มาโค 14
14
เมี่ยน ต๊า หฒะเอ๋ย ไต๋ เยซู
(เป๊ย หมั่ง มัดทาย 26:1-5; ลูกา 22:1-2; โยฮัน 11:45-53)
1แอ๋ง ม่าย อี ฮนอย ฮนั้ง ฯฒฯ เถา เสีย แหม่ง ฒิบ เหธา ไม้ อัน ปี๊ง เญย ฌั้ว เญย ฒิบ. ไซ เมี่ยน เปย๊ย เหธา หฌาว เล์ย เญย ฟิน-แซง ต๊า หฒะเอ๋ย ฮนั้ง หาย นอ ไฮ่ ปี๋ง เจี๊ยน เฒาะ เยซู ไต๋ กวั่ง. #ธ้วด อียิบ 12:1-27 2นิ่น บัว ก๊อง, “น้าย เต๋ย เจี๋ย ฒิบ เญย ฮนอย กะญั์ว, บัว ไม้ ตู๋ง แก้ง เฒาะ. กั้ม เหฑีย หฒวัง เมี่ยน ไฮ่ หลุ่น เหฑ่ง มเปย.”
ม่าย เต้า มเซียะ ตอน โต๋ โย่ว ดาง เยซู เญย มฆ้อง
(เป๊ย หมั่ง มัดทาย 26:6-13; โยฮัน 12:1-8)
3เยซู เยียม เบทานี ล์าง, ปุ๊ด เจี๋ย ก้ม ฮู้ แป่ง วั้ว เต้า ซีโมน เญย เปย๊า. หญั่น เจี๊ยน หฮนาง วั้ว หฒั่น, ม่าย เต้า มเซียะ ตอน ต้อ นอม แป้ง #14:3 เป๊ย หมั่ง มัดทาย 26:7. ตั๊บ ปวั๊ง จ๋าย ไห่ เญย นาดา โย่ว ต้าย. นิ่น เบ๊าะ ฮู้ แป้ง หย่า โต๋ น้าย เต๋ย โย่ว ดาง เฮยี้ยด เยซู เญย มฆ้อง. #ลูกา 7:37-38 4ม่าย เต๋ย เยียม วั้ว เญย เมี่ยน เฉีย เจี์ย ไห่. ล่าน ฯฒฯ บั๋ว ล่าน, “แปะๆ หฒาว โย่ว ดาง กวั่ง โหฒว หาย หญู่ง? 5น้าย เต๋ย โย่ว ดาง หม่าย ตุ๊ ฟาม-แป๊ะ ฮนอย กง-ฒิ่น เญย ญ่าน#14:5 กีก หว่า ก๊อง 300 เดนาลีอัด. เหยียด นอม เดนาลีอัด เซ เหยียด ฮนอย เญย กง-ฒิ่น. ปุน เมี่ยน จ่ม เมี่ยน นีอา.” นิ่น บัว ฯฒฯ ก๊อง เฮนี้ย เญย ปุน วั้ว เต้า มเซียะ ตอน.
6มป่า เยซู ก๊อง, “ไม้ ตู๋ง ก๊อง นิ่น ม่าะ! เม่ย บัว โหฒว หาย หญู่ง หละเญ้า นิ่น? นิ่น ฮนั้ง น้าย นอ โหฒว ปุน เยีย เซ หลง ไห่ อ๊ะ. 7เม่ย บัว หฒั่นๆ ม่าย เมี่ยน จ่ม เมี่ยน เหธา เม่ย บัว เยียม. หาย หฒั่น อ๋อย โหฒว หลง ปุน นิ่น บัว เซ โหฒว ตุ๊ เญย. มป่า เม่ย บัว ไม้ ตุ๊ เยีย เหยียด ลิ์ว เหธา เม่ย บัว เยียม. #หฑั่ม เล์ย-หลัด 15:11 8น้าย เต้า มเซียะ ตอน, เอย นิ่น ไฮ่ โหฒว เญย, นิ่น ฯฒฯ โหฒว อ๊ะ. นิ่น โต๋ โย่ว ดาง เฮยี้ยด เยีย เญย ซิน, นิ่น จา-ด่าง โหฒว เหว่ย หลิ่ว เล์ย หฒัง เยีย. 9เยีย ก๊อง เฒียน บั๋ว เม่ย บัว, ไม้ กุ๊น เยียม ลู่ง เดี๊ย หาย นอม ต๋อง ฒุ่น คู้ เฝียน, เมี่ยน อ๋อย ก๊อง น้าย เต้า มเซียะ ตอน โหฒว เญย เจ๊า-โหล่ว เหว่ย จั๋ง เถา นิ่น.”
ยูดาด แล์ง หม่าย เยซู
(เป๊ย หมั่ง มัดทาย 26:14-16; ลูกา 22:3-6)
10เยซู เญย เหฒียบ เหญ่ย เต้า ไซ-ก๋อ ม่าย เต้า, บั๋ว เห่ว ยูดาด อิสะคาลิโอด. ยูดาด มี่ง ล์อ ไซ เมี่ยน เปย๊ย, อ๋อย เฒาะ เยซู หม่าย ปุน นิ่น บัว. 11ไซ เมี่ยน เปย๊ย ไฮ์ นิ่น ฮนั้ง น้าย นอ ก๊อง, นิ่น บัว อะเฮน้ย ไห่ หย่า แล์ง ปุน ญ่าน นิ่น. เยียม หน่าย ต้าย, ยูดาด ฯฒฯ ล์อ ฉัง เฒาะ เยซู จิว ปุน นิ่น บัว.
เยซู เหธา นิ่น เญย ไซ-ก๋อ หญั่น เสีย แหม่ง ฒิบ วั้ว ต๋น หฮนาง
(เป๊ย หมั่ง มัดทาย 26:17-25; ลูกา 22:7-14,21-23; โยฮัน 13:21-30)
12เจี๋ย ไม้ อัน ปี๊ง เญย ฌั้ว เญย ฒิบ ต้าว ฮนอย, ต้ง ไต๋ ปะกี ยู่ง ตอน หญั่น เสีย แหม่ง ฒิบ วั้ว ฮนอย, ไซ-ก๋อ บัว หน่าย เยซู, “ไซ-เตี๋ย อ๋อย เยีย บัว เยียม หาย เบ่น เสีย แหม่ง ฒิบ เญย หญั่น ฮบ ปุน ไซ-เตี๋ย หญั่น?”
13เยซู ฯฒฯ พ้าย อี เต้า ไซ-ก๋อ มี่ง หย่า บั๋ว เหฒียง นิ่น บัว, “เม่ย บัว อ๋อย หฒุ เปียะ ฒี่ง ฯฒฯ ม่าย เต้า เมี่ยน ดาม เจี๊ยน เนีย-หะโล่ว ฒ่าง เจี๊ยน ววม เญย, ต้าย ปวั้ง เม่ย บัว. อ๋อย หฒุ กัน นิ่น มี่ง อ๊ะ. 14นิ่น เปียะ หาย นอม เปย๊า, อ๋อย หฒุ หน่าย ก๋า เปย๊า-เฒี้ยว, ‘ไซ-เตี๋ย หน่าย, นิ่น #14:14 ฟาน หฒะ ก๊อง เยีย. เหธา นิ่น เญย ไซ-ก๋อ อ๋อย หฒุ เยียม หาย ฉง เปย๊า หญั่น เสีย แหม่ง ฒิบ เญย หฮนาง?’ 15เปย๊า-เฒี้ยว ฯฒฯ ต้อ เม่ย บัว ฝาว มี่ง หมั่ง กู้ หงว่าย วั้ว ฑั่ง เปย๊า, ม่าย ฉง จั๊ง เญย. หญู่งๆ ม่าย ฑ่อย. เม่ย บัว เยียม หน่าย เหว่ย บัว เบ่น อ๊ะ.”
16ไซ-ก๋อ บัว ฯฒฯ ธ้วด เจ๊า มี่ง อ๊ะ. เปียะ ฒี่ง มี่ง, ปวัด หญู่งๆ ต๋อย-ติ่ว เยซู ก๊อง เญย หว่า. นิ่น บัว ฯฒฯ เยียม วั้ว เบ่น เสีย แหม่ง ฒิบ เญย หฮนาง.
17ลู่ง ม์าน-หฮมวัง, เยซู เหธา นิ่น เญย เหฒียบ เหญ่ย เต้า ไซ-ก๋อ ต้าย. 18หญั่น เจี๊ยน หฮนาง วั้ว หฒั่น, เยซู ก๊อง, “เยีย ก๊อง เฒียน บั๋ว เม่ย บัว, เยียม เม่ย บัว บุด๋ง ม่าย เต้า อ๋อย หม่าย เยีย, ต้ง เหยียด เต้า เหธา เยีย จวั่ง เตี้ย หญั่น หฮนาง เญย เมี่ยน.” #สีง ฑูง 41:9
19ไซ-ก๋อ บัว เฑ่า ไห่ ฯฒฯ เหยียด เต้า เหยียด เต้า เญย หน่าย เยซู, “ไม้ เฒ์ย เยีย ซ่าะ?”
20เยซู เตา, “เซ เม่ย บัว เหฒียบ เหญ่ย เต้า เญย เหยียด เต้า, ต้ง เหธา เยีย จวั่ง หฑ่อม กั๊วะ ฌั้ว เญย เหยียด เต้า. 21เยีย, ป้าม เมี่ยน เญย ตอน, อ๋อย หฒุ เกวย เสย, ฮนั้ง กีง-โซว ก๊อง นอ. มป่า หม่าย เยีย วั้ว เต้า ฒู้ง อ๋อย หฒุ โค้ว อ๊ะ. นิ่น ไม้ ตู๋ง ธ้วด เสย เก้า หลง.”
เยซู เหลียบ จั๋ง นิ่น วั้ว ต๋น หฮนาง
(เป๊ย หมั่ง มัดทาย 26:26-30; ลูกา 22:14-20; 1 โคลินโท 11:23-25)
22หญั่น เจี๊ยน หฮนาง วั้ว หฒั่น, เยซู เฒาะ ฌั้ว ต้าย, แล์ง ฒี่ง ลิ์ว ทิน-ฮู่ง, ฯฒฯ แมะ ฆอย ปุน นิ่น เญย ไซ-ก๋อ หย่า ก๊อง, “ฒิบ เจี๊ยน อ๊ะ. น้าย เซ เยีย เญย ซิน.”
23เยซู แอ๋ง เฒาะ ฒ้าน อะหงุ่น ติ๊ว ต้าย, แล์ง ฒี่ง ทิน-ฮู่ง หย่า ธุ้น ปุน นิ่น บัว ฮบ. นิ่น บัว เหยียด ฒู้ง ฯฒฯ จวั่ง วั้ว นอม ฒ้าน ฮบ. 24เยซู แอ๋ง บั๋ว นิ่น บัว, “น้าย เซ เยีย เญย ฑย้าม เหว่ย เหลียบ เจี์ย ทิน-ฮู่ง เญย แหง่ง หว่า. เซ เหว่ย เมี่ยน ธั้ม เหลี่ยว ธ้วด ต้าย. #ธ้วด อียิบ 24:8; เยเลมี 31:31-34 25เยีย ก๊อง เฒียน บั๋ว เม่ย บัว, เยียม น้าย มี่ง, เยีย ไม้ ฮบ น้าย อะหงุ่น ติ๊ว. ฒั้ว เถา เยียม ทิน-ฮู่ง เญย กั๊วะ วั้ว นอม ฮนอย เยีย เหธา เม่ย บัว เซียง-ฮบ เจี๋ย.” #14:25 เป๊ย หมั่ง มัดทาย 26:29.
26นิ่น บัว ป๋าว ลิ์ว ฑูง ฯฒฯ ธ้วด ต้าย, มี่ง วั้ว กะลั้น บง.
เยซู จา-ด่าง ก๊อง ปีเต ไม้ เหญี่ยม นิ่น
(เป๊ย หมั่ง มัดทาย 26:31-35; ลูกา 22:31-34; โยฮัน 13:36-38)
27เยซู ก๊อง บั๋ว นิ่น เญย ไซ-ก๋อ, “เม่ย บัว เหยียด ฒู้ง อ๋อย กวั่ง เจี๊ยน เยีย เปย๋า, เหว่ย หฒุ กีง-โซว เฟี้ย เจี๊ยน ก๊อง,
‘ทิน-ฮู่ง #14:27 ฟาน หฒะ ก๊อง เยีย. อ๋อย ไต๋ ปะกี ยู่ง เญย เฒี้ยว,
ปะกี ยู่ง ฯฒฯ หฑาน เหฑ่ง หมี่ อ๊ะ.’ #เสคาลิยา 13:7
28มป่า เยีย ไต่ มี่ง ทิน-ฮู่ง แอ๋ง ปุน เยีย นั่ง ต้าย, เยีย ฯฒฯ มี่ง กาลิลี แซ้ง ด่าง เม่ย บัว.” #มัดทาย 28:16
29ปีเต บั๋ว เยซู, “ไซ-เตี๋ย อ่า, ไม้ กุ๊น นิ่น บัว เหยียด ฒู้ง กวั่ง เม่ย, เยีย ไม้ กวั่ง.”
30เยซู บั๋ว ปีเต, “เยีย ก๊อง เฒียน บั๋ว เม่ย, อี้ ม์วน, ไจ ไม้ แก้ง หฆาย อี หฑุ่น, เม่ย ฒู้ง ไม้ เหญี่ยม เยีย ปัว หฑุ่น.”
31ปีเต แอ๋ง ก๊อง เก้า แหง่ง, “ไม้ กุ๊น เยีย หฒุ เหธา ไซ-เตี๋ย ไต่, เยีย เหยียด ลิ์ว เหญี่ยม, ไม้ กวั่ง เม่ย.”
วั้ว เต๋ย ไซ-ก๋อ เหยียด ฒู้ง หย่า ฟี่ ฮนั้ง เญย ก๊อง.
เยซู เยียม เกดเสมานี หฮวีง เต๋า เก๋า
(เป๊ย หมั่ง มัดทาย 26:36-46; ลูกา 22:39-46)
32นิ่น บัว ฯฒฯ มี่ง เถา นอม ต๋อง, บั๋ว เห่ว เกดเสมานี. เยซู บั๋ว นิ่น เญย ไซ-ก๋อ, “เม่ย บัว เฒว์ย เจี๊ยน น้าย ฒั้ว เยีย เต๋า เก๋า โอ่.” 33นิ่น ฯฒฯ ต้อ ปีเต, ยากอบ, โยฮัน เหธา เจี๊ยน นิ่น มี่ง. วั้ว หฒั่น เยซู ไฮ์ เฮญี้ยว มุน, เฑ่า ตุ๊ โค้ว ไห่. 34เยซู บั๋ว นิ่น บัว, “เยีย ไฮ์ หฒะเก้ง! เฑ่า ไห่, ฮนั้ง ไฮ่ ไต่ เญย นอ. เม่ย บัว เยียม น้าย กีง เฮญี้ยว ฒั้ว เจี๊ยน โอ่.”
35เยซู แอ๋ง เจี๋ย มี่ง เต๋ย ฯฒฯ บ๊าบ เหฌี่ย เดา เต๋า เก๋า โท้ ทิน-ฮู่ง สี ก๊อง ไฮ่ นอ, ปุน นิ่น ไฮ่ ซิ้ม ดุ๊ด วั้ว นอม เสี่ยว โค้ว เญย เฒี่ยง โห่. 36นิ่น ก๊อง, “อา เตีย อ้า! อา เตีย! หม่าน สี่ เตีย ไฮ่ โหฒว เญย. โท้ เฒาะ ฆอย เยีย อ๋อย หฒุ ฮบ น้าย นอม ฒ้าน. #14:36 “อ๋อย หฒุ ฮบ น้าย นอม ฒ้าน” เป๊ย อ๋อย หฒุ เสี่ยว โค้ว. มป่า ไม้ ตู๋ง เอย เยีย เญย เอ๋ย. อ๋อย หฒุ เอย เตีย เญย เอ๋ย ฮนั้ง.”
37เยซู เต๋า เก๋า ลิ์ว, ฯฒฯ หฑวน ต้าย ปวัด วั้ว เต๋ย ปัว เต้า ไซ-ก๋อ มฌ่อม เหฑ่ง หมี่ อ๊ะ. นิ่น บั๋ว ปีเต, “ซีโมน อ้า! เม่ย มฌ่อม หมี่ อ๊ะ? เม่ย ไม้ ไฮ่ กีง เจี๊ยน ฒั้ว เหยียด นอม เฒี่ยง โห่ ไฟ? 38อ๋อย หฒุ กีง เจี๊ยน เฮญี้ยว เต๋า เก๋า, โท้ ทิน-ฮู่ง ไม้ ตู๋ง ปุน เม่ย บัว ปวั้ง หฒุ เสย เฮญี้ยว เญย สี่. เม่ย บัว เญย เฮญี้ยว อ๋อย โหฒว หอบ, มป่า ซิน หฒั่ง เมา ไห่.”
39เยซู แอ๋ง มี่ง เต๋า เก๋า หฑุ่น, หย่า ฮนั้ง ฒิ่น ด่าง วั้ว หฑุ่น นอ ก๊อง. 40นิ่น แอ๋ง หฑวน เถา ไซ-ก๋อ วั้ว, ปวัด นิ่น บัว มฌ่อม หมี่ อ๊ะ, เหว่ย หฒุ มฒีง หญุย! ไห่, หนูง ไม้ ฆอย. นิ่น บัว หย่า ไม้ ฮิ้ว ตุ๊ อ๋อย หฒุ ฮนั้ง หาย นอ เตา เยซู.
41เยซู แอ๋ง หฑวน ตะฟาม หฑุ่น, บั๋ว นิ่น บัว, “เม่ย บัว หธ่อ เยียม หน่าย เปว๋ย มฌ่อม ฮิด ขวน? เก๋า อ๊ะ. เฒี่ยง โห่ เถา อ๊ะ. เยีย, ป้าม เมี่ยน เญย ตอน, หฒุ จิว ปุน เยียม ฒุ์ย-เมี่ยน เญย ปั์ว-เดี๊ย. 42เจี์ย ซิน ต้าย, บัว มี่ง อ๊ะ. หมั่ง ก๋า วั้ว! หม่าย เยีย วั้ว เต้า เมี่ยน ต้าย เถา อ๊ะ.”
เยซู หฒุ เมี่ยน เฒาะ
(เป๊ย หมั่ง มัดทาย 26:47-56; ลูกา 22:47-53; โยฮัน 18:3-12)
43เยซู ก๊อง หว่า ฒู้ง ไม้ แก้ง เซ้ด, เหฒียบ เหญ่ย เต้า ไซ-ก๋อ เญย เหยียด เต้า, บั๋ว เห่ว ยูดาด, เลี่ยม เฒ่ย ต้าย เถา อ๊ะ. แอ๋ง ม่าย ไซ เมี่ยน เปย๊ย เหธา หฌาว เล์ย เญย ฟิน-แซง เหธา เมี่ยน โก๋ พ้าย ต้าย เญย เมี่ยน ธั้ม, ต้อ เจี๊ยน หฑุ ด๊าว, นั้น เจี๊ยน เดี๋ยง-ด๋น, กัน เจี๊ยน ต้าย. 44หม่าย เยซู วั้ว เต้า จา-ด่าง บั๋ว เหฒียง วั้ว เต๋ย, นิ่น อ๋อย โหฒว นอม จั๋ง-โห่ ปุน นิ่น บัว ฮิ้ว ตุ๊ เยซู. นิ่น ก๊อง, “เยีย ฒม หาย เต้า, เซ ต้ง เม่ย บัว อ๋อย เฒาะ วั้ว เต้า อ๊ะ. เฒาะ นิ่น, โก๋ว หลง, เคน เจี๊ยน มี่ง อ๊ะ.”
45ยูดาด เยี้ยด เถา ฯฒฯ แปง หฒะ เญย มี่ง เยซู วั้ว หย่า ก๊อง, “ไซ-เตี๋ย อ้า!” แอ๋ง ฒม นิ่น เญย เฮมียน. 46วั้ว เต๋ย เมี่ยน ฯฒฯ เหฌี่ย ปั์ว เฒาะ เยซู ชัม เจี๊ยน อ๊ะ. 47มป่า ม่าย เต้า โซ้ว กะเฮลน เญย เมี่ยน แปง นิ่น เญย หฑุ ด๊าว ธ้วด, ฮงะ ต้ม ไซ เมี่ยน เญย โน่ว, ไพ หฒุ โน่ว เญย เหยียด ปูง มน่อม ดุ๊ด มี่ง.
48เยซู ต๋อย นิ่น บัว ก๊อง, “เม่ย บัว ปวัด เยีย ฮนั้ง หฒะ แปง หธีง ต้าย ต้อ เจี๊ยน หฑุ ด๊าว เหธา เดี๋ยง-ด๋น ต้าย เฒาะ เยีย? 49เยีย ฮนอยๆ เหธา เม่ย บัว เยียม หฒั่ง ทิน-ฮู่ง เญย เปย๊า หฌาว เมี่ยน, เม่ย บัว หย่า ไม้ เฒาะ เยีย. มป่า เฟี้ย เจี๊ยน กีง-โซว เญย หว่า อ๋อย หฒุ ธ้วด ต้าย ต๋อย-ติ่ว.” #ลูกา 19:47; 21:37
50ไซ-ก๋อ บัว เหยียด ฒู้ง เฒียง หน่าย กวั่ง เจี๊ยน นิ่น เปย๋า เหฑ่ง หมี่ อ๊ะ.
51ม่าย เต้า โฮ่ว แซง, ขูง ผง คว้าย ล่าม่า เดีย, กัน เจี๊ยน เยซู มี่ง. วั้ว เต๋ย เมี่ยน ฯฒฯ อ๋อย เฒาะ นิ่น, 52มป่า นิ่น กวั่ง เจี๊ยน ล่าม่า เดีย วั้ว, แล่ง แก๊ง เญย เปย๋า.
เยซู เยียม กุ๊น สี่ หวุ่ย หฒุ เซี้ยม
(เป๊ย หมั่ง มัดทาย 26:57-68; ลูกา 22:54-55,63-71; โยฮัน 18:12-14,19-24)
53เฒาะ เยซู วั้ว เต๋ย ต้อ เยซู มี่ง ต้ม ไซ เมี่ยน เญย เปย๊า. หฒวัง ไซ เมี่ยน เปย๊ย เหธา เมี่ยน โก๋ เหธา หฌาว เล์ย เญย ฟิน-แซง หย่า กั๊บ ฒุ้น วั้ว. 54ปีเต กัน เจี๊ยน มี่ง มป่า เล่ย โก เต๋ย เญย, ฯฒฯ เถา ต้ม ไซ เมี่ยน เญย เปย๊า. นิ่น เปียะ หลาด กะญั์ว, เหธา ฒั้ว เปย๊า เญย แปง เฒว์ย เจี๊ยน หฑาว โต์ว. 55ไซ เมี่ยน เปย๊ย เหธา กุ๊น สี่ หวุ่ย เญย หฒวัง เมี่ยน อ๋อย ล์อ ฒอง-เหฒง โก๋ เยซู เหว่ย ไต๋ นิ่น, มป่า ล์อ ไม้ ตุ๊ หาย หญู่ง ฒอง-เหฒง. 56ม่าย เมี่ยน ธั้ม เญย โหฒว จ๊า ฒอง-เหฒง โก๋ นิ่น, มป่า นิ่น บัว ก๊อง เญย หว่า ไม้ ต๋อย.
57แอ๋ง ม่าย เต๋ย เมี่ยน โซ้ว เจี์ย ต้าย โหฒว จ๊า ฒอง-เหฒง โก๋ เยซู. นิ่น บัว ก๊อง, 58“เยีย บัว ไฮ์ นิ่น ก๊อง, ‘เยีย อ๋อย เฒาะ เมี่ยน เญย ปั์ว โหฒว ต้าย น้าย นอม หฒั่ง ทิน-ฮู่ง เญย เปย๊า แธะ เหฑ่ง. ฆะฮ้า ปัว ฮนอย เยีย แอ๋ง กั้น เหธย นอม, ต้ง ไม้ เฒ์ย เมี่ยน เญย ปั์ว โหฒว เญย.’” #โยฮัน 2:19 59มป่า เลี่ยม นิ่น บัว ก๊อง น้าย เต๋ย ฒอง-เหฒง เญย หว่า ไม้ ต๋อย.
60ต้ม ไซ เมี่ยน เยียม หฒวัง เมี่ยน เญย หฑะเฮมียน โซ้ว เจี์ย ต้าย หน่าย เยซู, “น้าย เต๋ย เมี่ยน ฮนั้ง น้าย นอ โก๋ เม่ย, เม่ย ไม้ เตา ไฟ?”
61มป่า เยซู ไม้ โค โล. เหยียด โจ๋ว หย่า ไม้ เตา. ต้ม ไซ เมี่ยน แอ๋ง หน่าย เยซู, “วั้ว หญู่ง, เม่ย โหฒว กีตู่, ต้ง เมี่ยน เธง วั้ว เต้า ทิน-ฮู่ง เญย ตอน ไฟ?”
62เยซู เตา, “เฒ์ย เญย. เม่ย บัว เหยียด ฒู้ง หย่า อ๋อย ตุ๊ ปวัด เยีย, ป้าม เมี่ยน เญย ตอน, เฒว์ย เจี๊ยน เน่น เจี๋ย เญย ทิน-ฮู่ง เญย บย่าว แหมง, หย่า เยียม วั้ว ลู่ง เญย บ๋วน เหฌี่ย ต้าย.” #ดานีเอน 7:13
63ต้ม ไซ เมี่ยน ไฮ์ น้าย เต๋ย หว่า ฯฒฯ เป๊ด นิ่น กั้น เญย ลุย หย่า ก๊อง, “บัว ไม้ หฒุ ล์อ หาย เต้า โหฒว ฒอง-เหฒง อ๊ะ. 64เม่ย บัว ไฮ์ นิ่น คี ทิน-ฮู่ง. เม่ย บัว อ๋อย ฮนั้ง หาย นอ ตี่ง นิ่น?” นิ่น บัว เหยียด ฒู้ง ตี่ง นิ่น ต่อง. หฒี่ ตุ๊ ไต่ อ๊ะ. #เลวี 24:16
65ม่าย เต๋ย เยียม วั้ว เญย เมี่ยน ฯฒฯ ทุ้ย ววม-ฑุ่ย แน้ด เยซู, แอ๋ง ปวัง เจี๊ยน นิ่น เญย เฮมียน, เบ๊าะ นิ่น, หย่า ก๊อง, “ไธ ก๋า! หาย เต้า เบ๊าะ เม่ย?” แปง หย่า ไบ๋ นิ่น เญย เฮมียน.
ปีเต ไม้ เหญี่ยม เยซู
(เป๊ย หมั่ง มัดทาย 26:69-75; ลูกา 22:56-62; โยฮัน 18:15-18,25-27)
66ปีเต หธ่อ เยียม เจี๊ยน กะเดี๊ย, หลาด กะญั์ว, ม่าย ต้ม ไซ เมี่ยน เญย เหยียด เต้า มเซียะ โปว ต้าย. 67นิ่น ปวัด ปีเต เยียม วั้ว หฑาว โต์ว ฯฒฯ นุๆ เญย หมั่ง เจี๊ยน นิ่น ก๊อง, “เม่ย หย่า กัน วั้ว เต้า นาซาเล้ด เมี่ยน, เยซู.”
68มป่า ปีเต ไม้ เหญี่ยม. นิ่น เตา, “เยีย ไม้ ฮิ้ว หย่า ไม้ เม่ง แปะ เม่ย ก๊อง หาย หญู่ง.” ปีเต ฯฒฯ ธ้วด เถา หลาด แก้ง. วั้ว หฒั่น ไจ ฯฒฯ หฆาย อ๊ะ. #14:68 “วั้ว หฒั่น ไจ ฯฒฯ หฆาย” ม่าย เต๋ย โล์-ฮนอย โซว ไม้ ม่าย วั้ว เต๋ย หว่า.
69วั้ว เต้า มเซียะ โปว ปวัด นิ่น เยียม วั้ว แอ๋ง บั๋ว โซ้ว กะเฮลน วั้ว เต๋ย เมี่ยน, “น้าย เต้า เมี่ยน เป๋น วั้ว กวั้น เมี่ยน เญย เหยียด เต้า.” 70มป่า ปีเต แอ๋ง ไม้ เหญี่ยม.
เหยียด หฒั่น เจี๋ย, โซ้ว กะเฮลน วั้ว เต๋ย เมี่ยน แอ๋ง โก๋ ปีเต ก๊อง, “เม่ย หฒะเก้ง เป๋น วั้ว กวั้น เมี่ยน เญย เหยียด เต้า อ๊ะ, เหว่ย หฒุ เม่ย เซ กาลิลี เมี่ยน.”
71ปีเต ฯฒฯ โด๊ว เจี์ย เหฒียว ก๊อง, “สี ก๊อง เยีย ก๊อง ไม้ เฒียน นอ, แล์ง ปุน ทิน-ฮู่ง ตี่ง เยีย เญย ฒุ์ย อ๊ะ. เยีย หฒะเก้ง! ไม้ ฮิ้ว ตุ๊ เม่ย บัว ก๊อง วั้ว ล่าน เมี่ยน.”
72เลี่ยม เฒ่ย ไจ ฯฒฯ หฆาย ตะเหญ่ย หฑุ่น. ปีเต จั๋ง หฒุ เยซู บั๋ว เจี๋ย นิ่น, “ไจ ไม้ แก้ง หฆาย อี หฑุ่น, เม่ย ไม้ เหญี่ยม เยีย ปัว หฑุ่น.” ปีเต จั๋ง หฒุ วั้ว เต๋ย หว่า ฯฒฯ เญี้ยม ตุ๊ โค้ว ไห่.
Currently Selected:
มาโค 14: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
