Matayo 25
25
Ecijekekanyo ca bayara ekumi
1Mbe niwo obukama bwa mu rwire burisusanyibwa na bayara ekumi, banu bagegere jitara jebwe nibagenda oktiramira omutwasi wo mwenga. 2Nawe abe:ja:bo abata:nu bariga batamutamu na bata:nu bariga ba bwenge. 3Okuba abatamutamu bejire bagega jitara jebwe batagegereo amafuta. 4Nawe abo bwenge nibagega amafuta mu cupa jebwe, aamwi na jitara jebwe. 5Nawe omutwasi wo mwenga e:jire ako:rayo, nibaongerera bo:ne nibaongera. 6Nawe mu bwire agati nibao injogere ati, Mbe, omutwasi wo mwenga a:ja! Nimuuruke mujo:kumuramira. 7Abayara barya bo:ne niwo nibe:muka, nibacuma jitara jebwe. 8Abatamutamu nibabwira abo bwenge ati, Muciyaneko amafuta gemwe, okuba jitara jeswe ejisimirira. 9Nawe abo bwenge nibaindura niba:ika ati, Amwi gatakucimara, eswe nemwe, akiri mugende ku baka:ni, mwigurire abe:ne. 10Anu bariga bacagenda okugura, omutwasi wo mwenga na:ja. Banu bariga be:ra:bire nibengira nage mu bwenga, nibe:gara orwigi. 11Wejire be:ya niba:ja na bariya abayara abandi, niba:ika ati, Ratabugenyi, Ratabugenyi, nu:ci:gurireo. 12Omwene naindura na:ika ati, Ni cimari enibabwira ati, nitakubamenya. 13Mbe nimutengeje, kwo kuba mutakumenya rusiku nakabee iri saa.
Ecijekekanyo co buni:bi bwo kubikisibwa
(Lk. 19:12-27)
14Kwo kuba obukama bwa mu rwire burisusana rwo mu:nu unu ariga nenda okugenda mu ca:ro ecindi, nabirikira abagaya bae, nabasigira ebi:nu byae. 15Nayana oumwi jitaranta#itaranta imwi ikirire siringi 1,500. eta:nu, oundi ebiri, oundi imwi, mu:nu wo:ne rwo kutura kwae kutyo kwariga kuri, nagenda. 16Aonao unu ayabirwe jitaranta eta:nu nagenda naka:na nabonamo taranta jindi eta:nu. 17Nikwo kutyo na unu ayabirwe jitaranta ebiri, nabonamo ebiri jindi. 18Nawe unu ariga ayabirwe imwi, nagenda natakura a:si, nabisa itaranta ya esebugenyi. 19Mbe jaturao siku nyafu, esebugenyi wa bagaya abo na:ja, nabara nabo. 20Na uriya ayabirwe jitaranta eta:nu, na:ja nare:ta taranta jindi eta:nu na:ika ati, Ratabugenyi, wansigiye jitaranta eta:nu, rora nabwenemo taranta jindi eta:nu. 21Esebugenyi namubwira ati, Wakondya, uri mugaya wa bwana na mwiikanyibwa. Wariga mwiikanyibwa ku bito:to, ndikutungya byafu. Ingira mu kukonderwa kwa eso bugenyi. 22Na uriya ariga ayabirwe jitaranta ebiri na:ja na:ika ati, Ratabugenyi, wansigiye taranta ebiri. Rora nabwenemo taranta jindi ebiri. 23Esebugenyi namubwira ati, Wakondya, uri mugaya wa bwana na mwiikanyibwa. Wariga mwiikanyibwa ku bito:to, ndikutungya byafu. Ingira mu kukonderwa kwa esobugenyi. 24Na uriya ayabirwe itaranta eimwi na:ja na:ika ati, Ratabugenyi, nakumenyere uri mu:nu mukomee, ougesa enu utabibire, oukofya enu utanyarambue. 25Ninu:baya ningenda nimbisa itaranta yao mu maaru. Rora, njii unayo eyao. 26Esebugenyi naindura namubwira ati, Awe mugaya mubi:bi na murenga, wamenyere ati enigesa enu nitabibire, enikofya enu nitanyarambue. 27Mbe, kwariga kukwiire okuyana abaka:ni orupirya rwani, korereki nake:jire nakayabirwe eyani no muri:ro gwendemo. 28Mbe mumutesye itaranta inu anayo, mumuyane unu ana jitaranta ekumi. 29Okuba unu wo:ne ari ne bi:nu ariyabwa na ka ariba na byafu. Na unu atanabyo, aritesibwa na cinu anaco. 30No mugaya oyo ate:ire, nimumwese mu cisu:te ca anja. Niyo kuriba okurira no kuguguna ame:no.
Okwaurwa kwa maanga rwa ji:na:ma na jimbusi
31Omwana wo mu:nu ariba:ja mwikusyo ryae aamwi na bamaraika bo:ne, niwo ariyanja ku citebe ca rikusyo ryae. 32Na maanga go:ne garikumanyibwa imbere yae. Omwene aryauramo rwo mure:fi kutyo ka:ura ji:na:ma na jimbusi. 33Na ji:na:ma arijita ku kuboko kwae okwe buryo nawe jimbusi arijita ku kuboko kwae okwe bumosi. 34Mbe niwo Omukama aribabwira banu bari ku kuboko kwae okwe buryo ati, Mu:je mwingire mu bukama bunu mwabikiywe kuso:ka kumogwa kwa i:si. 35Okuba nariga no mweko, nimunana ebiryo. Nariga no bwiro nimu:nywesya. Nariga mugenyi nimunkuma. 36Nariga tuyu nimu:nfwafya, nariga ndwae nimundoja, nariga niboyerwe nimujokundora. 37Mbe niwo abarenge:resi barimuindura niba:ika ati, Ratabugenyi, ?cakubweneri uri no mweko nicikuri:sya? ?Amwi uri no bwiro nicikunywesya? 38?Kamwi cakurorereri uri mugenyi nacikukuma, amwi uri tuyu nicikufwafya? 39?Kamwi cakurorereri urwae, amwi uboyerwe, nici:ja okukurora? 40No Mukama ariindura nababwira ati, Ni cimari enibabwira ati, Rwomwo mwakoree oumwi ku ba:na ba:su banu abato:to, nikwo kutyo mwankoree anye. 41Mbe niwo aribabwira abo bari ku kuboko kwae okwe bumosi ati, Munso:keko, emwe banu mweimirwe, mugende mu muriro gunu gutakuwao, gunu gwera:bi:ywe Syetani na bamaraika bae. 42Okuba nariga no mweko, mutananire biryo. Nariga no bwiro, muta:nywesisye. 43Nariga mugenyi mutankumire. Nariga tuyu muta:nfwafifye. Nariga murwae na muboywa, nimurema okundora. 44Mbe niwo abene one bariindura ati, Ratabugenyi, ?cakurorereri uri no mweko amwi uri no bwiro, anwi uri mugenyi, amwi uri tuyu, amwi urwae, amwi mu buboywa, nicirema okukufurubendera? 45Mbe niwo aribaindura ati, Ni cimari enibabwira ati, Rwomwo mutakoree oumwi kwabo abato:to, mutankoree anye. 46Mbe abo barigenda mu nya:ko inyatawao, nawe abarenge:resi barigenda mu buanga bunu butakuwao.
Currently Selected:
Matayo 25: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
Matayo 25
25
Ecijekekanyo ca bayara ekumi
1Mbe niwo obukama bwa mu rwire burisusanyibwa na bayara ekumi, banu bagegere jitara jebwe nibagenda oktiramira omutwasi wo mwenga. 2Nawe abe:ja:bo abata:nu bariga batamutamu na bata:nu bariga ba bwenge. 3Okuba abatamutamu bejire bagega jitara jebwe batagegereo amafuta. 4Nawe abo bwenge nibagega amafuta mu cupa jebwe, aamwi na jitara jebwe. 5Nawe omutwasi wo mwenga e:jire ako:rayo, nibaongerera bo:ne nibaongera. 6Nawe mu bwire agati nibao injogere ati, Mbe, omutwasi wo mwenga a:ja! Nimuuruke mujo:kumuramira. 7Abayara barya bo:ne niwo nibe:muka, nibacuma jitara jebwe. 8Abatamutamu nibabwira abo bwenge ati, Muciyaneko amafuta gemwe, okuba jitara jeswe ejisimirira. 9Nawe abo bwenge nibaindura niba:ika ati, Amwi gatakucimara, eswe nemwe, akiri mugende ku baka:ni, mwigurire abe:ne. 10Anu bariga bacagenda okugura, omutwasi wo mwenga na:ja. Banu bariga be:ra:bire nibengira nage mu bwenga, nibe:gara orwigi. 11Wejire be:ya niba:ja na bariya abayara abandi, niba:ika ati, Ratabugenyi, Ratabugenyi, nu:ci:gurireo. 12Omwene naindura na:ika ati, Ni cimari enibabwira ati, nitakubamenya. 13Mbe nimutengeje, kwo kuba mutakumenya rusiku nakabee iri saa.
Ecijekekanyo co buni:bi bwo kubikisibwa
(Lk. 19:12-27)
14Kwo kuba obukama bwa mu rwire burisusana rwo mu:nu unu ariga nenda okugenda mu ca:ro ecindi, nabirikira abagaya bae, nabasigira ebi:nu byae. 15Nayana oumwi jitaranta#itaranta imwi ikirire siringi 1,500. eta:nu, oundi ebiri, oundi imwi, mu:nu wo:ne rwo kutura kwae kutyo kwariga kuri, nagenda. 16Aonao unu ayabirwe jitaranta eta:nu nagenda naka:na nabonamo taranta jindi eta:nu. 17Nikwo kutyo na unu ayabirwe jitaranta ebiri, nabonamo ebiri jindi. 18Nawe unu ariga ayabirwe imwi, nagenda natakura a:si, nabisa itaranta ya esebugenyi. 19Mbe jaturao siku nyafu, esebugenyi wa bagaya abo na:ja, nabara nabo. 20Na uriya ayabirwe jitaranta eta:nu, na:ja nare:ta taranta jindi eta:nu na:ika ati, Ratabugenyi, wansigiye jitaranta eta:nu, rora nabwenemo taranta jindi eta:nu. 21Esebugenyi namubwira ati, Wakondya, uri mugaya wa bwana na mwiikanyibwa. Wariga mwiikanyibwa ku bito:to, ndikutungya byafu. Ingira mu kukonderwa kwa eso bugenyi. 22Na uriya ariga ayabirwe jitaranta ebiri na:ja na:ika ati, Ratabugenyi, wansigiye taranta ebiri. Rora nabwenemo taranta jindi ebiri. 23Esebugenyi namubwira ati, Wakondya, uri mugaya wa bwana na mwiikanyibwa. Wariga mwiikanyibwa ku bito:to, ndikutungya byafu. Ingira mu kukonderwa kwa esobugenyi. 24Na uriya ayabirwe itaranta eimwi na:ja na:ika ati, Ratabugenyi, nakumenyere uri mu:nu mukomee, ougesa enu utabibire, oukofya enu utanyarambue. 25Ninu:baya ningenda nimbisa itaranta yao mu maaru. Rora, njii unayo eyao. 26Esebugenyi naindura namubwira ati, Awe mugaya mubi:bi na murenga, wamenyere ati enigesa enu nitabibire, enikofya enu nitanyarambue. 27Mbe, kwariga kukwiire okuyana abaka:ni orupirya rwani, korereki nake:jire nakayabirwe eyani no muri:ro gwendemo. 28Mbe mumutesye itaranta inu anayo, mumuyane unu ana jitaranta ekumi. 29Okuba unu wo:ne ari ne bi:nu ariyabwa na ka ariba na byafu. Na unu atanabyo, aritesibwa na cinu anaco. 30No mugaya oyo ate:ire, nimumwese mu cisu:te ca anja. Niyo kuriba okurira no kuguguna ame:no.
Okwaurwa kwa maanga rwa ji:na:ma na jimbusi
31Omwana wo mu:nu ariba:ja mwikusyo ryae aamwi na bamaraika bo:ne, niwo ariyanja ku citebe ca rikusyo ryae. 32Na maanga go:ne garikumanyibwa imbere yae. Omwene aryauramo rwo mure:fi kutyo ka:ura ji:na:ma na jimbusi. 33Na ji:na:ma arijita ku kuboko kwae okwe buryo nawe jimbusi arijita ku kuboko kwae okwe bumosi. 34Mbe niwo Omukama aribabwira banu bari ku kuboko kwae okwe buryo ati, Mu:je mwingire mu bukama bunu mwabikiywe kuso:ka kumogwa kwa i:si. 35Okuba nariga no mweko, nimunana ebiryo. Nariga no bwiro nimu:nywesya. Nariga mugenyi nimunkuma. 36Nariga tuyu nimu:nfwafya, nariga ndwae nimundoja, nariga niboyerwe nimujokundora. 37Mbe niwo abarenge:resi barimuindura niba:ika ati, Ratabugenyi, ?cakubweneri uri no mweko nicikuri:sya? ?Amwi uri no bwiro nicikunywesya? 38?Kamwi cakurorereri uri mugenyi nacikukuma, amwi uri tuyu nicikufwafya? 39?Kamwi cakurorereri urwae, amwi uboyerwe, nici:ja okukurora? 40No Mukama ariindura nababwira ati, Ni cimari enibabwira ati, Rwomwo mwakoree oumwi ku ba:na ba:su banu abato:to, nikwo kutyo mwankoree anye. 41Mbe niwo aribabwira abo bari ku kuboko kwae okwe bumosi ati, Munso:keko, emwe banu mweimirwe, mugende mu muriro gunu gutakuwao, gunu gwera:bi:ywe Syetani na bamaraika bae. 42Okuba nariga no mweko, mutananire biryo. Nariga no bwiro, muta:nywesisye. 43Nariga mugenyi mutankumire. Nariga tuyu muta:nfwafifye. Nariga murwae na muboywa, nimurema okundora. 44Mbe niwo abene one bariindura ati, Ratabugenyi, ?cakurorereri uri no mweko amwi uri no bwiro, anwi uri mugenyi, amwi uri tuyu, amwi urwae, amwi mu buboywa, nicirema okukufurubendera? 45Mbe niwo aribaindura ati, Ni cimari enibabwira ati, Rwomwo mutakoree oumwi kwabo abato:to, mutankoree anye. 46Mbe abo barigenda mu nya:ko inyatawao, nawe abarenge:resi barigenda mu buanga bunu butakuwao.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.