Mariko 13
13
Ebya ku ci:ma ce Mijeituni
(Mt. 24 na 25; Lk. 21)
Okufumibwa kwa iyekaru
(Mt. 24:1-3; Lk. 21:5-7)
1Mbe ejire auruka mu yekaru, oumwi ku be:igisibwa bae namubwira ati, Mwiigisya, rora amabui ganu kutyo gari, na inyumbaka inu kutyo iri. 2Yesu namuindura ati, ?Ourora inyumbaka inu inene? Ritarisigarao anu ribui inguru kwibui ryejabo rinu ritarifumibwa. 3Anu ariga ku ci:ma ce Mijeituni, narore:rera iyekaru, Petero na Yakobo na Yoana na Anderea nibamubu:sya bwitebe ati, 4Cibwire ago garibao ri? ?Ne cibarikisyo ciriba kutiki cinu ece:resya ati ago go:ne gari yeyi okukumisibwa?
Okusuba kwa Yesu
(Mt. 24:4-31; Lk. 21:8-28)
5Yesu namba okubabwira ati, Mukabuke, omu:nu wo:ne atarija kubayabya. 6Ba:fu bari:ja mwisi:na ryani niba:ika ati, anye nanye Oyo, na ka bariyabya ba:fu. 7Mbe ariba mwonga oburemo ne cirumo co buremo, mwasiga kuwa mwoyo, okuba ni busibusi bibeo, nawe obute:ro bucari. 8Okuba riyanga rimwi riri:muka okurwana na riyanga erindi, no bukama bumwi buri:muka okurwana no bukama obundi. Biribao ebiyararo mu mbara nyafu. Iribao na injara. Ebyo nibwo obwambiro bwo busungu.
9Nawe mukabuke abe:ne, okuba baribasira mu ci:na. Muribumirwa mu mekofyanyisyo. Muri:mereguru imbere ya basiba na bakama kubwani, rube rusingiro ku be:ne. 10Rindi ni busibusi Ebigambo byo bwana bisimurwe mu maanga go:ne okwamba. 11Wora babagega okubasira mu ci:na, mute:ganaga jinu mura:ika. Nawe omusango gwone gunu murayabwaga mu mwanya ogwo, nigwo mura:ikaga, okuba mutari imwe banu omwaika, nawe ni Mwoyo Mweru. 12Omu:nu ariromera owabo wa nda imwi iniku bamwite. Nesemwene ariromera Omwana wae iniku. Na ba:na baribe:mukira abe:busi bebwe okube:ta. 13Aba:nu bo:ne baribasoka kurwa risi:na ryani, nawe unu ari:gumirisya kukinga ku bute:ro, oyo niwe arikira.
14Nawe ariba mwarora ecifururusyo co bunyamuke cinu ca:ikirwe no muragi Danieli—unu kasomamo e:te:ge:resye—ariba mwacirora eco cimereguyu anu ataci:ire, niwao banu bari mu Buyaudi be:rukire mu bi:ma. 15Unu ari ku nyumba inguru atarija kwika amwi kwingira mu nyumba yae kugegamo ci:nu. 16No wa mwisambu atarija kusuba kugega mwenda gwae. 17Nawe jiribabona aba jinda na banu abanenia mu siku ijo. 18Musabwega bitari:ja kugwira mu siku ja imbeo. 19Okuba mu siku ijo jiriba ja nya:ko jinu jicariga kubao kuso:ka ku bwambiro bwo kuanga kunu Nyamuanga ayangire na kukinga wori, na ka jitaribao kutyo rindi. 20Nawe Ratabugenyi aja atabuturako jisiku ijo atakaonere mu:nu wo:ne. Nawe atemereko jisiku kurwa basorwa banu asorere. 21Mu siku ijo omu:nu akababwira ati, Rora, Kristo ari anu, amwi ati, ari iyo, mwasiga kwikirisya ejo. 22Okuba bari:muka ba:nu bo rurimi banu abetoga Kristo, na baragi bo rurimi, nibakora ebibarikisyo ne birugu:ro, korereki bayabye na basorwa one, bikaba bitatami:sye. 23Nawe emwe mukabuke. Mbe nababwira byone bicari kubao.
24Nawe mu siku ijo, inya:ko eyo ariba yawa, risu:ba ririjira ecisu:te, no kwesi kutariseka, 25na jinjota jiriba nijigwa okuso:ka mu rwire, na managa ga mu rwire garisingisibwa. 26Mbe niwo barirora Omwana wo mu:nu ne:jira mu me:re no buinga bwafu na rikusyo. 27Mbe niwo arituma bamaraika bae nakofya abasorwa bae okuso:ka mu miyaga ena, okuso:ka ku bute:ro bwa i:si kukinga ku bute:ro bwo rwire.
Ecijekekanyo co mutini
(Mt. 24:32; Lk. 21:29-31)
28Nimwiigire ku mutini ecijekekanyo cagwo. Ritabi ryagwo wora ryatinda, na masya nigasebuka, nimumenya ati, omwaka guri yei. 29Nyaburiko emwe one mukamubona ebyo nibigwa, mumenye ati, ari yei, ku rwigi. 30Ni cimari enibabwira ati, Riimbo rinu ritariwao na katyari, okukinga anu ebyo byone birikumirira. 31Orwire na i:si biriwao, nawe emisango jani jitariwao.
Okutengeja
(Mt. 24:36-51; Lk. 21:34-38)
32Nawe ebyo rusiku urwo no mwanya ogwo atario unu amenyere, nakabee bari bamaraika ba mu rwire, nakabee ari Mwana, tari Rata era. 33Mukabukega, mutengejega, musabwega, okuba mutakumenya jisiku ijo jiribari. 34Ni rwo mu:nu unu asigire inyumba yae naribata mu ca:ro cindi, nayana abagaya bae oburi:si, nayana buri mu:nu murimu gwae, naragirira omwigasi wo rwigi okutengeja. 35Nimutengeje okuba mutakumenya omwenemusi anu ari:jira, amwi ke:goro, amwi mu bwire agati, amwi mu ŋoko, amwi katondo. 36Ate:fura nakinga mu kacunako nabasanga muongee. 37Cinu enibabwira emwe, nico enibabwira bo:ne ati, Mutengeje.
Currently Selected:
Mariko 13: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
Mariko 13
13
Ebya ku ci:ma ce Mijeituni
(Mt. 24 na 25; Lk. 21)
Okufumibwa kwa iyekaru
(Mt. 24:1-3; Lk. 21:5-7)
1Mbe ejire auruka mu yekaru, oumwi ku be:igisibwa bae namubwira ati, Mwiigisya, rora amabui ganu kutyo gari, na inyumbaka inu kutyo iri. 2Yesu namuindura ati, ?Ourora inyumbaka inu inene? Ritarisigarao anu ribui inguru kwibui ryejabo rinu ritarifumibwa. 3Anu ariga ku ci:ma ce Mijeituni, narore:rera iyekaru, Petero na Yakobo na Yoana na Anderea nibamubu:sya bwitebe ati, 4Cibwire ago garibao ri? ?Ne cibarikisyo ciriba kutiki cinu ece:resya ati ago go:ne gari yeyi okukumisibwa?
Okusuba kwa Yesu
(Mt. 24:4-31; Lk. 21:8-28)
5Yesu namba okubabwira ati, Mukabuke, omu:nu wo:ne atarija kubayabya. 6Ba:fu bari:ja mwisi:na ryani niba:ika ati, anye nanye Oyo, na ka bariyabya ba:fu. 7Mbe ariba mwonga oburemo ne cirumo co buremo, mwasiga kuwa mwoyo, okuba ni busibusi bibeo, nawe obute:ro bucari. 8Okuba riyanga rimwi riri:muka okurwana na riyanga erindi, no bukama bumwi buri:muka okurwana no bukama obundi. Biribao ebiyararo mu mbara nyafu. Iribao na injara. Ebyo nibwo obwambiro bwo busungu.
9Nawe mukabuke abe:ne, okuba baribasira mu ci:na. Muribumirwa mu mekofyanyisyo. Muri:mereguru imbere ya basiba na bakama kubwani, rube rusingiro ku be:ne. 10Rindi ni busibusi Ebigambo byo bwana bisimurwe mu maanga go:ne okwamba. 11Wora babagega okubasira mu ci:na, mute:ganaga jinu mura:ika. Nawe omusango gwone gunu murayabwaga mu mwanya ogwo, nigwo mura:ikaga, okuba mutari imwe banu omwaika, nawe ni Mwoyo Mweru. 12Omu:nu ariromera owabo wa nda imwi iniku bamwite. Nesemwene ariromera Omwana wae iniku. Na ba:na baribe:mukira abe:busi bebwe okube:ta. 13Aba:nu bo:ne baribasoka kurwa risi:na ryani, nawe unu ari:gumirisya kukinga ku bute:ro, oyo niwe arikira.
14Nawe ariba mwarora ecifururusyo co bunyamuke cinu ca:ikirwe no muragi Danieli—unu kasomamo e:te:ge:resye—ariba mwacirora eco cimereguyu anu ataci:ire, niwao banu bari mu Buyaudi be:rukire mu bi:ma. 15Unu ari ku nyumba inguru atarija kwika amwi kwingira mu nyumba yae kugegamo ci:nu. 16No wa mwisambu atarija kusuba kugega mwenda gwae. 17Nawe jiribabona aba jinda na banu abanenia mu siku ijo. 18Musabwega bitari:ja kugwira mu siku ja imbeo. 19Okuba mu siku ijo jiriba ja nya:ko jinu jicariga kubao kuso:ka ku bwambiro bwo kuanga kunu Nyamuanga ayangire na kukinga wori, na ka jitaribao kutyo rindi. 20Nawe Ratabugenyi aja atabuturako jisiku ijo atakaonere mu:nu wo:ne. Nawe atemereko jisiku kurwa basorwa banu asorere. 21Mu siku ijo omu:nu akababwira ati, Rora, Kristo ari anu, amwi ati, ari iyo, mwasiga kwikirisya ejo. 22Okuba bari:muka ba:nu bo rurimi banu abetoga Kristo, na baragi bo rurimi, nibakora ebibarikisyo ne birugu:ro, korereki bayabye na basorwa one, bikaba bitatami:sye. 23Nawe emwe mukabuke. Mbe nababwira byone bicari kubao.
24Nawe mu siku ijo, inya:ko eyo ariba yawa, risu:ba ririjira ecisu:te, no kwesi kutariseka, 25na jinjota jiriba nijigwa okuso:ka mu rwire, na managa ga mu rwire garisingisibwa. 26Mbe niwo barirora Omwana wo mu:nu ne:jira mu me:re no buinga bwafu na rikusyo. 27Mbe niwo arituma bamaraika bae nakofya abasorwa bae okuso:ka mu miyaga ena, okuso:ka ku bute:ro bwa i:si kukinga ku bute:ro bwo rwire.
Ecijekekanyo co mutini
(Mt. 24:32; Lk. 21:29-31)
28Nimwiigire ku mutini ecijekekanyo cagwo. Ritabi ryagwo wora ryatinda, na masya nigasebuka, nimumenya ati, omwaka guri yei. 29Nyaburiko emwe one mukamubona ebyo nibigwa, mumenye ati, ari yei, ku rwigi. 30Ni cimari enibabwira ati, Riimbo rinu ritariwao na katyari, okukinga anu ebyo byone birikumirira. 31Orwire na i:si biriwao, nawe emisango jani jitariwao.
Okutengeja
(Mt. 24:36-51; Lk. 21:34-38)
32Nawe ebyo rusiku urwo no mwanya ogwo atario unu amenyere, nakabee bari bamaraika ba mu rwire, nakabee ari Mwana, tari Rata era. 33Mukabukega, mutengejega, musabwega, okuba mutakumenya jisiku ijo jiribari. 34Ni rwo mu:nu unu asigire inyumba yae naribata mu ca:ro cindi, nayana abagaya bae oburi:si, nayana buri mu:nu murimu gwae, naragirira omwigasi wo rwigi okutengeja. 35Nimutengeje okuba mutakumenya omwenemusi anu ari:jira, amwi ke:goro, amwi mu bwire agati, amwi mu ŋoko, amwi katondo. 36Ate:fura nakinga mu kacunako nabasanga muongee. 37Cinu enibabwira emwe, nico enibabwira bo:ne ati, Mutengeje.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.