจี๊ยน อ๋อย หฒุ หญั่น อ๋อย หฒุ ฮบ หาย หญู่ง, หย่า ไม้ ตู๋ง ขวน เฮญี้ยว. 30ลู่ง เดี๊ย หม่าน ฝีง, ไม้ เสียน ทิน-ฮู่ง เญย เมี่ยน, หฒั่นๆ ล์อ น้าย เต๋ย กะน้าย. เม่ย บัว เญย หฒั่ง เตี๋ย ฮิ้ว ตุ๊ เม่ย บัว เฉียม หฒุ หล่ง น้าย เต๋ย กะน้าย. 31อ๋อย หฒุ ปุน ทิน-ฮู่ง โหฒว เม่ย บัว เญย เฒี้ยว กุ๊น เม่ย บัว, น้าย เต๋ย เหยียด ฒู้ง กะน้าย นิ่น ฯฒฯ จา ทิบ ปุน เม่ย บัว.
เซียว จ๋าย เญย กะน้าย เยียม ทิน-ต้อง
(เป๊ย หมั่ง มัดทาย 6:19-21)
32“เม่ย บัว น้าย กวั้น โหฒะ เญย เมี่ยน อ้า! ไม้ ตู๋ง กั้ม เหฑีย โอ่. เม่ย บัว เญย หฒั่ง เตี๋ย อะเฮน้ย เฒาะ นิ่น เญย กั๊วะ ปุน เม่ย บัว. 33อ๋อย หฒุ หม่าย เหฑ่ง เม่ย บัว เญย จา-ตี้ง แอ๋ง ธ้วด ฟิม เถง เมี่ยน จ่ม เมี่ยน. อ๋อย หฒุ ล์อ เหยียด ลิ์ว ไม้ ไฮ่ หว่าย เญย ญ่าน บัวะ ตั๊บ จ๋าย เญย กะน้าย เซียว วั้ว ทิน-ต้อง. เยียม วั้ว, น้าย เต๋ย กะน้าย ไม้ ไฮ่ หฒิด, จั๋น-หฒะ ไม้ ไฮ่ เป๊ด เปียะ มี่ง หนิ่ม, แกง หย่า ไม้ ไฮ่ หงาด หว่าย. 34เม่ย บัว เซียว จ๋าย เญย กะน้าย เยียม หาย นอม ต๋อง, เม่ย บัว เญย เฮญี้ยว หาย หฒั่น หย่า จั๋ง เจี๊ยน วั้ว อ๊ะ.
โปว กีง เฮญี้ยว ฒั้ว เฒี้ยว หฑวน
35“เม่ย บัว อ๋อย หฒุ หลิ่ว เล์ย เหฒียง ฒอง เจี๊ยน หย่า เตี๊ยม เหฒียะ ตัง ฒั้ว เจี๊ยน,#มัดทาย 25:1-13 36ฮนั้ง โปว ฒั้ว เจี๊ยน นิ่น บัว เญย เฒี้ยว มี่ง ธีง-จา-ยิ่น หฑวน นอ. เถา เปย๊า-เฒี้ยว เห่ว, โปว บัว ฯฒฯ เลี่ยม เฒ่ย คอย แก้ง.#มาโค 13:34-36 37เฒี้ยว หฑวน ต้าย ปวัด โปว ฮนั้ง น้าย กีง เฮญี้ยว ฒั้ว เจี๊ยน, โปว ฯฒฯ ม่าย เฌียน-โย่ว อ๊ะ. เยีย บั๋ว เม่ย บัว, เฒี้ยว อ๋อย เห่ว นิ่น เญย โปว บัว เฒว์ย เจี๊ยน หญั่น หฮนาง, นิ่น กั้น ฯฒฯ หฌุ่น เจี๊ยน ลุย-เมว์ย หลิ่ว เล์ย โปว บัว. 38ไม้ กุ๊น วั้ว เต้า เฒี้ยว ด๊าม ม์วน ไฟ ด๊าม ม์วน เจี๋ย หฑวน ต้าย, สี ก๊อง ปวัด โปว บัว หธ่อ กีง เฮญี้ยว ฒั้ว เจี๊ยน เญย, วั้ว เต๋ย โปว ฯฒฯ ตุ๊ เฌียน-โย่ว อ๊ะ.
39“น้าย เม่ย บัว ฮิ้ว ตุ๊ เญย. สี ก๊อง เปย๊า-เฒี้ยว ฮิ้ว ตุ๊ จั๋น-หฒะ หาย นอม เฒี่ยง โห่ อ๋อย ต้าย, นิ่น ฯฒฯ ฒั้ว เจี๊ยน ไม้ ปุน จั๋น-หฒะ เปียะ เปย๊า.#มัดทาย 24:43-44 40เม่ย บัว หย่า อ๋อย หฒุ หลิ่ว เล์ย เหฒียง หฒั่นๆ ฒั้ว เจี๊ยน, เหว่ย หฒุ เม่ย บัว จั๋ง ไม้ หฒ่าย เญย เฒี่ยง โห่ เยีย, ป้าม เมี่ยน เญย ตอน, ฯฒฯ เถา อ๊ะ.”
เฮญี้ยว หฒีง เญย โปว เหธา เฮญี้ยว ไม้ หฒีง เญย โปว
(เป๊ย หมั่ง มัดทาย 24:45-51)
41ปีเต หน่าย ก๋า, “เฒี้ยว อ้า! น้าย ติ้ว หว่า-เป๊ย ก๊อง ปุน เยีย บัว ไฟ ก๊อง ปุน หฒวัง เมี่ยน?”
42เฒี้ยว เตา, “หาย เต้า โหฒว เฮญี้ยว หฒีง, ธง-เม่ง เญย โปว, ต้ง เปย๊า-เฒี้ยว อ๋อย พ้าย โก๋ว นิ่น เญย เปย๊า หย่า หฒิว เฒี่ยง โห่ เฒาะ หอบ หฒุ ตุ๊ เญย ป่วน หญั่น ฮบ ปุน โปว บัว? 43เฒี้ยว หฑวน ต้าย ปวัด น้าย เต้า โปว โหฒว ตุ๊ หฒีง, โปว ฯฒฯ เฌียน-โย่ว อ๊ะ. 44เยีย บั๋ว เฒียน เม่ย บัว, เฒี้ยว อ๋อย ปุน น้าย เต้า โปว โก๋ว เหฑ่ง นิ่น เญย เหยียด ฒู้ง จา-ตี้ง. 45มป่า สี ก๊อง วั้ว เต้า โปว เยียม เฮญี้ยว ฮนั้ม, ‘อา, เยีย เญย เฒี้ยว ไม้ แก้ง หฑวน เซี้ยบ,’ นิ่น ฯฒฯ ต์ง ซิน เบ๊าะ มจั่ง โปว มเซียะ โปว หย่า หญั่น เป๊ว ฮบ ฆวิน. 46โปว จั๋ง ไม้ หฒ่าย เญย ฮนอย, จั๋ง ไม้ หฒ่าย เญย เฒี่ยง โห่, นิ่น เญย เฒี้ยว ฯฒฯ หฑวน ต้าย อ๊ะ. เฒี้ยว อ๋อย ตี่ง นิ่น เญย ฒุ์ย เฮนี้ย เญย.#12:46 ม่าย เต๋ย โซว ก๊อง ฮงะ โหฒว เหฒีย เต๋ย. หย่า หฒุ่น นิ่น มี่ง เหธา ไม้ เสียน เญย เมี่ยน เยียม.
47“หาย เต้า โปว ฮิ้ว ตุ๊ นิ่น เญย เฒี้ยว อ๋อย นิ่น ฮนั้ง หาย นอ โหฒว, นิ่น หย่า ไม้ หลิ่ว เล์ย หย่า ไม้ เอย เจี๊ยน โหฒว, วั้ว เต้า หฒุ เบ๊าะ เก้า ธั้ม. 48หาย เต้า โปว ไม้ ฮิ้ว ตุ๊ เฒี้ยว อ๋อย นิ่น ฮนั้ง หาย นอ โหฒว, นิ่น โหฒว ลิ์ว เญย สี่ หอบ หฒุ เบ๊าะ เญย มป่า หฒุ เบ๊าะ โหฒะ. หาย เต้า ตุ๊ ธั้ม, วั้ว เต้า อ๋อย หฒุ ธ้วด ธั้ม. จิว ปุน หาย เต้า ฒิบ ธั้ม, วั้ว เต้า อ๋อย หฒุ ธ้วด เก้า ธั้ม.”
เมี่ยน หลาย เยซู ปุน ฆอย
(เป๊ย หมั่ง มัดทาย 10:34-36)
49“เยีย ต้าย เหว่ย อ๋อย ปุน โต์ว เหฒียะ ป้าม เกน. เฝย ตุ๊ อี้ หฒั่น เหฒียะ เจี๊ยน อ๊ะ ไม้ เฒย! 50มป่า เยีย เฝย-หญู่ง ฒู้ง อ๋อย หฒุ เสี่ยว โค้ว#12:50 กีก หว่า ก๊อง เจี๋ย หญู่ง เล์ย. ด่าง. ไม้ แก้ง เจี๋ย วั้ว เต๋ย เสี่ยว โค้ว เญย ฮนอย เยีย ไฮ์ เฮญี้ยว ไม้ เฮ่น เหยียด เต๋ย.#มาโค 10:38 51เม่ย บัว ฮนั้ม เยีย ต้าย ปุน ป้าม เกน ถาย-แป้ง ไฟ? ไม้ เฒ์ย. เยีย บั๋ว เม่ย บัว, เยีย ต้าย โหฒว ปุน เมี่ยน ปุน ฆอย. 52เยียม น้าย มี่ง, เหยียด ป่วน เมี่ยน ม่าย ปยา ล่าน มป่า อ๋อย หฒุ ปุน ฆอย. ปัว ล่าน เหธา อี ล่าน ปุน ฆอย. อี ล่าน เหธา ปัว ล่าน ปุน ฆอย. 53เตีย เหธา ตอน, ตอน เหธา เตีย หย่า ปุน ฆอย. มา เหธา เซียะ, เซียะ เหธา มา ปุน ฆอย. มา-ปั่ว เหธา บวั์ง, บวั์ง เหธา มา-ปั่ว หย่า ปุน ฆอย.”#มีคา 7:6
สัม ไม้ ธ้วด อี้ จ๋า เญย สี่
(เป๊ย หมั่ง มัดทาย 16:2-3)
54เยซู หย่า ก๊อง บั๋ว หฒวัง เมี่ยน, “เม่ย บัว ปวัด ไฟ ปูง แหมง ฝาว ต๊อ บ๋วน เม่ย บัว ฯฒฯ ก๊อง, ‘อ๋อย ตุ้ย บยู่ง อ๊ะ,’ หย่า หฒะเก้ง ฮนั้ง หน่าย. 55เม่ย บัว ไฮ์ หฑยาว เยียม น่าม ปูง แหมง ป่วน ต้าย, เม่ย บัว ก๊อง, ‘อ๋อย ยัวะ อ๊ะ,’ หย่า หฒะเก้ง ยัวะ. 56เป้ย หฒะ เฮญี้ยว ฌ้วด เญย เมี่ยน อ้า! เม่ย บัว ไฮ่ สัม ลู่ง สัม เดา เญย เซ้ด เฒ้ย. เหว่ย หาย ติ่ว สัม ไม้ ธ้วด อี้ จ๋า เญย สี่?
อ๋อย หฒุ จา-ด่าง ก๊อง ซูง
(เป๊ย หมั่ง มัดทาย 5:25-26)
57“เม่ย บัว กั้น เหว่ย หาย ติ่ว ไม้ ไฮ่ ตี่ง หาย หญู่ง เซ หอบ ไฟ ไม้ หอบ? 58สี ก๊อง ม่าย เต้า เมี่ยน โก๋ เม่ย, อ๋อย ต้อ เม่ย มี่ง เบ่น สี่ เมี่ยน วั้ว, เยียม ด๊าม-เจ๊า เม่ย อ๋อย หฒุ เหธา นิ่น ก๊อง ซูง. ไม้ เฒย นอ, นิ่น อ๋อย ทอ เม่ย มี่ง เซี้ยม ฒุ์ย เจียน วั้ว. เซี้ยม ฒุ์ย เจียน อ๋อย เฒาะ เม่ย จิว ปุน ฮู่ง แปง. ฮู่ง แปง ฯฒฯ ต้อ เม่ย มี่ง หววน เจี๊ยน โล่. 59เยีย บั๋ว เม่ย บัว, เม่ย อ๋อย หฒุ หววน เจี๊ยน โล่ เถา ฝุน ซูง เหฑ่ง, ไม้ ธา เหยียด นอม ต้ง ฒิ่น เญย แฒะ หธีง ต้าย ตุ๊ ธ้วด.”
Currently Selected:
ลูกา 12: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
