Matayo 20
20
Abakosi ba mwisambu rye mijabibu
1Okuba obukama bwa mu rwire obususana no mwenemusi unu amwejere katondo, okukoka abarimi ba mwisambu ryae rye mijabibu. 2Ejire amara okuragana na barimi rusiku rumwi siringi, nabatuma mwisambu ryae rye mijabibu. 3Nauruka uti saa esatu, narora abandi bemereguyu mwika:niro baoere:ra. 4Nababwira ati, Emwe one mugende mwisambu ryani rye mijabibu, na cinu cire:ya nje mbayane. Nibagenda. 5Nauruka rindi uti saa eta:nu na imwi na rindi uti saa eta:nu ne:na, nakora kutyo. 6Nasubouruka uti saa ekumi na imwi, nasanga abandi bemeruguyu era, nababu:sya ati, ?Niki cinu cabemeregusyu anu esu:ba tubi muoere:ra? 7Nibamubwira ati, Okuba atario unu acikoka. Nababwira ati, Emwe one mugende mwisambu ryani rye mijabibu, na cinu cire:ya omujo:bona. 8Wejire kwaba ke:goro, omwene:sambu rye mijabibi namubwira omu:nu wae ati, Birikira abarimi, ubayane omuyero gwebwe, wambire ku ba ku bute:ro kukinga ku bo kwamba. 9Bejire ba:ja aba saa ekumi na imwi, nibayabwa mu:nu wo:ne siringi imwi imwi. 10Abo kwamba bejire ba:ja, mbetogera ati, ecijo:yanwa nyafu, ka:bo one nibayabwa mu:nu wo:ne siringi imwi imwi. 11Bejire bamara okuyabwa, nibetoŋanira ku mwenemusi, 12Niba:ika ati, Aba:nu ba ku bute:ro, banu bakora saa imwi era, ka:we wabariŋanya neswe banu ce:komesya mu nya:ko no mumwi nguco:ca. 13Naindura namubwira oumwi kwabo ati, Musa:ni, ntakukoree kubi:bi. ?Cari citaragene nanye isiringi? 14Gega eyao ugende, enenda okuyana omusingirisi rwawe. 15?Kutanyiire anye kukorera ebyani rwa kutyo enenda? ?Tere amwi eri:so ryao ni:bi:bi okuba anye ndi wa kisi? 16Mbe nikwo kutyo aba inyuma nibo bariba bo kwamba, na bo kwamba nibo bariba ba inyuma.
Yesu nasuba okwaika okufwa no kusu:ka kwae
(Mk. 10:32-34; Lk. 18:31-34)
17Anu Yesu ariga acarinya okugenda Yerusalemi, nagega abe:igisibwa ekumi na babiri bwitebe, nababwiririra mu njira ati, 18Mbe rora ecirinya okugenda Yerusalemi. Omwana wo mu:nu aritu:rwa mu maboko ga bagabisi abakuru na bandiki, barimutemera eci:na e:twe. 19Barimusira ku ba maanga bamujimye no kumusanya jisanyu, no kumubamba ku musaraba. Na ku rusiku rwa kasatu arisu:ka.
Yoana na Yakobo mbayenja obukuru
(Mk. 10:35-45)
20Mbe niwo nyira aba:na ba Jebedayo na:ja aamwi na ba:na bae, namuramya namusabwa omusango. 21Namubu:sya ati, Owenda ki? Namubwira ati, Ragirira aba:na bani banu benyanje, oumwi ku kuboko kwao okwe buryo no undi ku kwe bumosi, mu bukama bwao. 22Yesu naindura ati, Mutakumenya cinu omusabwa. ?Omutura okunywa ku cikombe cinu anye ndinywako, no kubatijibwa okubatija kunu anye ndibatijibwa? Nibamubwira ati, Ecitura. 23Nababwira ati, Ni cimari murinywa ku cikombe cani, nawe okwinyanja ku kuboko kwani okwe buryo no kwe bumosi kutari kwani okukugaba, tari abo Rata e:ra:biye. 24Na barya ekumi bejire bongwa nibabiirirwa ababiri abo aba inda imwi. 25Yesu nababirikira na:ika ati, Mumenyere ati, abatungi ba maanga ababatunga na bakuru bebwe ababatungira managa. 26Nawe bitariba kutyo mwimwe, nawe unu wo:ne kenda okuba mukuru mwimwe, arabaga mufurubendi wemwe. 27Na unu wo:ne kenda okuba wo kwamba mwimwe, arabaga mugaya wemwe. 28Rwa kutyo Omwana wo mu:nu ate:jire kufurubenderwa, tari okufurubenda no kuso:sya obuanga bwae korereki acungure ba:nu ba:fu.
Abaofu babiri nibe:gurwa ame:so
(Mk. 10:46; Lk. 18:35-43)
29Anu bariga bacaso:ka mu Yeriko, ecise cinene nicimuru:ba. 30Mbe abaofu babiri banu bariga benyanjire ku mbari ya injira bejire bongwa ati, Yesu niwe kaitiŋana, niba:nikirisisya inguru niba:ika ati, cifwire ecigongo, Ratabugenyi, Awe Omwana wa Daudi. 31Ebise nibibagonya bajibire, nawe abene nibeyongesya okwanikirisisya inguru niba:ika ati, Cifwire cigongo, Ratabugenyi, Awe Omwana wa Daudi. 32Yesu nemereguru na:ika ati, Omwenda mbakore kutiki? 33Nibamubwira ati, Ecenda ame:so geswe garore. 34Yesu nabafwirwa ecigongo, nakunia ku me:so gebwe. Aonao ame:so gebwe nigarora, nibamuru:ba.
Currently Selected:
Matayo 20: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
