Ebikorwa 2
2
Omwoyo Mweru nabe:kira abe:kirisya
1Mbe wejire rwaku:mira orusiku rwa Pentekote, bariga be:kofyanyisye bo:ne aamwi. 2Nibe:fura ecirumo nici:ja okuso:ka mu rwire, uti muyaga ngurunduma na managa, nigwijusya inyumba yo:ne munu bariga benyanjire. 3Nijibabonekera jindimi ja:ukiremo rwa jimbesi jo muriro, nijibaswisya bo:ne. 4Bo:ne nibe:jura Omwoyo Mweru, nibamba okwaika na jinyaika ejindi, rwa kutyo Omwoyo abayae okuja:ika. 5Mu Yerusalemi bariga be:kaemo Abayaudi, abamura abakome:e mu kuramya banu baso:kere mu maanga go:ne ganu gari emwaro yo rwire. 6Oburaka obwo wejire babungwa, ebise nibikofyanya mbataŋaŋara, okuba bonguywe buri mu:nu niba:ika mu nyaika ye wabo. 7Nibarugu:ra bo:ne, nibajuma, niba:ika ati, ?Angu, bo:ne banu aba:ika batari Bagalilaya? 8?Ka niki cinu ecikora eswe nicungwa buri mu:nu mu nyaika inu ce:buriywemo? 9Eswe ciri Baparisi, na Bamedi, na Baelamiti, na banu be:kae Mesopotamia, na mu Buyaudi, na mu Kapadokia, na mu Ponto na mu Asia, 10na mu Furugia, na mu Pamfulia, na mu Misiri na mu ca:ro ca Libia, cinu cisijene na Kurene, na Barumi abagenyi, Abayaudi na banu baindukire. 11Na Bakerete na Baarabu, mbe ecungwa niba:ika mu nyaika jeswe ebirugu:ro ebinene bya Nyamuanga. 12Nibarugu:ra bo:ne nibe:tima:ta, niba:ikana ati, ?Emisango jinu jiri kutiki? 13Nawe abandi nibabamwaisya, niba:ika ati, Bakorerwe manji ga mijabibu maya:ya.
Okusimura kwa Petero ku rusiku rwa Pentekote
14Mbe Petero nemereguru aamwi na bariya rikumi no umwi, na:ikirira inguru, nababwira ati, Emwe bamura ba Buyaudi, nemwe bo:ne banu mwikae Yerusalemi, mumenye omusango gunu, nimutegeresya emisango jani. 15Okuba ba:nu banu batakorerwe rwa kutyo emwe omwiganirisya, okuba wori ni saa esatu era ya mu mwisi. 16Nawe binu nibyo byaikirwe no muragi Yoeli ati,
17Nyamuanga ka:ika ati,
Mu siku ja ku bute:ro ndibe:tururira ba:nu bo:ne Omwoyo gwani.
Aba:na bemwe be cimura na be ciyara bariraga oburagi,
Na bamura bemwe barirora ebiroro
Na bakaruka bemwe bariro:ta ebiro:to.
18Na mu siku ejo ndibe:tururira abagaya bani abarume na bagasi
Omwoyo gwani, na:bo bariraga.
19Ndyeresya ebirugu:ro inguru mu rwire,
Ne bibarikisyo emwaro ku:si,
Nibyo amanyinga, no muriro, no kwitu:ta kwa ingesi.
20Risu:ba ririba cisu:te, no kwesi kuriba manyinga,
Rucari ku:ja orusiku orukuru rwa Ratabugenyi runu ruribu:risibwa.
21Biriba ati, mu:nu wo:ne unu aribirikira risi:na rya Ratabugenyi arikisibwa.
22Emwe bamura ba Israeli, nimungwe emisango jinu. Yesu wende Najareti, omu:nu unu Nyamuanga abe:resisye emwe mu bikorwa bya managa ne birugu:ro ne bibarikisyo, Nyamuanga akorere na maboko gae aagati yemwe, rwa kutyo emwe one mumenyere. 23Oyo aso:sibwe rwa kutyo Nyamuanga atangatire okurwaja rwo bukarae bwae kutyo bwariga buri mu binu ariga amenyere kara, emwe mwamugwatire, nimumubamba no kumwita na maboko ga ba:nu ababi:bi. 24Oyo Nyamuanga namusu:rura, nasuru:mura okurumwa kwo kufwa, okuba kutaturire kumuremera. 25Okuba Daudi kamwaika ati,
Naroraga Ratabugenyi imbere yani kusiku: siku
Okuba ari ku kuboko kwani okwe buryo, nisige kuteratera.
26Omutima gwani kwogukora nigukonderwa,
Orurimi rwani nirusandaba,
Ka no mubiri gwani gure:karaga mu kwiikanya.
27Okuba utarisiga omwoyo gwani ebwire,
Amwi utarisiga Omweru wao abore.
28Wa:mmenyesisye jinjira jo buanga.
Urinyijusya okukonderwa imbere yo busu bwao.
29Bamura, ba:na ba:su, enitura okwaika no buba:si imbere yemwe, eja saja Omukuru Daudi ati afu:ye, nasi:kwa, ne citu:ro cae ciri eweswe na ka wori. 30Mbe okuba omwene ariga:ri muragi, kandi ariga amenyere ati, Nyamuanga amwirairiye ku cirairo ati, mu rwiburo rwa mu nda yae, arimwinamusya Kristo enyanje ku citebe cae ca iŋoma. 31Okuba atangatire okurora ebya imbere, na:ika ebyo kusu:ka kwa Kristo ati, omwoyo gwae gutasigirwe ebwire, nakabee guri mubiri gwae gutaborere. 32Mbe Yesu oyo Nyamuanga amusu:ruye, neswe bo:ne ciri bo kumwimako. 33Mbe, wejire amara okuku:ibwa ku kuboko kwe buryo okwa Nyamuanga, nayabwa omurago gwo Mwoyo Mweru Kwisemwene, mbe niwo nabe:tururira cinu omurora no kucungwa woryanu. 34Okuba Daudi atarinyire mu rwire, nawe a:ikire omwene ati,
Ratabugenyi amubwiriye Ratabungenyi wani ati,
Inyanja ku kuboko kwani okwe buryo,
35Okukinga ao ndikora abaremo bao okuba rwe citebe ce bigere byao.
36Mbe, inyumba yo:ne ya Israeli bamenye cimari ati, Yesu oyo mwabambire ku musaraba, Nyamuanga amukorere kuba Ratabugenyi na Kristo.
Aba:nu nibe:kirisya bisira bisatu
37Mbe wejire bongwa ebyo, emyoyo jebwe nijirumwa, nibabwira Petero, na jintumwa ejindi ati, ?Cikore kutiki, bamura ba:su? 38Petero nababwira ati, Nimute, mubatijibwe buri mu:nu mwisi:na rya Yesu Kristo, korereki mwiswaririrwe ebibi:bi byemwe, omujo:kuyabwa eciyanwa co Mwoyo Mweru. 39Okuba omurago ni gwemwe na ku ba:na bemwe, na ku ba:nu bo:ne banu bari kura, ku bo:ne banu baribirikirwa na Ratabugenyi Nyamuanga weswe. 40Nabakomeresya mu misango ejindi myafu no kubakengya na:ika ati, Mwikisye mwiimbo rinu erikote. 41Mbe aba:nu banu be:kirisisye omusango gwae nibabatijibwa. Orusiku urwo nibeyongesya ba:nu uti bisira bisatu.
Okusangira kwa ikanisa yo kwamba
42Nibe:kome:sya mu kwiigisya kwa jintumwa na mu kusangira, na mu kubegana omukate, na mu kusabwa. 43Obu:ba nibuba ku mwoyo gwa buri mu:nu. Ebirugu:ro byafu ne bibarikisyo nibiborwaga na jintumwa. 44Bo:ne banu be:kirisisye bariga aamwi, na mu bi:nu byone basangiye aamwi. 45Nibaka:na obunibi bwebwe ne bi:nu binu bariga banabyo, nibagabiraga bo:ne rwa kutyo mu:nu wo:ne ariga akenere. 46Bakome:e kusiku no mwoyo gumwi mu yekaru, nibabeganaga omukate mu nyumba imwi imwi, nibaryaga ebiryo, bakondeywe no mutima gwerere. 47Nibakusya Nyamuanga, nibasi:mwa na ba:nu bo:ne. Ratabugenyi nongesyaga kusiku banu bakisibwaga.
Currently Selected:
Ebikorwa 2: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
Ebikorwa 2
2
Omwoyo Mweru nabe:kira abe:kirisya
1Mbe wejire rwaku:mira orusiku rwa Pentekote, bariga be:kofyanyisye bo:ne aamwi. 2Nibe:fura ecirumo nici:ja okuso:ka mu rwire, uti muyaga ngurunduma na managa, nigwijusya inyumba yo:ne munu bariga benyanjire. 3Nijibabonekera jindimi ja:ukiremo rwa jimbesi jo muriro, nijibaswisya bo:ne. 4Bo:ne nibe:jura Omwoyo Mweru, nibamba okwaika na jinyaika ejindi, rwa kutyo Omwoyo abayae okuja:ika. 5Mu Yerusalemi bariga be:kaemo Abayaudi, abamura abakome:e mu kuramya banu baso:kere mu maanga go:ne ganu gari emwaro yo rwire. 6Oburaka obwo wejire babungwa, ebise nibikofyanya mbataŋaŋara, okuba bonguywe buri mu:nu niba:ika mu nyaika ye wabo. 7Nibarugu:ra bo:ne, nibajuma, niba:ika ati, ?Angu, bo:ne banu aba:ika batari Bagalilaya? 8?Ka niki cinu ecikora eswe nicungwa buri mu:nu mu nyaika inu ce:buriywemo? 9Eswe ciri Baparisi, na Bamedi, na Baelamiti, na banu be:kae Mesopotamia, na mu Buyaudi, na mu Kapadokia, na mu Ponto na mu Asia, 10na mu Furugia, na mu Pamfulia, na mu Misiri na mu ca:ro ca Libia, cinu cisijene na Kurene, na Barumi abagenyi, Abayaudi na banu baindukire. 11Na Bakerete na Baarabu, mbe ecungwa niba:ika mu nyaika jeswe ebirugu:ro ebinene bya Nyamuanga. 12Nibarugu:ra bo:ne nibe:tima:ta, niba:ikana ati, ?Emisango jinu jiri kutiki? 13Nawe abandi nibabamwaisya, niba:ika ati, Bakorerwe manji ga mijabibu maya:ya.
Okusimura kwa Petero ku rusiku rwa Pentekote
14Mbe Petero nemereguru aamwi na bariya rikumi no umwi, na:ikirira inguru, nababwira ati, Emwe bamura ba Buyaudi, nemwe bo:ne banu mwikae Yerusalemi, mumenye omusango gunu, nimutegeresya emisango jani. 15Okuba ba:nu banu batakorerwe rwa kutyo emwe omwiganirisya, okuba wori ni saa esatu era ya mu mwisi. 16Nawe binu nibyo byaikirwe no muragi Yoeli ati,
17Nyamuanga ka:ika ati,
Mu siku ja ku bute:ro ndibe:tururira ba:nu bo:ne Omwoyo gwani.
Aba:na bemwe be cimura na be ciyara bariraga oburagi,
Na bamura bemwe barirora ebiroro
Na bakaruka bemwe bariro:ta ebiro:to.
18Na mu siku ejo ndibe:tururira abagaya bani abarume na bagasi
Omwoyo gwani, na:bo bariraga.
19Ndyeresya ebirugu:ro inguru mu rwire,
Ne bibarikisyo emwaro ku:si,
Nibyo amanyinga, no muriro, no kwitu:ta kwa ingesi.
20Risu:ba ririba cisu:te, no kwesi kuriba manyinga,
Rucari ku:ja orusiku orukuru rwa Ratabugenyi runu ruribu:risibwa.
21Biriba ati, mu:nu wo:ne unu aribirikira risi:na rya Ratabugenyi arikisibwa.
22Emwe bamura ba Israeli, nimungwe emisango jinu. Yesu wende Najareti, omu:nu unu Nyamuanga abe:resisye emwe mu bikorwa bya managa ne birugu:ro ne bibarikisyo, Nyamuanga akorere na maboko gae aagati yemwe, rwa kutyo emwe one mumenyere. 23Oyo aso:sibwe rwa kutyo Nyamuanga atangatire okurwaja rwo bukarae bwae kutyo bwariga buri mu binu ariga amenyere kara, emwe mwamugwatire, nimumubamba no kumwita na maboko ga ba:nu ababi:bi. 24Oyo Nyamuanga namusu:rura, nasuru:mura okurumwa kwo kufwa, okuba kutaturire kumuremera. 25Okuba Daudi kamwaika ati,
Naroraga Ratabugenyi imbere yani kusiku: siku
Okuba ari ku kuboko kwani okwe buryo, nisige kuteratera.
26Omutima gwani kwogukora nigukonderwa,
Orurimi rwani nirusandaba,
Ka no mubiri gwani gure:karaga mu kwiikanya.
27Okuba utarisiga omwoyo gwani ebwire,
Amwi utarisiga Omweru wao abore.
28Wa:mmenyesisye jinjira jo buanga.
Urinyijusya okukonderwa imbere yo busu bwao.
29Bamura, ba:na ba:su, enitura okwaika no buba:si imbere yemwe, eja saja Omukuru Daudi ati afu:ye, nasi:kwa, ne citu:ro cae ciri eweswe na ka wori. 30Mbe okuba omwene ariga:ri muragi, kandi ariga amenyere ati, Nyamuanga amwirairiye ku cirairo ati, mu rwiburo rwa mu nda yae, arimwinamusya Kristo enyanje ku citebe cae ca iŋoma. 31Okuba atangatire okurora ebya imbere, na:ika ebyo kusu:ka kwa Kristo ati, omwoyo gwae gutasigirwe ebwire, nakabee guri mubiri gwae gutaborere. 32Mbe Yesu oyo Nyamuanga amusu:ruye, neswe bo:ne ciri bo kumwimako. 33Mbe, wejire amara okuku:ibwa ku kuboko kwe buryo okwa Nyamuanga, nayabwa omurago gwo Mwoyo Mweru Kwisemwene, mbe niwo nabe:tururira cinu omurora no kucungwa woryanu. 34Okuba Daudi atarinyire mu rwire, nawe a:ikire omwene ati,
Ratabugenyi amubwiriye Ratabungenyi wani ati,
Inyanja ku kuboko kwani okwe buryo,
35Okukinga ao ndikora abaremo bao okuba rwe citebe ce bigere byao.
36Mbe, inyumba yo:ne ya Israeli bamenye cimari ati, Yesu oyo mwabambire ku musaraba, Nyamuanga amukorere kuba Ratabugenyi na Kristo.
Aba:nu nibe:kirisya bisira bisatu
37Mbe wejire bongwa ebyo, emyoyo jebwe nijirumwa, nibabwira Petero, na jintumwa ejindi ati, ?Cikore kutiki, bamura ba:su? 38Petero nababwira ati, Nimute, mubatijibwe buri mu:nu mwisi:na rya Yesu Kristo, korereki mwiswaririrwe ebibi:bi byemwe, omujo:kuyabwa eciyanwa co Mwoyo Mweru. 39Okuba omurago ni gwemwe na ku ba:na bemwe, na ku ba:nu bo:ne banu bari kura, ku bo:ne banu baribirikirwa na Ratabugenyi Nyamuanga weswe. 40Nabakomeresya mu misango ejindi myafu no kubakengya na:ika ati, Mwikisye mwiimbo rinu erikote. 41Mbe aba:nu banu be:kirisisye omusango gwae nibabatijibwa. Orusiku urwo nibeyongesya ba:nu uti bisira bisatu.
Okusangira kwa ikanisa yo kwamba
42Nibe:kome:sya mu kwiigisya kwa jintumwa na mu kusangira, na mu kubegana omukate, na mu kusabwa. 43Obu:ba nibuba ku mwoyo gwa buri mu:nu. Ebirugu:ro byafu ne bibarikisyo nibiborwaga na jintumwa. 44Bo:ne banu be:kirisisye bariga aamwi, na mu bi:nu byone basangiye aamwi. 45Nibaka:na obunibi bwebwe ne bi:nu binu bariga banabyo, nibagabiraga bo:ne rwa kutyo mu:nu wo:ne ariga akenere. 46Bakome:e kusiku no mwoyo gumwi mu yekaru, nibabeganaga omukate mu nyumba imwi imwi, nibaryaga ebiryo, bakondeywe no mutima gwerere. 47Nibakusya Nyamuanga, nibasi:mwa na ba:nu bo:ne. Ratabugenyi nongesyaga kusiku banu bakisibwaga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.