Mak 5
5
Yesò bəâ wòt kǒ fote kàbɔ̀ŋ tèa ane tò la
(Mat 8:28-34; Lk 8:26-39)
1Bɔ ntu̧ èlemè Galìlî ngà aguŋ nkwene àlaꞋ a bòt Galasìn. 2Mbɨ̀Ꞌɨ̀ Yesò bê ndzəè a èbem ànkànuꞋ yu la, wòt kǒ fote kàbɔ̀ŋ tèa ane tò la kɨꞋɨ̀ nkwene ane tò. 3Tà li ngua ntsèka ètsəsì, wòt kà bê nguê tàa ko ekuule atò, ka wuê ane fȩtsə la. 4Bɔ li bɔ̀ ghɨ̀ bɔ̀ kuule èbu tò, nè èkǎ tò, tà lòòte fȩ tu, ŋèꞋnè ètɨ̧ɨ̧na bu a èka bi la. Tà li nkwèèle tè ntsè ndɨ wòt kǒ nàa mě ko baabe atò la. 5È ghɨ̀ è wu àfɨ̀Ꞌ àgème, ètsəꞋ nè nèngû̧, tà me ghǎ a èbem ètsəsì bu nè ègwet tèbȩtsə, ŋȩ̀a, ŋeꞋa àti mbùꞋa avi.
6Tà li ndze a Yesò a endɨ̌, ndùùlà nkɨ̀Ꞌɨ̂ ntèm tènjûŋ ti a si a mbì tò, 7mbɔ̂ ŋȩ ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Ane èlen Mbɔ̧ɔ̧mà, mâ shu̧u̧te awê nê à ka ngɨ̧̀ɨ̧̀nè am.” 8(Tà li me shu ale, ngu ndɨ Yesò li ngua shua abua tò nê, “Fo kàbɔ̀ŋ, sǎ mbê waa la!”)
9Yesò bììte atò nê, “Èlen lê wu wà à?”
Mbê wu bɨ̀ɨ̀lè nê, “Èlen laã wu ‘Àlaã’ - nkàà nê baa ndzǎ̧ nyaŋ.” 10Tà bɔ̂ me shu̧u̧te a Yesò nê tà ka fəè fote kàbɔ̀ŋ tu ntsàà tê a endɨ̌.
11TaꞋà àlaã mèkunyà̧ ko a li ngua njɨ̀a a ngèt abot a mbɨ̧̀ èkù̧ù̧nè. 12Fote kàbɔ̀ŋ tu te shu̧u̧te a Yesò nê, “Tsàà àwa ane mèkunyà̧ maa, bàà nyi ane yɔb.” 13Ale, Yesò bɨ̧̀ɨ̧̀ne fote kàbɔ̀ŋ tu te dzəè ane mbê wu ngà nyi ane mèkunyà̧ mu. Àlaã mèkunyà̧ yu à wu mbɔ̀ŋè bètɔsì babe la, a lùùlà nchu èkù̧ù̧nè lu, ndèbte a èbem èlemè wu, nu àtɨ̀ŋ mpfəèꞋtê.
14Bèmbaabà mèkunyà̧ mu e lùùlà ngà a èbem àpfəèà nɨ̧ yu, nè èpfəè techɨɨle a ngèt ngwȩ̀ȩ̀te ànəê àgème shuê. Bòt e zə nkɨ̀Ꞌɨ̂ eye àghɨa a ghɨ̀ la. 15Bɔ kɨꞋɨ ndzèa Yesò bɔ̂ mbê wu fote kàbɔ̀ŋ tèa wu ane tò la. Bɔ me ye tà kwaã ndǐ ti ntsèke a si, èyì tò e kuà, kèbɔɔ ke baãaã wòt ègème. 16Bòt bɔ ye la, e shu bòt àghɨa a ghɨ̀ ane wòt wu fote kàbɔ̀ŋ tu te li ngua ane tò la, nè àghɨa a ghɨ ane mèkunyà̧ mu la. 17Ale, bɔ me shu̧u̧te Yesò nê, tà dzə àbâ àlaꞋ a yɔb me ghǎ.
18Mbɨ̀Ꞌɨ̀ Yesò tsìꞋa nkɨ nyi a èbem ànkànuꞋ yu la, mbê wu tàa bɔ fote kàbɔ̀ŋ ane zi la shu̧u̧te a Yesò nê tà ghɨa bɔ̂ tò è ghà nɔ̂. 19Ka Yesò tu̧, mbɔ̂ shu abua ŋut nê “Wène àpfəèa yɨ̧ shu bòt àghɨa Mbɔ̧ɔ̧mà ghɨ ane yê la, mè shua wɔb ndɨ tà ku tèsȩ tê la.” 20Ale, tà ghà me ghȩ̀ȩ̀nè èbem èpfəè nɨ̧ bu èghem la ègème, shu àghɨa Yesò ghɨ ane zi la. A taꞋa tsě waa waa tà zə ànəa ngaa la.
Waàvi Jalùs nè àvi wu tà li mbà̧à̧te ndǐ Yesò la
(Mat 9:18-26; Lk 8:40-56)
21Yesò tu̧u̧ èlemè Galìlî wu tè tà wènè agua ko zìà, ènɔ̧̂ bòt e bu̧u̧te a mbì tò mbɨ̀Ꞌɨ̀ tà bele a ngèt èlemè la. 22Wajûŋ kǒ a èbem lob Mbɔ̧ɔ̧mà èlen tò wu Jalùs la, kɨꞋɨ̀, tà ye a Yesò, tà tèmè tènjûŋ ti a si a mbì tò 23me dɨ̀a shua abua tò nê, “Waã am, waàvi tèchɨɨle nàà ngò̧ò̧nà ànyaꞋne tè ntsìꞋa nkɨ epfə. Lefɨ̀Ꞌ, kɨꞋɨ a lob yaã nɔ̀ŋè èbu bê adù̧ tò mbɨ̀Ꞌɨ̀ taa peme!”
24Yesò zə ale, ndɔ̀Ꞌ a si bɔ̂ tò e me ghǎ.
Mbɨ̀Ꞌɨ̀ bɔ̀ɔ ngà la, ènɔ̧̂ bòt a me nkùŋe atò ŋweela atò a èba èbà. 25Àvi kǒ mbàŋ dzə ane tò ane èngùꞋ èghem ntsɔ̀b yebe la li ngu abot, nkɨ̀Ꞌɨ̂ mbà̧à̧te àtsəa ndǐ tò. 26Tà li ntàꞋa ye ngoꞋ a tèkitebu bèngàŋ, ntsòkè èkab vi ègème, ka tà kà pem. Ka àghɔ̧ atò a me paa ngà wuê nè mbì. 27Tà li ndzəè mènəè Yesò, nkɨ̀Ꞌɨ̂ akwèn tò è nyi ènɔ̧̂ bòt, mbà̧à̧te ndǐ tò. 28Ngu nê tà shua a èntɨ̧ɨ̧ vi nê, “E ngu anè nyaꞋà mbà̧à̧te wuê àtsəa ndǐ tò ko maa peme.” 29Tà bà̧à̧te ndǐ Yesò, mbàŋ yu bê ndòa, tè tà zə a èbem ènyit zi nê ye pem.
30Yesò bê nko nê mètàŋ è dzə ane zi, mbê ngèble avi a èbem ènɔ̧̂ wu mbììte nê, “Wa baãaãte ndǐ yaã à?”
31“Bɔkatè tò bu e bɨ̀ɨ̀lè nê, ‘Bòt e ghaale awê anè, à me biite nê wa baãaãte awê leꞋ ale, è wu ghàà?’ ”
32Yesò me lɨ̀ŋkè wuê lɨ̀ŋkè nkɨ ye wòt wu tà baãaãte avi la. 33Àvi wu ko àghɨa a ghɨ̂ ane zi la, nkɨ̀Ꞌɨ̂ me benta mbɔ̀a nkwen a mbì tò, shu atò nkûŋ. 34Yesò shu abua tò nê, “Waã am, èntɨ̧ɨ̧ wu à zi ane yaã la, e ghɨ̂ à pem. Ghǎ ane ntsɔ̧̀. À pem ane àghɔ̧ yê.”
35Yesò bela ndàꞋà, bɔntu̧ ko e dzə àpfəa Jalùs nkɨ̀Ꞌɨ̂ shu abua tò nê, “Waã wè wu è pfə tê ndɔ̀Ꞌ, è wu ale à ka tsi ŋǎ ngoꞋ abua nyɨꞋtà wu.”
36Ka Yesò kà yutè ànəa bɔ shua la. Tà shu abua Jalùs nê, “Ka mbɔ̀a, zǐ èntɨ̧ɨ̧ wê wuê ane yaã.”
37Tà ghɨ̀ ale, ngà wuê bɔ̂ Pità nè Jimsì bɔ̂ wanyɨ vi Jɔ̌n, tà kà tsi nɨ wòt kǒ tsa. 38Bɔ ghà tê bɔ̀ nyi àpfəa wajûŋ wu, Yesò ye ndɨ bòt e kɔꞋɔ kɔꞋɔ, nchua chu, ŋȩ̀a ndɨ̀à ànyaꞋne, la, 39nyi a lob mbììte awɔb nê, “Bɨ̀ dɨ̀a ghǎ? Waã wàa bakà pfə. Tà lia li!” 40Bɔ bùꞋ me wȩ̀ȩ̀te atò.
Tà tsà àwɔb àbȩ bàgème, nɨ a tǎt waã wu bɔ̂ nyɨ̌ tò, nè bɔkatè bi bu batat la nɨŋ nyi àtsəa lob yu waã wu wu a èbèm la. 41Tà baãaã àbu a waã wu nê, “Tàlità komì”, ngua shua nê “Waàvi tèchɨɨle, mâ laꞋnê lɔ̀Ꞌɔ a si!” 42Waàvi wu bê nkȩ ndɔ̀Ꞌ a si me ghȩ̀ȩ̀ne. (Waàvi mbɔŋ li ngu èngùꞋ èghem ntsɔ̀b yebe.) Ale, a taꞋa tsě bòt bu. 43Yesò bɔ̂ səèŋkè ètû̧ bɔb nê bɔ̀ ka shu wòt ànəa a ghɨ̀ la, mbɔ̂ nê “Bɨ̀ ŋa tò àghɨ tà jɨ.”
Currently Selected:
Mak 5: mnf
Highlight
Share
Copy
Want to have your highlights saved across all your devices? Sign up or sign in
© 2006, Cameroon Association for Bible Translation and Literacy
Mak 5
5
Yesò bəâ wòt kǒ fote kàbɔ̀ŋ tèa ane tò la
(Mat 8:28-34; Lk 8:26-39)
1Bɔ ntu̧ èlemè Galìlî ngà aguŋ nkwene àlaꞋ a bòt Galasìn. 2Mbɨ̀Ꞌɨ̀ Yesò bê ndzəè a èbem ànkànuꞋ yu la, wòt kǒ fote kàbɔ̀ŋ tèa ane tò la kɨꞋɨ̀ nkwene ane tò. 3Tà li ngua ntsèka ètsəsì, wòt kà bê nguê tàa ko ekuule atò, ka wuê ane fȩtsə la. 4Bɔ li bɔ̀ ghɨ̀ bɔ̀ kuule èbu tò, nè èkǎ tò, tà lòòte fȩ tu, ŋèꞋnè ètɨ̧ɨ̧na bu a èka bi la. Tà li nkwèèle tè ntsè ndɨ wòt kǒ nàa mě ko baabe atò la. 5È ghɨ̀ è wu àfɨ̀Ꞌ àgème, ètsəꞋ nè nèngû̧, tà me ghǎ a èbem ètsəsì bu nè ègwet tèbȩtsə, ŋȩ̀a, ŋeꞋa àti mbùꞋa avi.
6Tà li ndze a Yesò a endɨ̌, ndùùlà nkɨ̀Ꞌɨ̂ ntèm tènjûŋ ti a si a mbì tò, 7mbɔ̂ ŋȩ ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Ane èlen Mbɔ̧ɔ̧mà, mâ shu̧u̧te awê nê à ka ngɨ̧̀ɨ̧̀nè am.” 8(Tà li me shu ale, ngu ndɨ Yesò li ngua shua abua tò nê, “Fo kàbɔ̀ŋ, sǎ mbê waa la!”)
9Yesò bììte atò nê, “Èlen lê wu wà à?”
Mbê wu bɨ̀ɨ̀lè nê, “Èlen laã wu ‘Àlaã’ - nkàà nê baa ndzǎ̧ nyaŋ.” 10Tà bɔ̂ me shu̧u̧te a Yesò nê tà ka fəè fote kàbɔ̀ŋ tu ntsàà tê a endɨ̌.
11TaꞋà àlaã mèkunyà̧ ko a li ngua njɨ̀a a ngèt abot a mbɨ̧̀ èkù̧ù̧nè. 12Fote kàbɔ̀ŋ tu te shu̧u̧te a Yesò nê, “Tsàà àwa ane mèkunyà̧ maa, bàà nyi ane yɔb.” 13Ale, Yesò bɨ̧̀ɨ̧̀ne fote kàbɔ̀ŋ tu te dzəè ane mbê wu ngà nyi ane mèkunyà̧ mu. Àlaã mèkunyà̧ yu à wu mbɔ̀ŋè bètɔsì babe la, a lùùlà nchu èkù̧ù̧nè lu, ndèbte a èbem èlemè wu, nu àtɨ̀ŋ mpfəèꞋtê.
14Bèmbaabà mèkunyà̧ mu e lùùlà ngà a èbem àpfəèà nɨ̧ yu, nè èpfəè techɨɨle a ngèt ngwȩ̀ȩ̀te ànəê àgème shuê. Bòt e zə nkɨ̀Ꞌɨ̂ eye àghɨa a ghɨ̀ la. 15Bɔ kɨꞋɨ ndzèa Yesò bɔ̂ mbê wu fote kàbɔ̀ŋ tèa wu ane tò la. Bɔ me ye tà kwaã ndǐ ti ntsèke a si, èyì tò e kuà, kèbɔɔ ke baãaã wòt ègème. 16Bòt bɔ ye la, e shu bòt àghɨa a ghɨ̀ ane wòt wu fote kàbɔ̀ŋ tu te li ngua ane tò la, nè àghɨa a ghɨ ane mèkunyà̧ mu la. 17Ale, bɔ me shu̧u̧te Yesò nê, tà dzə àbâ àlaꞋ a yɔb me ghǎ.
18Mbɨ̀Ꞌɨ̀ Yesò tsìꞋa nkɨ nyi a èbem ànkànuꞋ yu la, mbê wu tàa bɔ fote kàbɔ̀ŋ ane zi la shu̧u̧te a Yesò nê tà ghɨa bɔ̂ tò è ghà nɔ̂. 19Ka Yesò tu̧, mbɔ̂ shu abua ŋut nê “Wène àpfəèa yɨ̧ shu bòt àghɨa Mbɔ̧ɔ̧mà ghɨ ane yê la, mè shua wɔb ndɨ tà ku tèsȩ tê la.” 20Ale, tà ghà me ghȩ̀ȩ̀nè èbem èpfəè nɨ̧ bu èghem la ègème, shu àghɨa Yesò ghɨ ane zi la. A taꞋa tsě waa waa tà zə ànəa ngaa la.
Waàvi Jalùs nè àvi wu tà li mbà̧à̧te ndǐ Yesò la
(Mat 9:18-26; Lk 8:40-56)
21Yesò tu̧u̧ èlemè Galìlî wu tè tà wènè agua ko zìà, ènɔ̧̂ bòt e bu̧u̧te a mbì tò mbɨ̀Ꞌɨ̀ tà bele a ngèt èlemè la. 22Wajûŋ kǒ a èbem lob Mbɔ̧ɔ̧mà èlen tò wu Jalùs la, kɨꞋɨ̀, tà ye a Yesò, tà tèmè tènjûŋ ti a si a mbì tò 23me dɨ̀a shua abua tò nê, “Waã am, waàvi tèchɨɨle nàà ngò̧ò̧nà ànyaꞋne tè ntsìꞋa nkɨ epfə. Lefɨ̀Ꞌ, kɨꞋɨ a lob yaã nɔ̀ŋè èbu bê adù̧ tò mbɨ̀Ꞌɨ̀ taa peme!”
24Yesò zə ale, ndɔ̀Ꞌ a si bɔ̂ tò e me ghǎ.
Mbɨ̀Ꞌɨ̀ bɔ̀ɔ ngà la, ènɔ̧̂ bòt a me nkùŋe atò ŋweela atò a èba èbà. 25Àvi kǒ mbàŋ dzə ane tò ane èngùꞋ èghem ntsɔ̀b yebe la li ngu abot, nkɨ̀Ꞌɨ̂ mbà̧à̧te àtsəa ndǐ tò. 26Tà li ntàꞋa ye ngoꞋ a tèkitebu bèngàŋ, ntsòkè èkab vi ègème, ka tà kà pem. Ka àghɔ̧ atò a me paa ngà wuê nè mbì. 27Tà li ndzəè mènəè Yesò, nkɨ̀Ꞌɨ̂ akwèn tò è nyi ènɔ̧̂ bòt, mbà̧à̧te ndǐ tò. 28Ngu nê tà shua a èntɨ̧ɨ̧ vi nê, “E ngu anè nyaꞋà mbà̧à̧te wuê àtsəa ndǐ tò ko maa peme.” 29Tà bà̧à̧te ndǐ Yesò, mbàŋ yu bê ndòa, tè tà zə a èbem ènyit zi nê ye pem.
30Yesò bê nko nê mètàŋ è dzə ane zi, mbê ngèble avi a èbem ènɔ̧̂ wu mbììte nê, “Wa baãaãte ndǐ yaã à?”
31“Bɔkatè tò bu e bɨ̀ɨ̀lè nê, ‘Bòt e ghaale awê anè, à me biite nê wa baãaãte awê leꞋ ale, è wu ghàà?’ ”
32Yesò me lɨ̀ŋkè wuê lɨ̀ŋkè nkɨ ye wòt wu tà baãaãte avi la. 33Àvi wu ko àghɨa a ghɨ̂ ane zi la, nkɨ̀Ꞌɨ̂ me benta mbɔ̀a nkwen a mbì tò, shu atò nkûŋ. 34Yesò shu abua tò nê, “Waã am, èntɨ̧ɨ̧ wu à zi ane yaã la, e ghɨ̂ à pem. Ghǎ ane ntsɔ̧̀. À pem ane àghɔ̧ yê.”
35Yesò bela ndàꞋà, bɔntu̧ ko e dzə àpfəa Jalùs nkɨ̀Ꞌɨ̂ shu abua tò nê, “Waã wè wu è pfə tê ndɔ̀Ꞌ, è wu ale à ka tsi ŋǎ ngoꞋ abua nyɨꞋtà wu.”
36Ka Yesò kà yutè ànəa bɔ shua la. Tà shu abua Jalùs nê, “Ka mbɔ̀a, zǐ èntɨ̧ɨ̧ wê wuê ane yaã.”
37Tà ghɨ̀ ale, ngà wuê bɔ̂ Pità nè Jimsì bɔ̂ wanyɨ vi Jɔ̌n, tà kà tsi nɨ wòt kǒ tsa. 38Bɔ ghà tê bɔ̀ nyi àpfəa wajûŋ wu, Yesò ye ndɨ bòt e kɔꞋɔ kɔꞋɔ, nchua chu, ŋȩ̀a ndɨ̀à ànyaꞋne, la, 39nyi a lob mbììte awɔb nê, “Bɨ̀ dɨ̀a ghǎ? Waã wàa bakà pfə. Tà lia li!” 40Bɔ bùꞋ me wȩ̀ȩ̀te atò.
Tà tsà àwɔb àbȩ bàgème, nɨ a tǎt waã wu bɔ̂ nyɨ̌ tò, nè bɔkatè bi bu batat la nɨŋ nyi àtsəa lob yu waã wu wu a èbèm la. 41Tà baãaã àbu a waã wu nê, “Tàlità komì”, ngua shua nê “Waàvi tèchɨɨle, mâ laꞋnê lɔ̀Ꞌɔ a si!” 42Waàvi wu bê nkȩ ndɔ̀Ꞌ a si me ghȩ̀ȩ̀ne. (Waàvi mbɔŋ li ngu èngùꞋ èghem ntsɔ̀b yebe.) Ale, a taꞋa tsě bòt bu. 43Yesò bɔ̂ səèŋkè ètû̧ bɔb nê bɔ̀ ka shu wòt ànəa a ghɨ̀ la, mbɔ̂ nê “Bɨ̀ ŋa tò àghɨ tà jɨ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, Cameroon Association for Bible Translation and Literacy