Ebikorwa 3
3
Petero na Yoana nibaosya omurema
1Mbe Petero na Yoana nibarinyagisya mu yekaru mu saa yo kusabwa, niyo saa eta:nu ne:na. 2Ariga:rio omu:nu aremaae kuso:kerera munda ya nyiramwene, oyo agegwaga na ba:nu, nibamuta kusiku ku muryango gwa iyekaru, gunu gwatogwaga Omukonde, korereki asabwega ebiyanwa ku banu bengiraga mu yekaru. 3Oyo wejire arora Petero na Yoana nibajo:kwingira mu yekaru, nasabwa ayabwe biyanwa. 4Petero namurore:rera nekeneke aamwi na Yoana, na:ika ati, Nucirore:rere. 5Omwene nabarora, ategeree ati abajo:kumuyana eci:nu. 6Nawe Petero na:ika ati, Jimpirya na jijaabu ntanajo, nawe cinu ninaco nico ndakuyana. Mwisi:na rya Yesu wende Najareti, imuka uribate. 7Namugwata ku kuboko kwe buryo, namwimusya. Aonao ebigere byae ne bisugunyu byae nibijira amanaga. 8Ne:muka bwangwe nemereguru, naribata. Nengira aamwi nabo mu yekaru naribata, ne:jungajunga, naku:ya Nyamuanga. 9Aba:nu bo:ne nibamurora naribata naku:ya Nyamuanga, 10Nibamumenya ati, niwe enyanjaga ku muryango Omukonde ogwa iyekaru, nasabwaga ebiyanwa, nibataŋaŋara muno no kurugu:ra binu byamubwene. 11Mbe ejire agwatirirana na Petero na Yoana, aba:nu bo:ne mbababirimira aamwi mu cisunya cinu ecitogwa eca Suremani, nibarugu:ra muno.
Okusimura kwa kabiri kwa Petero
12Petero ejire arora ejo, naindura aba:nu ati, Emwe bamura ba Israeli, ?niki cinu ecikora nimurugu:rira emisango jinu? ?Kubaki omucirore:rera nekeneke uti ni managa geswe amwi burengeresi bweswe nibwo bwakora omu:nu unu naribata? 13Nyamuanga wa Iburaimu na Isaka na Yakobo, niwe Nyamuanga wa basaja, akusisye Omwana wae Yesu, oyo emwe mwagwatire, nimumwiga:na imbere ya Pilato, nakabee ariga atemere eci:na co kumuta:tira. 14Nawe emwe mwega:nire Oyo Mweru no Murengeresi, nimwenda okusurumurirwa omwiti, 15Nimumwita Omusimuka wo Buanga oyo Nyamuanga asu:ruye mu bafu:ye, neswe riri bo kwimako ebyo. 16Na kurwo kwikirisya risi:na ryae, ka risi:na ryae ryamuyana amanaga omu:nu unu omurora no kumumenya. No kwikirisya kunu kuri ku Mwene nikwo kwamuyana omu:nu unu obuanga bunu buku:miye imbere yemwe bo:ne. 17Mbe woryanu, ba:na ba:su, nimenyere ati, mwakorere ebyo mu butamenya, na bakuru bemwe one bakorere kutyo. 18Nawe Nyamuanga a:ikire ebyo kara mu kanwa ka baragi bo:ne ati, Kristo wae arinya:sibwa. Mbe aku:misisye ebyo. 19Mbe nimute mucu:ke, ebibi:bi byemwe korereki bisimibwe, amagoro go kufuŋama gaje okuso:ka imbere ya Ratabugenyi. 20Omwene atume Kristo Yesu oyo asimuywe kwimwe kara, 21Oyo e:ire aramirwe mu rwire kukinga gaje amagoro go kukorwa byone bibe biya:ya, binu Nyamuanga a:ikiriraga mu kanwa ka baragi bae abe:ru kuso:kerera ku bwambiro. 22Okuba Musa a:ikire ati,
Ratabugenyi Nyamuanga wemwe aribe:namusisya omuragi wo kususana nanye,
Unu ariso:ka mu ba:na banyu
Oyo murimungwaga mu byone binu aribabwira.
23Mbe, mu:nu wo:ne unu atarimungwa omuragi oyo, arisimagisibwa no kwaurwa mu ba:nu bae. 24Mbe na baragi bo:ne okwambira ku Samweli na banu basingiye inyuma yae, bo:ne banu ba:ikire, baragire ebya jisiku jinu. 25Emwe muri ba:na ba baragi, na bo buragane bunu Nyamuanga aragene na basaja wanyu, nabwira Iburaimu ati,
Jiŋanda jo:ne ja mu ca:ro jiriyanirwa ribando mu rwiburo rwao.
26Nyamuanga ejire amara okusu:rura Omwana wae Yesu, namba okumutuma kwimwe, abayane ribando, acu:sye buri mu:nu mu bibi:bi byae.
Currently Selected:
Ebikorwa 3: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
Ebikorwa 3
3
Petero na Yoana nibaosya omurema
1Mbe Petero na Yoana nibarinyagisya mu yekaru mu saa yo kusabwa, niyo saa eta:nu ne:na. 2Ariga:rio omu:nu aremaae kuso:kerera munda ya nyiramwene, oyo agegwaga na ba:nu, nibamuta kusiku ku muryango gwa iyekaru, gunu gwatogwaga Omukonde, korereki asabwega ebiyanwa ku banu bengiraga mu yekaru. 3Oyo wejire arora Petero na Yoana nibajo:kwingira mu yekaru, nasabwa ayabwe biyanwa. 4Petero namurore:rera nekeneke aamwi na Yoana, na:ika ati, Nucirore:rere. 5Omwene nabarora, ategeree ati abajo:kumuyana eci:nu. 6Nawe Petero na:ika ati, Jimpirya na jijaabu ntanajo, nawe cinu ninaco nico ndakuyana. Mwisi:na rya Yesu wende Najareti, imuka uribate. 7Namugwata ku kuboko kwe buryo, namwimusya. Aonao ebigere byae ne bisugunyu byae nibijira amanaga. 8Ne:muka bwangwe nemereguru, naribata. Nengira aamwi nabo mu yekaru naribata, ne:jungajunga, naku:ya Nyamuanga. 9Aba:nu bo:ne nibamurora naribata naku:ya Nyamuanga, 10Nibamumenya ati, niwe enyanjaga ku muryango Omukonde ogwa iyekaru, nasabwaga ebiyanwa, nibataŋaŋara muno no kurugu:ra binu byamubwene. 11Mbe ejire agwatirirana na Petero na Yoana, aba:nu bo:ne mbababirimira aamwi mu cisunya cinu ecitogwa eca Suremani, nibarugu:ra muno.
Okusimura kwa kabiri kwa Petero
12Petero ejire arora ejo, naindura aba:nu ati, Emwe bamura ba Israeli, ?niki cinu ecikora nimurugu:rira emisango jinu? ?Kubaki omucirore:rera nekeneke uti ni managa geswe amwi burengeresi bweswe nibwo bwakora omu:nu unu naribata? 13Nyamuanga wa Iburaimu na Isaka na Yakobo, niwe Nyamuanga wa basaja, akusisye Omwana wae Yesu, oyo emwe mwagwatire, nimumwiga:na imbere ya Pilato, nakabee ariga atemere eci:na co kumuta:tira. 14Nawe emwe mwega:nire Oyo Mweru no Murengeresi, nimwenda okusurumurirwa omwiti, 15Nimumwita Omusimuka wo Buanga oyo Nyamuanga asu:ruye mu bafu:ye, neswe riri bo kwimako ebyo. 16Na kurwo kwikirisya risi:na ryae, ka risi:na ryae ryamuyana amanaga omu:nu unu omurora no kumumenya. No kwikirisya kunu kuri ku Mwene nikwo kwamuyana omu:nu unu obuanga bunu buku:miye imbere yemwe bo:ne. 17Mbe woryanu, ba:na ba:su, nimenyere ati, mwakorere ebyo mu butamenya, na bakuru bemwe one bakorere kutyo. 18Nawe Nyamuanga a:ikire ebyo kara mu kanwa ka baragi bo:ne ati, Kristo wae arinya:sibwa. Mbe aku:misisye ebyo. 19Mbe nimute mucu:ke, ebibi:bi byemwe korereki bisimibwe, amagoro go kufuŋama gaje okuso:ka imbere ya Ratabugenyi. 20Omwene atume Kristo Yesu oyo asimuywe kwimwe kara, 21Oyo e:ire aramirwe mu rwire kukinga gaje amagoro go kukorwa byone bibe biya:ya, binu Nyamuanga a:ikiriraga mu kanwa ka baragi bae abe:ru kuso:kerera ku bwambiro. 22Okuba Musa a:ikire ati,
Ratabugenyi Nyamuanga wemwe aribe:namusisya omuragi wo kususana nanye,
Unu ariso:ka mu ba:na banyu
Oyo murimungwaga mu byone binu aribabwira.
23Mbe, mu:nu wo:ne unu atarimungwa omuragi oyo, arisimagisibwa no kwaurwa mu ba:nu bae. 24Mbe na baragi bo:ne okwambira ku Samweli na banu basingiye inyuma yae, bo:ne banu ba:ikire, baragire ebya jisiku jinu. 25Emwe muri ba:na ba baragi, na bo buragane bunu Nyamuanga aragene na basaja wanyu, nabwira Iburaimu ati,
Jiŋanda jo:ne ja mu ca:ro jiriyanirwa ribando mu rwiburo rwao.
26Nyamuanga ejire amara okusu:rura Omwana wae Yesu, namba okumutuma kwimwe, abayane ribando, acu:sye buri mu:nu mu bibi:bi byae.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.