Ebikorwa 1
1
Yesu naraga jintumwa
1Awe Teofilo, nandikire ecitabo co kwamba eca binu byone Yesu ambire okukora no kwiigisya, 2Okukinga ku rusiku orwo agegerwe nasirwa mu rwire, ejire amara okuragira kubwo Mwoyo Mweru jintumwa jinu asorere. 3Wejire amara okunya:sibwa, ne:bu:risya ku bene mu bibarikisyo byafu ati ni muanga, nabatonekera mu mwanya gwa siku makumi gana, na:ika emisango jo bukama bwa Nyamuanga. 4Mbe, ejire e:kofyanya nabo, nabakomeresya basige kuso:ka Yerusalemi, nawe barindirire omurago gwa Rata, gunu mwonguywe kwanye. 5Okuba Yoana abatijaga na manji, nawe emwe muribatijibwa no Mwoyo Mweru mu siku jitari nyafu. 6Mbe bejire be:kofyanya, nibamubu:sya niba:ika ati, ?Ratabugenyi, oujo:kusubisya Baisraeli obukama mu mwanya gunu? 7Nababwira ati, Okumenya emyanya na jisiku kutari kwemwe, binu Rata atee mu buinga bwae omwene. 8Nawe muriyabwa amanaga, Omwoyo Mweru ariba:ja kwimwe, nemwe murabaga abo kunyimako mu Yerusalemi, na mu Buyaudi yo:ne, na mu Samaria, no kukinga ku bute:ro bwa i:si.
Yesu narinya mu rwire
9Ejire amara okwaika ebyo, anu bariga bacarora, ne:ŋengibwa, eri:re ndibasirigisya mu me:so gebwe mbaremo:kumurora. 10Anu bariga bacarore:rera nekeneke mu rwire kutyo karinya, mbe rora, bamura babiri nibe:mereguru yei nabo, bafwae ngubo nyeru. 11Niba:ika ati, Emwe bamura ba Galilaya, ?niki cinu ecikora mwimereguyu nimuraramira mu rwire? Yesu uyo agegwa kwimwe okusirwa mu rwire, nikwo kutyo arisuba oku:ja rwa kutyo mugwemurora nagenda mu rwire.
Abeigisibwa nibasuba Yerusalemi
12Mbe niwo nibasuba Yerusalemi okuso:ka ku ci:ma cinu catogwaga Ce mijeituni, cinu ciri yei na Yerusalemi uti rugendo#Rugendo rwa sabato yariga uti mairi imwi. rwa rusiku rwa sabato. 13Mbe wejire bengira, nibarinya mwigorofwa omwo bariga be:kae Petero, na Yoana, na Yakobo, na Anderea, na Filipo, na Tomaso, na Batolomayo, na Matayo, na Yakobo wa Alifayo, na Simoni Jelote, na Yuda owabo Yakobo. 14Abo bo:ne bariga be:kome:sisye na mwoyo gumwi mu kusabwa, aamwi na bagasi na Maryamu nyiramwene Yesu na bamura babo Yesu.
Matiya naurwa okuba ntumwa
15Mu siku ijo Petero ne:mereguru aagati ya ba:na ba:su—obukumi bwa masi:na ga banu be:kofyanyisye bariga uti bakingire egana na makumi gabiri—na:ika ati, 16Ba:na ba:su, kwari kwiire binu byandikirwe biku:misibwe, binu byaikirwe kara no Mwoyo Mweru mu kanwa ka Daudi, ku bya Yuda unu abee mutangasya wa banu bagwatire Yesu. 17Okuba ariga abariywe aamwi neswe, nayabwa omugabo gwo bukosi bunu. 18Mbe, omwene nagura risambu no muyero gwo bunyamusi bwae, nagwa bwifumbike, na:tika inda, obura bwae mbuso:kamo bwone. 19Omusango gunu nigumenyeka mu banu bo:ne be:kae Yerusalemi. Na risambu eryo, mu nyaika yebwe niritogwa ati, Akelidama, nikwo kwaika ati, Risambu rya manyinga. 20Okuba byandikirwe mu citabo ca Jaburi ati,
Omusi gwae gube etongo, basigega kwikaramo ba:nu.
Na rindi ati, Omurimu gwae gugegwe undi. 21Mbe mu ba:nu abo baengyanyaga neswe mu siku jo:ne anu Ratabugenyi Yesu engiraga no kuuruka kwiswe, 22Okwambira ku kubatija kwa Yoana kukinga ku rusiku orwo narinya okuso:ka kwiswe, kwiire oumwi kwabo abe wo kwimako ebyo kusu:ka kwae aamwi neswe. 23Nibatu:rao babiri, Yusufu unu atogwaga Barisaba, oyo atogerwe risi:na erindi Yusito, na Matiya. 24Nibasabwa niba:ika ati, Awe Ratabugenyi, unu umenyere emitima ja ba:nu bo:ne, nuce:resye ni wuya unu wasorere mu babiri banu, 25Agege omugabo gwo bufurubendi no butumwa, bunu Yuda asigire kubwe bikayo byae, agende ku bwikaro bwae omwene. 26Nibabakorera obwitosi. Obwitosi nibugwira Matiya, nabarirwa aamwi na jintumwa ekumi na umwi.
Currently Selected:
Ebikorwa 1: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
Ebikorwa 1
1
Yesu naraga jintumwa
1Awe Teofilo, nandikire ecitabo co kwamba eca binu byone Yesu ambire okukora no kwiigisya, 2Okukinga ku rusiku orwo agegerwe nasirwa mu rwire, ejire amara okuragira kubwo Mwoyo Mweru jintumwa jinu asorere. 3Wejire amara okunya:sibwa, ne:bu:risya ku bene mu bibarikisyo byafu ati ni muanga, nabatonekera mu mwanya gwa siku makumi gana, na:ika emisango jo bukama bwa Nyamuanga. 4Mbe, ejire e:kofyanya nabo, nabakomeresya basige kuso:ka Yerusalemi, nawe barindirire omurago gwa Rata, gunu mwonguywe kwanye. 5Okuba Yoana abatijaga na manji, nawe emwe muribatijibwa no Mwoyo Mweru mu siku jitari nyafu. 6Mbe bejire be:kofyanya, nibamubu:sya niba:ika ati, ?Ratabugenyi, oujo:kusubisya Baisraeli obukama mu mwanya gunu? 7Nababwira ati, Okumenya emyanya na jisiku kutari kwemwe, binu Rata atee mu buinga bwae omwene. 8Nawe muriyabwa amanaga, Omwoyo Mweru ariba:ja kwimwe, nemwe murabaga abo kunyimako mu Yerusalemi, na mu Buyaudi yo:ne, na mu Samaria, no kukinga ku bute:ro bwa i:si.
Yesu narinya mu rwire
9Ejire amara okwaika ebyo, anu bariga bacarora, ne:ŋengibwa, eri:re ndibasirigisya mu me:so gebwe mbaremo:kumurora. 10Anu bariga bacarore:rera nekeneke mu rwire kutyo karinya, mbe rora, bamura babiri nibe:mereguru yei nabo, bafwae ngubo nyeru. 11Niba:ika ati, Emwe bamura ba Galilaya, ?niki cinu ecikora mwimereguyu nimuraramira mu rwire? Yesu uyo agegwa kwimwe okusirwa mu rwire, nikwo kutyo arisuba oku:ja rwa kutyo mugwemurora nagenda mu rwire.
Abeigisibwa nibasuba Yerusalemi
12Mbe niwo nibasuba Yerusalemi okuso:ka ku ci:ma cinu catogwaga Ce mijeituni, cinu ciri yei na Yerusalemi uti rugendo#Rugendo rwa sabato yariga uti mairi imwi. rwa rusiku rwa sabato. 13Mbe wejire bengira, nibarinya mwigorofwa omwo bariga be:kae Petero, na Yoana, na Yakobo, na Anderea, na Filipo, na Tomaso, na Batolomayo, na Matayo, na Yakobo wa Alifayo, na Simoni Jelote, na Yuda owabo Yakobo. 14Abo bo:ne bariga be:kome:sisye na mwoyo gumwi mu kusabwa, aamwi na bagasi na Maryamu nyiramwene Yesu na bamura babo Yesu.
Matiya naurwa okuba ntumwa
15Mu siku ijo Petero ne:mereguru aagati ya ba:na ba:su—obukumi bwa masi:na ga banu be:kofyanyisye bariga uti bakingire egana na makumi gabiri—na:ika ati, 16Ba:na ba:su, kwari kwiire binu byandikirwe biku:misibwe, binu byaikirwe kara no Mwoyo Mweru mu kanwa ka Daudi, ku bya Yuda unu abee mutangasya wa banu bagwatire Yesu. 17Okuba ariga abariywe aamwi neswe, nayabwa omugabo gwo bukosi bunu. 18Mbe, omwene nagura risambu no muyero gwo bunyamusi bwae, nagwa bwifumbike, na:tika inda, obura bwae mbuso:kamo bwone. 19Omusango gunu nigumenyeka mu banu bo:ne be:kae Yerusalemi. Na risambu eryo, mu nyaika yebwe niritogwa ati, Akelidama, nikwo kwaika ati, Risambu rya manyinga. 20Okuba byandikirwe mu citabo ca Jaburi ati,
Omusi gwae gube etongo, basigega kwikaramo ba:nu.
Na rindi ati, Omurimu gwae gugegwe undi. 21Mbe mu ba:nu abo baengyanyaga neswe mu siku jo:ne anu Ratabugenyi Yesu engiraga no kuuruka kwiswe, 22Okwambira ku kubatija kwa Yoana kukinga ku rusiku orwo narinya okuso:ka kwiswe, kwiire oumwi kwabo abe wo kwimako ebyo kusu:ka kwae aamwi neswe. 23Nibatu:rao babiri, Yusufu unu atogwaga Barisaba, oyo atogerwe risi:na erindi Yusito, na Matiya. 24Nibasabwa niba:ika ati, Awe Ratabugenyi, unu umenyere emitima ja ba:nu bo:ne, nuce:resye ni wuya unu wasorere mu babiri banu, 25Agege omugabo gwo bufurubendi no butumwa, bunu Yuda asigire kubwe bikayo byae, agende ku bwikaro bwae omwene. 26Nibabakorera obwitosi. Obwitosi nibugwira Matiya, nabarirwa aamwi na jintumwa ekumi na umwi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.