Kuyamba 46
46
Jakobho nabanja lake aniyenda ku Ijipiti
1Nakutenepo Izraeli adaphata ulendo wake nabzentse bzaakhanabzo, adafika pa Bheeri-shebha adapeleka ntsembe kwa Mulungu waapayi wake Isaki. 2Usiku umwewo Mulungu adalewa-lewa kwa Izraeli kutulo, adati, “Jakobho! Jakobho!”
Iye adati, “Ndili pano.”
3Pamwepo Mulungu adati, “Ndine Mulungu, Mulungu waapayi wako, leka kugopa yenda ku Ijipiti, pakuti kumweko ninkakuchita nshowo ukulu. 4Nin'zayenda nayiwe ku Ijipiti, ndichizakubweza pomwe kuno. Janja la Jozefi ndilo lin'zapunga maso yako.” 5Pamwepo Jakobho adachoka ku Bheeri-shebha. Wana wa Izraeli adatakula apayi wawo, akazi nawana wawo mungolo zidatumiziwa na Farawo kuzaatakula. 6#Mab 7:15Adatakulambo bzifuwo bzawo, nabzombo bzawo bzaadawona mudziko la Kenani achiyenda ku Ijipiti, Jakobho pabodzi nawam'badwe wake wentse, 7wana wake, wana wawana wake wachimuna, wana wake wachikazi, nawana wachikazi wawana wake; m'badwe wake wentse adabwela nawo ku Ijipiti.
8Aya ndiyo madzina yam'badwe wa Izraeli adayenda ku Ijipiti. Jakobho nawana wake, Rubheni, mwana wakuyamba wa Jakobho. 9Wana wa Rubheni: Hanoki na Palu na Hezironi na Karumi. 10Wana wa Simiyoni: Jemuyeli na Jamini na Ohadhi na Jakini na Zohari na Shaulo uyo adabaliwa nankazi wachi Kenani. 11Wana wa Levi: Gerishoni na Kohati na Merari. 12Wana wa Judha: Eri na Onani na Shela na Ferezi na Zera. Koma Eri na Onani adafela mudziko la Kenani. Wana wa Perezi akhali Hezironi na Hamuli. 13Wana wa Isakari: Tola na Puva na Iyobhi na Shimironi. 14Wana wa Zebhuluni: Seredhi na Eloni na Jahileyeli. 15Awa ndiwo wana wa Liya waadabala na Jakobho paakhali mudziko la Padhani-aramu, namwana wake wachikazi Dhina. Wentse pabodzi wana wake wachimuna nawachikazi akhafika makumi matatu naatatu.
16Wana wa Gadhi: Zifiyoni na Hagi na Shuni na Ezibhoni na Eri na Arodhi na Areli. 17Wana wa Asheri: Imina na Ishiva na Ishivi na Bheriya na nana wawo Sera. Wana wa Bheriya: Hebheri na Malikiyeli. 18Awa ndiwo wana wa Zilipa, uyo Labhani waadapasa mwana wake wachikazi Liya. Adabalila Jakobho wana khumi naatanthatu.
19Wana wa Rakelo, nkazi wa Jakobho: Jozefi na Bhenjemani. 20#Kuya 41:50–52Jozefi paakhali mudziko la Ijipiti adabala wana awili Manase na Efulemu. Amayi wawo akhali Asenati, mwana wa Potifera nyantsembe wamuguta la Oni. 21Wana wa Bhenjemani: Bhela na Bhekeri na Ashibheli na Gera na Namani na Ehi na Roshi na Mupimu na Hupimu na Aridhi. 22Awa ndiwo wana wa Rakelo waadabalila Jakobho, wentse pabodzi khumi naanayi.
23Mwana wa Dhani: Hushimu. 24Wana wa Nafitali: Jahizeyeli na Guni na Jezeri na Shilemu. 25Awa ndiwo wana wa Bhiliha, uyo Labhani waadapasa mwana wake wachikazi Rakelo, dabalila Jakobho wana anomwe. 26Wanthu wentse wa Jakobho adayenda ku Ijipiti, wam'badwe wake kuleka kuphatanizila azikazi wawana wa Jakobho, wentse pabodzi akhali makumi matanthatu naatanthatu; 27#Mab 7:14Wana wa Jozefi waadabalila mu Ijipiti akhali awili; wanthu wentse wanyumba ya Jakobho adabwela ku Ijipiti akhali makumi manomwe.
Jakobho nabanja lake anfika mu Ijipiti
28Adatsogoza Judha kwa Jozefi kuti akaawonese njila iniyenda ku Gosheni, pamwepo adafika mudziko la Gosheni. 29Pamwepo Jozefi adakonzeka ngolo yake nkuyenda kagumana na Izraeli apayi wake mu Gosheni, adabzipeleka kwayiwo, nkuwakumbatila achilila kwakanthawe. 30Izraeli adati kwa Jozefi, “Tsapano ningafe pakuti ndawona nkhope yako, ndadziwa kuti uchana moyo.” 31Jozefi adati kwaabale wake nakwanyumba yentse yaapayi wake, “Ndaakuyenda kawuza Farawo ndichikati kwayiye, ‘Abale wangu nawanyumba yaapayi wangu awo akhali mudziko la Kenani abwela kwayine; 32wanthu amwewo mbaanyakabusa, pakuti niwakufuwa ng'ombe, nakutenepo abwela namabila yawo, nang'ombe zawo nabzentse bzaakhanabzo.’ 33Farawo akakuchemelani achikubvunzani kuti, ‘Basa lanu nilanyi?’ 34Imwe munkati, ‘Ise alanda wanu ndise wakufuwa mabila, kuyambila pawubwana wathu mpaka lelo isepo naazipayi wathu,’ kuti mukakwanise kukhala mumbuto ya Gosheni; pakuti anyakabusa wentse an'nyantsila a Ijipiti.”
Currently Selected:
Kuyamba 46: KUNDA
Highlight
Copy
Compare
Share
Want to have your highlights saved across all your devices? Sign up or sign in
Bhaibheri reChikunda © Bible Society of Zimbabwe
