Matayo 24
24
Okusimura kwa Yesu ku ci:ma ce Mijeituni
(Mk. 13; Lk. 21)
Yesu naraga okufumibwa kwa iyekaru
(Mk. 13:1-2; Lk. 21:5-7)
1Yesu nauruka mu yekaru, nagenda. Abe:igisibwa bae niba:ja okumweresya inyumbaka ya iyekaru. 2Omwene naindura nababwira ati, ?Mutakurora binu byone? Ni cimari enibabwira ati, Ritarisigara anu ebui kwibui ryeja:bo, rinu ritarifumibwa. 3Anu ariga eyanjire ku ci:ma ca Mijeituni, abe:igisibwa nibamu:jako bwitebe, mba:ika ati, Cibwire ebyo biribari? ?Ne cibarikisyo co ku:ja kwao, ne co bute:ro bwa maimbo niki?
Obwambiro bwo busungu
(Mk. 13:5-13; Lk. 21:8-19)
4Yesu naindura nababwira ati, Mukabuke mu:nu wo:ne atarija kubayabya. 5Okuba ba:fu bari:ja mwisi:na ryani, niba:ika ati, Anye nanye Kristo, nibayabya ba:fu. 6Muryungwa oburemo ne cirumo co buremo. Mukabuke mutarija ku wa mwoyo, okuba binu bitarirema kubao, nawe obute:ro bucari. 7Okuba riyanga ririja okurwana na riyanga ryeja:bo, no bukama burija okurwana no bukama bweja:bo. Iribao injara na banyamutikima andi na andi. 8Nawe ebyo byone nibwo obwambiro bwo busungu.
9Orwo nirwo baribasira mujo:nyasibwa, baribe:ta. Amaanga go:ne garibasini:ririrwa kurwa risi:na ryani. 10Mu siku ijo ba:fu bariyaba, bariromerana iniku no kusokana. 11Na baragi ba:fu bo rurimi bari:ja, baribayabya ba:fu. 12Na kurwo kufura kwo bwikoti, okwenda kwa ba:fu kurinyirira. 13Nawe unu arigumirisya kukinga ku bute:ro oyo niwe arikisibwa. 14Ne Bigambo byo bwana ebyo bukama birirasibwa mu ca:ro co:ne okuba rusingiro ku maanga go:ne. Mbe niwo obute:ro nibu:ja.
Jinya:ko ja mu:si ya Israeli
(Mk. 13:14-23; Lk. 21:20-24)
15Mbe ecifururusyo co kusimagisya, cinu ca:ikirwe na Danieli omuragi, ariba mwacirora cimereguyu anu e:rere—unu kasomamo asombo:kerwe, 16Mbe niwo, banu bari mu Buyaudi be:rukire ku bi:ma. 17Unu ari inguru ku nyumba atarija kwika kuso:sya ebinu bya mu nyumba yae. 18Na unu ari mwisambu atarisuba kugega ingubo yae. 19Jiribabona emwe aba jinda na banu abanenia mu siku ijo! 20Musabwega, okwiruka kwemwe kutariba mu siku ja imbeo amwi ku rusiku rwa isabato. 21Okuba mu siku ijo iribao nya:ko nene, inu icariga kubao kuso:kerera ku bwambiro bwa i:si kukinga rero, ka itaribao rindi. 22Ji:siku ijo jija jitabuturwako, atakaonere mu:nu wo:ne. Nawe kurwa abasorwa jiributurwako ji:siku ijo. 23Mu siku ijo omu:nu akababwira ati, Rora Kristo ari anu, amwi anu, mutari:kirisya. 24Okuba bari:ja bakristo#Nibo abo bari:toga ati, Ndi Kristo, ke:nu hatari niwe. bo rurimi na baragi bo rurimi. Barikora ebibarikisyo binene ne birugu:ro, korereki bakatura, bababebeye na basorwa one. 25Mukabuke, natangata okubabwira. 26Mbe, bakababwira ati, Ari i:bara, mutajagayo, amwi ati, Ari mu nyumba, mwasiga kwikirisya. 27Okuba rwo rurabyo kutyo oruso:ka ebuturuka, ndubonekera ebugwa, nikwo kutyo one kuriba oku:ja kwo Mwana wo mu:nu. 28Okuba anu wo:ne omutumbi guri, niwo jimpungu ejikofyanyisya.
Ebibarikisyo byo kusuba kwo Mwana wo mu:nu
(Mk. 13:24-27; Lk. 21:25-28)
29Aonao ariba jawa jinya:ko ja mu siku ijo, risu:ba ririba cisu:te, no kwesi kutariseka, na jinjota jiriragara kuso:ka mu rwire, na managa ga mu rwire garisingisibwa. 30Mbe niwo ciriboneka ecibarikisyo co Mwana wo mu:nu mu rwire, na jiŋanda jo:ne ja mu:si nirwo jiririra jimamu, nijirora Omwana wo mu:nu na:ja ku me:re go rwire na managa na rikusyo ryafu. 31Na arituma bamaraika bae no buraka bunene obwa iŋombi, abo barikofya abasorwa bae kuso:ka mu miyaga ena, kuso:ka ku bute:ro bwo rwire no kukinga ku butero bwarwo.
Omwanya gwo kusuba kwae gutakumenywa
(Mk. 13:28-31; Lk. 21:29-33)
32Mwiigirire ku mutini ecijekekanyo cagwo. Ritabi ryagwo wora ryatinda na masya okusebuka nimumenya ati omwaka guri yei. 33Nikwo kutyo emwe one, mukarora ebyo byone, mumenye ati, ari yei, ku rwigi. 34Ni cimari enibabwira ati, Riimbo rinu ritariwao kukinga byone anu birikumirira. 35Orwire na i:si biriwao, nawe emisango jani jitariwao.
36Nawe ebyo rusiku rurya na isaa eyo, atario unu abimenyere, nakabee bari bamaraika ba mu rwire, nakabee ari Mwana, tari Rata enyere. 37Nawe rwa kutyo ji:siku ja Nuu jariga, nikwo kutyo one kuriba oku:ja kwo Mwana wo mu:nu. 38Okuba rwa kutyo bariga mu siku ijo jatangatiye induruma, nibarya, nibanywa, nibatwara, nibagabura, kukinga ku rusiku runu Nuu engiye mu ngaraba. 39Bariga batamenyere kukinga induruma niija, ni:bagega bo:ne. Nikwo one kuriba oku:ja kwo Mwana wo mu:nu. 40Mu magoro ago, aba:nu babiri bariba bari mwisambu, oumwi arigegwa, oundi nasigwa. 41Abagasi babiri baribaga nibasya ku rubui, oumwi arigegwa, oundi nasigwa.
Ecijekekcmyo co mugaya omwiikanyibwa
(Lk. 12:39-46)
42Mbe nimutengeje, okuba mutakumenya rusiku runu Esobugenyi ari:jiramo. 43Nawe mumenye cinu ati, omwene nyumba kumba aja:menyere omwanya gunu omwifi ke:jiramo, akatengejere, atakasigire inyumba yae okufumurwa. 44Mbe emwe one mumari:rire, okuba mu mwanya gunu mutakwiganirisisyamo, Omwana wo mu:nu nigwo ke:jiramo. 45?Mbe niga omugaya oyo omwiikanyibwa no wo bwenge, esebugenyi unu ateeo okukurira aba mu nyumba yae okubayanaga ebiryo byebwe mu mwanya gwabyo? 46Ana ribando omugaya oyo esebugenyi aka:ja namusanga nakora kutyo. 47Ni cimari enibabwira ati, arimutungya ebi:nu byae byone. 48Ka nawe omugaya oyo omubi:bi aryaika mu mutima gwae ati, Ratabugenyi ako:ra. 49Aryamba okubuma abagaya be:ja:bo, no kurya no kunywa aamwi na bakorwa. 50Mbe, esebugenyi wo mugaya oyo ari:jira ku rusiku runu atakurindiriramo, na mu saa inu atakumenya. 51Arimutemamo masinja gabiri, arimuyana omugabo gwae aamwi na bo rurimi. Nimwo kuriba okurira no kuguguna ame:no.
Currently Selected:
Matayo 24: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
Matayo 24
24
Okusimura kwa Yesu ku ci:ma ce Mijeituni
(Mk. 13; Lk. 21)
Yesu naraga okufumibwa kwa iyekaru
(Mk. 13:1-2; Lk. 21:5-7)
1Yesu nauruka mu yekaru, nagenda. Abe:igisibwa bae niba:ja okumweresya inyumbaka ya iyekaru. 2Omwene naindura nababwira ati, ?Mutakurora binu byone? Ni cimari enibabwira ati, Ritarisigara anu ebui kwibui ryeja:bo, rinu ritarifumibwa. 3Anu ariga eyanjire ku ci:ma ca Mijeituni, abe:igisibwa nibamu:jako bwitebe, mba:ika ati, Cibwire ebyo biribari? ?Ne cibarikisyo co ku:ja kwao, ne co bute:ro bwa maimbo niki?
Obwambiro bwo busungu
(Mk. 13:5-13; Lk. 21:8-19)
4Yesu naindura nababwira ati, Mukabuke mu:nu wo:ne atarija kubayabya. 5Okuba ba:fu bari:ja mwisi:na ryani, niba:ika ati, Anye nanye Kristo, nibayabya ba:fu. 6Muryungwa oburemo ne cirumo co buremo. Mukabuke mutarija ku wa mwoyo, okuba binu bitarirema kubao, nawe obute:ro bucari. 7Okuba riyanga ririja okurwana na riyanga ryeja:bo, no bukama burija okurwana no bukama bweja:bo. Iribao injara na banyamutikima andi na andi. 8Nawe ebyo byone nibwo obwambiro bwo busungu.
9Orwo nirwo baribasira mujo:nyasibwa, baribe:ta. Amaanga go:ne garibasini:ririrwa kurwa risi:na ryani. 10Mu siku ijo ba:fu bariyaba, bariromerana iniku no kusokana. 11Na baragi ba:fu bo rurimi bari:ja, baribayabya ba:fu. 12Na kurwo kufura kwo bwikoti, okwenda kwa ba:fu kurinyirira. 13Nawe unu arigumirisya kukinga ku bute:ro oyo niwe arikisibwa. 14Ne Bigambo byo bwana ebyo bukama birirasibwa mu ca:ro co:ne okuba rusingiro ku maanga go:ne. Mbe niwo obute:ro nibu:ja.
Jinya:ko ja mu:si ya Israeli
(Mk. 13:14-23; Lk. 21:20-24)
15Mbe ecifururusyo co kusimagisya, cinu ca:ikirwe na Danieli omuragi, ariba mwacirora cimereguyu anu e:rere—unu kasomamo asombo:kerwe, 16Mbe niwo, banu bari mu Buyaudi be:rukire ku bi:ma. 17Unu ari inguru ku nyumba atarija kwika kuso:sya ebinu bya mu nyumba yae. 18Na unu ari mwisambu atarisuba kugega ingubo yae. 19Jiribabona emwe aba jinda na banu abanenia mu siku ijo! 20Musabwega, okwiruka kwemwe kutariba mu siku ja imbeo amwi ku rusiku rwa isabato. 21Okuba mu siku ijo iribao nya:ko nene, inu icariga kubao kuso:kerera ku bwambiro bwa i:si kukinga rero, ka itaribao rindi. 22Ji:siku ijo jija jitabuturwako, atakaonere mu:nu wo:ne. Nawe kurwa abasorwa jiributurwako ji:siku ijo. 23Mu siku ijo omu:nu akababwira ati, Rora Kristo ari anu, amwi anu, mutari:kirisya. 24Okuba bari:ja bakristo#Nibo abo bari:toga ati, Ndi Kristo, ke:nu hatari niwe. bo rurimi na baragi bo rurimi. Barikora ebibarikisyo binene ne birugu:ro, korereki bakatura, bababebeye na basorwa one. 25Mukabuke, natangata okubabwira. 26Mbe, bakababwira ati, Ari i:bara, mutajagayo, amwi ati, Ari mu nyumba, mwasiga kwikirisya. 27Okuba rwo rurabyo kutyo oruso:ka ebuturuka, ndubonekera ebugwa, nikwo kutyo one kuriba oku:ja kwo Mwana wo mu:nu. 28Okuba anu wo:ne omutumbi guri, niwo jimpungu ejikofyanyisya.
Ebibarikisyo byo kusuba kwo Mwana wo mu:nu
(Mk. 13:24-27; Lk. 21:25-28)
29Aonao ariba jawa jinya:ko ja mu siku ijo, risu:ba ririba cisu:te, no kwesi kutariseka, na jinjota jiriragara kuso:ka mu rwire, na managa ga mu rwire garisingisibwa. 30Mbe niwo ciriboneka ecibarikisyo co Mwana wo mu:nu mu rwire, na jiŋanda jo:ne ja mu:si nirwo jiririra jimamu, nijirora Omwana wo mu:nu na:ja ku me:re go rwire na managa na rikusyo ryafu. 31Na arituma bamaraika bae no buraka bunene obwa iŋombi, abo barikofya abasorwa bae kuso:ka mu miyaga ena, kuso:ka ku bute:ro bwo rwire no kukinga ku butero bwarwo.
Omwanya gwo kusuba kwae gutakumenywa
(Mk. 13:28-31; Lk. 21:29-33)
32Mwiigirire ku mutini ecijekekanyo cagwo. Ritabi ryagwo wora ryatinda na masya okusebuka nimumenya ati omwaka guri yei. 33Nikwo kutyo emwe one, mukarora ebyo byone, mumenye ati, ari yei, ku rwigi. 34Ni cimari enibabwira ati, Riimbo rinu ritariwao kukinga byone anu birikumirira. 35Orwire na i:si biriwao, nawe emisango jani jitariwao.
36Nawe ebyo rusiku rurya na isaa eyo, atario unu abimenyere, nakabee bari bamaraika ba mu rwire, nakabee ari Mwana, tari Rata enyere. 37Nawe rwa kutyo ji:siku ja Nuu jariga, nikwo kutyo one kuriba oku:ja kwo Mwana wo mu:nu. 38Okuba rwa kutyo bariga mu siku ijo jatangatiye induruma, nibarya, nibanywa, nibatwara, nibagabura, kukinga ku rusiku runu Nuu engiye mu ngaraba. 39Bariga batamenyere kukinga induruma niija, ni:bagega bo:ne. Nikwo one kuriba oku:ja kwo Mwana wo mu:nu. 40Mu magoro ago, aba:nu babiri bariba bari mwisambu, oumwi arigegwa, oundi nasigwa. 41Abagasi babiri baribaga nibasya ku rubui, oumwi arigegwa, oundi nasigwa.
Ecijekekcmyo co mugaya omwiikanyibwa
(Lk. 12:39-46)
42Mbe nimutengeje, okuba mutakumenya rusiku runu Esobugenyi ari:jiramo. 43Nawe mumenye cinu ati, omwene nyumba kumba aja:menyere omwanya gunu omwifi ke:jiramo, akatengejere, atakasigire inyumba yae okufumurwa. 44Mbe emwe one mumari:rire, okuba mu mwanya gunu mutakwiganirisisyamo, Omwana wo mu:nu nigwo ke:jiramo. 45?Mbe niga omugaya oyo omwiikanyibwa no wo bwenge, esebugenyi unu ateeo okukurira aba mu nyumba yae okubayanaga ebiryo byebwe mu mwanya gwabyo? 46Ana ribando omugaya oyo esebugenyi aka:ja namusanga nakora kutyo. 47Ni cimari enibabwira ati, arimutungya ebi:nu byae byone. 48Ka nawe omugaya oyo omubi:bi aryaika mu mutima gwae ati, Ratabugenyi ako:ra. 49Aryamba okubuma abagaya be:ja:bo, no kurya no kunywa aamwi na bakorwa. 50Mbe, esebugenyi wo mugaya oyo ari:jira ku rusiku runu atakurindiriramo, na mu saa inu atakumenya. 51Arimutemamo masinja gabiri, arimuyana omugabo gwae aamwi na bo rurimi. Nimwo kuriba okurira no kuguguna ame:no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.