Matayo 22

Ecijekekanyo co buregesi

(Lk. 14:16-24)

1Yesu naindura na:ika nabo rindi mu bijekekekanyo, na:ika ati, 2Obukama bwa mu rwire bususene no mukama unu akoree Omwana wae oburegesi. 3Natuma abagaya bae okubirikira banu bariga bakokerwe oku:ja ku buregesi, nibarema oku:ja. 4Natuma abagaya abandi rindi, na:ika ati, Mubabwire banu bariga bakokerwe ati, Rora, nate:kere ebiryo byani, nakomee jiŋa jani ne bya masaju. Byone namaririye, mu:je ku buregesi. 5Nawe nibaremo:kararwa, nibe:gendera oumwi kwisambu ryae, oundi ku butani bwae. 6Na banu basigae nibagwata abagaya bae nibabakorera kubi:bi nibabe:ta. 7Nawe omukama e:jire ongwa, nabiirwa, natuma ebise byae, nabasimagisya abe:ti abo, no:ca omusi gwebwe. 8E:ya nababwira abagaya bae ati, Oburegesi bumaririye cimari, nawe abakokwa bata:ma:jira cibaro. 9Mbe mugende mu njira ja maka:ka na mu nkondo, na banu bo:ne murabonaga mubabirikirire oburegesi. 10Abagaya abo nibauruka nibagenda mu nkondo, nibakofya bo:ne banu babonaga, ababi:bi na be kisi. Oburegesi nibwijura abagenyi.

11Omukama e:jire engira okurora abagenyi, naroramo omu:nu unu atafwae ecifwaro ca buregesi. 12Namubu:sya ati, ?Musa:ni, wengira kutiki munu ka utana cifwaro ca buregesi? Omwene najibira jibi jibi. 13Mbe niwo omukama nababwira abagaya bae ati, Mumuboye amaboko na maguru, mumwese mu cisu:te ca anja. Niyo kuriba okurira no kunguguna ame:no. 14Okuba banu ababirikirwa ni ba:fu, nawe abasorwa ni batyari.

Abafarisayo mbasaka okutega Yesu mu kwaika kwae

(Mk. 12:13-17; Lk. 20:19-26)

15Mbe niwo, Abafarisayo nibagenda nibaroma eci:na rwa kutyo baramutega mu kwaika kwae. 16Nibamutumira abe:igisibwa bebwe aamwi na Baerodiani, niba:ika ati, Omwiigisya, cimenyere ati, uri wa cimari, ko:wiigisya kata injira ya Nyamuanga amwi utakuronderesya cibaro ca mu:nu, okuba utakusoro:ra mu ba:nu. 17Mbe cibwire, ?Owiganirisya kutiki? ?Ce:kirisibwe okutobera Kaisari rigoti tere uri? 18Nawe Yesu namenya oburangirangi bwebwe na:ika ati, ?Omunsakira ki, emwe abo rurimi? 19Munyeresye cinu omutoba. Nibamure:tera idinari.#idinari ni uti senti 75. 20Nababu:sya ati, ?Orususo runu no bwandike bunu ni byaga? 21Nibamubwira ati, Mbya Kaisari. Mbe niwo nababwira ati, Mbe muyanega Kaisari ebya Kaisari, na Nyamuanga mumuyane ebya Nyamuanga. 22Be:jire bongwa nibarugu:ra, nibamusiga nibagenda.

Abasadukayo mbasaka okutega Yesu

(Mk. 12:18-27; Lk. 20:27-38)

23Ku rusiku orwo nibamu:jako Abasadukayo, banu aba:ika ati, Kutario kusu:ka, nibamubu:sya, 24Niba:ika ati, Omwiigisya, Musa a:ikire ati, Omu:nu arafwaga akaba atari na ba:na, Omwana wabo atware omugasi wae, e:burire Omwana wabo aba:na. 25Mbe, ewa:su bariga bariyo bamura bata:nu na babiri ba nda inwi. Owo kwamba natwara nafwa, nawe atasigireko mwana, namusigira Omwana wabo omugasi wae. 26Nikwo kutyo no wa kabiri, no wa kasatu, kukinga bo:ne bata:nu na babiri. 27Ku bute:ro bo:ne bejire bawao, omugasi one nafwa. 28?Mbe ka mu busu:ko ariba muka:ga kwabo bata:nu na babiri? Okuba bo:ne baswirire okumutwara.

29Nawe Yesu naindura nababwira ati, Emwe omuyaba kurwo kuremo:menya binu byandikirwe nakabee buri buinga bya Nyamuanga. 30Okuba mu busu:ko batakutwara amwi batakutwarwa, nawe bari rwa bamaraika mu rwire. 31Nawe ebyo kusu:ka kwa bafu:ye, ?mutasomere Nyamuanga kutyo a:ikire ati, 32Nanye Nyamuanga wa Iburaimu, na Nyamuanga wa Isaka, na Nyamuanga wa Yakobo. Nyamuanga atari Nyamuanga wa bafu:ye, nawe ni wa baanga. 33Ebise byejire byongwa, nibirugu:ra okwiigisya kwae.

Eciragiro ecikuru

(Mk. 12:28-31; Lk. 10:25-28)

34Nawe Abafarisayo be:jire bongwa ati, a:jibisya Abasadukayo, nibe:kofyanyisya aamwi. 35Oumwi kwabo nyabiragiro, namubu:sya namusaka ati, 36?Omwiigisya, eciragiro ecikuru mu biragiro ni ci:ya? 37Omwene namubwira ati, Yendaga Esobugenyi Nyamuanga wao no mutima gwao gwone, no mwoyo gwao gwone, no bwenge bwao bwone. 38Cinu nico eciragiro ecikuru ne co kwamba. 39Ne ca kabiri ecisusana rweco, ati, Yendaga omwikasyanya wao rwa kutyo owiyenda. 40Mu biragiro binu bibiri, ebisikikira ebiragiro byone na baragi.

Kristo ni mwana wa:ga?

(Mk. 12:35-37; Lk. 20:41-44)

41Abafarisayo be:jire be:kofyanya Yesu nababu:sya, 42Na:ika ati, ?Kristo omumwiganirisya kutiki? ?Ni mwana wa:ga? Nibamubwira ati, Ni mwana wa Daudi. 43Nababu:sya ati, ?Kambe niki cinu ecikora Daudi mu Mwoyo namutoga Esebugenyi, na:ika ati,

44Ratabugenyi namubwira Ratabugenyi wani ati,

Iyanja ku kuboko kwani okwe buryo,

Kukinga anu ndite:ra abaremo bao emwaro ye bigere byao.

45?Mbe ka:raba Daudi kamutoga Esebugenyi, ni mwana wae kutiki? 46Atabeeo mu:nu unu aturire okumuindura omusango. No kuso:ka ku rusiku urwo atabeeo mu:nu unu aya:rire okumubu:sya omusango rindi.

Currently Selected:

Matayo 22: KIJ1960

Highlight

Copy