Mak MèngàꞋa

MèngàꞋa

Ntu̧ Ntsɔ̧̀ mbɨ̀Ꞌɨ̀ Mak è shɨ la, è bùꞋu ane èngà̧ waa nê, “Ntu̧ Ntsɔ̧̀ ane Yesò Klistò Waã Mbɔ̧ɔ̧mà.” Wòt tà shɨ àkatè yaa la nàà ndzèa Yesò mbɨ̀Ꞌɨ̀ wòt tàa ngɨ̀à mènəè nè àtɔŋ la. Bɔ̀ɔ ndzèa mètàŋ tò ane èghɨ tàa nyɨ̀Ꞌta la, nè mètàŋ tà bɔ a ègwet fote kàbɔ̀ŋ la, mè nè ndɨ tàa ngwàꞋa bèkàbɔ̀ŋ bòt la. Yesò laꞋnê ye wu Waã Wòt, ye li nkɨ̀Ꞌɨ̂ e ŋa àtsə azi e ghɨ̌ bòt aa peme ane bèkàbɔ̀ŋ bɔb la.

Mak ntsènè nyɨ̀Ꞌte ànəa Yesò ntsɔ̧̀, ngàꞋte mènəè ndàꞋ ane èghɨ Yesò li ngɨ̀ la, tè ntsè mènəè tà li ndàꞋ mè nyɨ̀Ꞌte la. Tà nyaꞋa ndàꞋ ane ànəa Jɔ̌n ndzìà èdzî, nè ndɨ bɔ li ndzì a Yesò a èbem èdzî, Satàn mè nkɨ̀kè atò la. Tà ghɨ̀ ale, mbê mbùꞋ me làꞋa ànəa àfaꞋa Yesò, ndɨ tà li ngua mbəa bòt mè nyɨ̀Ꞌta mènəè la. Tà me ghà ne mbì nyɨ̀Ꞌte ndɨ bòt bu bɔ̀ɔ nkùŋa Yesò la àa mpaa nkoa tò ntsɔ̧̀, ka bɔmbù̧ tò e me paa mpààba atò la. Bèchabta màndia be làꞋà mènəè è li ngɨ̀ ane Yesò ane nkàb yu èlia mèntsèke tò a sitsǎꞋ la. Bè tsenè ndàꞋ ndɨ bɔ li ngù̧ù̧te atò tà pfə la, nè ndɨ tà li njù̧ù̧me la.

Ndɨ bɔ ghàbtè ntu̧ yaa la:

MèmbùꞋu Ntu̧ Ntsɔ̧̀ Mbɔ̧ɔ̧mà 1:1-13

ÀfaꞋa Yesò a èbem Galìlî 1:14-9:50

Lèghȩ̀ȩ̀nè Yesò a Galìlî e ghǎ wu a Jèlusalèm 10:1-52

Nkàb màndia Yesò a Jèlusalèm nè èdziꞋ bu a ngèt Jèlusalèm la 11:1-15:47

Ndɨ Yesò li njù̧ù̧me la 16:1-8

Yesò Lefɨ̀Ꞌ pùùlà a mbì bòt ngò̧tsə nyaŋ mè nkɔꞋ ngà a ègwet 16:9-20

Currently Selected:

Mak MèngàꞋa: mnf

Highlight

Copy

Want to have your highlights saved across all your devices? Sign up or sign in

Learn More About Mundani

Mak MèngàꞋa

Popular Bible Verses from
Mak MèngàꞋa

Bible:

Mundani

Version: Mundani - mnf

Mak MèngàꞋa

Mak MèngàꞋa

Popular Bible Verses from Mak MèngàꞋa

Bible:

Mundani

Version: Mundani - mnf

Mak MèngàꞋa

Popular Bible Verses from
Mak MèngàꞋa