Matayo 26
26
Mbamuroma Yesu okumwita
(Mk. 14:1-2; Lk. 22:1-2)
1Ejire Yesu amarisya emisango jinu jo:ne, nababwira abe:igisibwa bae ati, 2Mumenyere ati, jasigarao siku ibiri ni:ba Pasaka, no Mwana wo mu:nu ariromerwa iniku kajo:kubambwa ku musaraba. 3Mbe niwo abagabisi abakuru na bakaruka ba ba:nu nibekofyanyisya mu cibanja co mugabisi omukuru unu atogwaga Kayafa. 4Nibarwajira aamwi, korereki Yesu bamugwatire bwengebwenge bamwite. 5Nawe niba:ika ati, Citamugwatira ku marya,#Amarya ni siku ngʼuru ja Bayaudi. itaja kubao inyombo mu ba:nu.
Yesu ne:tirirwa amafuta mu Betania
(Mk. 14:3-9; Yo. 12:1-3)
6Mbe Yesu anu ariga:ri mu Betania mu nyumba ya Simoni omugenge, 7Omugasi namu:jako unu ariga ana kayabya ka mafuta go bugusi oburambu muno, namuge:tirira ku mutwe, eyanjire narya. 8Nawe abe:igisibwa bejire barora, nibabiirwa nibabu:sya ati, ?Ganu gafwaki? 9Okuba amafuta ganu kumba gakaka:nirwemo, gakaso:keremo bi:nu byafu byo kuyana abataka. 10Yesu ariga amenyere, nababwira ati, ?Omumunya:sisyaki omugasi unu? Okuba ankorera omusango gwo bwana. 11Okuba abataka nibo muri nabo kusiku, nawe anye mutari nanye kusiku. 12Okuba gunu akorera okunyitirira omubiri gwani amafuta, ankorera kutyo okunyira:ba okusi:kwa kwani. 13Ni cimari enibabwira ati, Wo:ne anu Ecigambo cinu eco bwana anu ciryaikwaga mu ca:ro co:ne, cinu omugasi unu ankorera ciryaikwagako okumwicuka.
Yuda Iskariota naromera Yesu iniku
(Mk. 14:10-11; Lk. 22:3-6)
14Mbe niwo umwi kwabo rikumi na babiri, unu atogwaga Yuda Iskariota, nagenda ku bagabisi abakuru. 15Na:ika ati, ?Omujo:kunana ki, anye nije nibamuyane? Nibamurengera jimpirya makumi gasatu. 16Niwao nambiriramo okuyenja omwanya kutyo aramuromera iniku.
Okwiraba kwa Ipasaka
(Mk. 14:12-16; Lk. 22:7-13)
17Mbe ku rusiku rwo kwamba orwe mikate jinu jitarimo cifwimbya, abe:igisibwa niba:ja ku Yesu nibabu:sya ati, ?Owenda a:ki anu cirakwira:bira Ipasaka anu urairi:ra? 18Na:ika ati, Mugende mu musi ewa igo:yu, mumubwire ati, Omwiigisya a:ika ati, Omwanya gwani gwaja okukinga. Ewao niyo nirari:ra Ipasaka aamwi na be:igisibwa bani. 19Abe:igisibwa nibakora rwa kutyo Yesu abaragirira, mbe:ra:ba Ipasaka.
Yesu nary a Ipasaka yo kumarisya
(Mk. 14:17-21; Lk. 22:14-18; Yo. 13:1-35)
20Mbe kwejire kwaba kegoro neyanja okurya aamwi na be:igisibwa bae ekumi na babiri. 21Anu bariga bacarya, na:ika ati, Ni cimari enibabwira ati, umwi kwimwe kajo:kundomera iniku. 22Nibasurumbara muno, nibamba umwiumwi okubu:sya ati, Ratabugenyi, si nanye? 23Omwene naindura ati, Oyo ke:nirisya aamwi nanye ku rutuba, niwe arandomera iniku. 24Omwana wo mu:nu kagenda rwa kutyo andikiriywe, nawe jirimubona omu:nu oyo araromera Omwana wo mu:nu iniku! Kumba kwakabee kwa bwana ku mu:nu oyo, atake:buywe! 25Yuda unu amuromee iniku, naindura ati, ?Si nanye, Rabbi? Namubwira ati, Rwa kutyo waika.
Yesu natao okusangira okwera
(Mk. 14:22-26; Lk. 22:19-20; Bkr. 11:23-26)
26Anu bariga bacarya, Yesu nagega omukate, nasi:ma nagubeganya nayana abe:igisibwa, na:ika ati, Nimugege murye. Gunu nigwo omubiri gwani. 27Nagega ecikombe nasi:ma, nabayana na:ika ati, Nimunywe ku cinu emwe bo:ne. 28Okuba cinu nigo amanyinga gani aga indagano, ganu agaurura kurwa ba:fu kurwo kwiswaririrwa ebibi:bi. 29Nawe enibabwira ati, Okwambira rero nitarinywa kata ku matwasyo ganu age mijabibu, kukinga ku rusiku niriya ndiganywa gari maya:ya aamwi nemwe mu bukama bwa Rata. 30Be:jire bamara okwimba, nibauruka nibagenda ku ci:ma ce Mijeituni.
Yesu nabwira Petero kutyo aramwiga:na
(Mk. 14:27-31; Lk. 22:31-34; Yo. 13:36-38)
31Mbe niwo Yesu nababwira ati, Emwe bo:ne omujo:kusinirirwa kubwani mu ngeta inu, okuba candikirwe ati, Ndibuma omure:fi, na ji:na:ma ja mwiijo jirinyarambuka. 32Mbe nawe ariba namara okusu:ka, ndibatangatira okugenda Galilaya. 33Nawe Petero naindura namubwira ati, Bo:ne bakasinirirwa kubwao, nawe anye nitakusinirirwa kata. 34Yesu namubwira ati, Ni cimari enikubwira ati, mu ngeta inu iŋoko eijo:kuba icari kukokoroma, oujo:kunyiga:niramo kwiya kasatu. 35Petero namubwira ati, Nakabee kunyiire okufwira aamwi na:we, nitakukwiga:na na katyari. Na be:igisibwa bo:ne niba:ika kutyo.
Okusabwa kwa Yesu mu Getesemane
(Mk. 14:32-42; Lk. 22:40-46; Yo. 18:1)
36Mbe Yesu nagenda nabo nakinga anu atogwaga Getesemane, nababwira abe:igisibwa bae ati, Mwinyanje anu ngende ariya nisabwe. 37Nagega Petero na ba:na babiri ba Jebedayo, namba okusurumbara no kuwa omwoyo muno. 38Mbe niwo nababwira ati, Omwoyo gwani guri no butaka bwafu obwo kunyita. Mbe mube anu mutengeje aamwi nanye. 39Naribata kuto:to nabundara nasabwa na:ika ati, Rata, cikaba citatamisye, ecikombe cinu cinso:keko. Nawe tari rwa kutyo enenda anye, nawe rwa kutyo wendere awe. 40Nasuba ku be:igisibwa bae nabasanga ba:ongee, namubwira Petero ati, Kana! ?Mutakutura kutengeja aamwi nanye nakabee iri saa imwi era? 41Mutengeje, musabwe, mutengira mu kusakwa. Omwoyo nigwo ogwenda, nawe omubiri gurengaae. 42Nasuba nagenda orwa kabiri nasabwa na:ika ati, Rata, araba cinu citamisye okunso:kako tari anye nicinywe, cinu owenda cikorwe. 43Na:ja rindi nabasanga baongee, okuba ame:so gebwe gariga gabondere. 44Nabasiga rindi nagenda nasabwa orwa kasatu, na:ika rindi emisango ejo ejo. 45Mbe e:ya na:ja ku be:igisibwa bae, nababwira ati, Muongere era wori, mwisye Omwoyo. Rora, omwanya gwafugera, Omwana wo mu:nu katu:rwa mu maboko ga be bibi:bi. 46Mwimuke cigende. Rora unu kandomera iniku ajo:kufugera.
Yesu nogwatwa, abe:igisibwa nibe:ruka
(Mk. 14:43-52; Lk. 22:47-53; Yo. 18:3-11)
47Anu ariga aca:ika, mbe Yuda, niwe oumwi kwikumi na babiri, na:ja ari ne cise cinene bari ne binyambutu na masimbo, nibaso:ka ku bagabisi abakuru na bakaruka ba ba:nu. 48Nawe oyo amuromee iniku ariga abayae ecibarikisyo, na:ika ati, Unu ndanyunya, niwe oyo mumugwate. 49Aonao na:ja ku Yesu, na:ika ati, Murembe, Rabbi. Namunyunya muno. 50Yesu namubwira ati, Musa:ni, ?niki cinu cakure:ta? Mbe niba:ja ku Yesu nibamutako amaboko nibamugwata. 51Mbe, oumwi ku banu bariga na Yesu nagorora okuboko, nasoora ecinyambutu cae natema omugaya wo mugabisi Omukuru, namutemako okutwi. 52Mbe Yesu namubwira ati, Ecinyambutu cao nucisubye anu cariri. Okuba abo abagwata ecinyambutu nibo bari:twa ecinyambutu. 53?Tere amwi owitogera ati, nitakutura kusabwa Rata, nande:tera woryanu bamaraika ba:fu basa:gire regioni#Regioni imwi ni 5,000 amwi 6,000. ekumi ne:biri? 54?Mbe ka binu byandikirwe jebikumire kutiki okuba ebyaika ati ni busi busi bibe kutyo? 55Mu mwanya ogwo Yesu nabu:sya ebise ati, ?Mwaja ne binyambutu na masimbo okungwata rwo musa:kusi? Nariga ninyanja mu yekaru ku:siku niniigisya, nemwe mutangwatire. 56Nawe binu byone byabao, korereki binu abaragi bandikire bikumire. Mbe niwo abe:igisibwa bae bo:ne nibamusiga mbe:ruka.
Yesu nasirwa imbere ya Kayafa
(Mk. 14:53-65; Yo. 18:12-14, 19-24)
57Mbe banu bagwatire Yesu, nibamusira ewa Kayafa omugabisi Omukuru, enu bariga be:kofyanyisisye abandiki na bakaruka. 58Nawe Petero namuso:ka inyuma e:cundire kura okukinga mu rugo rwo mugabisi Omukuru nengira munda, nenyanja aamwi na bakosi arore kutyo bira:ba. 59Nawe abagabisi abakuru na ba mu cirwaji bo:ne nibayenja orusingiro rwo rurimi ku Yesu, korereki bamwite. 60Nibaremo:kubona, nakabee ababeeresya babonekere ba:fu. 61Be:jire be:ye niba:ja babiri, niba:ika ati, Unu a:ikire ati, Enitura okufumya iyekaru ya Nyamuanga, niniyumbaka mu siku isatu. 62Omugabisi Omukuru nemereguru namubu:sya ati, ?Awe utakuindura musango? ?ni misango ki jinu abakwaika? 63Nawe Yesu najibira. Omugabisi Omukuru naindura namubwira ati, Enikwirairisya ku Nyamuanga omuanga, ucibwire araba na:we Kristo, Omwana wa Nyamuanga. 64Yesu namubwira ati, Waikire, nawe enibabwira ati, okwambira rero murirora Omwana wo mu:nu eyanjire ku kuboko kwe buryo okwo Buinga ne:jira ku me:re ga ku rwire. 65Mbe niwo omugabisi Omukuru natemura ebifwaro byae, na:ika ati, Afuma Nyamuanga. ?Aba:iki ecenda ba ki rindi? Mbe rora, mwongwa okufuma kwae ori. 66?Omwiganirisya kutiki? Nibaindura ati, E:ire okufwa. 67Mbe nibamufuburira amafwefu mu busu, nibamubuma ebifu:fi, abandi nibamusasa amai, 68Niba:ika ati, Nucibwire, awe Kristo, ?Niga unu akubuma?
Petero namwiga:na Yesu
(Mk. 14:66-72; Lk. 22:54-62; Yo. 18:15-18, 25-27)
69Nawe Petero ariga enyanjire aanja mu nigo. Omuyara namugendako, na:ika ati, Nawe one wariri aamwi na Yesu Omugalilaya. 70Omwene ne:ga:nira imbere ya ba:nu bo:ne, na:ika ati, Cinu owaika anye ntakucimenya. 71Nawe e:jire auruka kukinga mu cisuna, omuyara oundi namurora, nababwira banu bariga bari ao ati, Unu one ariga:ri na Yesu Omunajareti. 72Ne:ga:na rindi naraira ati, Omu:nu oyo nitakumumenya. 73Niguitiŋanao omwanya muto:to, banu bariga bemereguyu awo niba:ja nibabwira Petero ati, Ni cimari awe one uri we:ja:bo, okuba inyaika yao niyo oumenyekerako. 74Mbe niwo namba okwifuma no kuraira ati, Omu:nu uyo nitakumumenya. Ao nao iŋoko nikokoroma. 75Petero ne:cuka omusango gunu Yesu a:ikire ati, Iŋoko eiba icari kukokoroma, oujo-kunyiga:na kwiya kasatu. Nauruka aanja, narira masiga mogomogo.
Currently Selected:
Matayo 26: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
Matayo 26
26
Mbamuroma Yesu okumwita
(Mk. 14:1-2; Lk. 22:1-2)
1Ejire Yesu amarisya emisango jinu jo:ne, nababwira abe:igisibwa bae ati, 2Mumenyere ati, jasigarao siku ibiri ni:ba Pasaka, no Mwana wo mu:nu ariromerwa iniku kajo:kubambwa ku musaraba. 3Mbe niwo abagabisi abakuru na bakaruka ba ba:nu nibekofyanyisya mu cibanja co mugabisi omukuru unu atogwaga Kayafa. 4Nibarwajira aamwi, korereki Yesu bamugwatire bwengebwenge bamwite. 5Nawe niba:ika ati, Citamugwatira ku marya,#Amarya ni siku ngʼuru ja Bayaudi. itaja kubao inyombo mu ba:nu.
Yesu ne:tirirwa amafuta mu Betania
(Mk. 14:3-9; Yo. 12:1-3)
6Mbe Yesu anu ariga:ri mu Betania mu nyumba ya Simoni omugenge, 7Omugasi namu:jako unu ariga ana kayabya ka mafuta go bugusi oburambu muno, namuge:tirira ku mutwe, eyanjire narya. 8Nawe abe:igisibwa bejire barora, nibabiirwa nibabu:sya ati, ?Ganu gafwaki? 9Okuba amafuta ganu kumba gakaka:nirwemo, gakaso:keremo bi:nu byafu byo kuyana abataka. 10Yesu ariga amenyere, nababwira ati, ?Omumunya:sisyaki omugasi unu? Okuba ankorera omusango gwo bwana. 11Okuba abataka nibo muri nabo kusiku, nawe anye mutari nanye kusiku. 12Okuba gunu akorera okunyitirira omubiri gwani amafuta, ankorera kutyo okunyira:ba okusi:kwa kwani. 13Ni cimari enibabwira ati, Wo:ne anu Ecigambo cinu eco bwana anu ciryaikwaga mu ca:ro co:ne, cinu omugasi unu ankorera ciryaikwagako okumwicuka.
Yuda Iskariota naromera Yesu iniku
(Mk. 14:10-11; Lk. 22:3-6)
14Mbe niwo umwi kwabo rikumi na babiri, unu atogwaga Yuda Iskariota, nagenda ku bagabisi abakuru. 15Na:ika ati, ?Omujo:kunana ki, anye nije nibamuyane? Nibamurengera jimpirya makumi gasatu. 16Niwao nambiriramo okuyenja omwanya kutyo aramuromera iniku.
Okwiraba kwa Ipasaka
(Mk. 14:12-16; Lk. 22:7-13)
17Mbe ku rusiku rwo kwamba orwe mikate jinu jitarimo cifwimbya, abe:igisibwa niba:ja ku Yesu nibabu:sya ati, ?Owenda a:ki anu cirakwira:bira Ipasaka anu urairi:ra? 18Na:ika ati, Mugende mu musi ewa igo:yu, mumubwire ati, Omwiigisya a:ika ati, Omwanya gwani gwaja okukinga. Ewao niyo nirari:ra Ipasaka aamwi na be:igisibwa bani. 19Abe:igisibwa nibakora rwa kutyo Yesu abaragirira, mbe:ra:ba Ipasaka.
Yesu nary a Ipasaka yo kumarisya
(Mk. 14:17-21; Lk. 22:14-18; Yo. 13:1-35)
20Mbe kwejire kwaba kegoro neyanja okurya aamwi na be:igisibwa bae ekumi na babiri. 21Anu bariga bacarya, na:ika ati, Ni cimari enibabwira ati, umwi kwimwe kajo:kundomera iniku. 22Nibasurumbara muno, nibamba umwiumwi okubu:sya ati, Ratabugenyi, si nanye? 23Omwene naindura ati, Oyo ke:nirisya aamwi nanye ku rutuba, niwe arandomera iniku. 24Omwana wo mu:nu kagenda rwa kutyo andikiriywe, nawe jirimubona omu:nu oyo araromera Omwana wo mu:nu iniku! Kumba kwakabee kwa bwana ku mu:nu oyo, atake:buywe! 25Yuda unu amuromee iniku, naindura ati, ?Si nanye, Rabbi? Namubwira ati, Rwa kutyo waika.
Yesu natao okusangira okwera
(Mk. 14:22-26; Lk. 22:19-20; Bkr. 11:23-26)
26Anu bariga bacarya, Yesu nagega omukate, nasi:ma nagubeganya nayana abe:igisibwa, na:ika ati, Nimugege murye. Gunu nigwo omubiri gwani. 27Nagega ecikombe nasi:ma, nabayana na:ika ati, Nimunywe ku cinu emwe bo:ne. 28Okuba cinu nigo amanyinga gani aga indagano, ganu agaurura kurwa ba:fu kurwo kwiswaririrwa ebibi:bi. 29Nawe enibabwira ati, Okwambira rero nitarinywa kata ku matwasyo ganu age mijabibu, kukinga ku rusiku niriya ndiganywa gari maya:ya aamwi nemwe mu bukama bwa Rata. 30Be:jire bamara okwimba, nibauruka nibagenda ku ci:ma ce Mijeituni.
Yesu nabwira Petero kutyo aramwiga:na
(Mk. 14:27-31; Lk. 22:31-34; Yo. 13:36-38)
31Mbe niwo Yesu nababwira ati, Emwe bo:ne omujo:kusinirirwa kubwani mu ngeta inu, okuba candikirwe ati, Ndibuma omure:fi, na ji:na:ma ja mwiijo jirinyarambuka. 32Mbe nawe ariba namara okusu:ka, ndibatangatira okugenda Galilaya. 33Nawe Petero naindura namubwira ati, Bo:ne bakasinirirwa kubwao, nawe anye nitakusinirirwa kata. 34Yesu namubwira ati, Ni cimari enikubwira ati, mu ngeta inu iŋoko eijo:kuba icari kukokoroma, oujo:kunyiga:niramo kwiya kasatu. 35Petero namubwira ati, Nakabee kunyiire okufwira aamwi na:we, nitakukwiga:na na katyari. Na be:igisibwa bo:ne niba:ika kutyo.
Okusabwa kwa Yesu mu Getesemane
(Mk. 14:32-42; Lk. 22:40-46; Yo. 18:1)
36Mbe Yesu nagenda nabo nakinga anu atogwaga Getesemane, nababwira abe:igisibwa bae ati, Mwinyanje anu ngende ariya nisabwe. 37Nagega Petero na ba:na babiri ba Jebedayo, namba okusurumbara no kuwa omwoyo muno. 38Mbe niwo nababwira ati, Omwoyo gwani guri no butaka bwafu obwo kunyita. Mbe mube anu mutengeje aamwi nanye. 39Naribata kuto:to nabundara nasabwa na:ika ati, Rata, cikaba citatamisye, ecikombe cinu cinso:keko. Nawe tari rwa kutyo enenda anye, nawe rwa kutyo wendere awe. 40Nasuba ku be:igisibwa bae nabasanga ba:ongee, namubwira Petero ati, Kana! ?Mutakutura kutengeja aamwi nanye nakabee iri saa imwi era? 41Mutengeje, musabwe, mutengira mu kusakwa. Omwoyo nigwo ogwenda, nawe omubiri gurengaae. 42Nasuba nagenda orwa kabiri nasabwa na:ika ati, Rata, araba cinu citamisye okunso:kako tari anye nicinywe, cinu owenda cikorwe. 43Na:ja rindi nabasanga baongee, okuba ame:so gebwe gariga gabondere. 44Nabasiga rindi nagenda nasabwa orwa kasatu, na:ika rindi emisango ejo ejo. 45Mbe e:ya na:ja ku be:igisibwa bae, nababwira ati, Muongere era wori, mwisye Omwoyo. Rora, omwanya gwafugera, Omwana wo mu:nu katu:rwa mu maboko ga be bibi:bi. 46Mwimuke cigende. Rora unu kandomera iniku ajo:kufugera.
Yesu nogwatwa, abe:igisibwa nibe:ruka
(Mk. 14:43-52; Lk. 22:47-53; Yo. 18:3-11)
47Anu ariga aca:ika, mbe Yuda, niwe oumwi kwikumi na babiri, na:ja ari ne cise cinene bari ne binyambutu na masimbo, nibaso:ka ku bagabisi abakuru na bakaruka ba ba:nu. 48Nawe oyo amuromee iniku ariga abayae ecibarikisyo, na:ika ati, Unu ndanyunya, niwe oyo mumugwate. 49Aonao na:ja ku Yesu, na:ika ati, Murembe, Rabbi. Namunyunya muno. 50Yesu namubwira ati, Musa:ni, ?niki cinu cakure:ta? Mbe niba:ja ku Yesu nibamutako amaboko nibamugwata. 51Mbe, oumwi ku banu bariga na Yesu nagorora okuboko, nasoora ecinyambutu cae natema omugaya wo mugabisi Omukuru, namutemako okutwi. 52Mbe Yesu namubwira ati, Ecinyambutu cao nucisubye anu cariri. Okuba abo abagwata ecinyambutu nibo bari:twa ecinyambutu. 53?Tere amwi owitogera ati, nitakutura kusabwa Rata, nande:tera woryanu bamaraika ba:fu basa:gire regioni#Regioni imwi ni 5,000 amwi 6,000. ekumi ne:biri? 54?Mbe ka binu byandikirwe jebikumire kutiki okuba ebyaika ati ni busi busi bibe kutyo? 55Mu mwanya ogwo Yesu nabu:sya ebise ati, ?Mwaja ne binyambutu na masimbo okungwata rwo musa:kusi? Nariga ninyanja mu yekaru ku:siku niniigisya, nemwe mutangwatire. 56Nawe binu byone byabao, korereki binu abaragi bandikire bikumire. Mbe niwo abe:igisibwa bae bo:ne nibamusiga mbe:ruka.
Yesu nasirwa imbere ya Kayafa
(Mk. 14:53-65; Yo. 18:12-14, 19-24)
57Mbe banu bagwatire Yesu, nibamusira ewa Kayafa omugabisi Omukuru, enu bariga be:kofyanyisisye abandiki na bakaruka. 58Nawe Petero namuso:ka inyuma e:cundire kura okukinga mu rugo rwo mugabisi Omukuru nengira munda, nenyanja aamwi na bakosi arore kutyo bira:ba. 59Nawe abagabisi abakuru na ba mu cirwaji bo:ne nibayenja orusingiro rwo rurimi ku Yesu, korereki bamwite. 60Nibaremo:kubona, nakabee ababeeresya babonekere ba:fu. 61Be:jire be:ye niba:ja babiri, niba:ika ati, Unu a:ikire ati, Enitura okufumya iyekaru ya Nyamuanga, niniyumbaka mu siku isatu. 62Omugabisi Omukuru nemereguru namubu:sya ati, ?Awe utakuindura musango? ?ni misango ki jinu abakwaika? 63Nawe Yesu najibira. Omugabisi Omukuru naindura namubwira ati, Enikwirairisya ku Nyamuanga omuanga, ucibwire araba na:we Kristo, Omwana wa Nyamuanga. 64Yesu namubwira ati, Waikire, nawe enibabwira ati, okwambira rero murirora Omwana wo mu:nu eyanjire ku kuboko kwe buryo okwo Buinga ne:jira ku me:re ga ku rwire. 65Mbe niwo omugabisi Omukuru natemura ebifwaro byae, na:ika ati, Afuma Nyamuanga. ?Aba:iki ecenda ba ki rindi? Mbe rora, mwongwa okufuma kwae ori. 66?Omwiganirisya kutiki? Nibaindura ati, E:ire okufwa. 67Mbe nibamufuburira amafwefu mu busu, nibamubuma ebifu:fi, abandi nibamusasa amai, 68Niba:ika ati, Nucibwire, awe Kristo, ?Niga unu akubuma?
Petero namwiga:na Yesu
(Mk. 14:66-72; Lk. 22:54-62; Yo. 18:15-18, 25-27)
69Nawe Petero ariga enyanjire aanja mu nigo. Omuyara namugendako, na:ika ati, Nawe one wariri aamwi na Yesu Omugalilaya. 70Omwene ne:ga:nira imbere ya ba:nu bo:ne, na:ika ati, Cinu owaika anye ntakucimenya. 71Nawe e:jire auruka kukinga mu cisuna, omuyara oundi namurora, nababwira banu bariga bari ao ati, Unu one ariga:ri na Yesu Omunajareti. 72Ne:ga:na rindi naraira ati, Omu:nu oyo nitakumumenya. 73Niguitiŋanao omwanya muto:to, banu bariga bemereguyu awo niba:ja nibabwira Petero ati, Ni cimari awe one uri we:ja:bo, okuba inyaika yao niyo oumenyekerako. 74Mbe niwo namba okwifuma no kuraira ati, Omu:nu uyo nitakumumenya. Ao nao iŋoko nikokoroma. 75Petero ne:cuka omusango gunu Yesu a:ikire ati, Iŋoko eiba icari kukokoroma, oujo-kunyiga:na kwiya kasatu. Nauruka aanja, narira masiga mogomogo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.