Matayo 23
23
Yesu nabakengya aba:nu ebikorwa bya Bafarisayo
(Mk. 12:38-40; Lk. 20:45-47)
1Mbe niwo Yesu na:ika ne bise na be:igisibwa bae, 2Na:ika ati, Abandiki na Bafarisayo benyanjire ku citebe ca Musa. 3Mbe emisango jo:ne jinu abababwira, mujikore no kujigwata. Nawe mutakoraga rwa kutyo abene abakora, okuba okwaika aba:ika nawe batakukora. 4Ka ababoya emigugu misito jinu jitakwitwikwa, nibajitwikya aba:nu ku mabega, nawe abene batakwenda kuji:namusya na ca:ra cebwe. 5Nawe ebikorwa byebwe byone ababikora aba:nu babirore, okuba abagariya furakiteria#furakiteria ni taratasi jinu jandikirweko emisango ja Nyamuanga jinu bafwaraga ku maboko na ku bisu:su. jebwe, nibongesyako obufunyiro bwe bifwaro byebwe. 6Ka abenda obwinyanjo bwa imbere ku marya, ne bitebe bye cibaro mu me:ko-fyanyisyo. 7No kuke:sibwa mu maguriro, no kutogwa na ba:nu ati, Rabbi, Rabbi. 8Nawe emwe mutatogwaga ati, Rabbi, okuba Omwiigisya wemwe ni umwi niwe Kristo, nemwe bo:ne muri ba nda imwi. 9Ka mutatogaga mu:nu mu ca:ro ati, Rata, okuba Esomwana ni umwi unu ari mu rwire. 10Amwi mutatogwaga ati, Mukuru, okuba Mukuru wemwe ni umwi, niwe Kristo. 11Nawe mwimwe Omukuru arabaga mufurubendi wemwe. 12Na unu wo:ne ke:kusya omwene arikeibwa, na unu wo:ne ke:keya omwene arikusibwa.
Jiribabona ba rurimi
(Mk. 12:40; Lk. 11:37-54)
13Nawe jiribabona emwe abandiki na Bafarisayo, ba rurimi! Kwo kuba omube:garira aba:nu obukama bwa mu rwire, ka nemwe mutakwingira, na banu abenda okwingira, mutakube:kirisisiya okwingira. 14Jiribabona, emwe abandiki na Bafarisayo, ba rurimi! Kwo kuba omurya jinyumba ja batumba, omwisabya nimurandirisya, nikwo murikora nimubona intambara nene. 15Jiribabona emwe, abandiki na Bafarisayo, ba rurimi, kwo kuba omwisinga mu nyanja na ku ca:ro, korereki mucu:sye omu:nu umwi, nawe ka wora aboneka, nimumukora mwana wo muriro gunyatasima kukira emwe kwiya kabiri.
16Jiribabona emwe, abatangasya abaofu, banu aba:ika ati, Omu:nu wo:ne ararairaga iyekaru citari d:nu, nawe unu ararairaga ijaabu ya mu yekaru, ati keyana ribanja. 17Abatamutamu emwe na baofu, ?okuba ecikuru ni ciya, ijaabu, tere iyekaru inu eyesya ijaabu? 18Rindi omwaika ati, Omu:nu wo:ne ararairaga eco:to co kugabirira, citari ci:nu, nawe unu ararairaga eciyanwa cinu ciriko, omwene keyana ribanja. 19Emwe abaofu, ?ecikuru ni ciya, eciyanwa, tere eco:to eco ece:sya eciyanwa? 20Nawe unu karaira eco:to, nico karaira na binu biriko byone. 21Na unu karaira iyekaru, niyo karaira, na unu ai:kaemo. 22Na unu karaira orwire, karaira ecitebe ca Nyamuanga na Unu aciyanjireko.
23Jiribabona, emwe abandiki na Bafarisayo, ba rurimi! Okuba omuso:sya omugabo gwa rikumi gwe birungo ne binjari na kumini, nawe mwasigire emisango emikuru eje biragiro, jo kurema kwitiriranya, ne cigongo no kwikirisya. Nawe binu mwiire okubikora na birya mutabisiga. 24Emwe abatangasya abaofu banu omusekesya isami nawe omumira ingamira.
25Jiribabona, emwe abandiki na Bafarisayo, ba rurimi! Okuba omwosya inguru ku cikombe no rubiga, ke:nu munda bi:juye obusa:kusi no bunyamusi. 26Awe Mufarisayo omuofu, tangata wosye munda ye cikombe no rubiga, niwo inguru yabyo bibe byeru. 27Jiribabona, emwe abandiki na Bafarisayo, ba rurimi! Kwo kuba omususana na ji:fwa jinu jiorere iswakara, ejiboneka jikondere inguru, nawe munda ji:ju:ye amawa ga bafu:ye, no bujabi bwone. 28Nikwo kutyo emwe one omuboneka inguru ku ba:nu ati, muri barenge:resi, nawe munda mwiju:ye orurimi no bwikoti. 29Jiribabona, emwe abandiki na Bafarisayo, ba rurimi! Okuba omumbaka ji:fwa ja baragi nimucuma ebitu:ro bya barenge:resi, 30Nimwaika ati, Kumba cariga ciriwo mu siku ja basaja, citakasangiye nabo ku manyinga ga baragi. 31Nikwo kutyo omwiimako abene ati, muri ba:na ba banu be:tire abaragi. 32Mbe emwe one nimwijusye indengo ya basaja banyu. 33Emwe jinjoka orwiburo rwa ji:miri, ?muri:ruka kutiki intambara yo muriro gunu gutakusima? 34Rora, nikwo enikora nimbatumira abaragi na benge:so na bandiki. Abandi mwabo muribe:ta, muribabambira ku misaraba. Na bandi muribabuma mu me:kofyanyisyo gemwe, muribairisya mu misi ne misi. 35Niwo mwijirwe amanyinga go:ne amarenge:resi ganu ge:tikire ku ca:ro, kwambira ku manyinga ga Abeli omurenge:resi, kukinga ku manyinga ga Jakaria wa Barakia, unu mwe:tiye a:gati ya yekaru ne co:to co kugabirira. 36Ni cimari enibabwira ati, Ebigambo binu byo:ne birikumirira riimbo rinu.
Yesu naririra Yerusalemi
(Lk. 13:34-35)
37Awe Yerusalemi, Yerusalemi, unu owitaga abaragi, nu:barasira mabui banu abatumwaga kwawe! ?Ni kwiya karinga ninenda okukofya aba:na bao rwa iŋoko kutyo eikofya ebyanakoko byayo mu mababa gayo, kemwe nimurema. 38Mbe rora, inyumba yemwe yasigara erugu. 39Okuba enibabwira ati, Kuso:ka wori mutarisuba kundora kukinga runu muryaika ati, Ana ribando unu ka:ja mwisi:na rya Ratabugenyi.
Currently Selected:
Matayo 23: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
Matayo 23
23
Yesu nabakengya aba:nu ebikorwa bya Bafarisayo
(Mk. 12:38-40; Lk. 20:45-47)
1Mbe niwo Yesu na:ika ne bise na be:igisibwa bae, 2Na:ika ati, Abandiki na Bafarisayo benyanjire ku citebe ca Musa. 3Mbe emisango jo:ne jinu abababwira, mujikore no kujigwata. Nawe mutakoraga rwa kutyo abene abakora, okuba okwaika aba:ika nawe batakukora. 4Ka ababoya emigugu misito jinu jitakwitwikwa, nibajitwikya aba:nu ku mabega, nawe abene batakwenda kuji:namusya na ca:ra cebwe. 5Nawe ebikorwa byebwe byone ababikora aba:nu babirore, okuba abagariya furakiteria#furakiteria ni taratasi jinu jandikirweko emisango ja Nyamuanga jinu bafwaraga ku maboko na ku bisu:su. jebwe, nibongesyako obufunyiro bwe bifwaro byebwe. 6Ka abenda obwinyanjo bwa imbere ku marya, ne bitebe bye cibaro mu me:ko-fyanyisyo. 7No kuke:sibwa mu maguriro, no kutogwa na ba:nu ati, Rabbi, Rabbi. 8Nawe emwe mutatogwaga ati, Rabbi, okuba Omwiigisya wemwe ni umwi niwe Kristo, nemwe bo:ne muri ba nda imwi. 9Ka mutatogaga mu:nu mu ca:ro ati, Rata, okuba Esomwana ni umwi unu ari mu rwire. 10Amwi mutatogwaga ati, Mukuru, okuba Mukuru wemwe ni umwi, niwe Kristo. 11Nawe mwimwe Omukuru arabaga mufurubendi wemwe. 12Na unu wo:ne ke:kusya omwene arikeibwa, na unu wo:ne ke:keya omwene arikusibwa.
Jiribabona ba rurimi
(Mk. 12:40; Lk. 11:37-54)
13Nawe jiribabona emwe abandiki na Bafarisayo, ba rurimi! Kwo kuba omube:garira aba:nu obukama bwa mu rwire, ka nemwe mutakwingira, na banu abenda okwingira, mutakube:kirisisiya okwingira. 14Jiribabona, emwe abandiki na Bafarisayo, ba rurimi! Kwo kuba omurya jinyumba ja batumba, omwisabya nimurandirisya, nikwo murikora nimubona intambara nene. 15Jiribabona emwe, abandiki na Bafarisayo, ba rurimi, kwo kuba omwisinga mu nyanja na ku ca:ro, korereki mucu:sye omu:nu umwi, nawe ka wora aboneka, nimumukora mwana wo muriro gunyatasima kukira emwe kwiya kabiri.
16Jiribabona emwe, abatangasya abaofu, banu aba:ika ati, Omu:nu wo:ne ararairaga iyekaru citari d:nu, nawe unu ararairaga ijaabu ya mu yekaru, ati keyana ribanja. 17Abatamutamu emwe na baofu, ?okuba ecikuru ni ciya, ijaabu, tere iyekaru inu eyesya ijaabu? 18Rindi omwaika ati, Omu:nu wo:ne ararairaga eco:to co kugabirira, citari ci:nu, nawe unu ararairaga eciyanwa cinu ciriko, omwene keyana ribanja. 19Emwe abaofu, ?ecikuru ni ciya, eciyanwa, tere eco:to eco ece:sya eciyanwa? 20Nawe unu karaira eco:to, nico karaira na binu biriko byone. 21Na unu karaira iyekaru, niyo karaira, na unu ai:kaemo. 22Na unu karaira orwire, karaira ecitebe ca Nyamuanga na Unu aciyanjireko.
23Jiribabona, emwe abandiki na Bafarisayo, ba rurimi! Okuba omuso:sya omugabo gwa rikumi gwe birungo ne binjari na kumini, nawe mwasigire emisango emikuru eje biragiro, jo kurema kwitiriranya, ne cigongo no kwikirisya. Nawe binu mwiire okubikora na birya mutabisiga. 24Emwe abatangasya abaofu banu omusekesya isami nawe omumira ingamira.
25Jiribabona, emwe abandiki na Bafarisayo, ba rurimi! Okuba omwosya inguru ku cikombe no rubiga, ke:nu munda bi:juye obusa:kusi no bunyamusi. 26Awe Mufarisayo omuofu, tangata wosye munda ye cikombe no rubiga, niwo inguru yabyo bibe byeru. 27Jiribabona, emwe abandiki na Bafarisayo, ba rurimi! Kwo kuba omususana na ji:fwa jinu jiorere iswakara, ejiboneka jikondere inguru, nawe munda ji:ju:ye amawa ga bafu:ye, no bujabi bwone. 28Nikwo kutyo emwe one omuboneka inguru ku ba:nu ati, muri barenge:resi, nawe munda mwiju:ye orurimi no bwikoti. 29Jiribabona, emwe abandiki na Bafarisayo, ba rurimi! Okuba omumbaka ji:fwa ja baragi nimucuma ebitu:ro bya barenge:resi, 30Nimwaika ati, Kumba cariga ciriwo mu siku ja basaja, citakasangiye nabo ku manyinga ga baragi. 31Nikwo kutyo omwiimako abene ati, muri ba:na ba banu be:tire abaragi. 32Mbe emwe one nimwijusye indengo ya basaja banyu. 33Emwe jinjoka orwiburo rwa ji:miri, ?muri:ruka kutiki intambara yo muriro gunu gutakusima? 34Rora, nikwo enikora nimbatumira abaragi na benge:so na bandiki. Abandi mwabo muribe:ta, muribabambira ku misaraba. Na bandi muribabuma mu me:kofyanyisyo gemwe, muribairisya mu misi ne misi. 35Niwo mwijirwe amanyinga go:ne amarenge:resi ganu ge:tikire ku ca:ro, kwambira ku manyinga ga Abeli omurenge:resi, kukinga ku manyinga ga Jakaria wa Barakia, unu mwe:tiye a:gati ya yekaru ne co:to co kugabirira. 36Ni cimari enibabwira ati, Ebigambo binu byo:ne birikumirira riimbo rinu.
Yesu naririra Yerusalemi
(Lk. 13:34-35)
37Awe Yerusalemi, Yerusalemi, unu owitaga abaragi, nu:barasira mabui banu abatumwaga kwawe! ?Ni kwiya karinga ninenda okukofya aba:na bao rwa iŋoko kutyo eikofya ebyanakoko byayo mu mababa gayo, kemwe nimurema. 38Mbe rora, inyumba yemwe yasigara erugu. 39Okuba enibabwira ati, Kuso:ka wori mutarisuba kundora kukinga runu muryaika ati, Ana ribando unu ka:ja mwisi:na rya Ratabugenyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.