Genèse 20
20
Abraam nì ubɔti Abimeeleeki bɔti
1Abraam yíkì niinee ní ki nín cá Neegeeb tiŋkin, ní ki cūtìi kāl̀ Kadeesi nì Suur kansikin, ní ki dāa yíkì niin ki cūtìi kóòń Geeraar. 2Abraam nìn lī binib cee yii u-nimpuu Saara sá u-niisal ní. An pu ní Geeraar bɔtiu Abimeeleeki tú bi cúú Saara ki cūnnì-u. 3Kunyeeuee ní Unimbɔti dɔ́miń Abimeeleeki cee kudamintiiu poon ní ki bí-u yii: «A làá kpú unimpu un a fōō ki làá cáá nee pu, kun puee u cáá cal.» 4Abimeeleeki kaa nìn dá láá gbēē unimpuee ní ki lī yii: «Ti-Dindaan, a làá kúntí kitimmɔŋ nib báà bi yaa kaa ŋá ikpiti ibaaa? 5Abraam u-ba di tùkū-mi yii u-niisal dee, ní unimpu u-ba mun lī yii Abraam sá u-niija. An puee tin man ŋá nee, m ŋá nì nlandɔkɔmɔnti ní, maa yīntì.»
6U-damintiiku kubaantiiu gbanti poonee ní Unimbɔti bí-u yii: «Man m-ba nyí yii an sá nì nlandɔkɔmɔnti ní a ŋá míǹ. Man di cúú-si á taa yìntīǹ-mi, an pu ní maa yāntì a gbēē-u. 7Kɔŋkɔnnee, gíiǹ unimpuee kí tīī u-cal, u sá m-bɔnaatiliu ní, u làá mèè kí tīī-si á taa kpú. Ama a yaa kaa gíiǹ u-nimpuu ki tīī-u, á nīn nyí yii sii nì a-yab kɔkɔ làá kpú.»
8Abimeeleeki fīntì kutaafaau pɔ̀lpɔlee ní ki yíiń u-tɔntɔnliibi kɔkɔ ní ki dū an bɔtee ki máafì-bi, ní tifaandi cúú-bi tikpil. 9Ní Abimeeleeki yíiń Abraam ní ki bālifì-u yii: «Ba ŋá ní a ŋá-ti mimmee? Tilati ní m yīntiǹ-si ní a bàà làá dū man nì m-beelin yab kí kɔ́ǹ ikpitikpaan poon míǹ? A ŋá-mi digaŋgam un kaa máaǹ bí ŋá unilee.» 10Ní ki gíti bí yii: «Ba di yāntì ní a ŋá míǹ?» 11Ní Abraam kíí-u yii: «M dākafì yii doo nib kaa fàŋkí Unimbɔti, bi yaa ká m-nimpuu, bi ŋūǹ ki kpɔ̀-mi kí fōō-u. 12Ama nì míǹ kɔkɔee, u baasii sá m-niisal ní. Di sá man nì u pēē baa ní kaa pēē na, an pu ní m ŋúń ki cáá-u. 13Unimbɔti nín yāntì m yíkì m-tiŋkin m-baa cee kí bíi yìiǹee, m tùkū m-nimpuu yii: <Min ní a làá dàkà yii a néeń-mee di sá laakin kamaa ní ti yaa bàn̄ee, á nīn yíì-mi yii a-niija.>»
14Niinee ní Abimeeleeki cúú inaa nì ipii nì iŋoobu nì iyumbu bininjab nì binimpoobi ki tīī-u, ní ki gíiǹ u-nimpuu Saara mun ki tīī-u. 15Ní ki bí-u yii: «Kpèè, m-tiŋki di dɔ̄ a-nimbiin nee, lēē laakin ní a lèe kí nīn kóò.» 16Ní ki bí Saara yii: «Kpèè, m tīī a-niija animbil jitɔmbi kutuku nee kí dàkà bin kɔkɔ bí a-ceeyee yii tibɔti tin jítèe, baa ká a-bɔkpil.»
17Niinee ní Abraam mēē Unimbɔti ki tīī Abimeeleeki nì u-nimpuu nì u-tɔntɔnliibi binimpoobi ní Unimbɔti fātìi pīitì-bi mmaal! 18Di sá yii tin nìn jítì Abraam nimpuu Saara puee yāntì ti-Dindaan pīiǹ Abimeeleeki nì u-dicaŋku yab kɔkɔ maaliŋu.
Currently Selected:
Genèse 20: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Genèse 20
20
Abraam nì ubɔti Abimeeleeki bɔti
1Abraam yíkì niinee ní ki nín cá Neegeeb tiŋkin, ní ki cūtìi kāl̀ Kadeesi nì Suur kansikin, ní ki dāa yíkì niin ki cūtìi kóòń Geeraar. 2Abraam nìn lī binib cee yii u-nimpuu Saara sá u-niisal ní. An pu ní Geeraar bɔtiu Abimeeleeki tú bi cúú Saara ki cūnnì-u. 3Kunyeeuee ní Unimbɔti dɔ́miń Abimeeleeki cee kudamintiiu poon ní ki bí-u yii: «A làá kpú unimpu un a fōō ki làá cáá nee pu, kun puee u cáá cal.» 4Abimeeleeki kaa nìn dá láá gbēē unimpuee ní ki lī yii: «Ti-Dindaan, a làá kúntí kitimmɔŋ nib báà bi yaa kaa ŋá ikpiti ibaaa? 5Abraam u-ba di tùkū-mi yii u-niisal dee, ní unimpu u-ba mun lī yii Abraam sá u-niija. An puee tin man ŋá nee, m ŋá nì nlandɔkɔmɔnti ní, maa yīntì.»
6U-damintiiku kubaantiiu gbanti poonee ní Unimbɔti bí-u yii: «Man m-ba nyí yii an sá nì nlandɔkɔmɔnti ní a ŋá míǹ. Man di cúú-si á taa yìntīǹ-mi, an pu ní maa yāntì a gbēē-u. 7Kɔŋkɔnnee, gíiǹ unimpuee kí tīī u-cal, u sá m-bɔnaatiliu ní, u làá mèè kí tīī-si á taa kpú. Ama a yaa kaa gíiǹ u-nimpuu ki tīī-u, á nīn nyí yii sii nì a-yab kɔkɔ làá kpú.»
8Abimeeleeki fīntì kutaafaau pɔ̀lpɔlee ní ki yíiń u-tɔntɔnliibi kɔkɔ ní ki dū an bɔtee ki máafì-bi, ní tifaandi cúú-bi tikpil. 9Ní Abimeeleeki yíiń Abraam ní ki bālifì-u yii: «Ba ŋá ní a ŋá-ti mimmee? Tilati ní m yīntiǹ-si ní a bàà làá dū man nì m-beelin yab kí kɔ́ǹ ikpitikpaan poon míǹ? A ŋá-mi digaŋgam un kaa máaǹ bí ŋá unilee.» 10Ní ki gíti bí yii: «Ba di yāntì ní a ŋá míǹ?» 11Ní Abraam kíí-u yii: «M dākafì yii doo nib kaa fàŋkí Unimbɔti, bi yaa ká m-nimpuu, bi ŋūǹ ki kpɔ̀-mi kí fōō-u. 12Ama nì míǹ kɔkɔee, u baasii sá m-niisal ní. Di sá man nì u pēē baa ní kaa pēē na, an pu ní m ŋúń ki cáá-u. 13Unimbɔti nín yāntì m yíkì m-tiŋkin m-baa cee kí bíi yìiǹee, m tùkū m-nimpuu yii: <Min ní a làá dàkà yii a néeń-mee di sá laakin kamaa ní ti yaa bàn̄ee, á nīn yíì-mi yii a-niija.>»
14Niinee ní Abimeeleeki cúú inaa nì ipii nì iŋoobu nì iyumbu bininjab nì binimpoobi ki tīī-u, ní ki gíiǹ u-nimpuu Saara mun ki tīī-u. 15Ní ki bí-u yii: «Kpèè, m-tiŋki di dɔ̄ a-nimbiin nee, lēē laakin ní a lèe kí nīn kóò.» 16Ní ki bí Saara yii: «Kpèè, m tīī a-niija animbil jitɔmbi kutuku nee kí dàkà bin kɔkɔ bí a-ceeyee yii tibɔti tin jítèe, baa ká a-bɔkpil.»
17Niinee ní Abraam mēē Unimbɔti ki tīī Abimeeleeki nì u-nimpuu nì u-tɔntɔnliibi binimpoobi ní Unimbɔti fātìi pīitì-bi mmaal! 18Di sá yii tin nìn jítì Abraam nimpuu Saara puee yāntì ti-Dindaan pīiǹ Abimeeleeki nì u-dicaŋku yab kɔkɔ maaliŋu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.