Matthew 11

Ha Imbyegan Jesus Kan Cha Imbuun John

(Luk. 7:18-23)

1Gilamput pun Jesus bililin cha lasawaɏan si chuwaʼn disipulusla, ummoyon ot ummoy lantudtuchu ya lambyegbyega si Bibiɏuʼn Chameg si cha ili-iliʼn adchaliyan.

2Si hachiʼn timpu libyabyaɏud si John un Mambubunyeg. Chingngeɏla pu pin-an Kristu killingwa, imbuunla cha uchum un disipulusla un umoy makaimus kan Jesus. 3Ot kalancha kan siya, “Ha sika Kristu un uuwayonmi un imbuun Apudyus willu man-uway kami si uchum?”

4Summongbyat si Jesus un kalala, “Mangulin kayu kan John ta ibyegayu cha chingngeɏyu ya intullongyu un pin-ak killingwa. 5Cha lakuɏap makatullongcha, cha lapilay makatidchaɏancha, cha lakuteɏ lapapeɏkascha, cha latuɏong makadngeɏcha, cha latoy ummulicha latagu ya mibyegbyega Bibiɏuʼn Chameg kan cha kakapus. 6Ya ibyegayu kan siya un pian chi taguʼn achipun manchuwachuwa mipanggop sakon.”

Ha Imbyegan Jesus Mipanggop Kan John

(Luk. 7:24-35)

7Ummoyon pun cha disipulus John, illugin Jesus un lan-ugud kan cha amod un tagu mipanggop kan John un kalala, “Si ummoyanyu kan John si lugeɏʼn lappun ummili, simma lilamlamayuʼn itullong? Ha osaʼn guɏun un chupachupaliyon chi bidbid? Lai. 8Ot simma ummoyyu intullong lù? Osaʼn taguʼn lansilup si kabiɏuwan un silup? Chakampun, ti cha mansilup si kamatchi, inggewcha si byeɏoy chi Ari. 9Simma ummoyyu intullong lù? Osaʼn propetan Apudyus? Tuttuwa, ngim ibyegak kan chikayu, si John un intullongyu ked langatngatu lu ha propeta. 10Ti si John chi hachiʼn ibyegbyegan chi liigili si ugud Apudyus un kalala, ‘Awed chi osaʼn taguʼn un-ulaok ibuun lu sika ta umoyla isagala chaɏan un ayom.’ ” 11Ot intuɏuy Jesus kalan un, “Ibyegak kan chikayu chi tuttuwa, lippun liyalak si tagu un langangatu lu si John un Mambubunyeg. Ngim ha taguʼn kabyabyaan si Mampangatan Apudyus, mibilang un langatngatu lu John. 12Malipud si chamuʼn langibyegbyeg-an John inggala si sala, awed cha mangipatut mangibyegbyega mipanggop si Mampangatan Apudyus. Ya awed bo cha uchum un ipapattutcha boʼn mipati si Mampangatala.#11:12 Chuwa piolaʼn uguchon: cha mangituɏuy sumupling si mampangatan Apudyus ya cha leɏanggas un mangipalit kan cha mipati. Cha mangituɏuy mangibyegbyega si mampangatan Apudyus, ya cha leɏanggas un mangipalit si mipati si mampangatala. 13Losan un libluʼn inggilin cha propetan Apudyus ya inggilin Moses ibyegbyegacha mipanggop si Mampangatan Apudyus inggala si timpun John. 14Ked lu mamati kayu si imbyegacha, maawatanyu un ha impadtucha, si John chi Elijah un umali.#11:14 Malachi 4:5 15Chikayuʼn manchochongngeɏ, ammanyu somsomkon cha chingngeɏyu.”

16Ot intuɏuy Jesus kalan un, “Simma mangiyisuwak kan cha tagu si sala? Isucha cha aalak un man-ay-ayam si palasa un achipun mat-op. Iyip-ipkawcha kan cha asin-allakcha, 17‘Tilupayyami gangsa, ngim achipun kayu lalagli! Ot langkanta kami si kachegchegu, ngim achipun kayu bo lakalangchu.’ 18Ti ummali si John un pin-a lallaun ya achipun ummin-ilum si cha bumuuk un byeyas, ngim ilam-amsiw cha tagu siya un kalancha, ‘Laaɏan.’ 19Ked Sakon un Alak chi Tagu, ummaliyak lakakan kan chikayu ya lakain-ilumak kan chikayu, ngim kalanyu un, ‘Ilanyu ked siya un bukallu ya kabubuuk ya kadwan cha manchachagup si bugis ya cha malagbyasuɏ!’ Ngim ulay lu siya kalanyu, ha ustu-ustuʼn kilasilib Apudyus ked maila si biyeg cha lasilib un tagu.”

Cha Judio Un Achipun Mamati Kan Jesus

(Luk. 10:13-15)

20Oli pun ilomɏan Jesus cha tagu si cha iliʼn langwaala si achuʼn lakaskaschaaw ti achipuncha lambyabyawi kan cha byasuɏcha. 21Ot kalala, “Kadchegu kayu un iKorazin ya iBethsaida! Ti lu ud Tyre ya Sidon chi langwaak kan cha allaʼn lakaskaschaaw un isun chi killingwak kan chikayu, labyeyeg otyan un lambyabyawicha kan cha byasuɏcha, si lansilupancha si guti ya langiggaancha si chebu si uɏucha un mangipain-ancha un lambyabyawicha. 22Ngim ibyegak kan chikayu lu chumtong chi eɏgew un manguisan Apudyus si losan un tagu, singkumaɏu machusaanyu lu cha iTyre ya iSidon. 23Ked chikayu un iCapernaum, ha lamlamaonyuʼn michayaw kayu ud langit ing-inggala? Achipun! Ti ibyellun Apudyus chikayu ud Impiyeɏlu. Lu ud Sodom otyan chi langwaak si lakaskaschaaw un killingwak kan chikayu, lambyabyawicha lin ya sissiya lin chi ilicha si sala. 24Ngim ibyegak kan chikayu lu chumtong chi eɏgew un manguisan Apudyus si losan un tagu, sinchumadlu machusaanyu lu cha iSodom.”

Lanyaman Si Jesus Kan Apudyus Un Amala

(Luk. 10:21-22)

25Oli pun lalluwalu si Jesus un kalala, “Ama, un Ap-apu ud langit ya pita, manyamalak kan sika, ti impakaammum chi katuttuwaan kan cha achipun lakaacheɏ un inlimodlu kan cha masisilib ya cha lakaacheɏ. 26O, Ama, manyamalak kan sika ti siya piom un makwa.”

27Lagamput pun lalluwalu si Jesus, kalala kan cha tagu, “Impiyeɏn Amak cha losan kan sakon. Lappun uchum si langagammu si kila-Apudyusku lu achi abus si Ama un Apudyus. Ya lappun bo uchum si mangagammu kan Ama un Apudyus lu achiyak abus un Alakla ya losan un taguʼn pililiyak un mangipakaammuwak si mipanggop kan siya.”

28Ot kalala bo, “Umali kayu kan sakon, chikayu losan un mauungeɏ ya machegchegsolan ta man-illongok chikayu. 29Tungpaɏonyu bilinku ya man-acheɏ kayu kan sakon, ti laalusak ya lapakumbyabyaak, ked lumin-awa somsomokyu. 30Ti chakampun un manchegson chi ipabukudku kan chikayu, ngim mallangpaw.”

Currently Selected:

Matthew 11: HUA

Highlight

Copy