Genèse 19
19
Soodoom yab tuŋkpitiŋ
1 Ituun ilee dūu bàn̄ Soodoom tiŋkin kujoou. Looti nìn nyáń ki kā Soodoom tiŋki punyɔkɔpu#19.1 kitiŋ punyɔkɔpu di sá laakin bi nìn kpáfí ki sòoǹ tibɔtee. Niin ní bi nìn gíti jīǹ kinyɔŋ.. U kēe ní ki ká bi dòoń, ní u yíkì ki túŋkì-bi. U bàn̄ bi-ceeyee ní ki gbāaǹ ki jáam̀-bi, 2ní ki bí-bi yii: «M-dindambi, m gbāam̀-ni ní, pàatīmaan man ni-tɔntɔnliu dumpu kí fíntí ni-taaŋi kí dòon̄ m-cee, ku yaa fu wúntì kutaafaau pɔ̀lpɔlee, ní fu nìkī ni-saŋŋu.» Ní bi yíì yii bi làá dòon̄ mmɔŋki laaba ní. 3Ní u páb́-bi tikpil ní bi dāa pāatì ki kɔ́ u-dumpu, ní u púĺ kpɔnɔ un baa ŋá ŋkpɔnɔnyɔkɔee ki ŋá-bi tican ní bi jíń.
4Bi dáá kā kaa láá kɔ́ ki dōoǹ, ní Soodoom tiŋki yab kɔkɔ dɔ́miń ki māntìi tú bi-diiku, kí yòon̄ binaacimpɔmbi kí cáá sāā bitikpilib, bininjab kɔkɔ, ugàntil kpá. 5Ní bi yíiń Looti ki bí-u yii: «Bininjab bin kɔ́ a-pu kunyeeu neeyee bí la? Nyāntiń-bi doo timbi ń dòon̄ nì bi.»
6Ní Looti nyáń ki yúl̀ kipunyɔkɔpu ki gíiǹ punuu ki pīiǹ, ní ki bí-bi yii: 7«M-nabiyaamu, m gbàam̄-ni, ní taa ŋámaan ikpiti gbanti. 8M cáá bisapɔmbi bili, baa nyí uninja. M làá cáań-bi kí tīī-ni ní ŋá-bi ni yaa là puee. Ama an yaa sá bininjab neeyee, ní taa ŋá-bi tiba, kun puee bi kɔ́ m-pu ní.» 9Ní bi kíí Looti yii: «Sútí niin kí wàatī timbi.» Ní ki kútì ki bí yii: «Unil nee sá unicaan ní ki kɔ́ timbi ní ki là kí nīn sá ti-bɔsoonliu. Too, ti làá ŋá-si tikpitil kí jītíǹ a-nicambi gba!» Niinee ní bi téé Looti mpɔn kí bàà cúú punuu kí wīī kí kɔ́ bininjabee pu. 10Ní bininjabee tāntì bi-ŋalii ki cúú Looti ŋal ki dáaĺ-u ki kɔ́ǹ bi-cee, ní ki dū punuu ki pīiǹ. 11Ní ki dū ijɔfi#19.11 ijɔfi: kpèè 2 Bib 6.18. ki tɔ́ bin kɔkɔ nìn dɔ́miń ki yú kudii nyɔkɔpuee, ki yōoǹ binaacimpɔmbi ki tin cáa sāā bitikpilib, ní baa ti wāĺ ní ki nyàab̄ kipunyɔkɔ ki gīī.
12Niinee ní bininjabee bālifì Looti yii: «A gíti cáá binib biba doooo? Nyāntí a-coobi nì a-jipɔmbi nì a bisalib nì bin kɔkɔ pée sá a-dicaŋkunee kitiŋ nee poon. 13Di sá yii ti làá kúntí kitiŋ nee, kun puee ti-Dindaan nín gbìl̄ bi sòoǹ ki-kpitii pu miŋyee wīikí tikpil, ní u túnní-ti yii tí dāá kúntí-kì.» 14Ní Looti nyáń ki tùkū u-coobi bin làá dāá cáá u-bisalibee yii: «Yīkìmaan kí nyā kitiŋ nee poon, kun puee ti-Dindaan làá kúntí-kì.» Ama bíǹ nìn dākafì yii an sá tinaacin ní.
15Kutaa bíi wúntée ní ituun in bí Looti ceeyee bíi páb́-u ki lì yii: «Yīkì kí yòon̄ a-nimpuu nì a-bisalib liitil nee kí kpáàá nyā kí taa yàntī ditafadaaldi din làá jēetí kitiŋ nee puee ń kpáaǹ-si.» 16Ama ní Looti bí ki tàantí kaa làá nyā malaa. Ní bininjab bilee cúú u nì u-nimpuu nì u-bisalib bilee ŋalii ki dáaĺ-bi ki nyántì kitiŋ kpaanceetiŋu. Di sá yii ti-Dindaan nìn là kí fīī-u ní#19.16 Kpèè 2 Peet 2.7..
17Bi dáaĺ-bi ki nyántèe ní bi-kansikin ubɔ bí Looti yii: «Sāǹ kí fīī a-ba! A yaa bíi sáńee, á taa fàtī kí kpèè a-boon, kí taa yūĺ laaba. A yaa kaa là ŋkúmee, á nīn pée sáń ki cá ajoon watil pú.» 18Ní Looti bí yii: «Óò m-Dindaan, m gbāam̀-si! 19Tiŋman, man a-tɔntɔnliu ká diyimɔɔl a-cee. A nín fīī-mi ŋkúminee, a dàkā-mi kulaŋŋaŋfitiiu tikpil. Ama m yaa bí yii m làá nīn sáń ki cá ajoon watil púee, maa làá bà ní mbusu nee ń dāá jēetí m-pu ní ḿ kpú. 20M gbāam̀-si, kpèè kitimbilii kiba di bí m-nyɔkɔpu nee, kaa dátì ḿ ŋmā kí sāǹ kí bà niin. Kitiŋ gbanti kaa náaǹaa! Yàntī ḿ sāǹ kí kɔ́ ki-ni kí ŋmátí.» 21Ní u kíí Looti yii: «M làá gíti pɔ̄-si diyimɔɔl. A-puee maa làá kúntí kitimbilii kin bɔti a sòoǹ nee. 22Malaa sāǹ kí báĺ niin, kun puee a yaa kaa láá bàn̄ kitiŋ gbantin, maa ŋūǹ kí ŋá tiba.» An pu ní bi pú kitiŋ gbanti diyindi yii Soowaar#19.22 Soowaar taapu di sá yii kiwaŋwaai..
23Ŋwìiń bíi nyēēyee ní Looti bàn̄ Soowaar timbiliikin. 24Niinee ní ti-Dindaan yāntì farwata nyánní yilpu ki fōō ŋŋmi ki sìtī kii utaayee Soodoom nì Goomoora timmu pu. 25U nìn nāaǹ ntimu gbanti nì ditantakal din poon mu bée kɔkɔ, ki kūū ki céetì mu-nib nì isufi nì timool kɔkɔ#19.25 B. 24-25: dūú ŋmàntī nì Maat 10.15, 11.23-24, Luuki 10.12, 17.29, 2 Peet 2.6, Juudi 7.. 26Ní Looti nimpuu fātì ki kpēē u-boon ní ki kpántì diyataŋkpal ki yúl̀#19.26 Kpèè Luuki 17.32..
27Ku wúntì kutaafaau pɔ̀lpɔlee, Abraam péé ki cūtì laakin u fu yúl̀ ti-Dindaan cee ki sòon̄ nì uee. 28U kpēē Soodoom nì Goomoora timmu nì ditantakal din poon mu bée watil púee, ki ká ŋŋminyiim nyēē kitiŋ ki dùkù ki jɔ́ḿ, a lì kii kipaai nyiimee.
29Ŋyunti ŋun Unimbɔti nìn kúntì ntimu mun bí ditantakal poonee, waa nìn súntì Abraam pu ní ki fīī Looti ki nyántì kitiŋ kin poon u nìn kóòyee ki wāatì ní ki nín nāaǹ-kì.
Moowaab nì Amɔn yab nyeeŋu
30Looti nìn fàŋkí kí nīn kóò Soowaar tiŋkin, an puee ní u kpáaǹ u-bisalib liitil ki yíkì ki tin kóòń ajoon pu itaŋkpalɔkɔn. 31Dalbee ní ukpil bí u-naal yii: «Ti-baa púĺ, ní bininjab mun kpá doo tí mɔ̄ǹ-bi kii an nín pée sá báà ŋma mɔ́ń puee. 32Yàntī tí nyùntī ti-baa ndaam, kí dòon̄ u-cee kí màal̀-u mbiyaamu ú ká inibool.»
33Kujoou gbantee ní bi nyūntì bi-baa ndaam ní u gbí, ní ukpil dōoǹ u-baa cee kunyeeu gbanti. U-baa kaa nìn kpáàa béè ŋyunti ŋun u kóoń ki dōoǹee nì ŋyunti ŋun u yíkèe gba. 34Kutaa wúntèe ní ukpil tùkū u-naal yii: «M fu dōoǹ ti-baa cee kunyeeu. Tí gíti nyùntī-u ndaam kunyeeu nee si mun ń cùú dòon̄ u-cee, tí ŋmā kí tīī ti-baa inibool.» 35Ní bi tí nyūntì bi-baa ndaam kunyeeu gbanti, ní kiwaayee mun cūtì ki dōoǹ bi-baa cee, ní bi-baa kaa kpáàa béè ŋyunti ŋun u kóoń ki dōoǹee nì ŋyunti ŋun u yíkèe gba.
36Niinee, Looti bisalib liitilee dūu cáá u-pool. 37Ní ukpil màl̄ kibininjabiki ní ki pú-kì diyindi yii Moowaab. Úǹ di sá díǹ pu nee Moowaab yab naanja. 38Ní u-naal mun màl̄ kibininjabiki ní ki pú-kì diyindi yii Been-Amii. Úǹ di sá díǹ pu nee Amɔn yab naanja.
Currently Selected:
Genèse 19: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Genèse 19
19
Soodoom yab tuŋkpitiŋ
1 Ituun ilee dūu bàn̄ Soodoom tiŋkin kujoou. Looti nìn nyáń ki kā Soodoom tiŋki punyɔkɔpu#19.1 kitiŋ punyɔkɔpu di sá laakin bi nìn kpáfí ki sòoǹ tibɔtee. Niin ní bi nìn gíti jīǹ kinyɔŋ.. U kēe ní ki ká bi dòoń, ní u yíkì ki túŋkì-bi. U bàn̄ bi-ceeyee ní ki gbāaǹ ki jáam̀-bi, 2ní ki bí-bi yii: «M-dindambi, m gbāam̀-ni ní, pàatīmaan man ni-tɔntɔnliu dumpu kí fíntí ni-taaŋi kí dòon̄ m-cee, ku yaa fu wúntì kutaafaau pɔ̀lpɔlee, ní fu nìkī ni-saŋŋu.» Ní bi yíì yii bi làá dòon̄ mmɔŋki laaba ní. 3Ní u páb́-bi tikpil ní bi dāa pāatì ki kɔ́ u-dumpu, ní u púĺ kpɔnɔ un baa ŋá ŋkpɔnɔnyɔkɔee ki ŋá-bi tican ní bi jíń.
4Bi dáá kā kaa láá kɔ́ ki dōoǹ, ní Soodoom tiŋki yab kɔkɔ dɔ́miń ki māntìi tú bi-diiku, kí yòon̄ binaacimpɔmbi kí cáá sāā bitikpilib, bininjab kɔkɔ, ugàntil kpá. 5Ní bi yíiń Looti ki bí-u yii: «Bininjab bin kɔ́ a-pu kunyeeu neeyee bí la? Nyāntiń-bi doo timbi ń dòon̄ nì bi.»
6Ní Looti nyáń ki yúl̀ kipunyɔkɔpu ki gíiǹ punuu ki pīiǹ, ní ki bí-bi yii: 7«M-nabiyaamu, m gbàam̄-ni, ní taa ŋámaan ikpiti gbanti. 8M cáá bisapɔmbi bili, baa nyí uninja. M làá cáań-bi kí tīī-ni ní ŋá-bi ni yaa là puee. Ama an yaa sá bininjab neeyee, ní taa ŋá-bi tiba, kun puee bi kɔ́ m-pu ní.» 9Ní bi kíí Looti yii: «Sútí niin kí wàatī timbi.» Ní ki kútì ki bí yii: «Unil nee sá unicaan ní ki kɔ́ timbi ní ki là kí nīn sá ti-bɔsoonliu. Too, ti làá ŋá-si tikpitil kí jītíǹ a-nicambi gba!» Niinee ní bi téé Looti mpɔn kí bàà cúú punuu kí wīī kí kɔ́ bininjabee pu. 10Ní bininjabee tāntì bi-ŋalii ki cúú Looti ŋal ki dáaĺ-u ki kɔ́ǹ bi-cee, ní ki dū punuu ki pīiǹ. 11Ní ki dū ijɔfi#19.11 ijɔfi: kpèè 2 Bib 6.18. ki tɔ́ bin kɔkɔ nìn dɔ́miń ki yú kudii nyɔkɔpuee, ki yōoǹ binaacimpɔmbi ki tin cáa sāā bitikpilib, ní baa ti wāĺ ní ki nyàab̄ kipunyɔkɔ ki gīī.
12Niinee ní bininjabee bālifì Looti yii: «A gíti cáá binib biba doooo? Nyāntí a-coobi nì a-jipɔmbi nì a bisalib nì bin kɔkɔ pée sá a-dicaŋkunee kitiŋ nee poon. 13Di sá yii ti làá kúntí kitiŋ nee, kun puee ti-Dindaan nín gbìl̄ bi sòoǹ ki-kpitii pu miŋyee wīikí tikpil, ní u túnní-ti yii tí dāá kúntí-kì.» 14Ní Looti nyáń ki tùkū u-coobi bin làá dāá cáá u-bisalibee yii: «Yīkìmaan kí nyā kitiŋ nee poon, kun puee ti-Dindaan làá kúntí-kì.» Ama bíǹ nìn dākafì yii an sá tinaacin ní.
15Kutaa bíi wúntée ní ituun in bí Looti ceeyee bíi páb́-u ki lì yii: «Yīkì kí yòon̄ a-nimpuu nì a-bisalib liitil nee kí kpáàá nyā kí taa yàntī ditafadaaldi din làá jēetí kitiŋ nee puee ń kpáaǹ-si.» 16Ama ní Looti bí ki tàantí kaa làá nyā malaa. Ní bininjab bilee cúú u nì u-nimpuu nì u-bisalib bilee ŋalii ki dáaĺ-bi ki nyántì kitiŋ kpaanceetiŋu. Di sá yii ti-Dindaan nìn là kí fīī-u ní#19.16 Kpèè 2 Peet 2.7..
17Bi dáaĺ-bi ki nyántèe ní bi-kansikin ubɔ bí Looti yii: «Sāǹ kí fīī a-ba! A yaa bíi sáńee, á taa fàtī kí kpèè a-boon, kí taa yūĺ laaba. A yaa kaa là ŋkúmee, á nīn pée sáń ki cá ajoon watil pú.» 18Ní Looti bí yii: «Óò m-Dindaan, m gbāam̀-si! 19Tiŋman, man a-tɔntɔnliu ká diyimɔɔl a-cee. A nín fīī-mi ŋkúminee, a dàkā-mi kulaŋŋaŋfitiiu tikpil. Ama m yaa bí yii m làá nīn sáń ki cá ajoon watil púee, maa làá bà ní mbusu nee ń dāá jēetí m-pu ní ḿ kpú. 20M gbāam̀-si, kpèè kitimbilii kiba di bí m-nyɔkɔpu nee, kaa dátì ḿ ŋmā kí sāǹ kí bà niin. Kitiŋ gbanti kaa náaǹaa! Yàntī ḿ sāǹ kí kɔ́ ki-ni kí ŋmátí.» 21Ní u kíí Looti yii: «M làá gíti pɔ̄-si diyimɔɔl. A-puee maa làá kúntí kitimbilii kin bɔti a sòoǹ nee. 22Malaa sāǹ kí báĺ niin, kun puee a yaa kaa láá bàn̄ kitiŋ gbantin, maa ŋūǹ kí ŋá tiba.» An pu ní bi pú kitiŋ gbanti diyindi yii Soowaar#19.22 Soowaar taapu di sá yii kiwaŋwaai..
23Ŋwìiń bíi nyēēyee ní Looti bàn̄ Soowaar timbiliikin. 24Niinee ní ti-Dindaan yāntì farwata nyánní yilpu ki fōō ŋŋmi ki sìtī kii utaayee Soodoom nì Goomoora timmu pu. 25U nìn nāaǹ ntimu gbanti nì ditantakal din poon mu bée kɔkɔ, ki kūū ki céetì mu-nib nì isufi nì timool kɔkɔ#19.25 B. 24-25: dūú ŋmàntī nì Maat 10.15, 11.23-24, Luuki 10.12, 17.29, 2 Peet 2.6, Juudi 7.. 26Ní Looti nimpuu fātì ki kpēē u-boon ní ki kpántì diyataŋkpal ki yúl̀#19.26 Kpèè Luuki 17.32..
27Ku wúntì kutaafaau pɔ̀lpɔlee, Abraam péé ki cūtì laakin u fu yúl̀ ti-Dindaan cee ki sòon̄ nì uee. 28U kpēē Soodoom nì Goomoora timmu nì ditantakal din poon mu bée watil púee, ki ká ŋŋminyiim nyēē kitiŋ ki dùkù ki jɔ́ḿ, a lì kii kipaai nyiimee.
29Ŋyunti ŋun Unimbɔti nìn kúntì ntimu mun bí ditantakal poonee, waa nìn súntì Abraam pu ní ki fīī Looti ki nyántì kitiŋ kin poon u nìn kóòyee ki wāatì ní ki nín nāaǹ-kì.
Moowaab nì Amɔn yab nyeeŋu
30Looti nìn fàŋkí kí nīn kóò Soowaar tiŋkin, an puee ní u kpáaǹ u-bisalib liitil ki yíkì ki tin kóòń ajoon pu itaŋkpalɔkɔn. 31Dalbee ní ukpil bí u-naal yii: «Ti-baa púĺ, ní bininjab mun kpá doo tí mɔ̄ǹ-bi kii an nín pée sá báà ŋma mɔ́ń puee. 32Yàntī tí nyùntī ti-baa ndaam, kí dòon̄ u-cee kí màal̀-u mbiyaamu ú ká inibool.»
33Kujoou gbantee ní bi nyūntì bi-baa ndaam ní u gbí, ní ukpil dōoǹ u-baa cee kunyeeu gbanti. U-baa kaa nìn kpáàa béè ŋyunti ŋun u kóoń ki dōoǹee nì ŋyunti ŋun u yíkèe gba. 34Kutaa wúntèe ní ukpil tùkū u-naal yii: «M fu dōoǹ ti-baa cee kunyeeu. Tí gíti nyùntī-u ndaam kunyeeu nee si mun ń cùú dòon̄ u-cee, tí ŋmā kí tīī ti-baa inibool.» 35Ní bi tí nyūntì bi-baa ndaam kunyeeu gbanti, ní kiwaayee mun cūtì ki dōoǹ bi-baa cee, ní bi-baa kaa kpáàa béè ŋyunti ŋun u kóoń ki dōoǹee nì ŋyunti ŋun u yíkèe gba.
36Niinee, Looti bisalib liitilee dūu cáá u-pool. 37Ní ukpil màl̄ kibininjabiki ní ki pú-kì diyindi yii Moowaab. Úǹ di sá díǹ pu nee Moowaab yab naanja. 38Ní u-naal mun màl̄ kibininjabiki ní ki pú-kì diyindi yii Been-Amii. Úǹ di sá díǹ pu nee Amɔn yab naanja.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.