มาโค 5
5
เยซู หฒ่อ หลง เต้า ม่าย เมี้ยน เยียม ซิน เญย เมี่ยน
(เป๊ย หมั่ง มัดทาย 8:28-34; ลูกา 8:26-39)
1เยซู เหธา นิ่น เญย ไซ-ก๋อ เจี๋ย วั้ว หง่าน หฒิ กาลิลี ค้อย-ตอน, เถา เกลาซา เต่ย.#5:1 ม่าย เต๋ย โล์-ฮนอย โซว ก๊อง กาดาลา. 2เยซู ธ้วด ฑั้ง วั้ว หฒั่น, ม่าย ล่าน เมี่ยน เยียม วั้ว โฒ้ว-เก้ม ธ้วด ต้าย ปวั้ง หฒุ นิ่น. น้าย ล่าน เมี่ยน ม่าย เฮยี่ย ไกว๊ เมี้ยน เยียม นิ่น เญย ซิน. 3-4เหฒีย หฑุ่น เมี่ยน หล่ง เฮลียะ-หลิ่ม โด้ เจี๊ยน ปั์ว, เฮลียะ-โคว โคว เจี๊ยน เหฒา, มป่า ไม้ ม่าย หาย เต้า โด้ ตุ๊ เจี๊ยน. หลิ่ม, นิ่น ธุด ตั๋ง เหฑ่ง. เฮลียะ-โคว หย่า ว้วด เน้า เหฑ่ง. ไม้ ม่าย หาย เต้า ม่าย ชะ เก๋า ป์อง ตุ๊ ฮี่ง นิ่น. 5นิ่น เยียม วั้ว โฒ้ว-เก้ม หย่า เยียม บง, ลู่ง ฮนอย ลู่ง ม์วน เห่ว เจี๊ยน เจี๋ย น้าย เจี๋ย วั้ว, หย่า เฒาะ หละเปย๊ย เกว๊ด นิ่น กั้น เญย ซิน.
6วั้ว ล่าน เมี่ยน หธ่อ เยียม โก เญย, นิ่น ปวัด เยซู ฯฒฯ ถิว เจี๊ยน มี่ง เถา เยซู เญย หฑะเฮมียน เกว่ย เหฌี่ย ป๋าย. 7นิ่น เหฌี่ย ชะ เห่ว เฉีย บุย เญย, “เยียม ฮลัง เจี๋ย เญย ทิน-ฮู่ง เญย ตอน, เยซู อ้า! เม่ย ต้าย เยีย น้าย โหฒว หาย หญู่ง? เยีย เฒี้ยง เจี๊ยน ทิน-ฮู่ง โท้ เม่ย ไม้ ตู๋ง เหฒย เยีย.” 8นิ่น ฮนั้ง น้าย นอ ก๊อง เหว่ย หฒุ เยซู บั๋ว ลิ์ว นิ่น, “เฮยี่ย ไกว๊ เมี้ยน อ้า! ธ้วด น้าย ล่าน เมี่ยน ต้าย ม่าะ!”
9เยซู ฯฒฯ หน่าย นิ่น, “เม่ย เญย บั๋ว เห่ว หาย หญู่ง?”
นิ่น เตา, “เยีย เญย บั๋ว เห่ว ‘กวั้น,’ เหว่ย หฒุ เยีย บัว ม่าย ธั้ม ไห่.” 10นิ่น หย่า ชะ โท้ เยซู ไม้ ตู๋ง หฒุ่น นิ่น บัว ธ้วด น้าย นอม เต่ย-จ๋าย.
11ม่าย เหยียด ต้ม กวั้น ตู์ง เยียม วั้ว เจี๋ย ไบ๊ ล์อ หญั่น. 12เมี้ยน ฯฒฯ โท้ เยซู, “ปุน เยีย บัว มี่ง เปียะ วั้ว กวั้น ตู์ง ม่าะ!” 13เยซู ฯฒฯ ฆอย ฑุ่ย นิ่น บัว. เฮยี่ย ไกว๊ เมี้ยน ฯฒฯ ธ้วด วั้ว ล่าน เมี่ยน แอ๋ง เปียะ ตู์ง หมี่ อ๊ะ. วั้ว กวั้น ตู์ง, เล่ย ไม้ โก อี ธิน เต้า, ฯฒฯ ถิว เหฌี่ย ขัม, ด๊อด ค้อย-ตอน, ไต่ เหฑ่ง หมี่ อ๊ะ.
14ยู์ง ตู์ง เญย เมี่ยน ฯฒฯ เปย๋า หมี่ อ๊ะ, มี่ง ฒุ่น น้าย เต๋ย สี่ บั๋ว ฒี่ง กะญั์ว เหธา ฒี่ง กะเหญี่ย เญย ฟิ้ว-ล์าง เญย เมี่ยน หมวัง. เมี่ยน ฯฒฯ ธ้วด มี่ง หมั่ง ก๋า ม่าย หาย หญู่ง สี่ ธ้วด. 15มี่ง เถา เยซู วั้ว, นิ่น บัว ปวัด ฒิ่น ด่าง หฒุ กวั้น เมี้ยน มัวะ วั้ว ล่าน เมี่ยน ฒุ เจี๊ยน ลุย-โหว เฒว์ย เจี๊ยน วั้ว, เป๋น เมี่ยน หลง เมี่ยน อ๊ะ. นิ่น บัว ฯฒฯ กั้ม เหฑีย ไห่. 16ปวัด น้าย เต๋ย สี่ ธ้วด เญย เมี่ยน ก๊อง บั๋ว ฒิ่น ด่าง ม่าย เมี้ยน วั้ว ล่าน เมี่ยน เญย เจ๊า เหธา ตู์ง เญย สี่ ปุน หฒวัง เมี่ยน หมวัง. 17นิ่น บัว ฯฒฯ โท้ เยซู ธ้วด นิ่น บัว เญย เต่ย-จ๋าย.
18เยซู เปียะ ฑั้ง วั้ว หฒั่น, ต้ง ฒิ่น ด่าง ม่าย เมี้ยน เยียม ซิน วั้ว ล่าน เมี่ยน โท้ เยซู, “เยีย โท้ เหธา เม่ย มี่ง โอ่.” 19มป่า เยซู ไม้ แล์ง ฑุ่ย, บั๋ว นิ่น, “อ๋อย หฒุ หฑวน เปย๊า ก๊อง บั๋ว เม่ย เญย ฮมวั้ง ต่อย เฒี้ยว ฮนั้ง หาย นอ เถง, ฮนั้ง หาย นอ ค้อ-เลี่ยน เม่ย.”
20วั้ว ล่าน เมี่ยน ฯฒฯ มี่ง อ๊ะ. มี่ง ก๋อม โท้ดบุลี#5:20 เอ๋ย เล์ย เซ เหฒียบ นอม ฒี่ง. แซ้ง ฒุ่น บั๋ว เมี่ยน เยซู ฮนั้ง หาย นอ เถง นิ่น. หฒวัง เมี่ยน บัวะ ฮ่อง ไห่ อ๊ะ.
เยซู หฒ่อ เต้า มเซียะ ตอน เญย แป่ง หลง หย่า เห่ว เต้า ฝุเจว๊ย นั่ง ต้าย
(เป๊ย หมั่ง มัดทาย 9:18-26; ลูกา 8:40-56)
21เยซู เปียะ ฑั้ง หฑวน วั้ว หง่าน หฒิ ค้อย-ตอน, ม่าย เมี่ยน ธั้ม เญย เยียม วั้ว ค้อย-ตอน เฮลน เว่ย ก๋อม เยซู. 22ม่าย เต้า กุ๊น หวุ่ย ต้อง เญย เมี่ยน, บั๋ว เห่ว ไยลัด, ต้าย เถา. เยี้ยด ปวัด เยซู, นิ่น ฯฒฯ บ๊าบ เหฌี่ย เยซู เญย เหฒา-เฮลน 23ชะ โท้ นิ่น, “เยีย เญย เซียะ#5:23 เซียะ กีก หว่า ก๊อง เซียะ-ไฝ. เอ๋ย เล์ย เซ ไม้ เฒ์ย เซียะ-ลาย, เซ ไม้ แก้ง โฮล. ปุ๊ด แป่ง เฮนี้ย ไห่, อ๋อย ไต่ อ๊ะ. โท้ เม่ย มี่ง มาน เจี๊ยน นิ่น, หฒ่อ นิ่น เญย แป่ง หลง, เหฌียว ธ้วด นิ่น เญย แหม่ง ม่าะ!” 24เยซู ฯฒฯ กัน เจี๊ยน นิ่น มี่ง อ๊ะ. เมี่ยน ธั้ม! ไห่ กัน เจี๊ยน มี่ง, เบ๋ง หฒุ เยซู.
25ม่าย เต้า มเซียะ ตอน ปุ๊ด แป่ง-ฮลุด ตุ๊ เหฒียบ เหญ่ย หฮญัง, ห่อย นิ่น โค้ว ไห่. 26ล์อ เดีย-ไซ ธั้ม เญย หฒ่อ, ฒู้ง หฒาว เหฑ่ง นิ่น เญย ญ่าน. แป่ง หย่า ไม้ เฮง เจี๊ยน เหฌี่ย, ฒู้ง จา เฮนี้ย. 27วั้ว เต้า มเซียะ ตอน ไฮ์ เมี่ยน ก๊อง เจี๋ย เยซู เญย เจ๊า, นิ่น ฯฒฯ เบ๋ง เจี๊ยน เปียะ วั้ว กวั้น เมี่ยน. นิ่น มี่ง เถา เยซู เญย ฆะฮ้า ฆาง ฮลัว เยซู เญย ลุย, 28หย่า เยียม เฮญี้ยว ฮนั้ม, “ตะฟ่าน เยีย ฮลัว หฒุ นิ่น เญย ลุย ฮนั้ง, เยีย เญย แป่ง ฯฒฯ หลง อ๊ะ.”
29เยี้ยด ฮลัว ลิ์ว, นิ่น ฮลุด เญย ฑย้าม ฯฒฯ เลี่ยม เฒ่ย ตี้ง หมี่ อ๊ะ. หย่า ไฮ์ กั้น เญย ซิน หฒั่ง แป่ง หลง เหฑ่ง หมี่ อ๊ะ. 30เยซู เลี่ยม เฒ่ย ฮิ้ว ตุ๊ ม่าย เต๋ย นิ่น เญย ชะ ธ้วด มี่ง เถง เมี่ยน หฒ่อ แป่ง, นิ่น ฯฒฯ เยียม หฒวัง เมี่ยน กะญั์ว กวิ้น ซิน หย่า หน่าย, “หาย เต้า ฮลัว หฒุ เยีย เญย ลุย?”
31นิ่น เญย ไซ-ก๋อ บัว เตา, “ไซ-เตี๋ย อ้า! เมี่ยน ด่ง หน่าย ธั้ม เบ๋ง หฒุ ไซ-เตี๋ย. เม่ย หธ่อ ก๊อง, ‘หาย เต้า ฮลัว หฒุ เยีย?’”
32มป่า เยซู หมั่ง น้าย หมั่ง วั้ว, หมั่ง ก๋า, หาย เต้า ฮลัว หฒุ นิ่น. 33วั้ว เต้า มเซียะ ตอน ฮิ้ว ตุ๊ เยซู ฮนั้ง หาย นอ เถง นิ่น, ฯฒฯ กั้ม เหฑีย ไห่, ซิน หฒิน เหฑ่ง, ต้าย เกว่ย เหฌี่ย เยซู เญย เหฒา-เฮลน, หย่า เฒาะ นิ่น เญย เจ๊า-โหล่ว ก๊อง เหฑ่ง บั๋ว เยซู. 34เยซู ก๊อง บั๋ว นิ่น, “มเต้า มเซียะ ตอน อ้า! เหว่ย หฒุ เม่ย เสียน เยีย, เม่ย เญย แป่ง หลง หมี่ อ๊ะ. แป้ง ออน เญย หฑวน อ๊ะ โอ่. เม่ย เญย แป่ง ถุย เหฑ่ง อ๊ะ.”
35เยซู หธ่อ ก๊อง เจี๊ยน หว่า วั้ว หฒั่น, ม่าย เต๋ย เมี่ยน เยียม กุ๊น หวุ่ย ต้อง วั้ว เต้า เมี่ยน, ไยลัด, เญย เปย๊า, ต้าย บั๋ว ไยลัด, “เม่ย เญย เซียะ ไต่ หมี่ อ๊ะ. ไม้ หฒุ หละเญ้า ฟิน-แซง อ๊ะ.”
36เยซู ไม้ หมวัง นิ่น บัว เญย หว่า. นิ่น ก๊อง บั๋ว กุ๊น หวุ่ย ต้อง เญย เมี่ยน, “ไม้ ตู๋ง กั้ม เหฑีย. ขูง อ๋อย หฒุ เสียน ฮนั้ง.”
37นิ่น หย่า ไม้ ปุน หาย เต้า กัน นิ่น มี่ง. ขูง ต้อ ปีเต, ยากอบ เหธา ยากอบ เญย โย์ว, โยฮัน, มี่ง ฮนั้ง. 38มี่ง เถา หวุ่ย ต้อง เญย เมี่ยน โก๋ เญย เปย๊า, เยซู ปวัด เมี่ยน หลุ่น เหฑ่ง, หย่า เบี้ยวๆ เญย เญี้ยม. 39เยซู เปียะ มี่ง บั๋ว นิ่น บัว, “เม่ย บัว โหฒว หาย หญู่ง หลุ่น เหฑ่ง? เหว่ย หาย ติ่ว เบี้ยวๆ เญย เญี้ยม? น้าย เต้า ฝุเจว๊ย ไม้ เฒ์ย ไต่. นิ่น มฌ่อม ฮนั้ง.”
40มป่า หฒวัง เมี่ยน จั๊ด เยซู, เยซู ฯฒฯ หฒุ่น นิ่น บัว ธ้วด เหฑ่ง, แอ๋ง ต้อ วั้ว เต้า ฝุเจว๊ย เญย เตี๋ย หม่า เหธา นิ่น เญย ปัว เต้า ไซ-ก๋อ กัน นิ่น เปียะ ฝุเจว๊ย เยียม วั้ว นอม ต๋อง. 41เยซู นั้น เจี๊ยน วั้ว เต้า ฝุเจว๊ย เญย ปั์ว หย่า ก๊อง “ทาลีทา คูมี!” (เอ๋ย เล์ย เซ “เซียะ-ไฝ อ้า! เยีย บั๋ว เม่ย, เจี์ย ซิน ต้าย ม่าะ!”) 42วั้ว เต้า เซียะ เลี่ยม เฒ่ย เจี์ย ซิน ต้าย ยั่ง เจ๊า อ๊ะ. วั้ว หฒั่น นิ่น เญย หฮญัง-เจ๊ย ตุ๊ เหฒียบ เหญ่ย หฮญัง. น้าย เต๋ย สี่ ธ้วด ต้าย, หฒวัง เมี่ยน หฒะเก้ง! บัวะ ฮ่อง ไห่ อ๊ะ. 43เยซู หัด นิ่น บัว ธิน-หม่าน ไม้ ตู๋ง ก๊อง น้าย เต๋ย สี่ บั๋ว หาย เต้า, หย่า ก๊อง, “ล์อ เต๋ย กะน้าย ปุน น้าย เต้า เซียะ หญั่น โอ่.”
Currently Selected:
มาโค 5: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
